راولپنڈی: پاکستان نے زمین سے زمین تک مار کرنے والے نصر میزائل کا کامیاب تجربہ کیا ہے.
پاک فوج کے شعبہ برائے تعلقات عامہ (آئی ایس پی آر) کے مطابق پاکستان نے مختصر فاصلے تک مار کرنے والے بیلسٹک میزائل نصرکا تجربہ کیا.
آئی ایس پی آر کے مطابق بیلسٹک میزائل نصر سے آپریشنل صلاحیت میں اضافہ ہوگا، نصر میزائل انتہائی کامیابی سے ’’شوت اینڈاسکوٹ‘‘ ویپن سسٹم کا حامل ہے.
ویپن سسٹم بھرپور دفاعی صلاحیت کاحامل ہے، نصر میزائل بیلسٹک میزائل، ایئرڈیفنس سسٹمز کو تباہ کرنے کی صلاحیت رکھتا ہے، تجربے سے آرمی اسٹریٹجک فورسز کمانڈ کی صلاحیت میں اضافہ ہوگا.
سی جے سی ایس سی جنرل زبیر محمودحیات نے تجربے کا مشاہدہ کیا، جنرل زبیر نے آرمی اسٹریٹجک فورسز کمانڈ کی تیاری اور پیشہ ورانہ تربیت کو سراہا.
Training launch of surface to surface ballistic missile Nasr today by Pakistan. pic.twitter.com/OG4HaM8pt0
— Maj Gen Asif Ghafoor (@OfficialDGISPR) January 24, 2019
جنرل زبیر نے آرمی اسٹریٹجک فورس کمانڈ، سائنس دانوں اور انجینئرز کو مبارک باد دی. صدر، وزیر اعظم اور سروسز چیف نے کامیاب تجربہ پرمبارک باد دی.
ماہرین دفاع کے مطابق نصر میزائل کے کامیاب تجربہ سے پاکستان کی دفاعی صلاحیت میں مزید اضافہ ہوا ہے.