Tag: missile

  • عرب اتحادی فوج کی یمن میں فضائی کارروائی، حوثی باغیوں کا میزائل حملہ

    عرب اتحادی فوج کی یمن میں فضائی کارروائی، حوثی باغیوں کا میزائل حملہ

    ریاض: عرب اتحادی فوج کی جانب سے یمن کے دار الحکومت صنعا میں فضائی کارروائی کی گئی جبکہ حوثی باغیوں نے بھی سعودی عرب کو بیلسٹک میزائل سے نشانہ بنانے کی کوشش کی۔

    تفصیلات کے مطابق عرب اتحادی فوج نے صنعا میں قائم حوثی باغیوں کے ٹھکانوں پر طیاروں سے حملہ کیا جس کے نتیجے میں حوثی باغیوں کو شدید نقصان پہنچا جبکہ دوسری جانب حوثی باغیوں نے سعودی عرب کے صوبے جازان پر بیلسٹک میزائل داغا جسے سعودی فورسز نے ناکام بنا دیا۔

    سعودی میڈیا کا کہنا ہے کہ عرب اتحادی فوج نے یمن کے دارالحکومت صنعا میں کئی مقامات پر حوثی باغیوں کے اسلحہ کے مراکز اور ان کے عسکری کیمپوں پر شدید بمباری کی ہے جس کے نتیجے میں باغیوں کو غیر معمولی نقصان پہنچا ہے۔


    حوثی باغیوں کے دو بیلسٹک میزائل حملے سعودی فورسز نے ناکام بنا دیئے


    علاوہ ازیں صنعا میں کارروائی سے قبل طیاروں کی جانب سے شہری آبادی پر پمفلٹ گرائے گئےجن میں شہریوں کو ہدایت کی گئی کہ وہ لڑائی کے علاقوں سے دور رہیں تاکہ انہیں کسی قسم کا جانی نقصان نہ پہنچے۔

    دوسری جانب حوثی باغیوں کے بیلسٹک میزائل سے متلعق ترجمان عرب اتحاد ترکی المالکی کا کہنا تھا کہ سعودی فضائی دفاعی نظام نے پیر کی صبح ملک کی اراضی میں جازان صوبے کی سمت میں داغا گیا ایک بیلسٹک میزائل ناکام بنا دیا، یہ میزائل یمن میں صعدہ صوبے میں موجود ایران نواز حوثی ملیشیا کی جانب سے داغا گیا تھا۔


    سعودی عرب میں داغا گیا حوثی باغیوں کا میزائل فضا میں تباہ


    یاد رہے کہ چار روز قبل ترجمان عرب اتحاد ترکی المالکی نے اپنے جاری کردہ بیان میں کہا تھا کہ حوثی باغی ایک سوچے سمجھے منصوبے کے تحت سعودی عرب کی شہری آبادی کو بیلسٹک میزائلوں سے نشانہ بنا رہے ہیں، لیکن ہم ان کے ناپاک عزائم کبھی کامیاب نہیں ہونے دیں گے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سعودی عرب کے شہر جازان پر حوثیوں کا میزائل حملہ

    سعودی عرب کے شہر جازان پر حوثیوں کا میزائل حملہ

    ریاض : سعودی عرب کے شہر جازان پر یمن میں برسرپیکار حوثی جنگوؤں کی جانب سے داغا گیا میزائل سعودی افواج نے فضا میں ہی تباہ کردیا۔

    تفصیلات کے مطابق گذشتہ چند برسوں سے یمن میں قابض حوثی جنگجوؤں نے اتوار کے روز سعودی عرب کے جنوبی شہر جازان کی عوام کو ایرانی حکومت کے تیار کردہ میزائلوں سے ہدف بنایا گیا ہے

    سعودی اتحادی افواج کے ترجمان کا کہنا تھا کہ یمن میں برسرپیکار حوثیوں کی جانب سے میزائل داغے جانے کے بعد سعودی عرب کی دفاعی افواج کے میزائلوں نے فوری کارروائی کرتے ہوئے حوثیوں کے میزائلوں کو ہدف تک پہنچے سے پہلے ہی فضا میں تباہ کردیا گیا تھا۔

    سعودی افواج کے ترجمان کا کہنا تھا کہ بیلسٹک میزائل کی تباہی کے بعد گرنے والے ملبے کے نتیجے میں کسی بھی شہری کے زخمی ہونے کی اطلاعات موصول نہیں ہوئی ہیں۔

    سعودی اتحادی افواج کے ترجمان ترکی المالکی کا کہنا تھا کہ حوثیوں کی جانب سے سعودی عرب کی عوام کو نشانہ بنانے کی کوشش کی جارہی ہے۔


    سعودی افواج کی کارروائی، جازان پر داغا گیا میزائل تباہ کردیا


    ترجمان عرب اتحاد ’کرنل ترکی المالکی‘ کی جانب سے جاری کردہ بیان میں کہا گیا ہے کہ حوثی ملیشیا نے ہفتے کی شام یمن سے سعودی عرب کے جنوبی سرحدی شہر خمیس مشیط کی جانب دو بیلسٹک میزائل داغے تھے، ان میں سے ایک میزائل کو فضا میں ہی ناکارہ بنا دیا گیا جبکہ دوسرا میزائل خمیس مشیط کے غیر آباد صحرائی علاقے میں گرا ہے۔


    حوثی باغیوں کے دو بیلسٹک میزائل حملے سعودی فورسز نے ناکام بنا دیئے


    یاد رہے کہ رواں سال 13 مئی کو بھی حوثی باغیوں کی جانب سے سعودی شہر جازان کو نشانہ بنانے کی کوشش کی گئی تھی تاہم بروقت کارروائی کرتے ہوئے سعودی فورسز نے اس حملے کو بھی ناکام بنا دیا تھا۔

    غیر ملکی میڈیا کا کہنا تھا کہ ایک رپورٹ کے مطابق گذشتہ ماہ کے دوران ایرانی حمایت یافتہ حوثی ملیشیا 100 سے زائد میزائل سعودی شہروں پر داغ چکی ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سعودی عرب: حوثی باغیوں کا میزائل حملہ سعودی فورسز نے ناکام بنا دیا

    سعودی عرب: حوثی باغیوں کا میزائل حملہ سعودی فورسز نے ناکام بنا دیا

    ریاض: یمن میں برسرِ پیکار حوثی باغیوں کی جانب سے سعودی عرب میں داغا گیا میزائل سعودی فورسز نے جوابی کارروائی کرتے ہوئے ناکام بنا دیا۔

    تفصیلات کے مطابق حوثی باغیوں نے سعودی عرب کے شہر جازان کو نشانہ بنانے کی کوشش کی تاہم سعودی اتحادی افواج کے دفائی نظام نے داغا گیا بیلسٹک میزائل فضا میں ہی ناکارہ بنا دیا۔

    ترجمان عرب اتحادی فوج کرنل ترکی المالکی نے سعودی عرب کے دار الحکومت ریاض میں پریس کانفرنس کرتے ہوئے کہا کہ ہم نے سعودی عرب پر داغا گیا میزائل جازان کی فضاء میں ہدف تک پہنچنے سے پہلے ہی مار گرایا، تاہم اس واقعے میں کسی قسم کے جانی نقصان کی کوئی اطلاع نہیں ملی۔


    سعودی عرب میں داغا گیا حوثی باغیوں کا میزائل فضا میں تباہ


    ترجمان ترکی المالکی کا مزید کہنا تھا کہ کہ حوثی باغی ایک سوچے سمجھے منصوبے کے تحت سعودی عرب کی شہری آبادی کو بیلسٹک میزائلوں سے نشانہ بنا رہے ہیں، لیکن ہم ان کے ناپاک عزائم کبھی کامیاب نہیں ہونے دیں گے۔

    یاد رہے کہ رواں سال 13 مئی کو حوثی باغیوں نے سعودی شہر جازان کو ہی نشانہ بنانے کی کوشش کی تھی تاہم بروقت کارروائی کرتے ہوئے سعودی فورسز نے اس حملے کو بھی ناکام بنا دیا تھا۔


    سعودی فورسز نے حوثی باغیوں کا میزائل حملہ ناکام بنا دیا


    خیال رہے کہ گذشتہ دنوں سعودی عسکری اتحاد کی جانب سے ایک فضائی حملہ کیا گیا تھا جس کے نتیجے میں یمن کے حوثی باغیوں کا اہم ترین لیڈر صالح صمد کی ہلاکت سامنے آئی تھی، وہ حوثی ملیشیا کے سپریم پولیٹیکل کونسل کے صدر کے طور پر جانے جاتے تھے۔

    بعد ازاں حوثی باغیوں نے ردعمل کے طور پر سعودی عرب میں میزائل حملے تیز کر دیے ہیں جبکہ گذشتہ دنوں بھی عرب کے کنک خالد ایئر پورٹ کو نشانہ بنانے کی کوشش کی گئی تھی جسے سعودی فورسز نے ناکام بنا دیا تھا۔


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سعودی فورسز نے حوثی باغیوں کا میزائل حملہ ناکام بنا دیا

    سعودی فورسز نے حوثی باغیوں کا میزائل حملہ ناکام بنا دیا

    ریاض: یمن میں برسرِپیکار حوثی باغیوں کی جانب سے سعودی عرب میں داغا گیا بیلسٹک میزائل سعودی فورسز نے ناکام بنا دیا۔

    تفصیلات کے مطابق یمن کے حوثی باغیوں نے میزائل کے ذریعے سعودی عرب کے سرحدی شہر جازان کو نشانہ بنانے کی کوشش کی تاہم عرب فورسز نے بروقت جوابی کارروائی کرتے ہوئے باغیوں کے عزائم ناکام بنا دیے، اور میزائل مار گرایا۔

    عرب میڈیا کے مطابق یہ میزائل دن کے وقت سعودی عرب پر داغا گیا جس کے بعد سعودی ڈیفنس فورس کے پیٹریاٹ میزائل فوری حرکت میں آئے اور یمن کے حوثی دہشت گردی کی سازش ناکام بنا دی، البتہ اس واقعے میں کسی قسم کے جانی نقصان کی کوئی اطلاع نہیں ملی۔


    سعودی عرب نے حوثی باغیوں کا میزائل حملہ ناکام بنا دیا


    واضح رہے کہ حوثی باغیوں نے دو دن قبل بھی سعودی عرب کے دار الحکومت ریاض کو بیلسٹک میزائل سے نشانہ بنانے کی کوشش کی تھی تاہم سعودی ڈیفنس کے مؤثر فضائی نظام نے میزائل کو فضا میں ہی ناکارہ بنا دیا تھا۔

    خیال رہے کہ گذشتہ دونوں سعودی عسکری اتحاد کی جانب سے ایک فضائی حملہ کیا گیا تھا جس کے نتیجے میں یمن کے حوثی باغیوں کا اہم ترین لیڈر صالح صمد کی ہلاکت سامنے آئی تھی، وہ حوثی ملیشیا کے سپریم پولیٹیکل کونسل کے صدر کے طور پر جانے جاتے تھے۔


    حوثی باغیوں کا بیلسٹک میزائل سے حملہ، سعودی فورسز نے ناکام بنا دیا


    بعد ازاں حوثی باغیوں نے ردعمل کے طور پر سعودی عرب میں میزائل حملے تیز کر دیے ہیں جبکہ گذشتہ دنوں بھی عرب کے کنک خالد ایئر پورٹ کو نشانہ بنانے کی کوشش کی گئی تھی جسے سعودی فورسز نے ناکام بنا دیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • حوثی باغیوں کا بیلسٹک میزائل سے حملہ، سعودی فورسز نے ناکام بنا دیا

    حوثی باغیوں کا بیلسٹک میزائل سے حملہ، سعودی فورسز نے ناکام بنا دیا

    ریاض: یمن میں برسرِپیکار حوثی باغیوں کی جانب سے سعودی عرب میں داغا گیا میزائل سعودی فورسز نے بروقت کارروائی کرتے ہوئے فضا میں ہی تباہ کر دیا۔

    تفصیلات کے مطابق حوثی ملیشیا نے افغان کے ساحلی شہر جازان کو نشانہ بنانے کی کوشش کی اور ایک بیلسٹک میزائل داغا تاہم سعودی ایئر ڈیفنس کے فورسز نے فوری جوابی کارروائی کرتے ہوئے میزائل فضا میں ہی تباہ کر دیا۔

    واقعے سے متعلق سکیورٹی حکام کا کہنا ہے کہ شہر کے اطراف اور فضا کی بھرپور نگرانی جاری تھی کہ اچانک میزائل حملے کی اطلاع ملی جسے ایئر ڈیفنس نظام کے تحت یمن کے حوثی باغیوں کا داغا گیا بیلسٹک میزائل فضا میں ہی ناکام بنا دیا۔

    سعودی عرب نے حوثی باغیوں کا میزائل حملہ ناکام بنا دیا

    مقامی میڈیا کا کہنا تھا کہ فورسز کی جانب سے تباہ کیا گیا میزائل کا ملبہ زمین پر گرا تاہم اس میں کسی قسم کا کوئی جانی یا مالی نقصان نہیں ہوا جبکہ سیکورٹی حکام نے علاقے کو بھی کلیئر قرار دے دیا ہے۔

    خیال رہے کہ گذشتہ دونوں سعودی عسکری اتحاد کی جانب سے ایک فضائی حملہ کیا گیا تھا جس کے نتیجے میں یمن کے حوثی باغیوں کا اہم ترین لیڈر صالح صمد کی ہلاکت سامنے آئی تھی، وہ حوثی ملیشیا کے سپریم پولیٹیکل کونسل کے صدر کے طور پر جانے جاتے تھے۔

    حوثی باغیوں کا نجران پر ایک اور میزائل حملہ سعودی فورسز نے ناکام بنادیا

    بعد ازاں حوثی باغیوں نے ردعمل کے طور پر سعودی عرب میں میزائل حملے تیز کر دیے ہیں جبکہ گذشتہ دنوں بھی عرب کے کنک خالد ایئر پورٹ کو نشانہ بنانے کی کوشش کی گئی تھی جسے سعودی فورسز نے ناکام بنا دیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شمالی کوریا کا جوہری اورمیزائل تجربات روکنےکا اعلان

    شمالی کوریا کا جوہری اورمیزائل تجربات روکنےکا اعلان

    پیانگ یانگ : شمالی کوریا کے رہنما کم جونگ ان نے جوہری اور بین البراعظمی میزائل تجربات کو بند کرنے کا اعلان کیا ہے۔

    تفصیلات کے مطابق شمالی کوریا کے سربراہ کم جونگ ان نے میزائل تجربات کو فوری طور پربند کرنے کا اعلان کرتے ہوئے کہا ہے کہ اس فیصلے کا مقصد معاشی ترقی کا حصول اور شمالی کوریا میں امن لانا ہے۔

    شمالی کوریا کے سرکاری ذرائع ابلاغ کے مطابق کم جونگ ان آئندہ ہفتے جنوبی کوریا کے صدر مون جے ان سے بھی ملاقات کررہے ہیں۔

    خیال رہے کہ دو روز قبل فلوریڈا میں امریکی صدر ڈونلڈ ٹرمپ کا کہنا تھا کہ کم جونگ ان سے ملاقات کامیاب ثابت ہوگی لیکن اگرایسا نہیں ہوا تو وہ بات چیت ادھوری چھوڑ کرچلیں جائیں گے۔

    سی آئی اے ڈائریکٹر کی شمالی کوریا کے سربراہ سے خفیہ ملاقات

    یاد رہے کہ تین روز قبل سی آئی اے ڈائریکٹر مائیک پومپیو نے شمالی کوریا کے سربراہ کم جونگ ان سے پیانگ یانگ میں ملاقات کی تھی۔

    امریکی صدر ڈونلڈ ٹرمپ نے ڈائریکٹر سی آئی اے اور شمالی کوریا کے رہنما کی ملاقات کی تصدیق کرتے ہوئے کہا تھا کہ سی آئی اے کے ڈائریکٹر اور کم جونگ ان کے ملاقات خوشگوار رہی ہے۔

    ڈونلڈ ٹرمپ نے کم جونگ ان سےملاقات پر رضامندی ظاہرکردی

    واضح رہے کہ گزشتہ ماہ 9 مارچ کو وائٹ ہاؤس کا کہنا تھا کہ شمالی کوریا کے سربراہ کم جونگ ان نے ڈونلڈ ٹرمپ کو ملاقات کا دعوت نامہ بھیجا تھا جسے امریکی صدر نے قبول کیا تھا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سعودی عرب میں داغا گیا حوثی باغیوں کا میزائل فضا میں تباہ

    سعودی عرب میں داغا گیا حوثی باغیوں کا میزائل فضا میں تباہ

    ریاض: سعودی عرب کے شہر نجران میں حوثی باغیوں کی جانب سے داغا گیا بیلسٹک میزائل سعودی فضائیہ نے فضا میں ہی ناکارہ بنا دیا۔

    تفصیلات کے مطابق یمن میں موجود حوثی باغیوں کی جانب سے ایک بار پھر سعودی عرب کو بیلسٹک میزائل سے نشانہ بنانے کی کوشش کی گئی تاہم سعودی ایئر ڈیفنس نے نجران میں داغا گیا میزائل فضا میں ہی تباہ کر دیا۔

    حوثی جنگجوؤں کی جانب سے یمن کے آزاد کرائے جانے والے صوبوں اور سعودی اراضی پر بیلسٹک میزائلوں کے حملوں میں مزید اضافہ دیکھنے میں آیا ہے، یہ پیش رفت ایسے وقت میں سامنے آئی ہے کہ جب حوثیوں کو زمینی طور پر شکست کا سامنا اور تمام محاذوں پر اس کے گرد گھیرا تنگ کیا جارہا ہے۔

    سعودی عرب نے حوثی باغیوں کا میزائل حملہ ناکام بنا دیا

    واضح رہے کہ گذشتہ دنوں حوثی جنگجوؤں کی جانب سے یمنی سرحد سے سعودی عرب کے شہر جازان میں واقع آرمکو آئل کمپنی کو نشانہ بنانے کی کوشش کی گئی تھی تاہم جواب میں سعودی فورسز نے بیلسٹک میزائل کو یمنی بارڈر پر ہی ناکارہ بنا دیا تھا۔

    یاد رہے کہ گذشہ ماہ بھی یمنی حوثی باغیوں نے سعودی عرب پر بلیسٹک میزائل سے حملہ کیا تھا، میزائل سعودی شہر جازان کی طرف داغا گیا تاہم سعودی ایئر ڈیفنس سسٹم نے میزائل کو راستے میں تباہ کر دیا تھا۔

    حوثی باغیوں کا سعودی شہر جازان پر بیلسٹک میزائل سے حملہ

    خیال رہے کہ سعودی عرب کے اتحادی فورسز کی جانب سے 2015 سے اب تک حوثی باغیوں کی جانب سے داغے گئے 107 بلیسٹک میزائلوں اور ایک اسکڈ میزائل کو فضا ہی میں ناکارہ بنایا جاچکا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شام پراسمارٹ میزائل فائر کیے جائیں گے، روس تیار رہے‘ ڈونلڈ ٹرمپ

    شام پراسمارٹ میزائل فائر کیے جائیں گے، روس تیار رہے‘ ڈونلڈ ٹرمپ

    واشنگٹن : امریکی صدر ٹرمپ نے سماجی رابطے کی ویب سائٹ ٹویٹر پر روس کی وارننگ کو نظر انداز کرتے ہوئے پیغام دیا ہے کہ ’روس تیار رہو، امریکا کے نئے، اسمارٹ اور طاقتور میزائل شام پر ضرور فائر کیے جائیں گے‘۔

    تفصیلات کے مطابق امریکا کے صدر ڈونلڈ ٹرمپ نے گذشتہ دنوں سماجی رابطے کی ویب سائٹ ٹویٹر پر روس کو میزائل حملوں کا پیغام دے دیا۔

    امریکی صدر ٹرمپ نے روس کی جانب سے شام پر حملوں کی صورت میں سنگین نتائج کی وارننگ کو نظر انداز کرتے ہوئے روسی صدر کو خبردار کیا ہے کہ شام میں مبینہ کیمیائی حملوں کے جواب میں ایسے امریکی میزائل داغے جائیں گے جو’بہترین، نئے اور سمارٹ‘ ہیں، شامی تنصیبات کو ضرور نشانہ بنائیں گے۔

    ڈونلڈ ٹرمپ کا ٹویٹر پر اپنے پیغام میں کہنا تھا کہ روس کا دعویٰ ہے کہ وہ شام کی جانب فائر کئے جانے والے امریکی میزائلوں کو تباہ کردے گا، تو تیار رہو، کیوں کہ امریکا ایسے میزائل فائر کریں گے جو ریڈار میں ہی نہیں آئیں گے۔

    امریکی صدرٹرمپ کی جانب ٹویٹر پرگی گئی دھمکی کے جواب میں روس کا کہنا تھا کہ ’امریکا سنجیدہ طرز عمل اختیار کرتے ہوئے دہشت گردوں پر حملہ کرے تو بہتر ہوگا‘۔


    امریکا اور روس تنازع: شام پر مزید قہر برسنے کا اندیشہ


    امریکا کے وزیر دفاع جیمز میٹس نے کہا ہے کہ روس ہماری طاقت کو نظر انداز کررہا ہے، پینٹاگون شام میں فوجی آپریشن کرنے کے لیے مکمل تیار ہے۔

    یاد رہے کہ امریکی صدر شام اور مشرق وسطیٰ کے موجودہ بحران سے نمٹنے کی خاطر اپنا لاطینی امریکا کا پہلے سے طے شدہ دورہ بھی منسوخ کرچکے ہیں۔

    امریکی صدرٹرمپ نے دھمکی دی تھی کہ ہم کھوج لگا رہے ہیں، شام میں کیمیائی حملوں میں روس، شام یا ایران، جو بھی ملوث ہوا اسے بھاری قیمت چکانی پڑے گی۔

    خیال رہے کہ اسمارٹ میزائل کی اصطلاح کئی دہائیوں پہلے سامنے آئی تھی اور اس سے مراد ایسا ترقی یافتہ گائیڈڈ میزائل سسٹم ہے جو ’جی پی ایس‘ کو استعمال کرتے ہوئے ریڈار سسٹم میں آئے بنا اپنے ہدف کو نشانہ بنا سکتا ہے۔

    شام کی وزارت خارجہ کا صدر ٹرمپ کے جواب میں گذشتہ روز کہنا تھا کہ امریکی صدر ٹرمپ کی دھمکیاں محض پاگل پن کے سوا اور کچھ نہیں، اِن دھمکیوں نے بین الاقوامی امن و سلامتی کو خطرے میں ڈال دیا ہے۔

    دوسری جانب امریکا کی اتحادی برطانوی وزیر اعظم نے مشرق وسطیٰ کی بگڑتی صورتحال کے پیش اپنی کابینہ کا آج ہنگامی اجلاس طلب کرلیا ہے۔

    جبکہ ترکی کے صدر رجب طیب ایردوگان نے کہا ہے کہ اگر امریکا نے شام پر میزائل حملے کیے تو اس امن و امان کی صورتحال مزید خراب ہوگی۔


    شام پرفوجی کارروائی امریکا کے لیے خطرناک ثابت ہوگی‘روس


    یاد رہے کہ سلاتی کونسل کے اجلاس میں روسی سفیر وسیلی نیبنزیا نے خبردار کیا تھا کہ امریکا شام اور مشرق وسطیٰ کے متعلق جو بھی منصوبے بنارہا ہے اس پر عمل کرنے سے باز رہے ورنہ امریکا اور اتحادیوں کو سنگین نتائج بھگتنا ہوں گے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • شامی ایئر بیس پراسرائیل نے میزائل فائر کیے تھے، روس کا الزام

    شامی ایئر بیس پراسرائیل نے میزائل فائر کیے تھے، روس کا الزام

    دمشق : روس نے الزام عائد کیا ہے کہ پیر کی صبح شام کے ٹیاس (ٹی 4) فوجی ہوائی اڈے پر اسرائیل کی جانب سے متعدد میزائل داغے گئے تھے، فضائی حملوں کےنتیجے میں چودہ افراد کے جاں بحق جبکہ درجنوں افراد زخمی ہوئے ہیں۔

    تفصیلات کے مطابق شام کے حمس کے قریب ٹی فور ایئر بیس پر پیر کی صبح تین بج کر25 منٹ اور 53 منٹ پر یکے بعد دیگرے 8 میزائل داغے گئے تھے۔

    شام اور روس نے الزام عائد کیا ہے کہ اسرائیل نے لبنان کی فضائی حدود کا استعمال کرتے ہوئے شامی ایئر بیس پر 8 میزائل داغے ہیں۔

    شام اور روس کا مؤقف ہے کہ اسرائیلی افواج کی جانب سے کیے گئے فضائی حملوں میں چودہ افراد جاں بحق جبکہ درجنوں افراد زخمی ہوئے ہیں۔

    شام میں فوجی ہوائی اڈے پرمیزائل حملے ایسے وقت میں ہوئے ہیں جب دو روز قبل شامی شہر دوما میں حکومتی افواج کی جانب سے کیے گئے گیس حملوں میں 70 افراد کی ہلاکت پر عالمی برادری سراپا احتجاج ہے۔

    امریکی صدر ڈونلڈ ٹرمپ نے کیمیائی حملوں میں زخمی ہونے والے افراد سے اظہار ہمدردی کرتے ہوئے سماجی رابطے کی ویب سایٹ ٹویٹر پر پیغام دیا تھا کہ ایران اور روس شامی صدر بشارالاسد’جانور‘ کی حمایت کررہیں ہیں، شامی حکومت کو گیس حملوں کی’بھاری قیمت ادا کرنی ہوگی‘۔

    روس کی وزارتِ دفاع نے دعویٰ کیا ہے کہ اسرائیل کی جانب سے داغے گئے 8 میزائلوں میں سے 5 کو ہوا میں تباہ کردیا گیا تھا البتہ تین میزائلوں نے ایئر بیس کے مغربی حصّے کو نشانہ بنایا ہے۔


    شامی ایئربیس پرمتعدد میزائل حملے، 14 افرادجاں بحق،متعدد زخمی


    اسرائیلی جنگی طیارے پہلے بھی شام پر متعدد دفعہ میزایل حملے کرچکے ہیں اور لیکن اسرائیلی حکام سن 2012 میں صیہونی افواج کی جانب سے داغے گئے میزائلوں کی ذمہ داری قبول کی ہے۔

    اسرائیل نے سب سے بڑا فضائی حملہ رواں سال فروری میں مذکورہ ایئر بیس پر ہی کیا گیا تھا۔

    اسرائیل کے فوجی حکام کا کہنا ہے کہ ایران شام کے فوجی ہوائی اڈے سے اسرائیلی حدود میں ڈرون طیارے داخل کرچکا ہے، جسے اسرائیلی ایف 16 طیاروں نے شام کی فضائی حدود میں کارروائی کرتے ہوئے مارگرایا تھا۔ اسرائیل ہرگز ایران کو اپنی قومی سلامتی کے لیے خطرہ نہیں بننے دیے گا۔

    ان کا مزید کہنا تھا کہ ایران اور سپاہ پاسداران طویل عرصے سے ٹی فور ایئر بیس کا استعمال لبنان میں سرگرم شیعہ مسلح گروپ حزب اللہ اسلحے کی فراہمی کے استعمال کررہا تھا۔

    برطانیہ کی سیریئن آبزرویٹری نامی انسانی حقوق کی تنظیم کا دعویٰ ہے کہ ایئر بیس پر میزائل حملوں میں ایرانیوں سمیت 14 جنگوؤں جاں بحق ہوئے ہیں۔

    تنظیم کے مطابق روس اور ایران کی حمایت یافتہ سرکاری افواج سمیت لبنانی ملیشیا حزب اللہ بھی اس وقت ہوائی اڈے پر موجود تھی۔ تاہم روسی وزارت دفاع نے شام میں موجود کسی بھی روسی فوجی کے اس حملے میں تردیدکی ہے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سعودی عرب نے حوثی باغیوں کا میزائل حملہ ناکام بنا دیا

    سعودی عرب نے حوثی باغیوں کا میزائل حملہ ناکام بنا دیا

    ریاض: یمن میں برسرِ پیکار حوثی باغیوں کی جانب سے ایک بار پھر سعودی عرب پر بلیسٹک میزائل سے حملہ کیا گیا، تاہم سعودی افواج نے میزائل کو یمنی بارڈر پر ہی ناکارہ بنا دیا۔

    تفصیلات کے مطابق حوثی جنگجوؤں کی جانب سے بدھ کے روز  یمنی سرحد سے سعودی عرب کے شہر جازان میں واقع  آرمکو آئل کمپنی کو نشانہ بنانے کے لیے ایک مرتبہ پھر بلیسٹک میزائل فائر کیے گئے ہیں۔

    سعودی اتحادی فورسز کے ترجمان کرنل ترکی المالکی کے مطابق بدھ کے روز یمنی حوثی باغیوں نے سعودی عرب پر ایک بار پھر میزائل سے حملہ کیا، بلیسٹک میزائل سعودی آئل کمنپی کی طرف داغا گیا تھا البتہ سعودی اتحادی ایئر ڈیفنس سسٹم نے میزائل کو یمنی سرحد پر ہی ناکارہ بنادیا تھا۔

    سعودی خبر رساں ادارے کے مطابق یمن کے حوثی باغیوں کی جانب اب تک سعودی عرب پر 107 بلیسٹک میزائل فائر کیے گئے ہیں۔

    سعودی حکام نے الزام عائد کیا ہے کہ حوثی باغیوں کی جانب سے فائر کیے جانے والے میزائل ایران فراہم کررہا ہے۔ دوسری جانب ایرانی حکومت نے ان الزامات کو مسترد کردیا ہے، حوثی باغیوں نے بھی حملے کی تردید کی ہے۔

    یاد رہے کہ گذشہ ماہ بھی یمنی حوثی باغیوں نے سعودی عرب پر بلیسٹک میزائل سے حملہ کیا تھا، میزائل سعودی شہر جازان کی طرف داغا گیا تاہم سعودی ایئر ڈیفنس سسٹم نے میزائل کو راستے میں تباہ کردیا۔

    خیال رہے کہ سعودی کی اتحادی فورسز کی جانب سے 2015 سے اب تک حوثی باغیوں کی جانب سے داغے گئے 107 بلیسٹک میزائلوں اور ایک اسکڈ میزائل کو فضا ہی میں ناکارہ بنایا گیا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔