Tag: Missiles fire

  • بائیڈن کے ایشیا سے نکلنے کے چند گھنٹے بعد شمالی کوریا نے 3 میزائل داغ دیے

    بائیڈن کے ایشیا سے نکلنے کے چند گھنٹے بعد شمالی کوریا نے 3 میزائل داغ دیے

    پیانگیانگ: امریکی صدر جو بائیڈن کے ایشیا سے نکلنے کے چند گھنٹے بعد ہی شمالی کوریا نے 3 میزائل داغ دیے۔

    تفصیلات کے مطابق جنوبی کوریا کی فوج نے کہا ہے کہ شمالی کوریا نے بدھ کی صبح تین بیلسٹک میزائل فائر کیے ہیں۔

    سیئول میں حکام نے بتایا کہ میزائل پیانگ یانگ کے علاقے سنان سے ایک گھنٹے سے بھی کم وقفے میں فائر کیے گئے، یہ تجربات امریکی صدر جو بائیڈن کے اس خطے سے نکلنے کے ایک دن بعد کیے گئے ہیں، اس دورے کے موقع پر بائیڈن نے شمالی کوریا کو روکنے کے لیے اقدامات کو تقویت دینے کے عزم کا اظہار کیا تھا۔

    یاد رہے کہ شمالی کوریا اس سال کے آغاز ہی سے بیلسٹک میزائلوں کا تجربہ کر رہا ہے۔

    شمالی کوریا کا نئی قسم کا ٹیکٹیکل گائیڈڈ ہتھیار تجرباتی طور پر فائر

    جاپان نے بدھ کے روز کم از کم 2 میزائل داغے جانے کی تصدیق کی ہے لیکن کہا گیا کہ اس سے زیادہ بھی ہو سکتے ہیں، جاپان کے وزیر دفاع نوبو کیشی نے کہا کہ پہلے میزائل نے تقریباً 550 کلو میٹر کی زیادہ سے زیادہ اونچائی کے ساتھ تقریباً 300 کلو میٹر (186 میل) تک پرواز کی، جب کہ دوسرے میزائل نے 50 کلو میٹر کی بلندی تک 750 کلو میٹر کا سفر کیا۔

    جاپانی وزیر دفاع نے میزائل تجربات پر تنقید کرتے ہوئے کہا کہ یہ قابل قبول نہیں، انھوں نے کہا اس سے جاپان اور عالمی برادری کے امن، استحکام اور تحفظ کو خطرہ لا حق ہوگا۔ جنوبی کوریا کی قومی سلامتی کونسل نے میزائل تجربات کے بعد بلائے گئے اجلاس میں اسے سنگین اشتعال انگیزی قرار دیا۔

    یہ تجربات امریکی صدر جو بائیڈن کے پانچ روزہ دورے کے بعد منگل کی شام امریکا کے لیے روانہ ہونے کے چند گھنٹے بعد کیے گئے، دورے کے دوران وہ جنوبی کوریا اور جاپان گئے۔ امریکی اور جنوبی کوریا کے حکام نے پہلے ہی خبردار کیا تھا کہ شمالی کوریا ممکنہ طور پر بائیڈن کے دورے کے دوران ایک اور ہتھیار کے تجربے کے لیے تیار دکھائی دیتا ہے۔

  • نیوی کا کھلے سمندر میں‌ ہدف کو میزائل سے نشانہ بنانے کا شاندار مظاہرہ

    نیوی کا کھلے سمندر میں‌ ہدف کو میزائل سے نشانہ بنانے کا شاندار مظاہرہ

    کراچی: پاک بحریہ نے شمالی بحریہ عرب میں سی کنگ ہیلی کاپٹر سے میزائل فائرنگ کا شاندار مظاہرہ کیا، کھلے سمندر میں فائر کیے گئے میزائل نے ہدف کامیابی سے نشانہ بنایا۔

    تفصیلات کے مطابق پاک بحریہ کا ایک اور کارنامہ سامنے آگیا جس میں نیوی نے کھلے سمندر میں میزائل فائرنگ کا شاندار مظاہرہ کیا، نیوی کے سی کنگ ہیلی کاپٹر نے فضا سے سطح سمندر پر مار کرنے والے اینٹی شپ میزائل کو فائر کیا جس نے ہدف کو مکمل کامیابی کے ساتھ نشانہ بنایا۔

    ویڈیو دیکھیں:


    چیف آف نیول اسٹاف ایڈمرل ذکا اللہ نے ویپن فائرنگ کا یہ مظاہرہ دیکھا اور پاکستان نیول فلیٹ کی جنگی طیاروں کو سراہا، انہوں نے نیول فلیٹ کی جنگی تیاریوں پر اطمینان کا اظہار کیا اور سمندر میں تعینات فلیٹ یونٹس کا دورہ کرنے سمیت جاری مشقوں کا معائنہ کیا۔