ARYNews.tv | Urdu – Har Lamha Bakhabar

Tag: mission

  • مشن ورلڈکپ2020: قومی انڈر19 کرکٹ ٹیم کے کیمپ کا حتمی مرحلہ

    مشن ورلڈکپ2020: قومی انڈر19 کرکٹ ٹیم کے کیمپ کا حتمی مرحلہ

    لاہور: قومی انڈر19 کرکٹ ٹیم کے ہیڈکوچ اعجاز احمد کا کہنا ہے کہ ورلڈ کپ 2020 کا مشن لیے قومی ٹیم نے 25 دن بھرپور پریکٹس کی، آج سے کیمپ کا حتمی مرحلہ شروع ہوگیا ہے۔

    تفصیلات کے مطابق قومی انڈر 19 کرکٹ ٹیم کے ہیڈ کوچ اعجاز احمد کا میڈیا سے گفتگو کرتے ہوئے کہنا تھا کہ ورلڈ کپ میں عمدہ کارکردگی دکھانے کے لیے قومی ٹیم پرعزم ہے، ورلڈکپ میں پاکستانی ٹیم بہتر نتائج دے دی۔

    انہوں نے گفتگو کے دوران نسیم شاہ سے متعلق کہا کہ انڈر 19 ٹیم کا اعلان ہوا تب نسیم شاہ ٹیسٹ میچ نہیں کھیلتے تھے، نسیم شاہ کو پاکستان کی طرف سے کھیلنا چاہیے۔ اعجاز احمد نسیم شاہ کو انڈر19 ٹیم میں شامل کرنے کے خواہش مند ہیں۔

    ہیڈکوچ کا کہنا تھا کہ قومی ٹیم میں صلاحتیں موجود ہیں، پریکٹس سیشن کے دوران کھلاڑیوں نے جان لگائی، پی سی بی انڈر 19 اور ایمرجنگ کھلاڑیوں کا 3 ماہ کا کیمپ لگائے۔

    خیال رہے کہ آئی سی سی انڈر 19 کرکٹ ورلڈکپ 17 جنوری سے جنوبی افریقہ میں شروع ہوگا جو 9فروری تک جاری رہے گا، 24 روز تک جاری رہنے والے ایونٹ میں 16 ممالک کی ٹیمیں شرکت کریں گی۔رواں سال 17 جنوری سے شروع ہونے والے ایونٹ کا فائنل بینونی کے جے پی مارک اوول میں کھیلا جائے گا۔

    انڈر19 کرکٹ ورلڈ کپ: نسیم شاہ کی شمولیت پرسینئیر اور جونئیر منیجمنٹ میں کھینچا تانی

    ایونٹ کے فاتح کا فیصلہ9 فروری کو ہوگا، ایونٹ میں پاکستان کا پہلا میچ 19جنوری کوسکاٹ لینڈ کے خلاف پوچیف اسٹروم میں کھیلاجائے گا، قومی انڈر 19 کرکٹ ٹیم ایونٹ میں اپنا دوسرا میچ 22 جنوری کو زمباوے کے خلاف بلوم فاؤنٹین میں کھیلے گی۔

    گروپ مرحلے میں پاکستان کا آخری میچ بنگلہ دیش کے خلاف ہوگا۔ دونوں ٹیمیں 24 جنوری کو جے پی مارک اوول میں مد مقابل آئیں گی۔ ہر گروپ سے 2 بہترین ٹیمیں سپر لیگ مرحلے میں رسائی حاصل کریں گی۔

  • بھارت کا خلائی مشن ناکام، اپنے سے بڑا کام نہیں کرتے: فواد چوہدری اور فیصل جاوید کے طنز

    بھارت کا خلائی مشن ناکام، اپنے سے بڑا کام نہیں کرتے: فواد چوہدری اور فیصل جاوید کے طنز

    نئی دہلی: بھارت کو ٹیکنالوجی کی دنیا میں بھی ناکامی کا سامنا کرنا پڑا، چاند پر بھیجے گئے بھارتی خلائی مشن ’’چندریان2 ‘‘ کا زمین سے رابطہ منقطع ہوگیا۔

    تفصیلات کے مطابق بھارت کی خلائی مشن میں ناکامی پر وفاقی وزیر سائنس وٹیکنالوجی فواد چوہدری اور سینیٹر فیصل جاوید نے طنزیہ انداز اپناتے ہوئے مودی کو شدید تنقید کا نشانہ بنایا۔

    بھارتی میڈیا کا کہنا ہے کہ خلائی مشن کا رابطہ لینڈنگ سے چند منٹ پہلے منقطع ہوا، چاند کی سطح سے 2 کلومیٹر فاصلے پر سگنل آنے کا سلسلہ ٹوٹ گیا۔

    بھارتی خلائی تحقیقی مرکز نے ناکامی کا اعتراف کرتے ہوئے کہا ہے کہ اس قومی منصوبے کو ایک بڑا دھچکہ لگا ہے، خلائی گاڑی چاند کے جنوبی قطبی علاقے میں اترنے کے لیے بنایا گیا تھا۔

    بھارتی سائنسدان سرجوڑ کر بیٹھ گئے، ماہرین کا کہنا ہے کہ مشن کا جائزہ لے رہے ہیں جبکہ ناکامی کی وجوہات تک پہنچنے کے لیے تحقیقات جاری ہیں۔

    بھارت اپنا خلائی مشن 15 جولائی کو چاند کی طرف روانہ کرے گا

    ادھر وفاقی وزیرسائنس وٹیکنالوجی فواد چوہدری کا بھارتی وزیراعظم مودی پر طنز کرتے ہوئے کہنا تھا کہ مودی نےخلائی مشن پر غریب قوم کا 900کروڑ روپے لگا دیے۔

    ان کا ٹویٹ میں یہ بھی کہنا تھا کہ کھلونا چاند کے بجائے ممبئی میں اتر گیا، 9 سو کروڑ کے ضیاع پر لوک سبھا کو مودی سے سوال پوچھنا چاہیے۔

    دریں اثنا سینیٹر فیصل جاوید نے بھی ٹویٹ کرتے ہوئے کہا کہ اپنے سے بڑے کام نہیں کیا کرتے، پہلا والا پائلٹ یاد نہیں؟

    ان کا مزید کہنا تھا کہ تم نے مظلوموں کا رابطہ بند کیا، تمہارا اپنا رابطہ بند ہوگیا، اب ٹوائلٹ پر فوکس کرو اور اپنا گند صاف کرو۔

  • خلیج میں جہاز رانی کو محفوظ بنانے کے مشن میں آسٹریلیا کی شمولیت

    خلیج میں جہاز رانی کو محفوظ بنانے کے مشن میں آسٹریلیا کی شمولیت

    سڈنی : آسٹریلیا کے وزیراعظم اسکوٹ موریسن نے کہاہے کہ ان کا ملک خلیج میں جہاز رانی کو محفوظ بنانے کے لیے امریکا کے زیر قیادت سمندری فورس میں شامل ہو گا۔

    تفصیلات کے مطابق موریسن نے بدھ کے روز بتایا کہ آسٹریلیا اس فورس میں ایک فریگیٹ، ایک پی ایٹ (نگرانی کرنے والے) طیارے اور سپورٹ اسٹاف کے ساتھ شریک ہو گا۔

    امریکا کے وزیر دفاع مارک ایسپر اور وزیر خارجہ مائیک پومپیو نے رواں ماہ اپنے سڈنی کے دورے میں مطالبہ کیا تھا کہ آسٹریلیا خلیج میں اُن گشتی سیکورٹی دستوں میں حصہ لے جو آبنائے ہرمز سے گزرنے کے دوران کارگو جہازوں کو سیکورٹی فراہم کریں گے۔

    غیر ملکی خبر رساں ادارے لکا کہنا تھا کہ جون میں خلیج کے علاقے میں کئی کارگو جہازوں کو حملوں کا نشانہ بنائے جانے کے بعد امریکا نے اس بین الاقوامی سمندری فورس کو تشکیل دینے کا آئیڈیا پیش کیا تھا۔

    غیر ملکی خبر رساں ادارے کا کہنا تھا کہ واشنگٹن نے مذکورہ حملوں کا ذمے دار ایران کو ٹھہرایا جب کہ تہران ان کارروائیوں میں ملوث ہونے کی تردید کرتا ہے۔

  • جرمنی آبنائے ہرمز پر امریکی بحری مشن میں شامل نہیں ہوگا، جرمن وزیر خارجہ

    جرمنی آبنائے ہرمز پر امریکی بحری مشن میں شامل نہیں ہوگا، جرمن وزیر خارجہ

    برلن :جرمنی کے وزیر خارجہ ھائیکوس ماس نے کہا ہے کہ ان کا ملک ایران کے ساتھ جاری بحران کو بات چیت کے ذریعے حل کرنے پر یقین رکھتا ہے۔ ایران کے بحران کا کوئی فوجی حل قابل قبول نہیں ہوگا۔

    تفصیلات کے مطابق ایک بیان میں جرمن وزیرخارجہ کا کہنا تھا کہ آبنائے ہرمز میں جہاز رانی کے معاملے کو مزید الجھانے کی کوئی گنجائش نہیں،جرمنی امریکا کے ایران کے خلاف کسی فوجی مشن میں شامل نہیں ہوگا۔

    قبل ازیں جرمن وزارت خارجہ کی ترجمان نے کہا تھا کہ جرمنی آبنائے ہرمز میں جہازوں کی سیکیورٹی کے لیے امریکا کی قیادت میں کسی قسم آپریشن میں شامل نہیں ہوگا۔

    ترجمان کا کہنا تھا کہ جرمنی، ایران اور امریکا کے درمیان جاری کشیدگی کم کرنے کےلیے کوششیں کررہا ہے۔

    غیر ملکی خبر رساں ادارے کے مطابق جرمن خاتون وزیر دفاع نے واضح کیا کہ ان کا ملک آبنائے ہرمز کے حوالے سے امریکا کی قیادت میں کسی آپریشن میں شامل نہیں ہوگا۔

    جرمنی میں امریکی سفارت خانے کی طرف سے جاری ایک بیان میں کہا گیا کہ امریکا نے جرمنی، فرانس اور برطانیہ سے باضابطہ طور پر اپیل کی ہے کہ وہ آبنائے ہرمز میں تیل بردار جہازوں کے تحفظ کے لیے سیکیورٹی آپریشن میں شامل ہوں۔

    جرمن حکومت کی ترجمان اولریکہ دیمر نے برلن میں ایک پریس کانفرنس سے خطاب میں کہا کہ جرمنی کو امریکا کی طرف آبنائے ہرمز میں فوجی آپریشن کے حوالے سے پیش کی گئی تجاویز پر اعتراضات ہیں۔

  • کینیڈا 2020 تک عراق میں نیٹو مشن کی سربراہی کرے گا، ہرجیت سجن

    کینیڈا 2020 تک عراق میں نیٹو مشن کی سربراہی کرے گا، ہرجیت سجن

    ٹورنٹو : عراق میں جاری نیٹو مشن کی سربراہی آئندہ برس نومبر تک بدستور کینیڈا کے ہی پاس رہے گی، کینیڈین حکام نے بریگیڈیئر جنرل جینی کارگنن کو میجر جنرل کے عہدے پر ترقی دے دی جو موسم سرما تک نیٹو مشن کی سربراہی کریں گی۔

    تفصیلات کے مطابق اس بات کا اعلان کینیڈا کے وزیر دفاع ہرجیت سجن نے کیا ، عراق میں جاری نیٹو آپریشن میں اس وقت 850 فوجی تعینات ہیں جو عالمی دہشت گرد تنظیم دولت اسلامیہ (داعش) کے خلاف برسرپیکار ہیں جن میں سے 250 کا تعلق کینیڈا سے ہے، جو نیٹو مشن کے تحت عراقی فوجیوں کی تربیت میں مصروف ہیں۔

    کینیڈین وزیر دفاع سجن کا کہنا تھا کہ بریگیڈیئر جنرل جینی کارگنن کو ترقی دے کر میجر جنرل کا رینک دیا جا رہا ہے اور وہی رواں برس موسم سرما سےنومبر 2020 تک کے لیے عراق میں نیٹو مشن کی سربراہ ہوں گی۔

    کینیدین وزیر دفاع کا اپنے بیان میں کہنا تھا کہ ’ہمارا پیغام واضح ہے:کینیڈا قیادت کرنے اور اپنے اتحادیوں کی حمایت میں کھڑے ہونے کو تیار ہے‘۔

    غیر ملکی خبر رساں ادارے کاکہنا تھا کہ جینی کارگنن قبل ازیں بوسنیا، گولان ہائٹس اور افغانستان میں بھی خدمات انجام دے چکی ہیں۔

  • ناسا نے خاتون کو چاند پر بھیجنے کا فیصلہ کرلیا

    ناسا نے خاتون کو چاند پر بھیجنے کا فیصلہ کرلیا

    واشنگٹن : ناسا نے 5 برس بعد ارٹمیس پروگرام میں ایک مرد اور ایک ایک خاتون کو چاند پر ایک اتارنے کا فیصلہ کرلیا۔

    تفصیلات کے مطابق چاند کی سطح پرانسان کو قدم رکھے پانچ عشرے ہونے والے ہیں، اب تک چاند پراترنےوالوں میں مرد ہی شامل رہے ہیں مگرامریکی خلائی ایجنسی ناسا نے پہلی بار سنہ 2024ء میں ایک خاتون کو چاند پر اتارنے کا منصوبہ تیار کیا ہے۔

    غیر ملکی خبر رساں ادارے کا کہنا تھا کہ یہ منصوبہ امریکی صدر ڈونلڈ ٹرمپ کی جانب سے ناسا کے خلائی مشن کے لیے بجٹ میں اضافے کے بعد کیا گیا ہے۔

    ‘ناسا’ کے ڈائڑیکٹر مواصلات ‘بیٹینا انکلین’ نے بتایا کہ اب تک چاند کی سطح پر قدم رکھنے والے کل 12 خلائی سائنسدان سب امریکی مرد تھے تاہم ایجنسی پہلی بار ایک امریکی خاتون خلانورد کو بھی چاند پر اتارنے کی تیاری کررہی ہے۔

    غیر ملکی خبر رساں ادارے کا کہنا تھا کہ گذشتہ سوموار کو امریکی صدر ڈونلڈ ٹرمپ نے ناسا کے بجٹ میں ایک ارب 60 کروڑ ڈالر کا اضافہ کیا تھا، ہم زیادہ اور بڑے پیمانے پر خلائی تحقیقات کی طرف واپس پلٹنا چاہتے ہیں۔

    صدر ٹرمپ نے کہا کہ ان کی انتظامیہ ناسا کی عظمت رفتہ کی بحالی اور چاند پر اپنے تحقیقاتی مشن کو آگے بڑھاتے ہوئے مریخ کی طرف بڑھنا چاہتی ہے۔

    خیال رہے کہ ناسا نے دوبارہ چاند کی سطح پر اپنی سرگرمیوں اور تحقیقات کے لیے 21 ارب ڈالر کے بجٹ کا مطالبہ کیا تھا۔

    امریکی خلائی تحقیقاتی ایجنسی (ناسا) کے ڈائریکٹر جیم بریڈنشائن نے کہا ہے کہ یہ بجٹ ایجنسی کو نئے منصوبوں کے ڈیزائن، ڈویلپمنٹ اور دریافتوں کےمیں مدد فراہم کرے گا۔

    امریکی خبر رساں ادارے کا کہنا تھا کہ سوموار کو ناسا نے چاند کے جنوبی حصے میں 2024ء کو خاتون خلان ورد کو اتارنے کا فیصلہ کیا ہے۔

    ناسا کے ڈائریکٹر کا کہنا ہے کہ چاند پر خاتون کو اتارنے کے مشن کو قدیم یونانیوں میں چاند کےمعبود ‘ارٹمیس’ کے نام سے موسوم اور اپالو کی جڑواں بہن کیا گیا ہے، اس سے قبل ناسا نے اپالو11 نامی مشن کے تحت 20 جولائی 1969ء کو پہلی بار ایک زندہ انسان کو چاند کی سطح پر اتارا تھا۔

    برڈنشائن کا کہنا ہے کہ 50 سال کے بعد ارٹمیس پروگرام میں ایک مرد اور ایک ایک خاتون کو چاند پر ایک ساتھ اتارنے کا فیصلہ کیا ہے۔

  • پاک سعودی مشترکہ تجارتی مشن کا اجلاس، دوطرفہ تجارت بڑھانے پر زور

    پاک سعودی مشترکہ تجارتی مشن کا اجلاس، دوطرفہ تجارت بڑھانے پر زور

    جدہ: پاکستان اور سعودی عرب کے درمیان مشترکہ تجارتی مشن سے متعلق اجلاس ہوا جس میں دو طرفہ تجارت بڑھانے پر زور دیا گیا۔

    تفصیلات کے مطابق سعودی عرب کے شہر جدہ میں پاک سعودی مشترکہ تجارتی مشن کا 2روزہ اجلاس ہوا اس دوران دوممالک کے درمیان تجارتی معاملات مزید مضبوط کرنے پر تبادلہ خیال کیا گیا۔

    سیکریٹری سیڈا کے مطابق تیل کے علاوہ دیگر شعبوں میں برآمدات بڑھانے کے اقدامات کررہے ہیں، پاکستانی صنعت کاروں، تاجروں کو بھی اسی ویژن کے تحت دعوت دی گئی۔

    پاکستان، وسط ایشیا تک سعودی برآمدات پہنچانے کا ایک اہم راستہ ہے، پاکستان کے علاوہ دیگر راستوں سے برآمدات پہنچانا مشکل ہے۔

    تجارتی مشن دو طرفہ تجارت کو بڑھانے پر فعال کام کررہے ہیں۔

    سعودی عرب کے بعد چین سے بھی پاکستان کو 2 ارب ڈالر ملنے کا امکان

    واضح رہے کہ سعودی عرب اور پاکستان ایک مضبوط دوست ممالک کے طور پر جانے جاتے ہیں، دونوں ممالک کے درمیان سفارتی اور تجارتی تعلقات بھی خوشگوار ہیں۔

    یاد رہے کہ وزیراعظم عمران خان نے اکتوبر میں سعودی عرب کا دورہ کیا تھا اور اس موقع پر برادر ملک نے ایک سال کے لیے پاکستان کے اکاؤنٹ میں 3 ارب ڈالر ڈپازٹ رکھنے اور 3 سال تک سالانہ 3 ارب ڈالر کا تیل ادھار پر دینے کے لیے رضامندی ظاہر کی تھی۔

  • شام سے امریکی فوج کا انخلا، فرانس کا مشن جاری رکھنے کا عزم

    شام سے امریکی فوج کا انخلا، فرانس کا مشن جاری رکھنے کا عزم

    پیرس: امریکا کا شام سے اپنی فوج بلانے کے اعلان کے ردعمل میں فرانس نے اپنا مشن جاری رکھنے کے عزم کا اظہار کیا ہے۔

    تفصیلات کے مطابق دو روز قبل امریکا نے اعلان کیا تھا کہ شام سے امریکی فوج کی واپسی کا عمل شروع ہوچکا ہے، یہ عمل سو دن میں مکمل کرلیا جائے گا۔

    غیر ملکی خبر رساں ادارے کے مطابق فرانسيسی وزير دفاع فلورنس پارلی نے کہا ہے کہ امريکی افواج کے انخلاء کے باوجود بين الاقوامی عسکری اتحاد شام میں اپنا مشن جاری رکھے گا۔

    انہوں نے کہا کہ اسلامک اسٹيٹ کو مکمل طور پر شکست دينی ہے، تاکہ دہشت گردی کو خطے سے ختم کیا جاسکے اور پرامن ملک کی فضا بحال ہو۔

    فلورنس پارلی کا کہنا تھا کہ امریکی صدر نے شام سے داعش کے خاتمے کا اعلان کیا ہے مگر حقیقت اس کے برعکس ہے، عسکریت پسند اب بھی منظم ہیں۔

    ان کا کہنا تھا کہ اگر دولت اسلامیہ کو ختم نہ کيا گيا، تو يہ گروپ دوبارہ زور پکڑ سکتا ہے، شام سے دو ہزار امريکی فوجيوں کے انخلاء کے معاملے پر اتحادی ممالک کے مابين بات چيت ہونی چاہيے۔

    صدر ٹرمپ سے اختلافات، امریکی وزیر دفاع مستعفی ہوگئے

    خیال رہے کہ دو روز قبل امریکی وائٹ ہاؤس نے اعلان کیا تھا کہ شام سے امریکی فوج کی واپسی کا عمل شروع ہوچکا ہے، اور سو دن میں یہ عمل مکمل کرلیا جائے گا۔

    اپنے بیان میں امریکی صدر ڈونلڈ ٹرمپ نے کہا تھا کہ داعش کو تاریخی شکست کے بعد شام سے فوج کی واپسی کا وقت آگیا ہے، شام میں داعش کو شکست دے کر مقصد حاصل کرلیا، دہشت گردی کے خلاف ہمیشہ کھڑے رہے۔

  • بلوچستان میں دہشت گردی کا بڑا منصوبہ ناکام

    بلوچستان میں دہشت گردی کا بڑا منصوبہ ناکام

    کوئٹہ: بلوچستان میں پولیس اہلکاروں نے دہشت گردی کا بڑا منصوبہ ناکام بنا دیا، کارروائی کے دوران گولہ بارود برآمد اور 3 ملزمان گرفتار کرلیے گئے۔

    تفصیلات کے مطابق بلوچستان کے شہر گوادر میں تربت پولیس نے اہم کاررروائی کرتے ہوئے دہشت گردی کا بڑا منصوبہ ناکام بنایا۔

    پولیس حکام کا کہنا ہے کہ بازیاب شخص کی نشاندہی پر اہلکاروں نے سیٹلائٹ کے علاقے میں گھر پر چھاپہ مارا جس کے باعث 3 ملزمان گرفتار ہوئے جبکہ گولہ بارود اور اسلحہ بھی برآمد کرلیا گیا۔

    ایف سی بلوچستان نے محرم میں دہشت گردی کا بڑا منصوبہ ناکام بنا دیا

    ڈی پی او گوادر کا کہنا ہے کہ گرفتار افراد سے کالعدم تنظیم کے پمفلٹ بھی برآمد کیے گئے ہیں۔

    خیال رہے کہ رواں سال ستمبر میں ایف سی بلوچستان نے ایک بڑی کارروائی کے دوران دہشت گردی کا ایک بڑا منصوبہ ناکام بنایا تھا۔

    واضح رہے کہ ماضی میں بھی بلوچستان کے علاقے ژوب سے بڑی مقدار میں دھماکہ خیز مواد اور اسلحہ برآمد کیا جا چکا ہے، یہاں خود کش دھماکے بھی ہوچکے ہیں جب کہ ایف سی متعدد دہشت گردوں کو گرفتار بھی کرچکی ہے۔

  • شام میں کیمیائی ہتھیاروں کی روک تھام کے ادارے کا معائنہ

    شام میں کیمیائی ہتھیاروں کی روک تھام کے ادارے کا معائنہ

    دمشق: کیمیائی ہتھیاروں کی روک تھام کے ادارے (او پی سی ڈبلیو) کی جانب سے شامی شہر دوما میں کیمیائی ہتھیار کے استعمال سے متعلق چھان بین کی گئی۔

    تفصیلات کے مطابق گذشتہ دنوں دمشق کے نواحی علاقے مشرقی غوطہ میں واقع شہر دوما میں روس کی جانب سے کیمیائی ہتھیاروں کا استعمال کیا گیا تھا جس کے نتیجے میں بچوں سمیت درجنوں افراد جاں بحق ہوگئے تھے، اسی واقعے کے حوالے سے ’او پی سی ڈبلیو‘ نے جائے وقوعہ کا معائنہ کیا اور نمونے اکھٹے کیے۔

    روس کا عالمی ماہرین کودوما میں جانےکی اجازت دینے کا اعلان

    عالمی میڈیا کے مطابق شامی شہر دوما میں مبینہ کیمیائی حملوں کی تحقیقات کی خاطر یہ معائنہ کار وہاں پہنچے، اور اس چھان بین کا مقصد یہ معلوم کرنا تھا کہ سات اپریل کو ہونے والے حملے میں آیا کسی ممنوعہ کیمیکل مواد کا استعمال کیا گیا تھا یا یہ محض جھوٹے دعوے ہیں۔

    دوسری جانب ترجمان او پی سی ڈبلیو کی جانب سے جاری کردہ بیان میں کہا گیا ہے کہ جائے وقوعہ سے نمونے اکھٹے کر لیے ہیں، تاہم اس حوالے سے  لیبارٹری میں معائنہ کیا جارہا ہے، تین سے چار ہفتوں میں رپورٹ مرتب کر لی جائے گئ جس کے بعد واضح ہوگا کہ آیا کیمیائی ہتھیار کا استعمال کیا گیا ہے یا نہیں۔

    غیر ملکی ایجنٹس نے شام میں کیمیائی حملے کا ڈرامہ رچایا: روسی وزیر خارجہ

    خیال رہے کہ رواں ماہ 7 اپریل کو شام کے علاقے دوما میں کیمائی حملہ کیا گیا جس کے نتیجے میں بچوں سمیت درجنوں افراد جان سے ہاتھ دھو بیٹھے تھے بعد ازاں امریکا اور اس کے اتحادیوں نے حملے کا الزام براہ راست روس پر عائد کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔