Tag: model

  • ایڈیشنل آئی جی کراچی کا ماڈل تھانے بحال کرنے کا فیصلہ

    ایڈیشنل آئی جی کراچی کا ماڈل تھانے بحال کرنے کا فیصلہ

    شہر قائد کے تھانوں کو جدید خطوط پر استوار کرنے کے لئے بڑا قدم اٹھالیا گیا ہے۔

    اے آر وائی نیوز کے مطابق ایڈیشنل آئی جی کراچی غلام نبی میمن نے شہر بھر میں ماڈل تھانے بحال کرنے کا اصولی فیصلہ کیا ہے، پہلے مرحلے میں سپر مارکیٹ تھانے کو لیاقت آباد تھانے میں ضم کر دیا جائے گا ماڈل تھانے کے لیے تمام سہولیات ایس ایچ او کو فراہم کی جائیں گی۔

    واضح رہے کہ سال دو ہزار انیس میں وزیراعلیٰ سندھ مراد علی شاہ نے کراچی کے 3 ماڈل تھانوں کیلئے 5 کروڑ روپے کے بجٹ کی منظوری دے دی تھی، غلام نبی میمن نے ماڈل تھانے بنائے تھے جبکہ عمران یعقوب منہاس نےچارج لینےکےبعد ماڈل تھانےختم کر دیئےتھے۔

    کلفٹن بوٹ بیسن، درخشاں ساحل سمیت دیگر تھانوں کو ضم کیا گیا تھا

    تاہم 26 جون دوہزار اکیس کو ماڈل تھانہ لیاقت آباد اور سپر مارکیٹ کو الگ کر دیا گیا تھا، کامران حیدر کو ایس ایچ او سپر مارکیٹ تعینات کیا گیا تھا، جب کہ ایس ایچ او لیاقت آباد رضوان پٹیل کو برقرار رکھا گیا تھا۔

  • کیٹ واک کرتی گائے کی ویڈیو وائرل

    کیٹ واک کرتی گائے کی ویڈیو وائرل

    اکثر اوقات جانوروں کی مختلف مزاحیہ حرکتوں کی ویڈیوز سامنے آتی رہتی ہیں جنہیں دیکھ کر بے اختیار ہنسی آجاتی ہے، اب حال ہی میں ایک گائے کی ایسی ہی ویڈیو نے سب کو ہنسنے پر مجبور کردیا۔

    بھارت میں سوشل میڈیا پر وائرل اس ویڈیو میں ایک گائے کیٹ واک کے انداز میں چلتی ہوئی نظر آرہی ہے۔

    یہ ویڈیو سنہ 2018 کی ہے لیکن اب اچانک دوبارہ سوشل میڈیا پر گردش کرنے لگی ہے، ویڈیو کو اب تک 80 لاکھ بار دیکھا جا چکا ہے۔

    بعض سوشل میڈیا صارفین کا کہنا ہے کہ گائے کسی انجری یا بیماری کا شکار بھی ہوسکتی ہے اس وجہ سے اس کے چلنے کا انداز ایسا ہے۔

    اس سے قبل گزشتہ دسمبر میں بھی ایک گائے کی ویڈیو وائرل ہوئی تھی جس میں وہ ایک ٹرالی رکشہ کے پیچھے دیوانہ وار بھاگ رہی تھی۔

    بھارتی ریاست اڑیسہ میں پیش آنے والے اس واقعے میں رکشے میں موجود شخص گائے کے زخمی بچھڑے کو جانوروں کے ڈاکٹر کے پاس لے کر جارہا تھا اور اس کی بے چین ماں رکشے کے پیچھے بھاگ رہی تھی۔

    ماں نے اس طرح 3 کلو میٹر کا سفر طے کیا تھا جہاں اس کے بچھڑے کو جانوروں کے ڈاکٹر تک پہنچایا گیا۔

  • معروف فیشن برانڈ نے پہلی بار مخنث ماڈل کی خدمات حاصل کرلیں

    معروف فیشن برانڈ نے پہلی بار مخنث ماڈل کی خدمات حاصل کرلیں

    واشنگٹن : تاریخ کی پہلی مخنث ماڈل ویلنٹینا سمپایو وکٹوریا سیکریٹ کی ایتھلیٹ کے زیر استعمال رہنے والی زیر جامہ مصنوعات کی تشہیر کرتی دکھائی دیں گی۔

    تفصیلات کے مطابق خواتین کے نفیس اور مہنگے ترین زیر جامہ مصنوعات بنانے والے فیشن امریکی فیشن برانڈ ’وکٹوریا سیکریٹ‘ نے تاریخ میں پہلی بار مخنث ماڈل کی خدمات حاصل کرلیں۔

    غیر ملکی خبر رساں ادارے کا کہنا تھا کہ گزشتہ کچھ سال سے وکٹوریا سیکریٹ کو اپنی زیر جامہ مصنوعات کی تشہیر کے لیے صرف پتلی اور گوری رنگت کی ماڈلز کی خدمات حاصل کرنے پر تنقید کا نشانہ بنایا جا رہا تھا۔

    وکٹوریا سیکریٹ کے زیر جامہ مصنوعات متعارف کرائے جانے کے فیشن ویک برطانیہ، امریکا، چین، جاپان، جرمنی اور فرانس سمیت دیگر ممالک میں منعقد ہوتے رہتے ہیں۔

    وکٹوریا سیکریٹ کے فیشن ویک کو زیادہ تر تنقید کا نشانہ بنایا جاتا ہے،کمپنی کی تاریخ رہی ہے کہ وہ گوری رنگت کی حامل دبلی پتلی ماڈلز کی خدمات حاصل کرتی رہی ہے۔

    غیر ملکی خبر رساں ادارے کا کہنا تھا کہ مصنوعات کی تشہیر کے لیے ایک ہی رنگت اور ایک ہی جیسی جسمانی ساخت رکھنے والی خواتین کی خدمات حاصل کرنے پر کمپنی کو گزشتہ چند سال سے تنقید کا نشانہ بنایا جا رہا تھا۔

    غیر ملکی میڈیا کا کہناتھا کہ لوگوں اور اداروں کی تنقید کے بعد وکٹوریا سیکریٹ نے گزشتہ برس سے اپنی مصنوعات کی تشہیر کے لیے ماڈل کی خدمات حاصل کرنے سے متعلق اپنی پالیسی تبدیل کرنے کا اشارہ دیا تھا۔

    کمپنی نے جہاں گزشتہ برس پہلی بار بھاری جسامت والی ماڈلز کی خدمات حاصل کی تھیں، اب وہیں کمپنی نے مخنث خاتون کی خدمات حاصل کرکے تاریخ رقم کردی۔

    امریکی اخبار کے مطابق وکٹوریا سیکریٹ نے تاریخ میں پہلی بار برازیل سے تعلق رکھنے والی 22 سالہ مخنث ماڈل و اداکارہ ویلنٹینا سمپایو کی خدمات حاصل کی ہیں۔

    رپورٹ کے مطابق ویلنٹینا سمپایو وکٹوریا سیکریٹ کی ایتھلیٹ کے زیر استعمال رہنے والی زیر جامہ مصنوعات کی تشہیر کرتی دکھائی دیں گی،ویلنٹینا سمپایو نے وکٹوریا سیکریٹ کی جانب سے موقع دیے جانے کو اپنے خوابوں کی منزل کی جانب سفرقرار دیا،کمپنی کی جانب سے مخنث ماڈل کو موقع دیے جانے کو کئی شخصیات نے تاریخی قرار دیا۔

  • پاکستانی اداکارہ نے خاموشی سے شادی کرلی

    پاکستانی اداکارہ نے خاموشی سے شادی کرلی

    برلن: پاکستانی ماڈل اور اداکارہ صوفیا خان نے ترکش نژاد جرمن شہری سے شادی کرلی۔

    تفصیلات کے مطابق اداکارہ صوفیا انڈسٹری میں فیا کے نام سے مشہور ہیں، وہ گزشتہ روز جرمنی کے شہر برلن میں اپنے منگیتر ’تولگا ریکن‘ کے ساتھ ازدواجی بندھن میں بندھ گئیں۔

    View this post on Instagram

    I’m Yours @tolga.erken_ ❤️♾

    A post shared by (@fia_sofiakhan) on

    شادی کی تقریب برلن کے مقامی ہوٹل میں منعقد ہوئی جس میں دونوں کے اہل خانہ نے شرکت کی جبکہ فیا نے اپنے انسٹاگرام پرتقریب کی ویڈیوز بھی شیئر کیں اور شادی کا اعلان بھی کیا۔

    مزید پڑھیں: پاکستانی گلوکارہ زوئی ویکاجی ازدواجی بندھن میں بندھ گئیں

    صوفیا نے اپنے انسٹاگرام پر تصویر شیئر کرتے ہوئے لکھا کہ ’تولگاریکن اب میں تمھاری ہوں‘۔

    شادی کے موقع پر فیا نے سنہرے رنگ کا عروسی جوڑا جبکہ تولگا نے سیاہ رنگ کی شیروانی زیب تن کی تھی، اداکارہ نے منگنی اگست 2017 میں کی تھی۔

    گزشتہ برس صوفیا نے اپنے انسٹاگرام پر ایک پوسٹ شیئر کی تھی جس میں انہوں نے پہلی شادی کی ناکامی کے بعد دوسری بار کسی کی محبت میں گرفتار ہونے کا انکشاف بھی کیا تھا۔

    ماڈل نے اپنی منگنی کا اعلان کرتے ہوئے کہا تھا کہ ’میں جب تولگا ریکن کے ساتھ ہوتی ہوں تو بہت محفوظ محسوس ہوتا ہے، یہ میرے ساتھ بچوں کی طرح ہنستا ہے، مجھے سمجھتا ہے، ان ساری باتوں اور ماضی کو بھلا کر نیا روشن مستقبل دینے والے تولگا کا شکریہ‘۔

  • لندن: حجاب کی وجہ سے مسلم ماڈل کو اشتہاری مہم کا حصہ بننے سے روک دیا گیا

    لندن: حجاب کی وجہ سے مسلم ماڈل کو اشتہاری مہم کا حصہ بننے سے روک دیا گیا

    لندن: برطانیہ سے تعلق رکھنے والی مسلم ماڈل ’ماریہ ادریسی‘ کو حجاب کرنے کی وجہ سے اشتہاری مہم میں حصہ لینے سے روک دیا گیا۔

    تفصیلات کے مطابق مسلم ماڈل ’ماریہ ادریسی‘ کو اس وجہ سے بیوٹی کے اشتہاری مہم سے روک دیا گیا کیوں کہ وہ ایک مسلمان ہیں اور حجاب کرتی ہیں، جس کے باعث وہ اشتہارات کے ذریعے زیادہ لوگوں کو اپنی طرف مائل نہیں کر پائیں گی۔

    مقامی میڈیا کو انٹرویو دیتے ہوئے ماڈل ماریہ ادریسی نے کہا کہ میں یہ سن کر حیران رہ گئی کہ مجھے اشتہاری مہم بورڈ نے اپنے مہم میں شامل نہیں کیا، اس کی وجہ صرف حجاب کرنا اور میرا مسلمان ہونا ہے کیوں کہ بورڈ کا خیال یہ ہے کہ حجاب کی وجہ سے لوگ ان کی طرف مائل نہیں ہوں گے۔

    جرمنی: حجاب پر پابندی کی تجویز، اساتذہ نے بھی حمایت کردی

    ان کا مزید کہنا تھا کہ یہ بیوٹی مہم ان کے لیے ایک بہت بڑی ڈیل تھی لیکن انتظامیہ نے ان کے ساتھ معاہدہ کرنے سے انکار کردیا جس کی وجہ سے وہ ابھی تک صدمے کا شکار ہیں، البتہ انہوں نے ماضی میں حجاب پہن کر ہی ماڈلنگ کی اور اشتہاری مہم کا حصہ رہ چکی ہیں۔

    انگلینڈ میں منعقدہ مقابلہ حُسن میں پہلی باحجاب لڑکی فائنل میں پہنچ گئی

    خیال رہے کہ مسلم ماڈل ماریہ برطانیہ کی مقبول ماڈل ہیں، انہوں نے پہلی بار 2015 میں اس وقت شہرت حاصل کی تھی کہ جب انہوں نے ایک نجی ادارے کی بیوٹی مہم میں حجاب پہن کر شرکت کی جس کے بعد ماریہ ادریسی کی حجاب میں ملبوس تصاویر میگزین اور رسالوں کی زینت بھی بنیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شوہر کے ساتھ ویڈیو چیٹ کے دوران ماڈل کی خودکشی

    شوہر کے ساتھ ویڈیو چیٹ کے دوران ماڈل کی خودکشی

    ڈھاکا: بنگلہ دیشی ماڈل ریسیلا بنتِ وزیر نے شوہر کے ساتھ ویڈیو چیٹ کے دوران خودکشی کرلی۔

    بنگلہ دیشی میڈیا کے مطابق بائیس سالہ نوجوان بنگلہ دیشی حسینہ نے اُس وقت خودکشی کی جب وہ اپنے شوہر کےساتھ ویڈیو چیٹ کررہی تھیں، پولیس کے مطابق واقعہ گھریلو ناچاکی کی وجہ سے پیش آیا۔

    ماڈل کے قریبی رشتہ دار کا کہنا ہے کہ حسینہ ریسیلا بنت کو واقعے کے بعد قریبی اسپتال پہنچایا گیا جہاں انہیں فوری طبی امداد دینے کے بعد انتہائی نگہداشت وارڈ میں داخل کیا گیا تاہم وہ جانبر نہ ہوسکیں۔

    بنگلہ دیشی ماڈل ریسیلا کی خودکشی کا واقعہ تین روز قبل پیش آیا، اسپتال انتظامیہ نے لاش کو پوسٹ مارٹم کے بعد ورثاء کے حوالے کیا جس کے بعد اُن کی تدفین کردی گئی۔

    گلشن پولیس اسٹیشن کے افسر ابوبکر کا کہنا ہے کہ خاتون نے ممکنہ طور پر گھریلو ناچاکی کی وجہ سے گلے میں پھندا ڈال کر خودکشی کا قدم اٹھایا۔

    واضح رہے ریسیلا بنتِ وزیر 2012 سے ماڈلنگ کررہی تھی اور وہ اپنی تین سالہ بیٹی کےہمراہ ساس سسر کے ساتھ رہائش پذیر تھیں، شادی کے بعد بھی ریسیلا نے تعلیم کو جاری رکھا اور انگلش لٹریچر کی تعلیم حاصل کرنے کے لیے مقامی یونیورسٹی میں داخلہ لیا۔

  • سوچ بینڈ کی نئی ویڈیو میں خواجہ سرا کی ماڈلنگ

    سوچ بینڈ کی نئی ویڈیو میں خواجہ سرا کی ماڈلنگ

    کراچی : سوچ نامی بینڈ ایک بار پھر خبروں کی زینت بن رہا ہے اور اس کا سبب ان کی نئی  میوزک ویڈیو ڈھول میں ماڈلنگ کے لیے خواجہ سرا رمل علی کا انتخاب ہے۔

    سوچ بینڈ کی جانب سے اس سے قبل بھی بالی وڈ کی فلم ایک ولن کا گانا آوارگی تیار کیا گیاتھا، یہ گانا مومنہ مستحسن نے گایا تھا جو بہت مشہور ہوا اور اب سوچ بینڈ کی جانب سے نیا گاناریلیز کیا گیا  ہے ، جس میں خواجہ سرا رمل علی نے ماڈلنگ کی ہے .

    جو لوگ نہیں‌جانتے کہ رمل علی کون ہے ان کی اطلاع کے لئے عرض ہے کہ رمل علی پاکستان کے ایک معروف خواجہ سرا ہیں جو اکثر فنکشنز میں اپنے فن کا مظاہرہ کرتے ہیں، اور ان کے پرفارمنس کی بہت ساری ویڈیوز یو ٹیوب پر دستیاب ہیں.

    رمل علی پاکستان کی پہلی خواجہ سرا اداکارہ ہیں، رمل علی ’ڈھولنا ‘ گانے میں بہت خوبصورت نظر آرہی ہیں. گانے کی عکس بندی بہت عمدہ ہے اور آرٹ ڈائریکشن ہالی وڈ فلم ’انٹر دی وائڈ ‘ کی طرز پر کی گئی ہے۔

    گانے میں رمل علی ایک پیشہ ورکا کردار ادا کررہی ہیں جو کہ  اپنے کلا ئنٹ کےلئے روز نئے سوانگ بھرتی ہے ‘ کبھی اسکول گرل تو کبھی مغل کنیز۔ اپنے آپ کو یکسر تبدیل کر لیتی ہے اور ان کے معیار پر پورا اترنے کی بھرپور کوشش کرتی ہے ، وہ روزانہ خود کو تبدیل کرکے پیش کرتی ہے۔

    گانے کے آخر میںدیکھا جاسکتا ہے کہ اس کے پاس دولت کی ریل پیل ہوتی ہے تاہم اس کی آنکھیں آنسووں سے بھری ہوتی ہیں.

    اس ویڈیو کے ذریعے عوام الناس کو پیغام دیا گیا ہے کہ خواجہ سرا خوشی سے عصمت فروشی نہیں کرتے ہیں‌بلکہ مجبوریاں ان سے یہ سب کرواتی ہیں‌.

    ویڈیو میں دکھا یا گیا ہے کہ خواجہ سرا کے پاس کام کے مواقع نہیں تھے، اس وجہ سے اس نے جسم فروشی کا سہارا لیا، لیکن وہ بھی، ایک خاندان، رشتے، محبت، اور ایک مستحکم زندگی کے احترام چاہتا ہے.

     

  • ڈیڑھ ماہ قبل اغوا کی گئی ماڈل کا سراغ مل گیا، پولیس

    ڈیڑھ ماہ قبل اغوا کی گئی ماڈل کا سراغ مل گیا، پولیس

    کراچی : شہر قائد کے علاقے ڈیفنس سےڈیڑھ ماہ قبل اغوا کیجانے والی ٹی وی ماڈل نسیمہ بلوچ کا سراغ مل گیا۔

    منی لانڈرنگ کیس ملوث مشہور ماڈل ایان علی کے بعد کراچی کی ماڈل نسیمہ بلوچ کا اسکینڈل بھی سامنے آگیا ہے۔

    ڈیڑھ ماہ قبل کراچی سے ٹی وی ماڈل نسیہ بلوچ کو اغوا کیا گیا تھا ۔نسیمہ بلوچ کے اہلخانہ کو مقدمے سے دستبرادری اور سنگین نتائج کی دھمکیاں ملنے پر مغوی کی والدہ نے سندھ ہائی کورٹ سے رجوع کیا تھا۔

    Untitled

    اس کیس کے حوالے سندھ ہائی کورٹ میں ایک پیٹیشن دائر تھی جس میں سندھ ہائی کورٹ نے آئی جی سندھ کو ہدایت کرتے ہوئے کہا تھا کہ مغوی ماڈل کو 10 جون کو عدالت میں پیش کیا جائے ۔

    ماڈل نسیمہ کی والدہ نے بتایا کہ نسیمہ کی گاڑی ڈیفننس  ملی تھی لیکن ان کے اکاونٹ میں آٹھ لاکھ روپے موجود تھے جو کہ اے ٹی ایم کے زریعے نکلوائے گئے ہیں۔

    پولیس  حکام کا کہنا ہے کہ مغویہ کو نواب شاہ میں چھپایا گیا ہے۔

  • پشاور کی معروف ماڈل و اداکارہ نیلم اسماعیل گرفتار

    پشاور کی معروف ماڈل و اداکارہ نیلم اسماعیل گرفتار

    پشاور:  معروف ماڈل و اداکارہ نیلم اسماعیل کی درخواست ضمانت قبل از گرفتاری خارج کرکے ماڈل کو گرفتار کر لیا گیا۔

    اداکارہ نیلم نے لیڈی کانسٹیبل گل مینہ کی قابل اعتراض تصاویر سوشل میڈیا سافٹ ویئر واٹس ایپ پر عام کی تھیں۔

     ملزمہ نیلم کے شوہر سید محسن کو پہلے اسی معاملے میں ایف آئی اے کی جانب سے گرفتار کیا جاچکا ہے جبکہ ملزمہ نیلم نے پشاور کی مقامی عدالت سے ضمانت قبل از گرفتاری لے رکھی تھی جسے آج خارج کرکے الیکٹرانک ٹرانزیکشن آرڈیننس 2002 کے تحت ایف آئی اے نے نیلم کو گرفتار کرلیا ہے۔

    ملزمہ نیلم ایف آئی اے سائبر کرائم کے تحت گرفتار ہونے والی خیبرپختونخوا کی دوسری خاتون ہیں۔

  • عدالت نے وکلاء کو ایان علی کی تصاویر بنانے سے روک دیا

    عدالت نے وکلاء کو ایان علی کی تصاویر بنانے سے روک دیا

    راولپنڈی: عدالت نےوکیلوں کوایان علی کی تصویریں بنانےسے روک دیا۔ ایان علی نےاعتراض کرتے ہوئے کہا تھاکہ  وکیلوں کوان کی تصویروں کاشوق ہے توانٹرنیٹ سے ڈاؤن لوڈ کرلیں۔

    تفصیلات کے مطابق ٹاپ ماڈل ایان علی راول پنڈی کی کسٹم عدالت میں پیش ہونےکےلئےآئیں توپچھلی پیشی کے برعکس چہرہ اورزلفیں کھلی ہوئی تھیں۔ تصویریں لینےاوربات کرنےکےلئےمیڈیاامڈ پڑا۔ لیکن وہ سب کونظرانداز کرتی ہوئی کمرہ عدالت میں داخل ہوگئیں۔

    عدالت میں موجود لوگ بھی ایان کےگلیمرسےمتاثرہوئےبغیرنہ رہ سکے ،اس موقع پروہاں موجود وکیل بھی موبائل فون سے ان کی تصاویر اتارنےلگے۔

    اس پرایان علی نےاعتراض کیا۔ ان کا کہنا تھا کہ جن لوگوں کوان کی تصویروں کاشوق ہے وہ انٹرنیٹ سےڈاؤن لوڈ کرلیں،اس پرعدالت نے کہا کہ وکیل برادری پڑھالکھاطبقہ ہے۔ عدالت کا احترام کریں اورتصویریں نہ اتاریں۔

    عدالت نےکسٹم کےوکیل کی درخواست پر جوڈیشل ریمانڈ میں چو بیس اپریل تک توسیع کر دی۔ایان علی کوراولپنڈی ائیرپورٹ سے پانچ لاکھ ڈالرکےساتھ گرفتارکیا گیا تھا۔

    ایان علی پرمنی لانڈرنگ کا مقدمہ چل رہا ہے۔ پچھلی پیشی میں ایان برقع میں عدالت آئی تھیں۔