Tag: model town accident

  • سانحۂ ماڈل ٹاؤن کا اہم کردار گلو بٹ رہا

    سانحۂ ماڈل ٹاؤن کا اہم کردار گلو بٹ رہا

    لاہور: سانحۂ ماڈل ٹاؤن میں عوامی املاک کو نقصان پہنچانےکامشہورترین ملزم گلوبٹ آج صبح عدالت نے رہا کردیا گیا، اس کی رہائی کےموقع پرعوام کی جانب سے انتہائی غم وغصہ کا اظہار کیا گیا۔

    تفصیلات کے مطابق گلوبٹ جو کہ 17 جون کو سانحۂ ماڈل ٹاؤن کاسب سے واضح کردارتھا لاہورہائیکورٹ کے حکم پر رہا کردیا گیا ، گلوبٹ کی رہائی کیمپ جیل لاہور سے عمل میں آئی۔

    گلو بٹ کی رہائی کے موقع پر شہریوں کی ایک بڑی تعداد جیل کے دروازے کے باہر جمع تھی اورمشتعل مظاہرین نے شدید غم وغصہ کا مظاہرہ کرتے ہوئے حکومت مخالف نعرے لگائے۔

    اے آر وائی نیوزکے نمائندے بابرخان کےمطابق گلوبٹ کو جیل کےوی آئی پی دروازے سے باہر نکالا گیا جہاں اس کا کزن راشد بٹ اسے نئے ماڈل کی سفید کار میں بٹھا کر لے گیا، جیل انتظامیہ کے مطابق قید کے دوران گلوبٹ سے کسی بھی شخص نے ملاقات نہیں کی اور یہ پہلا موقع ہے کہ اس کے خاندان سے کوئی شخص جیل آیا ہو۔

    پاکستان عوامی تحریک کے سربراہ نے اس موقع پرموجودہ حکومتی نظام پر شدید تنقید کرتے ہوئے اسے ’’گلو کریسی‘‘ قراردے دیا۔

  • سانحہ ماڈل ٹاؤن کے اہم کردار گلو بٹ کو ضمانت پر رہا کرنے کا حکم

    سانحہ ماڈل ٹاؤن کے اہم کردار گلو بٹ کو ضمانت پر رہا کرنے کا حکم

    لاہور : لاہور ہائیکورٹ نے سانحہ ماڈل ٹاؤن کے اہم کردار گلو بٹ کو ضمانت پر رہا کرنے کا حکم دیدیا۔

    جسٹس سید افتخار حسین شاہ کی سربراہی میں دو رکنی بنچ نے درخواست کی سماعت کی، درخواست گزار کے وکیل نے عدالت کو بتایا کہ گلو بٹ کیخلاف درج مقدمے میں شامل تمام دفعات قابل ضمانت ہیں۔

    پولیس نے بدنیتی سے دہشتگردی اور اقدام قتل کی دفعات بعد میں عائد کی ہیں۔ گلوبٹ دہشتگردی کے واقعہ میں ملوث ہے نہ اس کے خلاف اقدام قتل کا کوئی ثبوت یا گواہ موجود ہے، گلوبٹ ذہنی طور پر درست نہیں، اسے علاج معالجے کی ضرورت ہے، لہذا عدالت ضمانت منظور کرے۔

    سرکاری وکیل کا کہنا تھا کہ گلوبٹ کے عمل سے معاشرے میں دہشت پھیلی، اسی لئے دہشتگردی کی دفعات شامل کی گئیں، عدالت نے وکلاء کے دلائل مکمل ہونے پر گلوبٹ کی درخواست منظور کرتے ہوئے ایک ایک لاکھ روپے کے دو مچلکوں کے عوض ضمانت پر رہائی کا حکم دے دیا۔

  • ماڈل ٹاؤن واقعہ :شہبازشریف کیخلاف مقدمہ درج کرنے کیلئے ریکارڈ طلب

    ماڈل ٹاؤن واقعہ :شہبازشریف کیخلاف مقدمہ درج کرنے کیلئے ریکارڈ طلب

    لاہور:عوامی تحریک کی درخواست پرلاہور کی سیشن عدالت نے ماڈل ٹاؤن واقعہ کا مقدمہ وزیراعلیٰ پنجاب سمیت اکیس شخصیات کے خلاف درج کرنے کے لئے دائر درخواست پر جوائنٹ انوسٹی گیشن ٹیم سے ریکارڈ طلب کرلیا۔ عوامی تحریک کے کارکنوں کا سانحہ ماڈل ٹاؤن کے خلاف سیشن کورٹ میں احتجاجی مظاہرہ بھی کیا، تفصیلات کے مطابق  ایڈیشنل سیشن جج صفدر علی بھٹی نے منہاج القرآن کی جانب سے دائر درخواست کی سماعت کی۔

    جواد حامد کی جانب سے موقف اختیار کیا گیا کہ ماڈل ٹاؤن میں فائرنگ نون لیگ کی قیادت کے ایما پر کی گئی۔ پولیس کی مدعیت میں مقدمہ درج کرکے ملزمان کو تحفظ فراہم کیا جا رہا ہے۔ پولیس کی جانب سے موقف اختیار کیا گیا کہ اب مزید ایف آئی آر کی ضرورت نہیں ۔

    سرکاری وکیل نے کہا کہ مقدمے کا تمام ریکارڈ جوائنٹ انویسٹی گیشن ٹیم کے پاس ہونے کی بنا پر پیش نہیں کیا جاسکتا۔ سماعت کے بعد عوامی تحریک کے کارکنوں نے احاطہ عدالت میں حکومت کے خلاف احتجاجی مظاہرہ کیا۔ عدالت نے کیس کی مزیدسماعت انیس جولائی تک ملتوی کرتے ہوئے جوائنٹ انویسٹی گیشن ٹیم سے ریکارڈ طلب کرلیا۔