واشنگٹن : امریکہ میں روبوٹ کتے اب جدید اسلحہ بھی چلانے لگے، ان کتوں کی مدد سے مقررہ ہدف پر باآسانی کارروائی کی جاسکتی ہے۔
امریکہ میں روبوٹ ڈاگ کو اسنائپر رائفل سے لیس کر دیا گیا ہے جس کا مقصد پولیس اور مسلح افواج کی کسی بھی کارروائی کے دوران ان کی معاونت کرنا ہے۔
غیر ملکی خبر رساں ایجنسی کے مطابق فلاڈیلفیا کی ایک کمپنی نے چار ٹانگوں والے روبوٹ کی کمر پر 6 اعشاریہ 5 ملی میٹر کی گن فٹ کردی ہے، اس روبوٹک ڈاگ کو امریکہ کے ایک تجارتی شو میں متعارف کرایا گیا۔
رپورٹ کے مطابق ڈاگ روبوٹ گن کے ذریعے خودکار طریقے سے کسی انسان کی مدد کے بغیر ہدف کو نشانہ بنایا جا سکتا ہے اور 3 سے 4 کلومیٹر دور بیٹھ کر روبوٹ میں موجود گن سے فائرنگ کی جا سکتی ہے۔
اس روبوٹ کو دور سے ہی ہدایات دی جا سکتیں کہ وہ اپنے گن کو لوڈ، ان لوڈ کر دے یا گولی بھی مار سکتا ہے تاہم کمپنی کی جانب سے ابھی تک یہ واضح نہیں کیا گیا کہ یہ روبوٹ کتنا گولہ بارود لے کر جانے کی صلاحیت رکھتا ہے اور نہ ہی اس کی قیمت واضح کی گئی ہے۔
روبوٹ کو بنانے والی کمپنی نے واضح کیا ہے کہ یہ ڈاگ روبوٹ دن اور رات دونوں وقتوں میں ایک جیسا کام کرنے کی صلاحیت رکھتا ہے۔
واشنگٹن/تہران : امریکی حکام نے ایرانی خطرے سے نمٹنے کےلیے مشرق وسطیٰ میں مزید فوجی تعینات کردئیے، جدید ترین فوجی سازو سامان اور اسلحہ بھی فراہم کردیا گیا۔
تفصیلات کے مطابق ایران کی جانب سے امریکی فوج پر حملوں کی دھمکیوں کے بعد امریکی فوج نے بھرپور جوابی کارروائی کی تیاری کرلی ہے۔
امریکی فوج کی طرف سے مشرق وسطیٰ میں مزید فوجی تعینات کرنے کے ساتھ ساتھ انہیں جدید ترین فوجی سازوسامان اور اسلحہ فراہم کردیا گیا۔
غیر ملکی خبر رساں ادارے کا کہنا تھا کہ مشرق وسطیٰ میں ایران کی طرف سے خطرات کے پیش نظر امریکا نے جو اسلحہ بھیجا ہے ان میں جدید ترین بمبار طیارے، چار بحری بمبارجہاز، بھاری بم گرانے کی صلاحیت والے طیارے، ڈرون طیارے،زمین سے فضاء میں مار کرنے والے میزائلوں کی بیٹریاں اور دیگر جنگی آلات شامل ہیں۔
بحری جنگی جہاز یو ایس ایس آر لنگٹن بھی اس مہم میں شامل ہے۔ خشکی اورپانی میں استعمال ہونے والے وہیکل، زمین سے فضاء میں مار کرنے والے پیٹریاٹ میزائلوں کی بیٹریاں بھی مشرق وسطیٰ میں منتقل کی گئی ہیں۔
واضح رہے کہ امریکا اور ایران کے درمیان جاری کشیدگی میں اس وقت اضافہ ہوا جب امریکی صدر ڈونلڈ ٹرمپ نے سنہ 2015 میں عالمی طاقتوں اور ایران کے درمیان ہونے والے جوہری معاہدے سے دستبرداری کے بعد ایران پر نئی پابندیوں کا اعلان کیا تھا۔
ایران کے سرکردہ عالم دین مولانا یوسف طباطبائی کا اصفھان میں جمعے کے اجتماع سے خطاب کرتے ہوئے کہنا تھا کہ ’اربوں ڈالر مالیت کے طیارہ بردار بیڑے کو صرف ایک میزائل سے تباہ کرسکتے ہیں‘۔
کراچی : ایکسپو سینٹر میں منعقدہ چار روزہ دفاعی نمائش آئیڈیاز 2018میں شہریوں کی آمد کا سلسلہ جاری ہے، جدید ہتھیار عوام کی توجہ کا مرکز بنے ہوئے ہیں۔
تفصیلات کے مطابق آئیڈیاز دو ہزاراٹھارہ میں غیر ملکیوں کے ساتھ ساتھ پاکستانی شہریوں کی بڑی تعداد نمائش کا رخ کررہی ہے، پاکستان آرڈیننس فیکٹری کے اسٹال پر جدید ہتھیار لوگوں کی توجہ کا مرکز بنے ہوئے ہیں۔
پاکستان آرڈینس فیکٹری کے ڈائریکٹر عثمان علی بھٹی کہتے ہیں کہ آئیڈٰیاز میں اسٹال لگانے کا مقصد جدید ہتھیاروں کو متعارف کروانا تھا ہمارے پاس اسمال آرم ایمونیشن، ایئر کرافٹ ، اینٹی ایئر کرافٹ ، ٹینک اور اینٹی ٹٰینک ہتھیار دستیاب ہیں جو دور جدید کی تمام تر سہولیات اور جدت کے ساتھ لیس ہے۔
عثمان علی بھٹی ڈائریکٹر ایسکپورٹ نے بتا کہ ان ہتھیاروں کی نمائش کا مقصد اپنے شہریوں کوبھی پاکستانی ہتھیاروں کے بارے میں معلومات فراہم کرنے کے ساتھ ساتھ اس بات کو باور کرانا ہے کہ پاکستان امریکہ سمیت چالیس ممالک کو ہتھیار سپلائی کرتاہے۔
؎عثمان علی بھٹی ڈائریکٹر ایکسپورٹ کا کہنا تھا کہ پاکستان آرڈیننس فیکٹری سیمت پاکستان مصنوعات کے دیگر دفاعی اسٹالز پر بھی پاکستانیوں سمیت غیر ملکیوں کا رش موجود ہے جو اس بات کی عکاسی کرتاہے کہ اپنے ملک کے دفاع کے لیے پاکستان کسی سے پچھے نہیں۔
لاہور : حکمران جماعت نے ہی قانون کی دھجیاں اڑا دیں، مناواں میں شادی کی تقریب میں جدید اسلحہ سے اندھا دھند ہوائی فائرنگ کی گئی، علاقہ گولیوں کی تڑتڑاہٹ سے گونجتا رہا اور پولیس بااثر افراد کے سامنے خاموش تماشائی بنی رہی۔
تفصیلات کے مطابق ماڈل ٹاؤن میں نہتے لوگوں پر گولیاں برسانے والی لاہور پولیس حکمران جماعت کے رہنماؤں کی قانون شکنی پر نظریں چرانے لگی، لاہورمیں دفعہ ایک سو چوالیس کے تحت ہوائی فائرنگ پر پابندی عائد ہے لیکن بااثر افراد نے پابندی کو ہوائی فائرنگ میں اڑا دیا۔
ن لیگی ایم این اے سہیل بٹ کے چھوٹے بھائی زوہیب بٹ اور اس کے گن مینوں نے مناواں میں شادی کی تقریب میں اندھا دھند ہوائی فائرنگ کرکے غنڈہ گردی کی۔
علاقہ گولیوں کی گھن گرج سے گونجتا رہا کان پڑی آواز نہیں سنائی دے رہی تھی، لیکن پولیس کے کان پر جوں تک نہ رینگی، فائرنگ کرنے والوں نے اہل علاقہ کی نیندیں حرام کردیں، فائرنگ کئی گھنٹوں تک جاری رہی۔
فائرنگ کرنے والا شخص ایم این اے سہیل شوکت بٹ کا چھوٹا بھائی ہے، زوہیب بٹ اوراس کے گن مینوں نےہوائی فائرنگ کی۔
ذرائع کے مطابق زوہیب بٹ نے اپنے بھائی کا علاقہ سنبھال رکھا ہے اور یاد رہے کہ ایم این اے سہیل بٹ پر بابر بٹ کے قتل کا مقدمہ بھی درج ہے۔
جدید اسلحہ ایسے فائرنگ کی جارہی تھی جیسے دشمن سے جنگ ہورہی ہو، اے آر وائی کو موصول ہونے والی فوٹیج میں دیکھا جاسکتا ہے کہ فائرنگ کرنے والوں کے قریب چھوٹے بچے بھی کھڑے ہیں لیکن انہیں ان بچوں کا بھی خیال نہیں آیا، پولیس نے نہ کسی ذمہ دار کو گرفتار کیا اور نہ ہی تاحال کوئی مقدمہ درج کیا گیا ہے۔
اس حوالے سے ترجمان پنجاب حکومت کا مؤقف ہے کہ وزیراعلیٰٰ پنجاب نے فائرنگ کا نوٹس لے لیا ہے اور آدھے گھنٹے میں فائرنگ کرنے والے ملزمان گرفتار ہوں گے۔
ترجمان ملک احمد نے اے آر وائی سے نیوز سے گفتگو میں مزید کہا کہ فائرنگ کرنے والوں کیخلاف سخت کارروائی کی جائے گی، پنجاب میں اس قسم کے واقعات برداشت نہیں کرینگے اور ہوائی فائرنگ کرنے والے ملزمان جلد قانون کی گرفت میں ہونگے۔
علاوہ ازیں آخری اطلاعات تک مناواں فائرنگ کے واقعہ کا تاحال مقدمہ درج نہ ہوسکا، مناواں کا علاقہ کینٹ ڈویژن ایس پی نوید کی حدود میں آتا ہے۔
اے آر وائی نیوز کے نمائندے کی جانب سے رابطہ کرنے پر ایس پی کینٹ نے معصومانہ جواب دیا کہ ایسے کسی واقعہ کی مجھے خبر نہیں ہے میں آج چھٹی پر ہوں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
