Tag: modi government

نیو دہلی: مقبوضہ جموں و کشمیر کی بگڑتی صورتحال پر مودی سرکار پاکستان پر مضحکہ خیز الزام لگانے سے باز نہ آئی۔

مودی کے تیسری بار اقتدار پر قبضے کے بعد بھارتی معیشت تباہی کے دھانے پر ہے، بے روزگاری میں مسلسل اضافہ ہو رہا ہے، مودی سرکار کی کمزور معاشی پالیسیوں کے باعث بھارتی معیشت تنزلی کا شکار ہورہی ہے۔

عالمی سطح پر دہشتگردی میں ملوث اور بے گناہ سکھوں اور مسلمانوں کے قتل عام کی وجہ سے بھارتی خارجہ پالیسی بھی بری طرح بے نقاب ہو چکی ہے، آرٹیکل 370A کی منسوخی کے بعد مودی کا مقبوضہ کشمیر میں امن بحالی کا جھوٹا دعویٰ بری طرح ناکام ہوگیا۔

مقبوضہ کشمیر میں بلا جواز ظلم و ستم کے باعث بھارتی فوج کے خلاف مقامی کشمیریوں کی شدید مزاحمت کی ہے، 16 جولائی کو مقبوضہ کشمیر کے علاقے ڈوڈا میں 4 بھارتی فوجی مارے گئے۔

رپورٹ کے مطابق ضلع کٹھوعہ میں حملے کے بعد کارروائی میں پانچ بھارتی فوجی اہلکار ہلاک اور 5  زخمی ہوئے، 27 جولائی مقبوضہ کشمیر کے ضلع کپواڑہ میں ایک بھارتی فوجی ہلاک اور ایک افسر سمیت 4  فوجی زخمی ہوئے، صرف دو ماہ  میں تقریباً 11 بھارتی فوجی مارے گئے۔

 ہمیشہ کی طرح بھارت نے مقبوضہ کشمیر کی حالیہ بدامنی کا الزام پاکستان پر لگایا، اپنی نااہلی، غلط پالیسیوں کو چھپانے کیلئے بھارت نے الزام لگایا کہ مقبوضہ کشمیر میں حاضر سروس اور ریٹائرڈ پاکستانی SSG کمانڈوز کام کر رہے ہیں، جو ایک نہایت مَضْحَکَہ خیز  الزام ہے۔

 اس سے پہلے ’پلوامہ ڈرامہ ‘ کا بھی الزام پاکستان پر لگایا گیا اور اس بات کی تصدیق خود بھارتی سیاستدانوں نے کی یہ مودی کی ایک بھونڈی سازش تھی، جس کا مقصد اپنی سیاست چمکانا تھی۔

 ایک طرف مودی یہ دعویٰ کر رہا ہے کہ مقبوضہ کشمیر اب ’’نیا کشمیر‘‘ہے اور ریاست میں امن بحال ہو گیا ہے لیکن اسکے تمام سیاسی اور سیکیورٹی کے متعلق دعوے جھوٹے ثابت ہوئے ہیں۔

بھارت اور اس کی فوج کا یہ وطیرہ رہا ہے کہ جب وہ ناکام ہوتے ہیں تو وہ اپنی نااہلی کا الزام پاکستان پر لگادیتے ہیں۔

مودی سرکار کا مسلمانوں کیخلاف من گھڑت بیانیہ جھوٹا نکلا، 2014 میں مودی کے زیر اقتدار آتے ہی بھارت میں مسلمانوں کے تاریک ترین باب کا آغاز ہوا۔

مودی سرکار نے اپنے دس سالہ دور اقتدار میں مسلمانوں کی زندگی اجیرن کرنے کیلئے ایڑی چوٹی کا زور لگا دیا
مودی نے انتہا پسند عوام کی حمایت اور ووٹ حاصل کرنے کیلئے ہمیشہ مسلمان مخالف بیانیے کا استعمال کیا
مودی نے اپنی انتخابی مہم کے دوران بھی مسلمانوں کو ناسور قرار دیا۔

بی جے پی کی جانب سے مسلمانوں کیخلاف سب سے زیادہ استعمال ہونے والا منفی پروپیگنڈا ‘ہم پانچ ہمارے پچیس’ کی بنیاد پر تیار کیا گیا، مودی اور بی جے پی کے دیگر ارکان مسلسل مسلمانوں کی چار شادیوں اور بچوں کی تعداد کا مذاق اڑاتے نظر آتے ہیں۔

مودی سرکار کا دعویٰ ہے کہ مسلمان چار شادیاں کرکے زیادہ سے زیادہ بچے پیدا کررہے ہیں تاکہ ہندوؤں کے مقابلے اکثریت حاصل کر سکیں، مودی نے اپنی انتخابی مہم کے دوران عوام کو ڈرانے کی بھونڈی کوشش کی کہ مسلمان ہندوؤں کے اثاثوں اور وسائل پر بھی قبضہ کرلیں گے۔

مودی سرکار اپنے بیانیے کو سچ ثابت کرنے کیلئے 2001 سے 2011 کی مردم شماری کا استعمال کرتی ہے جس میں کہا گیا تھا کہ مسلمانوں کی آبادی میں ہندوؤں کے مقابلے زیادہ اضافہ ہورہا ہے، حالیہ ریکارڈ اور سروے کے مطابق مودی سرکار کا دعویٰ جھوٹا ثابت ہوچکا ہے لیکن مودی اپنی روش برقرار رکھتے ہوئے پرانے اعداد و شمار کے استعمال کو ہی ترجیح دے رہا ہے۔

بھارتی وزارت صحت کی جانب سے کروائے جانے والے 2019 سے 2020 کے نیشنل ہیلتھ سروے میں مسلمان بچوں کی پیدائش کی شرح میں واضح کمی دیکھنے میں آئی، بھارت کے سرکاری ریکارڈ کے مطابق مسلمان خواتین میں پیدائش کی شرح 4.41 سے 2.36 ہوگئی ہے۔

2011 کی مردم شماری کے نتائج کے مطابق مسلمانوں کی آبادی 34 سے 172 ملین ہوئی جبکہ ہندو آبادی 303 ملین سے بڑھ کر 966 ملین تک پہنچ چکی تھی جو کہ اب ایک بلین سے بھی تجاوز کر چکی ہے، ورلڈ پاپولیشن ریویو کے مطابق 2022 میں بھارت کی آبادی 1.4 بلین تھی۔

مودی سرکار مسلمانوں کیخلاف اپنے جھوٹے اور من گھڑت پروپیگنڈے کو فروغ دینے کیلئے بالی وڈ کا بھی استعمال کررہی ہے، حال ہی میں بالی وڈ فلم ‘ہمارے بارہ’ ریلیز کی گئی جو کہ مودی سرکار کے بیانیے کی بنیاد پر تیار کی گئی ہے، فلم میں مسلمانوں اور دین اسلام کو توہین کا نشانہ بنایا گیا۔

فلم میں مسلمانوں کیخلاف انتہائی ہتک آمیز ڈائیلاگ استعمال کیے گئے، بھارتی سپریم کورٹ میں فلم ہمارے بارہ کے خلاف شکایت جمع کروائی گئی جس کے نتیجے میں فلم کو ریلیز سے روک دیا گیا، سپریم کورٹ کے بعد بمبئی ہائی کورٹ نے بھی فلم کی ریلیز روک دی اور حکم دیا کہ فلم میں سے مسلمانوں کیخلاف تمام مواد کو نکالا جائے
مسلمانوں کیخلاف مودی کے انتہاپسند بیانیے کی عکاسی کرتے ہوئے پہلے بھی کئی بالی وڈ فلمیں ریلیز کی جا چکی ہیں جن میں ستر حوریں اور کیریلا فائلز جیسی فلمیں شامل ہیں۔

مودی سرکار کو اپنی انتہا پسند پالیسیوں کے باعث عالمی سطح پر شدید تنقید کا سامنا ہے لیکن مودی اپنی روش برقرار رکھتے ہوئے مسلمانوں کو مسلسل اپنے عتاب کا نشانہ بنانا رہا ہے، بی جے پی کی انتخابات میں اکثریت کھو دینا مودی کے انتہاپسند بیانیے کی ہار کا منہ بولتا ثبوت ہے لیکن کیا مودی اپنی پالیسیوں پر نظر ثانی کرے گا؟۔

مودی کی بھارتی اقلیتوں سے خصوصاً مسلمانوں کے ساتھ جارحیت کسی سے ڈھکی چھپی نہیں، مودی نے بھارت کو ہندوتوا ریاست میں تبدیل کرنے کے لیے ہر حربہ استعمال کیا۔

تفصیلات کے مطابق 20 کروڑ مسلم آبادی والے ملک بھارت کی نئی مودی کابینہ میں ایک بھی مسلمان کو بھی شامل نہیں کیا گیا، مودی کی کابینہ میں71میں سے 61 وزرا کا تعلق بی جے پی اور باقی کا این ڈی اے اتحادیوں سے ہے مگر ایک بھی مسلم نمائندہ شامل نہیں ہے۔

بھارتی میڈیا کے مطابق مودی سرکار کی 71 رکنی کابینہ میں 30 وزرا اور 41 وزرائے مملکت شامل ہیں جس میں سے ایک بھی مسلمان نہیں، مودی کے اس ہتک آمیز رویے نے اس کی مسلمانوں سے نفرت کو دنیا پر عیاں کیا۔

تجزیہ کاروں کا کہنا ہے کہ یہ بھارت کی تاریخ میں پہلی بار ہوا ہے کہ کابینہ میں کوئی بھی مسلمان شامل نہیں، 2014 اور 2019 کی مودی کابینہ میں محض ایک ایک مسلمان وزیر شامل تھا لیکن 2024 کی کابینہ میں ایک بھی شامل نہیں۔

تجزیہ کاروں نے اس حوالے سے کہا کہ مضبوط اپوزیشن کے سامنے مودی کے متنازعہ سیاسی امور پر اتفاق رائے اس کی حکومت کے لیے ایک بہت بڑا چیلنج ہوگا، مسلمانوں کو نظر انداز کرنے کا بی جے پی کا رویہ تنگ نظری کا ثبوت ہے اور یہ مسلمانوں کو پسماندہ رکھنا چاہتے ہیں۔

مودی کے تیسری بار اقتدار میں آنے کے بعد کسی بھی مسلمان کو کابینہ میں شامل نہ کرکے یہ واضح پیغام دیا گیا ہے کہ اب بھارت میں آباد مسلمانوں کیلئے آنے والے ماہ و سال مزید مشکل ہو جائیں گے۔

دنیا بھر میں انسانی حقوق کو لیکر واویلا کرنے والی تنظیموں کو بھارت میں مسلمانوں کیخلاف جاری ہتک آمیز رویے کا بھی نوٹس لیناچاہئے۔