ARYNews.tv | Urdu – Har Lamha Bakhabar

Tag: modi

  • مودی کا وزیر اعظم عمران خان کے لیے ٹوئٹ

    مودی کا وزیر اعظم عمران خان کے لیے ٹوئٹ

    نئی دہلی: وزیر اعظم عمران خان کا کرونا ٹیسٹ مثبت آنے پر بھارتی وزیر اعظم مودی نے ٹوئٹ کر دیا ہے۔

    تفصیلات کے مطابق بھارتی وزیر اعظم نریندر مودی نے ایک ٹوئٹ میں وزیر اعظم پاکستان کے لیے دعا اور نیک خواہشات کا اظہار کیا ہے۔

    مودی نے ٹوئٹ کیا کہ وہ وزیر اعظم عمران خان کی جلد صحت یابی کے لیے دعاگو ہیں۔

    واضح رہے کہ آج وزیر اعظم پاکستان عمران خان کا کرونا ٹیسٹ مثبت آ گیا ہے، جس کے بعد انھوں نے خود کو گھر میں قرنطینہ کر لیا ہے۔

    یاد رہے کہ گزشتہ برس جون میں وزیر اعظم عمران خان نے بھارتی وزیر اعظم نریندر مودی کو کامیاب احساس کیش پروگرام شیئر کرنے کی پیش کش کی تھی۔

    سماجی رابطے کی ویب سائٹ ٹوئٹر پر اپنے پیغام میں عمران خان نے کہا تھا لاک ڈاؤن سے بھارت میں 34 فی صدگھرانے شدید متاثر ہیں، اور ان کی آمدنی کم ہوگئی ہے، بھارت میں ہر 3 میں سے ایک شہری ہفتے سے زیادہ اپنا خرچ نہیں اٹھا سکتا۔

    وزیر اعظم نے کہا میں مدد کی پیش کش کرنے اور اپنا کامیاب احساس کیش پروگرام بھارت سے شیئر کرنے کے لیے تیار ہوں، جس کی شفافیت کی وجہ سے بین الاقوامی سطح پر تعریف کی جاتی ہے۔

    خیال رہے کہ بھارت کرونا وائرس سے متاثر دنیا کے 219 ممالک میں سے کیسز کی تعداد کے لحاظ سے تیسرے نمبر پر ہے، جہاں مجموعی کیسز ایک کروڑ سے تجاوز کر چکے ہیں، جب کہ اموات 1 لاکھ 59 ہزار 700 سے زیادہ ہیں۔

  • بھارتی صحافی سخت خطرات کا شکار، بین الاقوامی اداروں کا مودی کو خط

    بھارتی صحافی سخت خطرات کا شکار، بین الاقوامی اداروں کا مودی کو خط

    نئی دہلی: بین الاقوامی میڈیا اداروں نے بھارتی وزیر اعظم نریندر مودی کے نام ایک مشترکہ خط لکھ کر حکومت سے ایسے اقدامات کرنے کو کہا ہے جس سے صحافی بلا خوف خطر اپنے پیشہ وارانہ فرائض انجام دے سکیں۔

    بین الاقوامی میڈیا کے مطابق یورپ کے دو میڈیا اداروں نے بھارتی وزیر اعظم نریندر مودی کے نام ایک مشترکہ مکتوب بھیجا ہے جس میں حکومت سے فوری طور پر ایسے اقدمات کرنے کی اپیل کی گئی جس سے بھارت میں موجود صحافی بلا خوف و ہراس اپنا کام ایمانداری سے انجام دے سکیں۔

    یہ مکتوب آسٹریا میں موجود عالمی میڈیا ادارے انٹرنیشنل پریس انسٹی ٹیوٹ اور بیلجیئم کے انٹرنیشنل فیڈریشن آف جرنلسٹ نے لکھا ہے۔

    اس خط میں کہا گیا ہے کہ بھارت کی مختلف ریاستوں میں درجنوں صحافیوں کے خلاف مقدمات درج کیے گئے ہیں، خاص طور پر انتہائی سخت اور سیاہ قانون کے تحت بغاوت جیسے مقدمات ان کے کام کی وجہ سے دائر کیے گئے ہیں۔

    خط کے مطابق صحت سے متعلق بحران کو ان افراد کو خاموش کرنے کے لیے استعمال کیا جارہا ہے جنہوں نے حکومت کی ناکامیوں اور کوتاہیوں کو بے نقاب کرنے کی کوشش کی۔

    ایک غیر سرکاری تنظیم رائٹس اینڈ رسک انالیسس گروپ کے مطابق مارچ سے مئی کے دوران بھارت میں 55 صحافیوں کے خلاف مختلف نوعیت کے مقدمات درج کیے گئے۔

    سب سے زیادہ مقدمات ریاست اتر پردیش کے صحافیوں کے خلاف درج ہوئے جہاں 11 صحافی جیل بھی بھیجے گئے۔ دوسرے نمبر پر جموں و کشمیر ہے جہاں صحافیوں کو آئے دن ڈرایا دھمکایا جاتا ہے، حراست میں لیے جانے والے ایسے صحافیوں کو جسمانی تشدد کا نشانہ بھی بنایا گیا اور ان کے اثاثوں کو تباہ کرنے کی دھمکیاں دی گئیں۔

    رپورٹرز ود آؤٹ بارڈر کے مطابق بھارت میں صحافتی آزادی کی حالت مسلسل بگڑتی جارہی ہے، ادارے نے 2020 میں دنیا بھر کی صحافت کی صورتحال پر جو رپورٹ شائع کی ہے اس میں بھارت 142 ویں مقام پر ہے۔ صحافتی آزادی کے لحاظ سے بھارت کی حالت پڑوسی ممالک نیپال، بھوٹان اور سری لنکا سے بھی بدتر ہے۔

  • مودی اور امیت شاہ ہندو راشٹریا کے تحت کشمیر کا حل چاہتے ہیں: سردار مسعود خان

    مودی اور امیت شاہ ہندو راشٹریا کے تحت کشمیر کا حل چاہتے ہیں: سردار مسعود خان

    اسلام آباد: آزاد کشمیر کے صدر سردار مسعود خان کا کہنا ہے کہ مقبوضہ کشمیر میں ایک سال سے ٹارچر اور قتل عام معمول بن گیا ہے، مودی اور امیت شاہ اب ہندو راشٹریا کے تحت کشمیر کا حل چاہتے ہیں۔

    تفصیلات کے مطابق آزاد کشمیر کے صدر سردار مسعود خان نے تقریب سے خطاب کرتے ہوئے کہا کہ اقلیت میں ہونے سے مراد یہ نہیں کہ شہری دوسروں سے کم تر ہیں، پاکستان کے آئین میں اقلیتوں کے حقوق کو مکمل تحفظ حاصل ہے۔

    سردار مسعود خان کا کہنا تھا کہ بھارت میں اقلیتوں سے ناروا سلوک اور کشمیر میں بربریت ہندو توا نظریہ ہے، بھارت میں مسلمانوں کا استحصال ہو رہا ہے۔ مقبوضہ کشمیر میں ایک سال سے ٹارچر اور قتل عام معمول بن گیا۔

    انہوں نے کہا کہ ہٹلر دور میں جو ہوا وہ آج کشمیر میں ہو رہا ہے، مودی اور امیت شاہ اب ہندو راشٹریا کے تحت کشمیر کا حل چاہتے ہیں، کشمیر میں ہندوؤں کو بسانے کا منصوبہ بنایا جا رہا ہے۔

    سردار مسعود خان کا کہنا تھا کہ دنیا مقبوضہ کشمیر میں بھارتی آبادی کے تناسب کی تبدیلی اور نسل کشی روکے، عالمی انسانی حقوق کی تنظیمیں اور اقوام متحدہ کردار ادا کرے۔

  • بھارت کی جانب سے پاکستان میں فالس فلیگ آپریشن کا خطرہ ہے: وزیر اعظم

    بھارت کی جانب سے پاکستان میں فالس فلیگ آپریشن کا خطرہ ہے: وزیر اعظم

    اسلام آباد: وزیر اعظم عمران خان کا کہنا ہے کہ بھارت کا پاکستان، چین اور نیپال کے ساتھ سرحدی تنازعہ ہے۔ بھارت کی جانب سے پاکستان میں فالس فلیگ آپریشن کا خطرہ ہے۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مودی کی ہندو توا اور شدت پسند حکومت پڑوسی ممالک کے لیے بھی خطرہ بنتی جا رہی ہے۔

    وزیر اعظم کا کہنا تھا کہ بنگلہ دیش کو شہریت کے متنازعہ قانون کے باعث خطرہ لاحق ہے، بھارت کا پاکستان، چین اور نیپال کے ساتھ سرحدی تنازعہ ہے۔ بھارت کی جانب سے پاکستان میں فالس فلیگ آپریشن کا خطرہ ہے۔

    انہوں نے کہا کہ مقبوضہ کشمیر میں غیر قانونی تسلط جنیوا کنونشن کی خلاف ورزی ہے، مودی کی فاشسٹ حکومت خطے کے امن کے لیے بھی خطرہ ہےم نازیوں سے مماثلت رکھنے والی انتہا پسند مودی سرکار پڑوسیوں کے لیے خطرہ ہے۔

    خیال رہے کہ لداخ میں بھارت اور چین کے درمیان کشیدگی میں اضافہ ہوگیا ہے۔

    چینی حکام کا کہنا ہے کہ بھارت وادی گالوان کے قریب دفاع سے متعلق غیر قانونی تعمیرات کر رہا تھا تو اس دوران چينی فوج نے بھارتی فوج کے ایک دستے کو گرفتار بھی کیا جسے مذاکرات کے بعد رہا کیا گیا۔

  • مودی کو منہ کی کھانا پڑگئی

    مودی کو منہ کی کھانا پڑگئی

    نئی دہلی: دہلی اسمبلی میں متنازع بھارتی شہریت کے قانون کے خلاف قرارداد منظور کرلی گئی۔

    تفصیلات کے مطابق بھارت میں مسلم کش فسادات کی وجہ بننے والا متنازع قانون دہلی اسمبلی نے مسترد کردیا۔ متنازع قانون کے خلاف قرارداد بھاری اکثریت سے منظور کرلی گئی۔

    وزیراعلیٰ دہلی اروند کیجروال نے سوال اٹھایا کہ 90فیصد بھارتیوں کے پاس سرکاری پیدائشی سند نہیں ہے تو کیا 90 فیصد بھارتیوں کو حراست میں لیا جائے گا؟

    ان کا کہنا تھا کہ متنازع شہریت کا خوف سب کو پریشان کررہا ہے، مرکزی حکومت سے اپیل کرتا ہوں بل کو فی الفور واپس لیا جائے۔ دہلی اسمبلی نے متنازع قانون کو اقلیتوں کے خلاف قرار دے دیا۔

    دہلی فسادات کی سخت مذمت، پاکستان ہندو کونسل نے مودی کو ہٹلر قرار دے دیا

    یاد رہے کہ بھارت کے شہر نئی دہلی میں گزشتہ ماہ اچانک ہندو انتہا پسندوں نے متنازع شہریت قانون کے خلاف مظاہرے کرنے والے مظاہرین پر حملے کیے اور مسلمانوں کے گھر بھی نذر آتش کیے۔ رپورٹ کے مطابق بھارت میں ہونے والے پرتشدد واقعات میں اب تک پولیس اہلکار سمیت 50 افراد ہلاک ہوچکے ہیں۔

    انٹرنیٹ پر کئی ایسی ویڈیوز اور تصاویر سامنے آئیں جن میں دیکھا جاسکتا ہے کہ ہندو انتہا پسندوں کو پولیس کی مکمل سرپرستی حاصل ہے اور وہ انہیں روکنے کے بجائے مظاہرین پر تشدد کررہے ہیں۔

  • صدرٹرمپ دورہ بھارت میں مودی سے کیا بات کریں گے ؟

    صدرٹرمپ دورہ بھارت میں مودی سے کیا بات کریں گے ؟

    واشنگٹن : امریکی وائٹ ہاؤس نے بھار ت میں انسانی حقوق کی خلاف ورزی پراظہارتشویش کرتے ہوئے صدرٹرمپ دورہ بھارت میں مودی سےمذہبی آزادی پربات کریں گے۔

    تفصیلات کے مطابق امریکی وائٹ ہاؤس نے بھار ت میں انسانی حقوق کی خلاف ورزی پراظہارتشویش کرتے ہوئے کہا بھارت میں اقلیتوں کےحقوق کی صورتحال پرتشویش ہے ، صدرٹرمپ دورہ بھارت میں مودی سےمذہبی آزادی پربات کریں گے، مذہبی آزادی کامعاملہ ٹرمپ انتظامیہ کے لئے انتہائی اہم ہے۔

    وائٹ ہاؤس کا کہنا تھاکہ شہریت کےمتنازع قانون کیخلاف مظاہروں پرتشویش ہے، صدرٹرمپ24فروری سے بھارت کا 2روزہ دورہ کریں گے، ٹرمپ کےپاک،بھارت کشیدگی میں کمی کےبیانات حوصلہ افزاہیں اور وہ تنازعات باہمی ڈائیلاگ سےحل کرنےکےحامی ہیں۔

    مزید پڑھیں : بھارت میں مذہب کے نام پر استحصال میں اضافہ، امریکی کمیشن نے خطرے کی گھنٹی بجا دی

    گذشتہ روز امریکا کے کمیشن برائے بین الاقوامی مذہبی آزادی (یو ایس سی آئی آر ایف) کی جاری کردہ سالانہ رپورٹ میں کہا گیا تھا کہ بھارت میں مذہبی آزادی کی صورتحال پریشان کن ہے، بھارت میں مذہب کے نام پر استحصال میں اضافہ ہو رہا ہے، بھارت میں شہریت کے جس متنازعہ قانون کے خلاف احتجاج ہو رہا ہے، وہ قانون مسلمانوں کے ساتھ تفریق کے لیے بنایا گیا ہے، نئے قانون سے 19 لاکھ لوگوں کی شہریت پر سوالیہ نشان لگ گیا ہے۔

    رپورٹ میں کہا گیا تھا کہ نئے قانون سے مسلمانوں کو نشانہ بنائے جانے کا خطرہ بڑھ گیا ہے، نئے قانون کے تحت مذہب کی بنیاد پر شہریوں کا رجسٹر تیار ہوگا اور قانون کے نفاذ کے بعد اظہار مذہب کی آزادی متاثر ہوئی ہے، جبکہ بھارتی حکومت متنازعہ قانون کے خلاف مظاہرے کرنے والوں پر تشدد کر رہی ہے۔

    امریکی کمیشن کا کہنا ہے کہ نئے قانون کے تحت مذہب کی بنیاد پر شہریوں کا رجسٹر تیار ہوگا۔ بھارت میں مذکورہ قانون کے نفاذ کے بعد اظہار مذہب کی آزادی متاثر ہوئی ہے۔

    رپورٹ میں سفارش کی گئی تھی کہ کمیشن کے ارکان کو بھارت کا دورہ کروانے اور عوام سے ملنے کے لیے امریکی حکومت، بھارت پر دباؤ ڈالے۔

  • جاوید اختر نے مودی کو فاشسٹ قرار دے دیا

    جاوید اختر نے مودی کو فاشسٹ قرار دے دیا

    ممبئی: معروف بھارتی شاعر اور نغمہ نگار جاوید اختر نے بھارتی حکمران جماعت بی جے پی (بھارتیہ جنتا پارٹی) کے اقدامات پر سخت تنقید کرتے ہوئے نریندر مودی کو فاشسٹ قرار دے دیا۔

    الجزیرہ ٹی وی کو انٹرویو دیتے ہوئے جب جاوید اختر سے پوچھا گیا کہ کیا وہ بھارتی وزیر اعظم نریند رمودی کو فاشسٹ سمجھتے ہیں، تو انہوں نے بلاتوقف کہا، ’ یقیناً‘۔

    جاوید اختر کا کہنا تھا کہ فاشسٹ لوگوں کے سر پر سینگ نہیں ہوتے، فاشسٹ سوچ ہوتی ہے۔ یہ سوچ کہ ہم دوسروں سے بہتر ہیں اور ساری مشکلات دوسری کی وجہ سے پیدا ہو رہی ہیں، ’جس لمحے آپ لوگوں سے نفرت کرنا شروع کرتے ہیں آپ فاشسٹ بن جاتے ہیں‘۔

    پروگرام میں معروف ہدایت کار مہیش بھٹ بھی موجود تھے۔ میزبان نے ان سے اسلامو فوبیا کے بارے میں سوال کیا تو مہیش بھٹ کا کہنا تھا کہ اسلامو فوبیا کو نائن الیون کے سانحے کے بعد تخلیق کیا گیا، ’یہ فوبیا (خوف) پیدا کردہ ہے کیونکہ میرا نہیں خیال کہ ایک عام بھارتی کسی مسلمان سے خوفزدہ ہے’۔

    انہوں نے کہا یہ خوف تخلیق کر کے پیش کیے جانے میں بھارتی صحافی اور چینلز دن رات جتے ہیں۔

    خیال رہے کہ مہیش بھٹ اور جاوید اختر ان باشعور بھارتی افراد میں شامل ہیں جو مودی کے ظالمانہ اور غیر انسانی اقدامات کی کھلے عام مخالفت کرتے رہے ہیں۔

    اس سے قبل جاوید اختر نے بھارت میں ہونے والے احتجاج کے موقع پر کہا تھا کہ فیض کی نظم کو اینٹی ہندو کہنا انتہائی مضحکہ خیز ہے، فیض احمد فیض کی نظم آزادی اظہار پر پابندیوں کے خلاف ہے۔

  • امریکی ارب پتی جارج سورس کی مودی اور ٹرمپ پر کڑی تنقید

    امریکی ارب پتی جارج سورس کی مودی اور ٹرمپ پر کڑی تنقید

    واشنگٹن : امریکی ارب پتی جارج سورس نے مودی سرکار اور صدر ٹرمپ پر کڑی تنقید کی اور کہا منتخب مودی ہندو نیشنلسٹ اسٹیٹ بنارہا ہے جبکہ صدر ٹرمپ خود پسند شخص ہیں، وہ چاہتے ہیں کہ دنیا ان کے گرد گھومے۔

    تفصیلات کے مطابق امریکی ارب پتی جارج سورس نے مودی سرکار کو تنقید کا نشانہ بناتے ہوئے کہا جمہوری طریقے سے منتخب مودی ہندو نیشنلسٹ اسٹیٹ بنارہا ہے، مقبوضہ کشمیرمیں پابندیاں لگائی گئیں، لاکھوں مسلمانوں کو بھارتی شہریت سے محروم رکھنے کی دھمکی دی گئی، بھارت کی صورتحال پر بڑا دھچکا ہے۔

    جارج سورس نے امریکی صدر پر بھی تنقید کرتے ہوئے کہا صدر ٹرمپ خود پسند شخص ہیں، وہ چاہتے ہیں کہ دنیا ان کے گرد گھومے، صدر بننے کے بعد ٹرمپ کی خود پسندی عروج پرپہنچ گئی ہے۔

    خیال رہے بھارت میں شہریت کے متنازع قانون کیخلاف مظاہرے جاری ہیں، جھاڑکھنڈ میں متنازع قانون کیخلاف احتجاج کرنے والوں پر پولیس نے تشدد کیا ، پولیس اورمظاہرین میں جھڑپوں کے بعدمختلف علاقوں میں کرفیولگا دیا گیا۔

    ممبئی،دہلی،حیدرآباد اورمختلف شہروں میں شہریت کے منتازع قانون کیخلاف احتجاج ہورہا ہے، دہلی کی جامعہ ملیہ میں گھس کر طالبہ وطالبات پربدترین تشدد کرنے والے پولیس اہلکاروں کیخلاف ایک مہینہ گزرنے کے باوجود مقدمہ درج نہیں کیا گیا ہے۔

    دوسری جانب امریکی عوام کی اکثریت نے صدر ٹرمپ کی پالیسیوں کو مسترد کردیا ، امریکی ٹی وی کے سروے میں 51 فیصد امریکیوں نے رائے دی کہ سینٹ کو صدر ٹرمپ کا مواخذہ کرکے انہیں عہدے سے ہٹا دینا چاہئیے۔

    سروے کے مطابق 58 فیصد امریکیوں کے خیال میں صدرٹرمپ نے اختیارات کا ناجائز استعمال کیا جبکہ 57 فیصد امریکیوں نے رائے دی کہ امریکی صدر نے ایوان نمائندگان میں مواخذے کی کارروائی میں رکاوٹیں کھڑی کیں۔

  • مودی کا ہٹلر سے موازنہ، بین الاقوامی فنکار بھی ظلم پر بول پڑے

    مودی کا ہٹلر سے موازنہ، بین الاقوامی فنکار بھی ظلم پر بول پڑے

    ممبئی: ہالی ووڈ کے مشہور اداکار جون کیوزیک اور بالی ووڈ ایکٹر پرکاش راج نے بھارتی وزیراعظم نریندر مودی کو ہٹلر سے تشبیہ دے ڈالی۔

    تفصیلات کے مطابق دونوں اداکاروں نے سماجی رابطے کی ویب سائٹ ٹوئٹر کے ذریعے مودی کو تنقید کا نشانہ بنایا اور ہٹلر سے تشبیہ دی۔ جان کیوزیک نے ٹوئٹ میں مودی اور ہٹلر کو ایک جیسے گیٹ اپ میں دکھایا۔

    ہالی ووڈ اسٹار نے نازی فورس اور آر ایس ایس کا موازنہ بھی کیا۔ جان کیوزیک کے ٹوئٹ کو ہزاروں کی تعداد میں لوگوں نے ری ٹوئیٹ کیا۔ جس میں امریکی بھی شامل ہیں۔

    بالی ووڈ اداکار پرکاش راج نے بھی ٹویٹ میں مودی کا ہٹلر سے موازنہ کیا۔ اور کولاج شیئر کیا۔ پرکاش راج ہوں یا جان کیوزیک دونوں جواہر لال نہرو یونی ورسٹی میں تشدد اور مودی کی انتہاپسندی پر تواتر سے تنقید کررہے ہیں۔

    خیال رہے کہ مقبوضہ وادی میں جاری ظلم وبربریت کے خلاف دنیا بھر میں لوگ آواز اٹھارہے ہیں۔

    حال ہی میں حریت رہنما یاسین ملک کی اہلیہ مشعال ملک کا اپنے ایک بیان میں کہنا تھا کہ بھارتی وزیراعظم نے ہٹلر کے ریکارڈ توڑ دیے، مقبوضہ وادی میں کشمیریوں کا خون بہایا جارہا ہے۔

  • بھارتی شہریت بل: احتجاجی مظاہرے اپوزیشن کی کارستانی ہے، مودی

    بھارتی شہریت بل: احتجاجی مظاہرے اپوزیشن کی کارستانی ہے، مودی

    نئی دہلی : نریندر مودی نے شہریت سے متعلق مسلم مخالف بل پر ملک بھر میں ہونے والے احتجاجی مظاہروں کو اپوزیشن جماعتوں کی کارستانی قرار دے دیا۔

    تفصیلات کے مطابق بھارت کے دارالحکومت نئی دہلی میں ایک جلسہ عام سے خطاب کرتے ہوئے وزیراعظم نریندر مودی نے شہریت ترمیمی بل کے خلاف مظاہرہ کرنے والوں پر پولیس تشدد کی حمایت کرتے ہوئے ہنگامہ آرائی کا ذمہ دار کانگریس اور دیگر اپوزیشن جماعتوں کو ٹھہرا دیا۔

    احتجاجی مظاہروں سے جھنجھلاہٹ کے شکار وزیراعظم مودی نے خطاب کرتے ہوئے مزید کہا کہ کانگریس اور ان کے چند حمایتی جماعتیں بل کے خلاف منفی پروپیگنڈا کرکے مسلمانوں کے جذبات بھڑکا رہے ہیں۔

    ان کا کہنا تھا کہ یہ بل صرف نئے تارکین وطن مسلمانوں کو شہریت نہیں دیتا جبکہ اس بل سے برسوں سے بھارت میں مقیم مسلمانوں کو کوئی بھی فرق نہیں پڑے گا۔

    غیر ملکی خبر رساں ادارے کا کہنا تھا کہ عوامی دباﺅ سے پریشان بھارتی وزیراعظم نے بل کی حمایت میں انوکھی منطق پیش کی کہ مسلمانوں کو برابر کا شہری سمجھتے ہیں اسی لیے کسی آبادی کو لیز کیا جاتا ہے تو یہ نہیں ہوتا کہ مسلمان گھرانوں کو لیز نہ دی گئی ہو یا غربت سرٹیفکیٹ کی تقسیم میں کسی مسلمان کو محروم رکھا گیا ہو۔