ARYNews.tv | Urdu – Har Lamha Bakhabar

Tag: modi

  • پاکستان نریندر مودی سے مذاکرات کے لیے تیار ہے: فردوس عاشق اعوان

    پاکستان نریندر مودی سے مذاکرات کے لیے تیار ہے: فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان نے کہا ہے کہ پاکستان نریندر مودی سے مذاکرات کے لیے تیار ہے.

    ان خیالات کا اظہار انھوں‌ نے بی جے پی کی جیت پر ردعمل دیتے ہوئے کیا. ان کا کہنا تھا کہ مودی کی کامیابی کی خبراچھی ہے، نہ ہی بری، بس یہ ایک خبر ہے.

    فردوس عاشق اعوان نے کہا کہ بھارتی عوام کا مینڈیٹ تسلیم کرتے ہیں، مودی سےمذاکرات کے لئے تیار ہیں.

    معاون خصوصی برائے اطلاعات فردوس عاشق اعوان نے کہا کہ پاکستان ہمیشہ بھارت سے مذاکرات چاہتا ہے،  ہم امن کے خواہاں ہیں.

    مزید پڑھیں: کانگریس نے شکست تسلیم کر لی، راہول گاندھی کی نریندر مودی کو مبارک باد

    خیال رہے کہ بھارتی عام انتخابات میں بھارت نے واضح اکثریت حاصل ہے. آج وزیر اعظم عمران خان نے ٹویٹر کے ذریعے نریندر مودی کو الیکشن میں کام یابی پر مبارک باد دی۔

    وزیر اعظم نے لکھا نریندر مودی اور ان کے اتحادیوں کو الیکشن جیتنے پر مبارک باد دیتا ہوں، خطے میں امن، ترقی اور خوش حالی کے لیے کام کرنے کے خواہش مند ہیں۔

  • کانگریس نے شکست تسلیم کر لی، راہول گاندھی کی نریندر مودی کو مبارک باد

    کانگریس نے شکست تسلیم کر لی، راہول گاندھی کی نریندر مودی کو مبارک باد

    دہلی: بھارت کی سب سے بڑی اپوزیشن جماعت انڈین کانگریس نے الیکشن میں شکست تسلیم کر لی.

    تفصیلات کے مطابق راہول گاندھی نے کانگریس کے صدر  دفتر  میں تقریر کرتے ہوئے کہا کہ میں نے انتخابی ریلی میں کہہ دیا تھا، عوام مالک ہیں، مالک نے آرڈر دیا ہے، تو میں سب سے پہلے نریندر مودی  کو  مبارک باد دینا چاہتا ہوں۔

    اس موقع پر انھوں نے اپنے کارکنوں کا حوصلہ بڑھاتے ہوئے  ہمت نہ ہارنے کی تلقین کی، انھوں نے کہا کہ کانگریس محبت سے اپنے نظریے کی جیت حاصل کرے گی، آپ کو گھبرانے کی ضروررت نہیں ہے۔

    ان کا کہنا تھا کہ کانگریس پارٹی کے کارکنوں اور امیدواروں نے پورا زور لگایا، میں ان کا شکریہ ادا کرنا چاہتا ہوں، ہماری لڑائی نظریے کی لڑائی ہے، جو جاری رہے گی۔

    مزید پڑھیں: وزیر اعظم عمران خان کی الیکشن میں کامیابی پر نریندر مودی کو مبارک باد

    اس سوال پر انتخابات میں کہاں غلطی ہوئی، راہول گاندھی نے کہا کہ ہم کانگریس کی مجلس عاملہ کے ساتھ بات کریں گے اور یہ آپ فی الحال ہم پر چھوڑ دیں۔

    اپنے تک آنے والے نتائج میں بی جے پی پارلیمان کی 543 میں سے 300 نشستیں جیت رہی ہے۔

  • مودی کی پریس کانفرنس مذاق بن گئی، راہول گاندھی کی شدید تنقید

    مودی کی پریس کانفرنس مذاق بن گئی، راہول گاندھی کی شدید تنقید

    دہلی: بھارتی وزیر اعظم نریندر مودی کی پہلی پریس کانفرنس سوشل میڈیا پر مذاق بن گئی، اپوزیشن نے نشانے پر رکھ لیا.

    تفصیلات کے مطابق نریندر مودی نے اپنے پانچ سالہ دور اقتدار کی پہلی پریس کانفرنسمیںکسی بھی سوال کا جواب دینے سے اجتناب برتا.

    اس رویے کو شدید تنقید کی نشانہ بنایا گیا، نہ صرف سوشل میڈیا پر اس کے خلاف ایک طوفان آگیا، بلکہ بھارتی اخبارات نے بھی اس کانفرنس کو آڑے ہاتھوں لیا.

    بھارتی اخبار ’دا ٹیلی گراف‘ نے اس پر انوکھے انداز میں طنز کرتے ہوئے صفحہ اول پر جگہ خالی چھوڑ دی، ساتھ لکھا،’’یہ جگہ مختص کر دی ہے، اس کو بھر دیا جائے گا، جب وزیر اعظم نریندر مودی پریس کانفرنس میں سوالات کا جواب دیں گے۔‘‘

    اپوزیشن پارٹی کانگریس پارٹی کے صدر راہل گاندھی نے طنزاً وزیر اعظم کو اپنی پہلی پریس کانفرنس پر مبارک باد دیتے ہوئے ٹویٹ کیا۔

    انھوں نے لکھا: ’’مودی جی مبارک ہو۔ شان دار پریس کانفرنس! آپ کا نظر آنا نصف جنگ ہے۔ اگلی بار مسٹر شاہ آپ کو ایک دو سوالوں کا جواب دینے کی اجازت ضرور دیں گے۔ شاباش!‘‘

    راہل گاندھی نے ایک پریس کانفرنس بھی کی، جس میں انھوں نے کہا کہ ’’میں نے سنا کہ بعض صحافیوں کو وزیر اعظم کی پریس کانفرنس میں جانے نہیں دیا گیا۔۔۔ اس لیے میں یہیں سے ان سے سوال کرتا ہوں کہ آپ نے رفال پر میرے کسی سوال کا جواب کیوں نہیں دیا۔‘‘

     

    سوشل میڈیا پر اس واقعے پر طنز کا سلسلہ جاری ہے اور کہا جارہا ہے کہ اسکرپٹ کے بغیر نریندر مودی راہول گاندھی سے بھی گئے گزرے ہیں۔

  • عوام مودی کے خلاف شدید غصے میں‌ ہیں: بھارتی وزیر اعظم کے ہم شکل کا دعویٰ

    عوام مودی کے خلاف شدید غصے میں‌ ہیں: بھارتی وزیر اعظم کے ہم شکل کا دعویٰ

    دہلی: بھارتی وزیر اعطم کے ہم شکل شخص نے کہا ہے کہ عوام مودی کے خلاف غصے سے بھرے ہوئے ہیں۔

    ان خیالات کا اظہار ابھی نندن پارٹھک نے کیا، جو لکھنو سے بھارتیہ جنتا پارٹی (بی جے پی)  کے خلاف الیکشن لڑ رہے ہیں.

    ابھی نندن پارٹھک خود کو نریندر مودی کا ہم شکل نہیں مانتے. ان کا کہنا تھا میں میں اصلی ہوں، نریندر مودی میرے جیسا دکھائی دیتے ہیں.

    انھوں نے مزید کہا کہ میں اپنا حلیہ کیوں نہیں بدلوں گا، میں 1990 کی دہائی سے سیاست کر رہا ہوں، ہمیشہ کرتا پہنا، داڑھی رکھی، آگے بھی یہی کروں گا. آزاد امیدوار کے طور پر میدان میں اترنے والے ابھی نندن کی مقبولیت میں تیزی سے اضافہ ہورہا ہے.

    اپنے ایک بیان میں انھوں نے کہا کہ بھارتی وزیراعظم کے خلاف عوام کا غصہ حقیقی ہے، جہاں بھی گیا، اس غصے کو محسوس کیا۔

    مزید پڑھیں: ایئر اسٹرائیک کی اجازت اس لیے دی کہ طیارے بادلوں میں چھپ جائیں گے، مودی کا مضحکہ خیز دعویٰ

    انھوں کہا کہ جب 2014 میں نریندر مودی بھارتی وزیراعظم بنے، تو اس وقت میں ان کا بہت بڑا حمایتی تھا، مشابہت کی وجہ سے عوام مجھ سے محبت کرتے تھے، میرے ساتھ سیلفی بنواتے تھے، مگر اب وہ گرم جوشی نہیں‌ رہی.

    ابھی نندن پاٹھک نے کہاکہ لوگ اب ان سے پوچھتے ہیں کہ بھارتی وزیراعظم نے اپنی انتخابی مہم کے دوران کہا تھا کہ اچھے دن آئیں گے‘ تو کہاں ہیں وہ اچھے دن؟

  • کیا شاہ رخ‌ خان کو نریندر مودی کی شکست کا انتظار ہے؟

    کیا شاہ رخ‌ خان کو نریندر مودی کی شکست کا انتظار ہے؟

    ممبئی: میگا بجٹ فلم "زیرو” کی ناکامی کے بعد شاہ رخ نے مزید فلمیں کرنے سے انکار کر دیا.

    تفصیلات کے مطابق بالی وڈ کے کنگ خان اس وقت اپنے کیریر کے مشکل ترین دور تک سے گزر رہے ہیں، ان کی فلموں کو پے در پے ناکامیوں کا سامنا کرنا پڑا.

    کنگ خان کی میگا بجٹ فلم ’’زیرو‘‘ کو بھی بدترین ناکامی کا سامنا کرنا پڑا، جس کے بعد اداکار نے مزید کوئی فلم کرنے سے انکار کر دیا.

    بہ ظاہر یوں لگتا ہے کہ شاہ رخ‌ اپنی ناکامیوں سے پریشان ہیں، مگر کچھ تجزیہ کاروں کے مطابق اس کا سبب مودی ڈاکٹرائن ہے، جس میں‌ کنگ خان اور دیگر مسلمان اداکاروں کی جگہ ہندو اداکاروں کو سامنے لانے کی کوشش کی جارہی ہے.

    اس ضمن میں معروف نقادین اور سوشل میڈیا کو کامیابی سے برتا گیا. خیال رہے کہ شاہ رخ‌ خان کی فلم ’’دل والے‘‘ کو عدم برداشت کے ایک بیان پر شدید احتجاج کا نشانہ بنایا پڑا، جس کی وجہ سے فلم کا بزنس شدید متاثر ہوا.

    مزید پڑھیں: مودی سرکار شاہ رخ خان کی ڈاکٹریٹ کی ڈگری میں رکاوٹ بن گئی

    یاد رہے کہ کنگ خان نے ابتدا میں کہا تھا کہ وہ جون میں اپنے اگلے پراجیکٹ کا اعلان کریں گے، البتہ انھوں نے کہا ہے کہ وہ فی الحال فلم کرنے کا ارادہ نہیں رکھتے.

    خیال رہے کہ بھارت میں‌ الیکشن جاری ہیں، سات مرحلوں میں ہونے والے یہ انتخابات 19 اپریل سے 11 مئی تک جاری رہیں گے. شاید کنگ خان اسی کے بعد اپنے اگلے پراجیکٹ کا اعلان کریں.

    ذہن نشین رہے کہ شاہ رخ خان کا جھکاؤ ہمیشہ کانگریس کی طرف رہا۔ وہ بنگال کی وزیر اعلیٰ ممتا بینرجی کے بھی قریب تصور کیے جاتے ہیں۔

  • رافیل ڈیل کی تحقیقات کا حکم، مودی کی مشکلات بڑھ گئیں

    رافیل ڈیل کی تحقیقات کا حکم، مودی کی مشکلات بڑھ گئیں

    نئی دہلی: بھارت کی سپریم کورٹ نے رافیل ڈیل کی خفیہ دستاویزات کی جانچ پڑتال کا حکم جاری کردیا، مودی حکومت کو طیاروں کی خریداری میں کرپشن کے الزامات کا سامنا ہے۔

    تفصیلات کے مطابق بھارت میں ہونے والے لوک سبھا کے انتخابات سے ایک روز قبل بھارتی سپریم کورٹ نے رافیل طیاروں کی خریداری کے حوالے سے ہونے والی مبینہ کرپشن کی تحقیقات کا حکم جاری کیا۔

    بھارتی سپریم کورٹ نے رافیل طیاروں کے خفیہ معاہدے اور دستاویزات کی جانچ پڑتال کا حکم دیتے ہوئے رپورٹ عدالت میں جمع کرانے کی ہدایت بھی کی۔

    بھارت میں لوک سبھا کے انتخابات کا مرحلہ کل سے شروع ہورہا ہے، بھارتی تجزیہ نگاروں کے مطابق سپریم کورٹ کا حکم بی جے پی کے لیے مشکلات کھڑی کرسکتا ہے کیونکہ مودی حکومت پر طیاروں کی ڈیل کے حوالے سے کرپشن کا الزام ہے۔

    مزید پڑھیں: رافیل طیاروں کی ڈیل: مودی نے 30 ہزارکروڑامبانی کی جیب میں ڈالے

    یاد رہے کہ بھارت کی دوسری بڑی سیاسی جماعت کانگریس پارٹی کے صدر راہول گاندھی نے گزشتہ ماہ دعویٰ کیا تھا کہ رافیل طیاروں کی ڈیل میں براہ راست نریندرمودی کا نام آرہا ہے، بھارتی وزیر اعظم نے 30 ہزار کروڑ روپے امبانی کی جیب میں ڈالے۔

    راہول گاندھی نے دعویٰ کیا تھا کہ نریندر مودی امبانی کو معاہدے دینا چاہتے تھے اس لیے رافیل وقت پرنہ آئے۔ انہوں نے مطالبہ کیا تھا کہ مودی کے خلاف کارروائی کی جائے۔

    ایک روز قبل بھارتی سپریم کورٹ میں رافیل طیاروں کے معاہدے کے خلاف کیس کی سماعت کے دوران اٹارنی جنرل کے کے وینوگوپال نے حکومت کی نمائندگی کی تھی۔ بھارتی اٹارنی جنرل کا کہنا تھا کہ رافیل طیاروں کے معاہدے سے متعلق دستاویزات چوری ہوچکی ہیں۔

    سپریم کورٹ میں ہونے والی سماعت سے ایک روز قبل صدر راہول گاندھی نے سماجی رابطے کی ویب سائٹ ٹویٹر پر اپنے پیغام میں کہا تھا کہ رافیل طیاروں کے دھوکے میں بھارتی وزیراعظم نریندر مودی پر مقدمہ چلانے کے لیے کافی ثبوت ہیں۔ راہول گاندھی کا کہنا تھا کہ جرم ثابت کرنے والی رافیل طیاروں کی فائلیں چوری کروا کرمودی نے کرپشن چھپانے کی کوشش کی۔

    یہ بھی پڑھیں: راہول گاندھی نے مودی کو کرپٹ انسان قرار دے دیا

    واضح رہے کہ بھارتیہ جنتا پارٹی نے حکومت سنبھالنے کے ایک برس بعد فرانس سے36 جیٹ طیارے خریدنے کا معاہدہ طے کیا تھا جس پر کانگریس سمیت دیگر اپوزیشن جماعتوں نے شدید تنقید کی تھی۔

  • بھارتی فوج کومودی کی سینا قراردینا آدیتیہ ناتھ کو مہنگا پڑ گیا، اپوزیشن کی کڑی تنقید

    بھارتی فوج کومودی کی سینا قراردینا آدیتیہ ناتھ کو مہنگا پڑ گیا، اپوزیشن کی کڑی تنقید

    دہلی:‌ اترپردیش کے انتہا پسند وزیراعلیٰ آدیتیہ ناتھ کے بھارتی فوج سے متعلق متنازع بیان نے کھلبلی مچا دی.

    تفصیلات کے مطابق بھارتی فوج ملک کی وفادار ہے یا نریندر مودی کی ہم نوا ہے؟ نئی بحث چھڑ گئی، بھارتی عوام شدید تذبذب کا شکار ہوگئے۔

    یوپی کے مسلمان دشمن وزیر اعلیٰ آدیتیہ ناتھ کے بھارتی فوج کومودی کی سینا قراردینے پرہنگامہ کھڑا ہوگیا، اپوزیشن کی کڑی تنقید پربھارتی وزیردفاع کو وضاحت دینا پڑگئی۔

    جوں جوں‌ الیکشن قریب آرہے ہیں، مودی کی مشکلات میں‌ اضافہ ہوتا جارہا ہے، اب بھارتی وزیر اعظم اپنے ہی ساتھی کی وجہ سے مشکل میں آگئے.

    مغربی بنگال کی وزیراعلیٰ ممتا بینرجی نے اس بیان کو ناقابل قبول اور الیکشن جیتنے کا حربہ قراردیا۔

    ادھر عوام میں‌ بھی تذبذب پایا جاتا ہے، ملک کے دفاع کے لیے تعینات فوج کو مودی کی سینا قرار دینا پریشان کن ثابت ہوا.

    مزید پڑھیں: بھارتی انتخابات، مودی سرکار کا پروپیگنڈا روکنے کے لیے واٹس ایپ کا اہم اقدام

    آدیتیہ ناتھ کے بیان پر کانگریس اوردیگراپوزیشن جماعتوں نے بھی مودی سرکارکوآڑے ہاتھوں لے لیا، بھارتی الیکشن کمیشن بھی حرکت میں‌ آگیا، یوپی کے وزیراعلی سے وضاحت طلب کرلی۔

    یاد رہے کہ پلوامہ حملے کے بعد سے بھارت سرکاری بوکھلاہٹ کا شکار ہے، بھارتی فضائی افسر  ابھی نندن کی گرفتاری  کی وجہ سے بھارت کو سفارتی محاذ پر بھی شکست ہوئی۔

  • مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے

    مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے

    اسلام آباد : وزیرمملکت پارلیمانی امورعلی محمدخان کا کہنا ہے کہ مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے ، پاکستان کا دشمن نمبرون اسرائیل ہے۔

    تفصیلات کے مطابق اسلام آباد میں وزیرمملکت پارلیمانی امورعلی محمدخان نے تقریب سے خطاب کرتے ہوئے کہا قومیں ہمیشہ آفات اور مسائل سے نمٹنے کیلئے تیار ہوتی ہیں، مودی صاحب اپنے پائلٹ کو جہاز اڑانا سکھا کر بھیجا کریں، بار بار ابھی نندن واپس نہیں کئے جاسکتے۔

    وزیرمملکت کا کہنا تھا ہماری پروفیشنل آرمڈ فورسزہیں اور قوم ان کے پیچھے کھڑی ہے، پاکستان کا دشمن نمبرون اسرائیل ہے۔

    علی محمدخان نے کہا 2009 اور 10 کے سیلاب نے بہت تباہی مچائی، عمران خان ماحول سے پیدا تبدیلیوں کو بخوبی سمجھتے ہیں، وزیراعظم عمران خان نے بلین ٹری سونامی شروع کیا۔

    ان کا مزید کہنا تھا بطورقوم قدرتی آفات سے نمٹنےکیلئے تیار رہنےکی ضرورت ہے، حالیہ بارشوں نےبلوچستان میں تباہی مچائی۔

    مزید پڑھیں : بھارت اب بازنہ آیا تو اس کے ہزار ٹکڑے کریں گے،علی محمد خان

    یاد رہے قومی اسمبلی میں وزیرمملکت برائے پارلیمانی امورعلی محمد خان کا کہنا تھا کہامن کی خواہش کو کمزوری نہ سمجھا جائے، پاکستان ایک ایٹمی ملک ہے۔

    ان کا مزید کہنا تھا  پاکستان کلمہ طیبہ کی بنیاد پربننے والا ملک ہے تاقیامت رہے گا، بھارت اب بازنہ آیا تو اس کے ہزار ٹکڑے کریں گے۔

  • بھارتی مسلمانوں‌ پر مظالم، 200 سے زائد گھر نذر آتش، دو نوجوان جاں بحق

    بھارتی مسلمانوں‌ پر مظالم، 200 سے زائد گھر نذر آتش، دو نوجوان جاں بحق

    نئی دہلی: بھارتی ریاست ہریانہ کی پولیس نے ہندو انتہاء پسندوں کے ساتھ مل کر  تجاوزات کے نام پر آپریشن کا بہانہ بنا کر مسلمانوں کے 200 سے زائد گھر نذر آتش جبکہ دو نوجوانوں کو تشدد کر کے شہید کردیا۔

    تفصیلات کے مطابق بھارتی ریاست ہریانہ کے شہر میرٹھ میں انسداد تجاوزات مہم کے دوران ہندو انتہاء پسندوں نے پولیس اہلکاروں کی موجودگی میں مسلمانوں کے گھروں اور املاک کو نذر آتش کیا۔

    مقامی انتظامیہ، کنٹونمنٹ بورڈ کے ارکان اور پولیس نے چھ مارچ کو میرٹھ کی کچی آبادی بھوسا منڈی میں تجاوزات کے خلاف مہم کا آغاز کیا تھا، اسی دوران حکومت کی ایما پر انتہاء پسندوں نے تقسیم ہند سے قبل آباد 250 سے زائد گھروں کو جلا کر راکھ کیا۔

    مزید پڑھیں: بھارت میں‌ مسلمانوں کو ظلم و تشدد کا نشانہ بنایا جارہا ہے، اقوام متحدہ

    علاقہ مکینوں کا کہنا تھا کہ پولیس اور انتظامیہ نے شرپسندوں کے ساتھ مل کر بستی پر نہ صرف حملہ کیا بلکہ گھروں میں آتش گیر مادہ بھی پھینکا جس کے بعد خطرناک آگ بھڑک اٹھی۔

    اُن کا کہنا پولیس اہلکاروں نے آگ بجھانے کی کوشش کرنے والے مسلمان مردوں اور عوروں پر تشدد کیا اور انہیں جائے وقوعہ سے بھگانے کے لیے اندھا دھند فائرنگ بھی کی۔

    دوسری جانب پولیس حکام نے دعویٰ کیا کہ ہے کہ علاقہ مکینوں نے اُن پر پتھراؤ کر کے اپنے گھروں کو خود آگ لگائی، آپریشن کے دوران چار افراد کو بھی حراست میں لیا گیا۔

    پولیس کے مطابق شرپسندوں کی گرفتار کے بعد بھوسا منڈی، مہتاب تھیٹر کے علاقوں میں ہنگامے پھوڑ پڑے، اس دوران مشتعل افراد نے دو درجن سے زائد گاڑیوں، موٹرسائیکلوں اور 8 بسوں کو بھی نقصان پہنچانے کی کوشش کی۔ مقامی انتظامیہ کے مطابق انہوں نے عدالتی حکم پر آپریشن کا آغاز کیا۔

    یہ بھی پڑھیں: بھارت: گائے کے نام پر مسلمانوں کا قتل عام، انسانی حقوق کی عالمی تنظیم نے رپورٹ جاری کردی

    دوسری جانب ہریانہ کی عدالت نے واقعے کا نوٹس لیتے ہوئے انتظامیہ سے رپورٹ طلب کرلی۔ متاثرہ افراد کا کہنا ہے کہ مکانات نذر آتش ہونے کے بعد وہ کھلے آسمان تلے زندگی گزارنے پر مجبور ہیں جبکہ ہندوانتہا پسند اور پولیس اہلکار تمام قیمتی اشیاء اور نقدی بھی چھین کر لے گئے۔

  • لکھنؤ میں کشمیریوں پر تشدد، بھارتی صحافی نے انتہا پسندوں کو غدار قرار دے دیا

    لکھنؤ میں کشمیریوں پر تشدد، بھارتی صحافی نے انتہا پسندوں کو غدار قرار دے دیا

    نئی دہلی: بھارتی خاتون صحافی برکھا دت نے مسلمانوں اور کشمیریوں پر ظالم کرنے والے انتہاء پسندوں کو غدار قرار دے دیا۔

    تفصیلات کے مطابق ایک روز قبل سماجی رابطے کی ویب سائٹ پر ویڈیو سامنے آئی تھی جس میں دیکھا جاسکتا تھا کہ ہندو انتہاء پسند تنظیم کے کارندوں نے لکھنؤ میں مسلمانوں پر تشدد کیا۔

    فٹ پاتھ پر بیٹھے خشک میوہ جات فروخت کرنے والے مسلمانوں نے انتہاء پسند رہنماؤں کو یقین دلایا کہ وہ صرف کاروبار کی غرض سے یہاں بیٹھے ہیں مگر انہوں نے ایک نہ سنی اور بہیمانہ تشدد کا نشانہ بنایا۔

    بھارت سے تعلق رکھنے والی معروف خاتون صحافی برکھا دت نے ویڈیو دیکھ کر ردعمل دیتے ہوئے کہا کہ ’بھارت میں مسلمانوں پر مسلسل ظلم ہورہا ہے، کشمیری یا مسلمان کو دیکھتے ہی انتہاء پسند اُسے تشدد کا نشانہ بنانا شروع کردیتے ہیں‘۔

    ویڈیو دیکھیں: بھارت، ہندو انتہا پسندوں کا غریب کشمیری نوجوانوں پر تشدد

    انہوں نے بھارتی انتہاپسندوں کو غدار قرار دیا اور لکھنو میں دو کشمیری مسلمانوں پر تشدد کی مذمت کی۔ برکھا دت کا کہنا تھا کہ  اگر ایسی حرکت قوم پرستی لگتی ہے تو آپ غدار ہیں، جب آپ تشدد کو ہوا دیں گے تو کسی سے اچھے جواب کی امید نہ رکھیں۔

    یاد رہے کہ گزشتہ روز مقبوضہ کشمیر کے سابق وزیراعلیٰ عمر عبداللہ نے افسوسناک ویڈیو شیئر کرتے ہوئے بھارتی حکومت کا مکرہ چہرہ بے نقاب کیا تھا۔

    ویڈیو میں دیکھا جاسکتا ہے کہ لکھنؤ میں میوہ فروخت کرنے والے دو کشمیریوں پر ہندوانتہا پسندوں نے حملے کیا اور انہیں بری طرح تشدد کا نشانہ بنایا، اس دوران سڑک پر موجود افراد خاموش تماشائی بنے رہے جبکہ ایک نوجوان نے واقعے کی ویڈیو بنا کر سوشل میڈیا پر شیئر کی۔

    یہ بھی پڑھیں: بھارتی صحافی اور عالمی میڈیا نے بھارتی سرجیکل اسٹرائیک کے دعوے کو مضحکہ خیز قرار دے دیا

    انتہاپسندوں نے محنت کش کشمیریوں پر لاٹھیاں برسائیں اور بری طرح گھسیٹا اور سرعام تشدد کا نشانہ بناتے ہوئے کہا کہ یہ کشمیری ہیں اس لیے ان کے ساتھ ایسا برتاؤ ہورہا ہے۔