Tag: Mohammad Amir

  • بابر ہو یا کوئی اور میرا کام وکٹ لینا ہے، محمد عامر

    بابر ہو یا کوئی اور میرا کام وکٹ لینا ہے، محمد عامر

    کراچی: پی ایس ایل میں کراچی کنگز کے مایہ ناز فاسٹ بولر محمد عامر کا کہنا ہے کہ سامنے بابر اعظم ہو یا کوئی اور میرا کام وکٹ لینا ہے۔

    اے آر وائی نیوز کے پروگرام ’باؤنسر‘ میں گفتگو کرتے ہوئے فاسٹ بولر محمد عامر نے کہا کہ جارح مزاجی فاسٹ بولر کی خوبصورتی ہوتی ہے تاہم اللہ ہی جانتا ہے کہ ٹیم میں واپسی کب ہوگی۔

    انہوں نے کہا کہ میرے لیے روزی روٹی کرکٹ ہے پوری توجہ پی ایس ایل پر ہے۔

    محمد عامر نے کہا کہ شعیب ملک کا کراچی کنگز میں آنا خوش آئند ہے، عماد وسیم اچھے کپتان ہیں وہ ٹی 20 فارمیٹ سے متعلق کافی سمجھ بوجھ رکھتے ہیں۔

    فاسٹ بولر نے کہا کہ پچ کو سمجھ کر اس کے مطابق بولنگ کرتا ہوں کوشش ہوتی ہے کہ پاور پلے میں بیٹرز پر دباؤ برقرار رکھوں اور رنز کم بنیں۔

    ایک سوال کے جواب میں محمد عامر نے کہا کہ پلیئرز اور بورڈ میں کمیونی کیشن گیپ نہیں ہونا چاہیے فٹنس کے بغیر کوئی کھلاڑی پرفارم نہیں کرسکتا، پیسرز کے لیے تینوں فارمیٹ کھیلنا مشکل کام ہے میں نے فٹنس کی وجہ سے ٹیسٹ کرکٹ چھوڑی جس پر باتیں بنائی گئیں۔

    محمد عامر نے کہا کہ پی ایس ایل میں تگڑے مقابلے ہوں گے شاہین آفریدی اور میرا کوئی مقابلہ نہیں ہے، کراچی کنگز کے مداحوں کو اچھی کرکٹ دیکھنے کو ملے گی۔

  • محمد عامر کی ’میسی‘ سے متعلق پیشگوئی درست ثابت

    محمد عامر کی ’میسی‘ سے متعلق پیشگوئی درست ثابت

    دوحہ: قطر میں جاری فیفا ورلڈ کپ میں گزشتہ روز کھیلے گئے سیمی فائنل میں میسی کی ارجنٹینا نے کروشیا کو شکست دے کر فائنل کی سیٹ کنفرم کرلی ہے۔

    فٹبال ورلڈکپ سے جڑی مختلف تصاویر اور ویڈیوز سوشل میڈیا پر وائرل ہورہی ہیں اور سنسنی خیز میچز سے متعلق پیشگوئی بھی کی جارہی ہے، قومی ٹیم کے فاسٹ بولر محمد عامر نے بھی لائنل میسی سے متعلق پیش گوئی کی تھی جو درست ثابت ہوگئی ہے۔

    فاسٹ بولر نے ایک پیشگوئی یہ کی تھی کہ ارجنٹینا کی ٹیم فیفا ورلڈ کپ کا فائنل کھیلے گی اور گزشتہ روز کھیلے گئے سیمی فائنل میں ایسا ہی ہوا ہے۔

    ارجنٹینا کی پہلے میچ میں سعودی عرب سے شکست کے بعد یہ قیاس آرائیاں کی گئیں کہ میسی کی ٹیم اگلے مرحلے میں نہیں پہنچ سکے گی لیکن ارجنٹینا نے کم بیک کیا اور ناصرف کوارٹر فائنل میچ جیتا بلکہ سیمی فائنل میں کروشیا کو 3-0 سے شکست دے کر فائنل میں بھی جگہ بنائی ہے۔

    محمد عامر نے ورلڈ کپ کے آغاز کے بعد ہی کہہ دیا تھا کہ ارجنٹینا کی ٹیم کا مداح ہوں اور لگتا یہی ہے کہ ارجنٹینا اب بھی فائنل میچ کھیل سکتی ہے۔

    یاد رہے کہ ارجنٹینا کو پہلے میچ میں سعودی عرب سے 2-1 سے شکست کی ہزیمت برداشت کرنی پڑی تھی جبکہ اگلے میچز میں میسی کی ٹیم نے میکسیکو، پولینڈ، آسٹریلیا اور نیدرلینڈز کو شکست دے کر سیمی فائنل میں جگہ بنائی تھی۔

    فیفا ورلڈ کپ کے دوسرے سیمی فائنل میں آج فرانس اور مراکش کی ٹیمیں مدمقابل آئیں گی اور جیتنے والی ٹیم ارجنٹائن سے فائنل میں ٹکرائے گی۔

  • محمد عامر کی بابر اعظم کی ’کپتانی‘ پر تنقید

    محمد عامر کی بابر اعظم کی ’کپتانی‘ پر تنقید

    آئی سی سی ٹی 20 ورلڈ کپ کے فائنل میں گزشتہ روز انگلینڈ نے پاکستان کو سنسنی خیز مقابلے کے بعد 5 وکٹوں سے شکست دے کر دوسری مرتبہ چیمپئن بننے کا اعزاز حاصل کرلیا، فاسٹ بولر سیم کرن کو میچ کا بہترین کھلاڑی قرار دیا گیا۔

    قومی ٹیم کے کپتان بابر اعظم نے فائنل میں پانچ بولرز کا استعمال کیے اور فاسٹ بولرزشاہین شاہ آفریدی، حارث رؤف، نسیم شاہ، محمد وسیم جونیئر، لیگ اسپنر شاداب خان سے اوورز کروائے۔

     

    View this post on Instagram

     

    A post shared by ICC (@icc)

    بابر اعظم کو سیمی فائنل میچ میں کیویز کے خلاف وکٹیں لینے والے آل راؤنڈر محمد نواز سے اوور نہ کروانے پر کرکٹ شائقین کی جانب سے تنقید کی جارہی ہے وہیں فاسٹ بولر محمد عامر نے بھی ان کی کپتانی پر تنقید کی ہے۔

     

    View this post on Instagram

     

    A post shared by ICC (@icc)

    فاسٹ بولر نے پورے میچ میں محمد نواز کی بولنگ پر بھروسہ نہ کرنے پر بابر اعظم پر تنقید کی۔

    محمد عامر نے کہا کہ ’ہماری بولنگ پورے ٹورنامنٹ میں بہترین رہی کوئی ہماری بولنگ پر حاوی نہیں ہوسکا لیکن میں محمد نواز کے معاملے کو نہیں سمجھ سکا۔

     

    View this post on Instagram

     

    A post shared by ICC (@icc)

    انہوں نے کہا کہ بھارت کے خلاف پہلے میچ کے بعد ڈریسنگ روم میں ایک ویڈیو بنائی گئی تھی جہاں بابر نے نواز کو بتایا تھا کہ وہ میچ ونر ہیں اس کے بعد یہ فیصلہ کرنا مشکل تھا کہ وہ بطور بیٹر کھیلے یا پر انہیں بولنگ کے لیے کھلایا گیا تھا۔

  • بابر اعظم نے کس کھلاڑی کی کمی محسوس کی؟

    بابر اعظم نے کس کھلاڑی کی کمی محسوس کی؟

    کراچی: کپتان کراچی کنگز بابر اعظم نے کوئٹہ گلیڈی ایٹر کے خلاف پی ایس ایل سیزن 7 کے اٹھائیسویں میچ میں شکست پر کہا ہے کہ انھوں نے فاسٹ بولر محمد عامر کی کمی شدت سے محسوس کی۔

    لاہور کے قذافی اسٹیڈیم میں کھیلے گئے میچ میں 23 رنز سے شکست کے بعد کراچی کنگز کے کپتان بابر اعظم نے کہا کہ ‘محمد عامر کی کمی شدت سے محسوس ہوئی’۔

    انھوں نے کہا ہم چیزوں کو پلان کے مطابق سر انجام نہیں دے سکے، انجریز کی وجہ سے کارکردگی پر بہت فرق پڑا، انھوں نے مزید کہا کہ محمد عامر سمیت تجربہ کار کھلاڑیوں کی کمی شدت سے محسوس ہوئی، میر حمزہ نے آ کر بولنگ کو سہارا دیا اور اچھی بولنگ کی۔

    گلیڈی ایٹرز نے کنگز کیخلاف 23 رنز سے میچ جیت لیا

    واضح رہے کہ کوئٹہ گلیڈی ایٹرز نے کراچی کنگز کے خلاف 23 رنز سے میچ جیت لیا ہے، قذافی اسٹیڈیم لاہور میں کراچی کنگز 167 رنز کے تعاقب میں 8 وکٹوں پر 143 رنز بنا سکی۔

    کراچی کنگز کی جانب سے جوکلارک کی نصف سنچری (52 رنز) اور بابر اعظم کے 36 رنز رائیگاں گئے۔

    کوئٹہ گلیڈی ایٹرز نے پہلے کھیل کر 4 وکٹوں پر 166 رنز بنائے، گلیڈی ایٹرز کے جیسن رائے نے 82 رنز کی شان دار اننگز کھیلی، خرم شہزاد نے 4 کھلاڑیوں کو آؤٹ کر کے پلیئر آف دی میچ کا ایوارڈ اپنے نام کیا۔

    عماد وسیم، گریگری، میر حمزہ اور عثمان شنواری ایک ایک وکٹ لے سکے۔

  • کامران اکمل، عامر اور وہاب کی حمایت میں سامنے آگئے، بڑا مطالبہ کردیا

    کامران اکمل، عامر اور وہاب کی حمایت میں سامنے آگئے، بڑا مطالبہ کردیا

    لاہور: طویل عرصے سے ٹیم سے باہر وکٹ کیپر بلے باز کامران اکمل بھی محمد عامر اور وہاب ریاض کے حق میں بول پڑے اور بڑا بیان جاری کردیا۔

    تفصیلات کے مطابق کامران اکمل نے فاسٹ بولر محمد عامر اور وہاب ریاض کی ٹیم میں واپسی کا مطالبہ کیا، انہوں نے یہ مطالبہ ایک انٹرویو میں کیا، وکٹ کیپر بلے باز کا کہنا تھا کہ پاکستان کے دورہ انگلینڈ کے بعد بہت سی چیزیں واضح ہو جائیں گی ، ٹی ٹوئنٹی ورلڈ کپ میں ٹیم کو تجربہ کار بولرز کی ضرورت پڑے گی۔

    کامران اکمل کا کہنا تھا کہ محمد عامر میں ابھی کم از کم چار سے پانچ سال کی کرکٹ باقی ہے جب کہ وہاب ریاض بھی دو سے تین سال کرکٹ کھیل سکتے ہیں۔

    قومی ٹیم کے وکٹ کیپر کامران اکمل نے بابر اعظم کی کپتانی کی تعریف کرتے ہوئے کہا کہ بابراعظم گزرتے وقت کے ساتھ کپتانی میں بہتر ہوتے جا رہے ہیں تاہم انہیں ٹیم سیلکشن میں بہتری کی ضرورت ہے۔

    کامران اکمل کا کہنا تھا کہ انضمام الحق اور یونس خان ٹیم سیلکشن کے معاملے بہت سنجیدگی کا مظاہرہ کرتے تھے، اور ان کی کوشش ہوتی تھی کہ ڈومیسٹک کرکٹ میں کارکردگی کا مظاہرہ کرنے والے کھلاڑیوں کو موقع دیں، میرے نزدیک ڈومیسٹک میں کارکردگی دکھا کر انٹرنیشنل کرکٹ کھیلنے والے کھلاڑیوں اور ٹی ٹوئنٹی کرکٹ سے ٹیم میں آنے والے کھلاڑیوں کی کارکردگی میں فرق واضح ہے۔

  • مایہ ناز فاسٹ بولر اور کراچی کنگز کے ہیرو محمد عامر کو سالگرہ مبارک

    مایہ ناز فاسٹ بولر اور کراچی کنگز کے ہیرو محمد عامر کو سالگرہ مبارک

    پاکستان ٹیم کے فاسٹ بولر محمد عامر نے زندگی کی انتیس بہاریں دیکھ لیں، آئی سی سی سمیت کرکٹرز کی جانب سے کراچی کنگز کے مایہ ناز بولر کو ڈھیر ساری خوشیوں کے پیغامات۔

    تفصیلات کے مطابق قومی کرکٹ ٹیم کے فاسٹ بولر اور پی ایس ایل میں کراچی کنگز کی نمائندگی کرنے والے محمد عامر آج اپنی 29ویں سالگرہ منارہے ہیں، وہ قومی ٹیم کے اہم رکن اور کراچی کنگز کے کامیاب ترین بولر ہیں۔

    آئی سی سی نے کرکٹر محمد عامر کو سالگرہ کی مبارک باد دی ہے اور اپنے آفیشل ٹوئٹر ہینڈل سے جاری ٹوئٹ میں آئی سی سی نے لکھا کہ پاکستان کے لئے 147 میچز کھیلنے والے،ٹیسٹ کرکٹ میں پانچ وکٹیں حاصل کرنے والے کم عمر بولر اور ٹی ٹوئنٹی ورلڈکپ کے فاتح ٹیم کے رکن کو سالگرہ مبارک۔

    آئی سی سی کے علاوہ سابق کپتان سرفراز احمد اور اظہر علی سمیت کئی کرکٹرز نے عامر کو سالگرہ کی مبارکباد دی ہے، سابق کپتان قومی کرکٹ ٹیم سرفراز احمد نے محمد عامر کیلئے سالگرہ کا منفرد پیغام دیا۔

    سوشل میڈیا سائٹ ٹوئٹر پر جاری پیغام میں سرفراز احمد نے محمد عامر کے ہمراہ ایک تصویر شیئر کرتے ہوئے کہا کہ ’ہیپی برتھ ڈے بابو، انہوں نے اپنے پیغام میں دعائیہ کلمات بھی لکھے۔ جس کے جواب میں عامر نے سرفراز احمد کو بابو کہہ کر ہی مخاطب کیا اور ان کا شکریہ ادا کیا۔

    پی سی بی نے عامر کی 29 ویں سالگرہ کے موقع پر ان کی شاندار بولنگ کی ویڈیو شئیر کی۔

    https://twitter.com/TheRealPCB/status/1381821696898912256?s=20

    دلوں کی بادشاہ کراچی کنگز نے بھی محمد عامر کو ان کی 29 ویں سالگرہ پر مبارک باد پیش کی ہے۔

    بائیں ہاتھ سے بولنگ کرنے والے محمد عامر پنجاب کے شہر گوجر خان کی تحصیل چنگا بنگیال میں 13 اپریل 1992 کو پیدا ہوئے، محمد عامر نے کرکٹ میں اپنے کیریئر کا آغاز سال 2009 میں سری لنکا کےخلاف ون ڈے اور ٹیسٹ سیریز میں کیا جبکہ 2009 میں ہی انگلینڈ کےخلاف ٹی ٹوئنٹی سیریز میں ڈیبیو کیا۔

    اگست 2010 میں محمد عامر کو اسپاٹ فکسنگ اسکینڈل میں گرفتار بھی کیا گیا جس کے بعد فاسٹ بولر پر 5 سال کی پابندی لگائی گئی۔

    جنوری 2015 میں محمد عامر کو ڈومیسٹک کرکٹ کھیلنے کی اجازت ملی اور اسی سال بنگلہ دیش پریمیئر لیگ کا حصہ بنے، جبکہ 2016 میں نیوزی لینڈ کےخلاف سیریز میں پاکستان ٹیم میں واپسی ہوئی۔

  • کم بیک کے بعد تینوں فارمیٹ کھیلنا غلطی تھی، محمد عامر کا اعتراف

    کم بیک کے بعد تینوں فارمیٹ کھیلنا غلطی تھی، محمد عامر کا اعتراف

    کراچی: فاسٹ بولر محمد عامر نے اعتراف کیا ہے کہ کم بیک کرنے کے بعد تینوں فارمیٹ کھیلنا غلطی تھی۔

    تفصیلات کے مطابق قومی کرکٹ ٹیم کے فاسٹ بولر محمد عامر نے سابق کرکٹر عتیق الزمان سے گفتگو کرتے ہوئے کہا کہ اسپاٹ فکسنگ کی سزا کے بعد کرکٹ میں واپسی کے دوران تینوں فارمیٹ کھیلنا بڑی غلطی تھی۔

    پانچ سالہ پابندی کے دوران کرکٹ نہ کھیلنے والے محمد عامر نے امید ظاہر کی کہ وہ اب مزید 6 سال تک کرکٹ کھیلیں گے۔

    28 سالہ فاسٹ بولر نے نوجوان فاسٹ بولرز کو مشورہ دیا کہ وہ ان کی طرح غلطی نہ کریں اور اپنی فٹنس کو دیکھتے ہوئے ایک یا دو فارمیٹ کا انتخاب کریں۔

    محمد عامر نے کہا کہ نوجوان پیسرز کو چاہئے کہ وہ پہلے ایک یا دو فارمیٹ میں خود کو ثابت کریں اور اگر وہ خود کو اس قابل سمجھیں کہ تینوں فارمیٹ کھیل سکتے ہیں تو پھر اس میں کوئی ہرج نہیں ہے۔

    لیفٹ آرم پیسر نے کہا کہ تیز رفتار فاسٹ بولرز کو زیادہ محتاط رہنے کی ضرورت ہے کیونکہ غلط فیصلہ ان کے کیریئر کو پروان چڑھنے سے روک سکتا ہے۔

    محمد عامر نے کہا کہ تمام فارمیٹس میں واپس آنے کا غلط فیصلہ کرنے کے بعد مجھے دو سال بعد دشواری کا سامنا کرنا پڑا، میں 2018 میں انجری کا شکار ہوگیا تھا، اس وجہ سے خود کو سفید بال کرکٹ تک محدود کردیا۔

    فاسٹ بولر نے کہا کہ اب مجھے امید ہے کہ میں اپنے کیریئر میں تقریباً 5 یا 6 سال تک توسیع کرسکتا ہوں۔

    واضح رہے کہ محمد عامر نے 36 ٹیسٹ، 61 ون ڈے انٹرنیشنل اور 48 ٹی ٹوینٹی انٹرنیشنل میں ملکی نمائندگی کی اور تینوں فارمیٹ میں بالترتیب 119وکٹیں، 81 وکٹیں اور 59 وکٹیں حاصل کی ہیں۔

  • ٹیسٹ کرکٹ میں واپسی کا کوئی ارادہ نہیں، محمد عامر

    ٹیسٹ کرکٹ میں واپسی کا کوئی ارادہ نہیں، محمد عامر

    کراچی: قومی کرکٹ ٹیم کے فاسٹ بولر محمد عامر نے ایک بار پھر کہا ہے کہ ان کا ٹیسٹ کرکٹ میں واپسی کا کوئی ارادہ نہیں ہے۔

    تفصیلات کے مطابق قومی کرکٹ ٹیم کے فاسٹ بولر اور پی ایس ایل میں کراچی کنگز کی نمائندگی کرنے والے محمد عامر کہتے ہیں کہ ٹیسٹ کرکٹ نہیں کھیلیں گے، عامر نے گزشتہ سال اچانک ٹیسٹ کرکٹ کو خیرباد کہہ دیا تھا۔

    ان کا کہنا ہے کہ پابندی کے پانچ سال تک بالکل کرکٹ نہیں کھیلی اور پھر تینوں فارمیٹ کے میچز کھیلے، اتنی کرکٹ سے میری باڈی پر پریشر تھا اور میں تھک جاتا تھا۔

    محمد عامر کا کہنا تھا کہ اگر مجھے اگلے چھ سال مزید کرکٹ کھیلنی ہے تو ٹیسٹ کرکٹ چھوڑنی ہی تھی۔

    مزید پڑھیں: فاسٹ باؤلر محمد عامر نے ٹیسٹ کرکٹ سے ریٹائر منٹ لے لی

    واضح رہے کہ قومی ٹیم کے بولنگ کوچ وقار یونس نے چند ماہ قبل محمد عامر اور وہاب ریاض کے ٹیسٹ کرکٹ چھوڑنے پر انہیں تنقید کا نشانہ بنایا تھا۔

    یاد رہے کہ سابق کپتان اور کمنٹیٹر رمیز راجا نے بھی دونوں کھلاڑیوں پر تنقید کرتے ہوئے کہا تھا کہ اس وقت قومی ٹیم کو ان کی ضرورت تھی تو انہوں نے ٹیسٹ کرکٹ کو خیرباد کہہ دیا۔

    قومی ٹیم میں ان دنوں محمد عامر اور وہاب ریاض کی جگہ شاہین شاہ آفریدی، نسیم شاہ اور محمد عباس فاسٹ بولر کے فرائض انجام دے رہے ہیں۔

  • چیمپئنز ٹرافی فائنل کے ہیرو محمد عامر کو سالگرہ مبارک

    چیمپئنز ٹرافی فائنل کے ہیرو محمد عامر کو سالگرہ مبارک

    کراچی: قومی کرکٹ ٹیم کے فاسٹ بولر محمد عامر نے زندگی کی 28 بہار دیکھ لی۔

    تفصیلات کے مطابق قومی کرکٹ ٹیم کے فاسٹ بولر اور پی ایس ایل میں کراچی کنگز کی نمائندگی کرنے والے محمد عامر آج اپنی 29ویں سالگرہ منارہے ہیں، وہ قومی ٹیم کے اہم رکن اور کراچی کنگز کے کامیاب ترین بولر ہیں۔

    عامر نے تمام فارمیٹ میں پاکستان کے لیے 259 وکٹیں حاصل کی ہیں۔

    آئی سی سی چیمپئنز ٹرافی کے فائنل میں بھارت کے خلاف عامر کی میچ وننگ کارکردگی ہمیشہ یاد رکھی جائے گی، کراچی کنگز کی انتظامیہ نے عامر کو سالگرہ کی مبارک باد دی ہے۔

    محمد عامر کو پی سی بی، وزڈن کرکٹ، آئی سی سی کی جانب سے مختلف کارکردگی کی ویڈیوز شیئر کرکے سالگرہ کی مبارکباد دی گئی ہے۔

    لیگ اسپنر شاداب خان نے محمد عامر کو سالگرہ کی مبارک باد دیتے ہوئے مذاق میں لکھا کہ سالگرہ مبارک، بھائی اللہ مجھے خوش رکھے آمین اور آپ کو کندھا (شولڈر) کیسا ہے؟

    جس پر عامر نے جوابی ٹویٹ کیا کہ ’دفع ہو اللہ نہ کرے، شُب شُب بول۔‘

    شاداب خان نے ایک اور ٹویٹ میں عامر کو یاد دلایا کہ بھائی آپ نے ورلڈ کپ میں جب 5 وکٹیں حاصل کی تھیں تب آپ کا شولڈر خراب تھا تب بولا تھا، آپ میری بات کو مثبت لیں، عامر بھی ہنس دئیے۔

  • ایلکس ہیلز اور بابر کا لاٹھی چارج، زلمی کو 6 وکٹوں سے شکست

    ایلکس ہیلز اور بابر کا لاٹھی چارج، زلمی کو 6 وکٹوں سے شکست

    کراچی: پی ایس ایل فائیو کے 15ویں میچ میں ایلکس ہیلز اور بابر اعظم کی شاندار بیٹنگ کی بدولت کراچی کنگز نے پشاور زلمی کو باآسانی 6 وکٹوں سے شکست دے دی، محمد عامر کو میچ کا بہترین کھلاڑی قرار دیا گیا۔

    تفصیلات کے مطابق راولپنڈی میں کھیلے جانے والے میچ میں کراچی کنگز نے پشاور زلمی کی جانب سے دیا جانے والا 152 رنز کا ہدف باآسانی 4 وکٹوں کے نقصان پر18.1 اوور میں حاصل کرلیا، ایلکس ہیلز 49 رنز بنا کر پویلین لوٹ گئے۔

    کراچی کی پہلی وکٹ 4 رنز پر گری جب حسن علی نے شرجیل خان کو ایل بی ڈبلیو آؤٹ کیا، شرجیل خان ریویو لیے بغیر پویلین لوٹ گئے جبکہ گیند لیگ سائیڈ کو مس کررہی تھی۔

    بابر اعظم نے 70 رنز کی ناقابل شکست اننگز کھیلی، ایلکس ہیلز نے 49 رنز کی شاندار اننگز کھیلی، ڈیلپورٹ صرف 2 رنز بنا کر یاسر شاہ کو وکٹ دے بیٹھے، والٹن 22 رنز بنا کر آؤٹ ہوئے۔

    پشاور کی جانب سے یاسر شاہ نے دو اور حسن علی اور بریتھ ویت نے ایک، ایک وکٹ حاصل کی۔

    اس جیت کے ساتھ کراچی کنگز کی ٹیم پوائنٹس ٹیبل پر 6 پوائنٹس کے ساتھ تیسرے نمبر پر آگئی ہے، پہلے نمبر پر ملتان سلطانز اور دوسرے نمبر پر کوئٹہ گلیڈی ایٹرز موجود ہے۔

    اس سے قبل پشاور زلمی نے مقررہ اوورز میں 8وکٹوں کے نقصان پر 151 رنز بنائے اور کراچی کنگز کو جیت کے لیے 152 رنز کا ہدف دیا، شعیب ملک نے مشکل وقت میں شاندار نصف سنچری اسکور کی۔

    پشاور زلمی کی ابتدائی تین وکٹیں 10 رنز پر گرنے کے بعد شعیب ملک اور لیونگ اسٹون کے درمیان معمولی شراکت قائم ہوئی ، لیونگ اسٹون کی25 رنز بنا کر پویلین لوٹ گئے، کپتان وہاب ریاض 2 رنز پر پویلین لوٹ گئے۔شعیب ملک نے 68 رنز کی ذمہ دارانہ اننگز کھیلی۔

    کامران اکمل اور حیدر علی صرف 4، 4 رنز بنا کر پویلین لوٹ گئے، ٹام بینٹن کو محمد عامر نے میچ کی پہلی گیند پر پویلین لوٹا دیا۔گریگوری 25 رنز بنا کر نمایاں رہے۔کارلوس بریتھ ویت 8 رنز بنا کر محمد عامر کا نشانہ بنے۔

    کراچی کنگز کی جانب سے محمد عامر نے چار اور کرس جارڈن نے دو کھلاڑیوں کو پویلین کی راہ دکھائی جبکہ عمر خان، اور عامر یامین نے ایک، ایک وکٹ حاصل کی۔

    اس سے قبل کراچی کنگز نے ٹاس جیت کر پشاور زلمی کو پہلے بیٹنگ کی دعوت دی ہے، عماد وسیم کا کہنا تھا کہ کراچی کنگز کی ٹیم میں ایک تبدیلی کی ہے.

    عماد وسیم کا کہنا تھا کہ عمید آصف کی جگہ عامر یامین کو فائنل الیون میں‌ شامل کیا گیا ہے.

    ڈیرن سیمی کی جگہ کپتانی کرنے والے وہاب ریاض‌ کا کہنا تھا کہ ڈیرن سیمی آرام کررہے ہیں، ٹیم میں‌ 3 تبدیلیاں‌ کی گئی ہیں.

    واضح‌ رہے کہ کراچی کنگز ایونٹ کے پہلے میچ میں‌ پشاور زلمی کو شکست دے چکی ہے، اگر آج پشاور زلمی کو کراچی کنگز سے شکست ہوتی ہے تو کنگز کی ٹیم پوائنٹس ٹیبل پر تیسرے نمبر پر پہنچ جائے گی.

    فائنل الیون