کراچی: فاسٹ بولر محمد عامر کے بارے میں کچھ ایسے حقائق سامنے آگئے جن سے مداح اب تک لاعلم تھے۔
تفصیلات کے مطابق فاسٹ بولر محمد عامر نے ای ایس پی این کرک انفو سے گفتگو کرتے ہوئے مختلف سوالات کے جوابات دئیے، جن میں عامر کی پسند نہ پاسند سب چیزوں کا پوچھا گیا۔
فاسٹ بولر محمد عامر سے جب سوال کیا گیا کہ کرکٹ کے علاوہ دیگر اسپورٹس میں ان کا پسندیدہ کھلاڑی کون ہے، عامر نے جواب دیتے ہوئے کہا کہ فٹبالر سرگیو اگائرو۔
عامر سے جب یہ پوچھا گیا کہ کرکٹ کے علاوہ کون سی ٹرافی جیتنا چاہیں گے تو انہوں نے کہا کہ فیفا ورلڈ کپ کی ٹرافی جیتنا چاہتا ہوں۔
محمد عامر سے پوچھا گیا کہ اگر ان کی زندگی پر فلم بنائی جائے تو وہ کس اداکار کو مرکزی کردار میں دیکھنا چاہیں گے تو عامر نے جواب دیا گیا شاہد کپور اچھا کردار ادا کرسکتے ہیں۔
فاسٹ بولر سے پوچھا گیا کہ کون سا ریکارڈ ایسا ہے آپ کا جو آپ کو پسند ہے، محمد عامر کا کہنا تھا کہ ان کے پاس تینوں فارمیٹ کی کرکٹ میں ہیٹ ٹرک کا ریکارڈ موجود ہے۔
عامر سے پوچھا گیا کہ ماضی اور حال میں کون سا ایسا بیٹسمین ہے جس کو آؤٹ کرنا مشکل لگتا ہے، عامر نے کہا کہ اسٹیون اسمتھ اور برائن لارا۔
لیفٹ آرم فاسٹ بولر سے جب یہ پوچھا گیا کہ وہ فارغ وقت کس طرح گزارتے ہیں تو انہوں نے کہا کہ فلمیں دیکھ کر جب وہ ہوٹل میں ہوتے ہیں۔
محمد عامر کو کس کھلاڑی کا ہیئر اسٹائل پسند ہے اس پر محمد عامر نے کہا ہے ویسے تو انہیں اپنا ہیئر اسٹائل پسند ہے لیکن شاہد آفریدی کا ہیئر اسٹائل بہت اچھا ہے۔
کرکٹ کی تاریخ میں کون سے کھلاڑی کو گیند کرانا پسند کرتے جس پر انہوں نے کہا کہ برائن لارا کیونکہ جب وہ برائن لارا کی ویڈیو دیکھتے ہیں تو انہیں لگتا ہے کہ وہ صحرا کے سب سے مشکل بلے باز ہیں۔
محمد عامر کون سا کام سب سے زیادہ بورنگ لگتا ہے جس پر انہوں نے کہا کہ ڈیڈلفٹس بورنگ ہے۔
جب عامر سے پوچھا گیا کہ اگر انہیں دوبارہ پیدا ہونے کا موقع ملے تو وہ کس شخص کا انتخاب کریں گے تو ان کا کہنا تھا کہ محمد عامر۔
محمد عامر نے حالیہ فلموں میں دپیکا پڈوکون اور رنویر سنگھ کی مشہور فلم پدومات دیکھی ہے۔
عامر کو پوری دنیا کے کھیل کے میدانوں میں ایڈیلیڈ اوول کا گراؤنڈ پسند ہے کیونکہ اس سے کافی یادیں وابستہ ہیں۔
محمد عامر نے سوال کیا گیا کہ کون سا ایسا رول ہے جو کرکٹ سے ختم کرنا چاہیں گے تو انہوں نے مسکراتے ہوئے کہا کہ نوبال پر فری ہٹ ختم ہوجائے۔
عامر کو والد بننا زیادہ مشکل لگتا ہے یا کوہلی کو بولنگ کرنا تو عامر نے جواب دیا کہ بچوں کے والد بننا کیونکہ بہت ساری ذمہ داریاں ہوتی ہیں۔
عامر کو کراچی کنگز میں موجود ونڈیز کے سیمنز پسند ہیں اور ان کا جی چاہتا ہے کہ ان کے ساتھ طرح طرح کے مذاق کریں۔
مداحوں کے بارے میں بتائیں پاکستانی اور دنیا بھر سے مداح کیسے ہیں، عامر کا کہنا تھا کہ پاکستانی مداح کریزی ہیں کرکٹ کے بارے میں ان کا کوئی متبادل نہیں ہوسکتا۔
پاکستانی جذبہ کے حوالے سے محمد عامر نے کہا کہ پاکستانی جذبہ ایسا ہے کہ اس کی خاطر آپ اپنی زندگی قربان کرسکتے ہیں کیونکہ جب تک یہ جذبہ ہے ہم پاکستانی کہلاتے ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
