ARYNews.tv | Urdu – Har Lamha Bakhabar

Tag: mohsin naqvi

  • چیئرمین پی سی بی کا صائم ایوب کے علاج کیلئے بڑا اقدام

    چیئرمین پی سی بی کا صائم ایوب کے علاج کیلئے بڑا اقدام

    قومی کرکٹ ٹیم کے اسٹار بیٹر صائم ایوب علاج کے لئے کیپ ٹاؤن سے لندن روانہ ہوگئے۔

    تفصیلات کے مطابق قومی کرکٹ ٹیم کے اسٹار بیٹر صائم ایوب کے ساتھ اسسٹنٹ کوچ اظہر محمود لندن گئے ہیں، چئیرمین پی سی بی محسن نقوی کی ہدایت پر انگلینڈ کے ماہر اسپورٹس آرتھو ڈاکٹرز کل صائم ایوب کا چیک اپ کریں گے۔

    صائم ایوب کیساتھ ڈاکٹرز کے بجائے اظہرمحمود کو کیوں بھیجا گیا؟ سابق کرکٹر برس پڑے

    چیئرمین پی سی بی کا کہنا ہے کہ صائم ایوب پاکستان کرکٹ کا قیمتی اثاثہ ہیں، صائم کے علاج معالجے کے لئے ہر ممکن وسائل فراہم کئے جائیں گے، میں بیٹر کی صحت کے حوالے سے مسلسل ڈاکٹرز سے رابطے میں ہوں۔

    پاکستان کرکٹ بورڈ کے چئیرمین محسن نقوی نے مزید کہا کہ صائم ایوب کے علاج پر کوئی سمجھوتہ نہیں کیا جائے گا، ہم سب کی کوشش ہے کہ وہ جلد از جلد ٹھیک ہوکر ٹیم میں واپس آجائے۔

    واضح رہے کہ پاکستان کرکٹ ٹیم کے اہم بیٹر جنوبی افریقا کے خلاف دوسرے ٹیسٹ میں دوران فیلڈنگ زخمی ہوئے تھے، دائیں ٹخنے میں فریکچر کے سبب 6 ہفتے تک کرکٹ سے باہر ہو گئے ہیں۔

    پاکستان کے لیے بدقستمی ہے کہ چیمپئنزٹرافی سے قبل اس وقت پاکستان کا سب سے زیادہ پریمیئم پلیئر ان فٹ ہوا ہے، ٹخنے کی انجری سے صحتیاب ہونے کے لیے 6 سے 7 ہفتے کا وقت چاہیے ہوتا ہے۔

  • چیئرمین پی سی بی نے جیت کا کریڈٹ کسے دیا؟

    چیئرمین پی سی بی نے جیت کا کریڈٹ کسے دیا؟

    لاہور: پاکستان کرکٹ بورڈ (پی سی بی) کے چیئرمین محسن نقوی کا کہنا ہے کہ ساؤتھ افریقہ کے خلاف تیسرے ون ڈے میچ کے دوران صائم ایوب نے سنچری اسکورکرکے فتح میں اہم کردار ادا کیا۔

    اے آر وائی نیوز کے مطابق چیئرمین پی سی بی محسن نقوی نے جنوبی افریقہ کو وائٹ واش کرنے پر قومی ٹیم کو شاباش اور مبارکباد دی۔ اُنہوں نے کہا کہ صائم ایوب نے ایک بار پھر اپنی کلاس ثابت کی۔

    اُنہوں نے کہا کہ محمد رضوان اور بابر اعظم نے اچھی بیٹنگ کی، سفیان مقیم نے عمدہ باولنگ کرکے قوم کے دل جیت لئے، ٹیم ورک کا نتیجہ شاندارکامیابی کی صورت میں سامنے آیا۔

    چیئرمین پی سی بی نے کہا کہ پاکستانی ٹیم کے کھلاڑی پراعتماد نظر آئے، جذبے اور محنت سے کھیلے، اس جیت سے کھلاڑیوں کا مورال بڑھے گا جبکہ چیمپئنز ٹرافی ٹورنامنٹ میں بھی پاکستانی ٹیم ایسی ہی کارکردگی دکھائے گی۔

    واضح رہے کہ پاکستان اور جنوبی افریقہ کے مابین کھیلے جانے والے تیسرے اور آخری ون ڈے میچ میں پاکستان نے جنوبی افریقہ کو شکست دے کر ون ڈے سیریز میں وائٹ واش کردیا۔

    پاکستان نے جنوبی افریقہ کو وائٹ واش کرکے نئی تاریخ رقم کردی، پاکستان جنوبی افریقہ کو اس کے گھر میں وائٹ واش کرنے والی پہلی ٹیم بن گئی۔

    جوہانسبرگ میں کھیلے جانے والے سیریز کے آخری میچ میں فتح حاصل کرکے پاکستان نے3میچوں کی سیریز0-3سے اپنے نام کی۔

    جنوبی افریقی ٹیم پاکستان کے 308رنز کے تعاقب میں 271رنز بنا سکی، ہنرک کلاسین کے43گیندوں پر81رنز رائیگاں گئے، کوربن بوش40،ڈسن35،زورزی اورینسن26،26رنز بنا سکے۔

    کوہلی اور بابر کے موازنے پر مجھے ہنسی آتی ہے، سابق پاکستانی فاسٹ بولر

    صائم ایوب مجموعی طور پر بہترین کارکردگی کا مظاہرہ کرنے کی وجہ سے مین آف دی میچ اور سیریز کے بہترین کھلاڑی قرار پائے۔

  • محسن نقوی کی جنوبی افریقا کے خلاف سیریز جیتنے پر قومی ٹیم کو مبارکباد

    محسن نقوی کی جنوبی افریقا کے خلاف سیریز جیتنے پر قومی ٹیم کو مبارکباد

    جنوبی افریقا کے خلاف دوسرا ون ڈے میچ اور سیریز جیتنے پر چیئرمین پاکستان کرکٹ بورڈ (پی سی بی) محسن نقوی کی جانب سے قومی کرکٹ ٹیم کو مبارکباد دی گئی ہے۔

    چیئرمین پی سی بی محسن نقوی کا کہنا تھا کہ قومی ٹیم کے کھلاڑیوں نے جنوبی افریقا کو ہوم گراؤنڈ پر شکست دے کر شاندار کارکردگی کا مظاہرہ کیا، اس جیت سے کھلاڑیوں کا مورال مزید بڑھے گا۔

    اُن کا کہنا تھا کہ کھلاڑیوں نے ٹیم ورک کا بہترین مظاہرہ کرکے سیریز اپنے نام کی، محمد رضوان، بابراعظم اور کامران غلام نے عمدہ بلے بازی کرکے جیت کی بنیاد ڈالی۔

    چیئرمین نے کہا کہ امید ہے کہ چیمپئنز ٹرافی ٹورنامنٹ میں بھی پاکستانی ٹیم ایسی شاندار کارکردگی دکھائے گی اور ملک کا نام روشن کرے گی۔

    یاد رہے کہ پاکستان نے جنوبی افریقا کو دوسرے ون ڈے میچ میں 81 رنز سے شکست دے کر سیریز میں 2-0 کی فیصلہ کن برتری حاصل کرلی ہے۔

    کیپ ٹاؤن میں کھیلے گئے میچ میں پاکستان کی جانب سے دیے گئے 330 رنز کے تعاقب میں جنوبی افریقا کی ٹیم 43.1 اوورز میں 248 رنز پر ڈھیر ہوگئی۔

    ہینرک کلاسن کی 97 رنز کی اننگز میں جنوبی افریقا کو شکست سے نہ بچاسکی، اوپنر ٹونی ڈی زوزوی 34 رنز بنا کر آؤٹ ہوئے، جارح مزاج بیٹر ڈیوڈ ملر 29 رنز پر شاہین آفریدی کا نشانہ بنے۔

    کپتان ٹیمبا باوما 12 رنز بناکر پویلین لوٹ گئے، رسی وین ڈر ڈوسن 23 رنز پر وکٹ گنوا بیٹھے، ایڈن مارکرم کو 21 رنز پر ابرار احمد نے آؤٹ کیا۔

    پاکستان کی جانب سے شاہین شاہ آفریدی نے 4 وکٹیں حاصل کیں، نسیم شاہ نے تین اور ابرار احمد نے دو کھلاڑیوں کو پویلین کی راہ دکھائی۔

    اس سے قبل پاکستان کی ٹیم پہلے بیٹنگ کرتے ہوئے 49.5 اوورز میں 329 رنز پر آل آؤٹ ہوئی تھی اور جنوبی افریقا کو جیت کے لیے 330 رنز کا ہدف دیا تھا۔

    ’پی سی بی نے سمجھداری سے گیم کھیلی، تمام کریڈٹ محسن نقوی کو جاتا ہے‘

    کپتان محمد رضوان نے 80 رنز کی شاندار اننگز کھیلی، بابر اعظم 73 رنز کے ساتھ نمایاں رہے، نائب کپتان سلمان علی آغا 33 رنز بنا کر آؤٹ ہوئے۔

  • چیمپئنز ٹرافی ٹورنامنٹ ملک کی عزت ہے، حرف نہیں آنے دینگے، محسن نقوی

    چیمپئنز ٹرافی ٹورنامنٹ ملک کی عزت ہے، حرف نہیں آنے دینگے، محسن نقوی

    چیئرمین پی سی بی محسن نقوی کا کہنا ہے کہ چیمپئنز ٹرافی ٹورنامنٹ وطن عزیز پاکستان کی عزت ہے اس پر کسی قسم کا حرف نہیں آنے دیں گے۔

    گورننگ بورڈ کا 76 واں اجلاس چیئرمین پی سی بی محسن نقوی کی زیرِ صدارت منعقد ہوا، اجلاس میں گورننگ بورڈ کے گزشتہ اجلاس کے فیصلوں کی توثیق کی گئی۔

    اجلاس کو آئی سی سی چیمپئنز ٹرافی ٹورنامنٹ پر اب تک کی پیشرفت سے آگاہ کیا گیا۔گورننگ بورڈ کو قذافی، نیشنل اور راولپنڈی اسٹیڈیم کی تعمیر نو پر پیشرفت کے بارے میں بریفنگ دی گئی۔

    چیئرمین پی سی بی نے گورننگ بورڈ کو چیمپئنز ٹرافی سے متعلق اعتماد میں لیا۔ اس موقع پر اراکین نے آئی سی سی چیمپئنز ٹرافی سے متعلق چیئرمین پی سی بی کے اصولی موقف کو سراہا۔

    چیئرمین پی سی بی اس موقع پر بات کرتے ہوئے کہنا تھا کہ پہلے دن سے ہی پاکستان اورکرکٹ کی جیت کی بات کر رہا ہوں، پی سی بی چیمپئنز ٹرافی ٹورنامنٹ کے انعقاد کے لیے ہر لحاظ سے تیار ہے۔

    اُنہوں نے کہا کہ چیمپئنز ٹرافی کے لئے ہر طرح کی تیاریاں مکمل ہیں، پاکستان کے اصولی موقف کو ہر کسی نے سراہا ہے، تمام ٹیموں کودل کی گہرائیوں سے خوش آمدید کہیں گے۔

    چیئرمین پی بی سی کا کہنا تھا کہ پاکستانی تمام ٹیموں کو اپنے گراؤنڈز پر کھیلتا ہوا دیکھنا چاہتے ہیں۔

    چیئرمین نے کہا کہ کرکٹ میں سیاست کیخلاف ہوں، یہ کھیل ہے جس سے کروڑوں شائقین محبت کرتے ہیں، کھیل کو کھیل رہنا چاہیے۔

    پاکستان اور جنوبی افریقا کے درمیان دوسرا ون ڈے آج کھیلا جائیگا

    اُنہوں نے مزید کہنا کہ چیمپئنز ٹرافی ٹورنامنٹ سے قبل اسٹیڈیمز کی تعمیر نو کا کام مکمل ہو جائے گا، پوری ٹیم دن رات اسٹیڈیمزکی تعمیر نو پر محنت سے کام میں مصروف ہے۔

  • وزیراعظم کا چیمپئنز ٹرافی کے معاملے پر محسن نقوی پر اعتماد کا اظہار

    وزیراعظم کا چیمپئنز ٹرافی کے معاملے پر محسن نقوی پر اعتماد کا اظہار

    لاہور: وزیر اعظم شہباز شریف نے چیمپئنز ٹرافی ٹورنامنٹ کے حوالے سے چیئرمیں پی سی بی محسن نقوی پر مکمل اعتماد کا اظہار کیا۔

    تفصیلات کے مطابق وزیراعظم شہباز شریف سے چیئرمین پی سی بی محسن نقوی نے ملاقات کی، ملاقات میں وزیراعظم کو آئی سی سی چیمپئنز ٹرافی ٹورنامنٹ سے متعلق پیشرفت سے آگاہ کیا۔

    وزیراعظم نے چیمپئنز ٹرافی سے متعلق چیئرمین پی سی بی کے اصولی موقف کو سراہا اور چیمپئنز ٹرافی ٹورنامنٹ کے حوالے سے محسن نقوی پر مکمل اعتماد کا اظہار کیا۔

    وزیر اعظم نے کہا کہ چیمپئنز ٹرافی ٹورنامنٹ سے متعلق آپ کا موقف ہر پاکستانی کے دل کی آواز ہے، آئی سی سی میں آپ نے 24 کروڑ عوام کی ترجمانی کی، پاکستان کی عزت سب سے پہلے ہے اور اس کے بعد کچھ اور ہے۔

    دوسری جانب چیئرمین پی سی بی محسن نقویٰ نے کہا کہ پی سی بی پاکستان میں ٹورنامنٹ کے انعقاد کیلئے مکمل تیار ہے، ہم پاکستان اور کرکٹ کی جیت چاہتے ہیں، ان شاءاللہ چیمپئنز ٹرافی کے حوالے سے اچھی خبر سامنے آئے گی۔

  • ’چیمپئنز ٹرافی کے معاملے پر پیش رفت ہورہی ہے، قوم کو مایوس نہیں کریں گے‘

    ’چیمپئنز ٹرافی کے معاملے پر پیش رفت ہورہی ہے، قوم کو مایوس نہیں کریں گے‘

    چیئرمین پی سی بی محسن نقوی نے کہا ہے کہ چیمپئنز ٹرافی کے معاملے پر پیش رفت ہورہی ہے، قوم کو مایوس نہیں کریں گے۔

    پاکستان کرکٹ بورڈ کے چیئرمین محسن نقوی نے کہا کہ آئی سی سی کا اجلاس پھر سے ملتوی ہوگیا ہے لیکن چیمپئنز ٹرافی کے معاملے پر پیش رفت ہورہی ہے، قوم کو مایوس نہیں کریں گے۔

    چیمپئینز ٹرافی 2025: بھارت پاکستان کے آگے گھٹنے ٹیکنے پر مجبور

    انہوں نے کہا کہ پوری کوشش کررہے ہیں جو بھی فیصلہ ہو وہ پاکستان اور کرکٹ کیلئے بہتر ہو، شرائط پر کوئی بات نہیں ہوگی، جو چیزیں چل رہی ہیں وہ حقیقت پر مبنی نہیں۔

    چیئرمین پی سی بی نے کہا کہ قوم کو مایوس نہیں کریں گے،  چیمپئنز ٹرافی سے متعلق فیصلہ آئی سی سی نے کرنا ہے، وہ ہی اعلان کریں گے آئی سی سی پروگریس کرے گی تو پوری دنیا کی کرکٹ آگے بڑھے گی۔

    محسن نقوی نے کہا کہ پورے پاکستان میں گراؤنڈز کی حالت اچھی ملے گی، جہاں گراؤنڈ نہیں ہیں وہاں زمین خرید کر بنائیں گے، ہمارا فوکس ہےکہ ہر شہر میں گراؤنڈ بنانے ہیں۔

    محسن نقوی نے مزید کہا کہ چیزوں کو ریویو کررہے ہیں جلد اچھی خبریں ملیں گی، اللہ بہتر کرےگا قوم کو مایوس نہیں کرینگے، قوم کی توقعات سے بڑھ کر چیزیں ہوں گی۔

  • چیمپئنز ٹرافی: تمام ممالک کو اسٹیٹ گیسٹ پروٹوکول اور سیکیورٹی دی جائے گی: محسن نقوی

    چیمپئنز ٹرافی: تمام ممالک کو اسٹیٹ گیسٹ پروٹوکول اور سیکیورٹی دی جائے گی: محسن نقوی

    چئیرمین پی سی بی محسن نقوی نے کہا ہے کہ چیمپئنز ٹرافی میں تمام ممالک کو اسٹیٹ گیسٹ پروٹوکول اور سیکیورٹی دی جائے گی۔

    تفصیلات کے مطابق چئیرمین پی سی بی محسن نقوی سے آئی سی سی ایسوسی ایٹس ممبر کمیٹی کے چیئرمین اور سابق سیکریٹری ای سی بی مبشر عثمانی نے ملاقات کی، اس موقع پر چیمپئنز ٹرافی ٹورنامنٹ کے انعقاد کے حوالے سے اہم امور پر تبادلہ خیال کیا گیا۔

    محسن نقوی نے اس موقع پر اسٹیڈیمز کی اپ گریڈیشن پروجیکٹس پر پیش رفت کے بارے میں بھی بتایا اور کہا کہ پاکستان چیمپئنز ٹرافی کے انعقاد کے لیے پوری طرح تیار ہے۔

    محسن نقوی نے کہا کہ سیکیورٹی سمیت تمام تر انتظامات کو حتمی شکل دی جا چکی ہے، تمام ممالک کو اسٹیٹ گیسٹ کا پروٹوکول اور سیکیورٹی دی جائے گی۔

    ان کا کہنا تھا کہ پاکستان پر امن ملک ہے اور پاکستانی قوم کرکٹ کے کھیل سے محبت کرتی ہے، شائقین چیمپئنز ٹرافی کے بڑے مقابلے کے لیے بے تاب ہیں۔

    چیئرمین پی سی بی نے کہا کہ چیمپئنز ٹرافی کا انعقاد پاکستان کے لئے اعزاز ہے، ہم نے کرکٹ اور سیاست کو الگ الگ رکھنا ہے۔

    واضح رہے کہ آئی سی سی چیمپئینز ٹرافی کے معاملے پر پاکستان کرکٹ بورڈ (پی سی بی) کی جانب سے بیک ڈور ملاقاتوں کا سلسلہ جاری ہے۔

    ذرائع کے مطابق جمعہ کو موخر ہونے والی آئی سی سی میٹنگ آج رات یا کل ہو سکتی ہے، ایونٹ وینیو اور شیڈول کے لیے معاملات مثبت سمت میں آگے بڑھ رہے ہیں۔

  • یہ نہیں ہوسکتا کہ ہم بھارت میں کرکٹ کھیلیں اور وہ یہاں نہ آئیں، محسن نقوی

    یہ نہیں ہوسکتا کہ ہم بھارت میں کرکٹ کھیلیں اور وہ یہاں نہ آئیں، محسن نقوی

    لاہور : چیئرمین پی سی بی محسن نقوی نے کہا ہے کہ ایسا نہیں ہوسکتا کہ ہم بھارت میں کرکٹ کھیلنے جائیں اور وہ یہاں نہ آئیں۔

    یہ بات انہوں نے قذافی اسٹیڈیم کے دورے کے موقع پرمیڈیا سے گفتگو کرتے ہوئے کہی، چیمپئنر ٹرافی سے متعلق ان کا کہنا تھا کہ پاکستان کرکٹ کے بہترین مفاد میں فیصلے کیے جائیں گے۔

    محسن نقوی نے کہا ہے کہ آئی سی سی کو اپنا واضح موقف دے چکے، اب بورڈ میٹنگ میں فیصلہ ہوگا، یہ نہیں ہوسکتا کہ ہم بھارت میں کرکٹ کھیلیں اور وہ یہاں نہ آئیں۔

    ایک سوال کے جواب میں چیئرمین پی سی بی کا کہنا تھا کہ چیمپئنز ٹرافی کیلئے ہماری تیاریاں مکمل ہیں، امید ہے کہ اس موقع پر قوم مایوس نہیں ہوگی۔

    اس حوالے سے آئی سی سی سے مشاورت جاری ہے، اچھا نتیجہ سامنے آئے گا، پاکستان کرکٹ کے لیے اچھا وقت آرہا ہے۔ چیمپئنر ٹرافی کے لیے پاکستان کی بہترین ٹیم میدان میں لائیں گے۔

    قذافی اسٹیڈیم سے متعلق ایک سوال پر چیئرمین پی سی بی نے کہا کہ قذافی اسٹیڈیم لاہور انٹرنیشنل اسٹینڈرڈ کا ہوگیا ہے، اللہ نے چاہا تو چیمپئنز ٹرافی پاکستان میں ہی ہوگی۔

    انہوں نے کہا کہ راولپنڈی اسٹیڈیم اسٹرکچر کی رپورٹ ہمیں تاخیر سے ملی ورنہ نیا اسٹیڈیم بنا دیتے، 20 دسمبر تک اسٹیڈیم کی تعمیر کا کام مکمل کرلیں گے۔

  • اسلام آباد میں مقیم افغان شہریوں سے متعلق حکومت کا بڑا فیصلہ

    اسلام آباد میں مقیم افغان شہریوں سے متعلق حکومت کا بڑا فیصلہ

    اسلام آباد: اسلام آباد میں مقیم افغان شہریوں سے متعلق وفاقی وزیر داخلہ محسن نقوی نے بڑا فیصلہ سنادیا ہے۔

    تفصیلات کے مطابق اسلام آباد میں میڈیا سے گفتگو میں وفاقی وزیر داخلہ محسن نقوی نے کہا ہے کہ 31 دسمبر کے بعد افغان شہری بغیر این او سی اسلام آباد کی حدود میں نہیں رہ سکیں گے، اسلام آباد میں رہنے کے خواہشمند افغان شہریوں کو ڈپٹی کمشنر سے این او سی لینا ہوگا۔

    محسن نقوی کا کہنا تھا کہ اسلام آباد کی سڑکیں کھول دی گئی ہیں، اسلام آباد میں معمولات زندگی بحال ہوچکا ہے، جب سے یہ بھاگے ہیں اس کے بعد لاشوں کا پروپیگنڈا شروع کیا گیا، ان کے لوگ صبح سے لاشوں کیلئے اسپتالوں کے چکر لگارہے ہیں۔

    وزیر داخلہ نے کہا کہ کل کسی ایک پولیس والے کے پاس اسلحہ دکھا دیں، اگر کل کوئی گولی چلی ہوتی تو یہ پوری دنیا میں واویلہ کردیتے، ان کو اپنی شرمندگی چھپانے کا موقع نہیں مل رہا، کل بھی کہا آج بھی کہتا ہوں کوئی ایک لاش دکھا دیں۔

    محسن نقوی نے اگر کوئی مرا ہے تو ا س کا نام ہی بتا دیں، ہم نے جب پوچھا تو کسی اسپتال میں کوئی لاش نہیں تھی، ہمیں نام بتائیں، کون ، کس مقام پر مارا گیا، انہوں نے کہا کہ بعض لوگ پتھر لگنے سے زخمی ضرور ہوئے ہوں گے، پولیس اور فورسز کے اہلکار بھی زخمی ہوئے ہیں تاہم مظاہرین کی ہلاکتوں کا دعویٰ بے بنیاد ہے۔

    محسن نقوی نے مزید کہا کہ عزت کیساتھ چلے گئے ہیں تو یہ آپ کے لیے بہتر ہے، ہم وہ ڈیٹا بھی شیئر کریں گے کہ انھوں نے کتنے آنسو گیس کے شیل مارے۔

  • وزیر داخلہ کا بشریٰ بی بی اور علی امین گنڈا پور کی گرفتاری سے متعلق اہم بیان

    وزیر داخلہ کا بشریٰ بی بی اور علی امین گنڈا پور کی گرفتاری سے متعلق اہم بیان

    اسلام آباد : وفاقی وزیر داخلہ محسن نقوی نے کہا ہے کہ بشریٰ بی بی اور علی امین گنڈا پور اب تک فرار ہیں، گرفتار افراد سے متعلق تفصیلات جلد سامنے آجائیں گی۔

    اسلام آباد کے بلیو ایریا میں پی ٹی آئی کیخلاف گرینڈ آپریشن کی کامیابی سے تکمیل کے بعد وفاقی وزیر داخلہ محسن نقوی نے ڈی چوک پر میڈیا سے گفتگو کی۔

    انہوں نے بتایا کہ بشریٰ بی بی اور علی امین گنڈا پور اب تک فرار ہیں ہم نے ان سے دو مرتبہ کہا کہ سنگجانی میں جلسہ کرلیں، پہلے انہوں نے رضامندی ظاہر کی لیکن پھر کہا کہ عمران خان کا فیصلہ نہیں مانتے، ڈی چوک جانا ہے۔

    وفاقی وزیر داخلہ نے کہا کہ کل سے فوری طور پر اسلام آباد کی سڑکیں کھولیں گے، میٹرو سروس اور انٹرنیٹ آج اور اسکول کل کھلیں گے، امید کرتا ہوں نیا دن نئی سوچ کے ساتھ آئے گا۔

    افغان شہریوں اور دیگر ویڈیوز آئندہ دو تین روز میں شیئر کرینگے، گرفتاریوں سے متعلق آئی جی اسلام آباد آج تفصیلات شیئر کرینگے۔

    ایک سوال کے جواب میں محسن نقوی نے کہا کہ ان لوگوں کے ساتھ مذاکرات کی کوئی صورت نہیں، انہوں نے آپریشن کی کامیابی پر اسلام آباد و پنجاب پولیس، ایف سی، رینجرز اور پاک آرمی کا بھی شکریہ ادا کیا۔