ARYNews.tv | Urdu – Har Lamha Bakhabar

Tag: Mola Bux Chandio

  • لیاری میں پتھراؤ سازش تھی، پرامن الیکشن کو سبوتاژ کیا جارہا ہے، شیری رحمان

    لیاری میں پتھراؤ سازش تھی، پرامن الیکشن کو سبوتاژ کیا جارہا ہے، شیری رحمان

    کراچی: پیپلزپارٹی کی رہنما اور سینیٹ میں قائد حزب اختلاف شیری رحمان نے کہا ہے کہ لیاری میں پتھراؤ پری پلان سازش تھی، پرامن الیکشن کو سبوتاژ کیا جارہا ہے۔

    ان خیالات کا اظہار پی پی رہنماؤں نے نیوز کانفرنس کرتے ہوئے کیا، شیری رحمان نے کہا کہ لیاری میں لاکھوں لوگوں نے بلاول بھٹو کا استقبال کیا، حنیف منزل کے علاقے میں 25 سے 30 افراد نے پتھراؤ کیا، صرف پتھراؤ اور انتشار کی کوریج کی جاتی رہی ہے۔

    شیری رحمان

    انہوں نے کہا کہ بلاول بھٹو لیاری میں پانی کے مسائل سے آگاہ ہیں، بلاول بھٹو نے ہر موڑ پر پانی کی قلت پر آواز اٹھائی، پانی کے مسائل کے لیے اقدامات ہمارے منشور کا حصہ ہیں، بلاول بھٹو بارہا کہتے رہے پانی کا مسئلہ حل کریں گے۔

    شیری رحمان کے مطابق امن کا پیغام دینے کے لیے دوبارہ اسی راستے سے گئے، الیکشن میں لوگوں کو اپنا حق مانگنے کا پورا موقع ملتا ہے، یہ بلاول بھٹو کا پہلا الیکشن ہے سبوتاژ نہیں ہونے دیں گے، بلاول کا قافلہ کل صبح پھر نکلے گا چاہتے ہیں ماحول پر امن رہے۔

    مولا بخش چانڈیو

    پیپلزپارٹی رہنما اور سینیٹر مولا بخش چانڈیو نے کہا کہ نگراں حکومت ذمہ داری کا مظاہرہ کرے، سیاسی جماعتوں کو برابر کا مواقع فراہم کرنا نگراں حکومت کی ذمہ داری ہے، کوئی وزیر بلاول بھٹو کی انتخابی ریلی پر پتھراؤ کا دفاع کیسے کرسکتا ہے۔

    انہوں نے کہا کہ غیر ذمہ دار وزیر کو نگراں کابینہ کا حصہ نہیں رہنا چاہئے، نگراں وزیر اطلاعات کا جانبدارانہ رویہ انتخابی عمل کو مشکوک بنادے گا۔

    مراد علی شاہ

    سابق وزیر اعلیٰ سندھ مراد علی شاہ نے کہا کہ آج بلاول بھٹو نے اپنی انتخابی مہم کی شروعات کی ہے، بلاول بھٹو نے مہم کی شروعات اپنے حلقے سے کی، لیاری میں جہاں بھی گئے والہانہ استقبال کیا گیا۔

    مراد علی شاہ کا کہنا تھا کہ ہزاروں لوگ قافلے میں تھے اور لاکھوں حلقے میں پہلے سے موجود تھے، بلاول کا قافلہ اچانک رک گیا تو معلوم ہوا کچھ لوگ پتھراؤ کررہے ہیں، اطلاع ملی احتجاج اور پتھراؤ پلاننگ کے تحت کیا جارہا ہے۔

    انہوں نے کہا کہ پیپلزپارٹی شرپسندی کی حامی نہیں ہے، مشتعل افراد نے نبیل گبول کی گاڑی کا شیشہ توڑا کیا احتجاج ایسے ہوتا ہے، احتجاج سب کا حق ہے مگر آج پتھراؤ کرنے والے شرپسند عناصر تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • قطری شہزادےکی بھی رسوائی ہوئی‘خط رائیگاں گیا‘مولابخش چانڈیو

    قطری شہزادےکی بھی رسوائی ہوئی‘خط رائیگاں گیا‘مولابخش چانڈیو

    کراچی: پیپلزپارٹی کےرہنما مولابخش چانڈیو کاکہناہےکہ وزیراعظم میاں محمد نوازشریف کو شرم سے خود چلے جانا چاہیے۔

    تفصیلات کےمطابق لاڑکانہ میں مولابخش چانڈیو نے مسلم لیگ ن کے خلاف نعرے لگاتے ہوئےکہاکہ چوروں اور جھوٹوں کی سرکار کو ایک دھکا اور دو۔

    مولابخش چانڈیو کاکہناتھاکہ پاناماکیس میں نوازشریف کو جھوٹا قراردے دیاگیا، 2ججز نےکہاکہ وزیراعظم نااہل ہیں گھر بھیجا جائےجبکہ دیگر تین نے یہ نہیں کہاکہ وہ اہل ہیں۔

    انہوں نےکہاکہ آج نہیں توکل آپ کو جاناپڑے گا ،ان کاکہناتھاکہ وزیرداخلہ کیوں نہیں کہتے کہ عدالت نے وزیراعظم کو بری کردیا۔

    پیپلزپارٹی کےرہنما کاکہناتھاکہ ملک چلاناہےتواداروں کااحترام کرےیاحکومت چھوڑدیں،وزیراعظم کاعہدےپررہنےکااخلاقی جوازختم ہوگیا۔

    مولابخش چانڈیو نےکہاکہ جوکل حمایت کررہےتھےآج وہ استعفےکامطالبہ کررہےہیں،کسی بھی حالت میں بھی وزیراعظم کوجانا ہوگا۔

    انہوں نےکہاکہ قطری شہزادے کی بھی رسوائی ہوئی خط رائیگاں گیا،ان کا کہناتھاکہ وزیراعظم کی عزت اب استعفیٰ میں ہی ہے۔

    دوسری جانب پانی دو بجلی دو گونوازگو نعرے لگاتے ہوئے پیپلزپارٹی کے جیالے سڑکوں پرآنا شروع ہوگئے۔نیشنل ہائی وے پرمرکزی دھرنےکےساتھ شہرکےچھ اضلاع سےپیپلزپارٹی کی جانب سے ریلیاں نکالی جارہی ہیں۔

    کراچی: ایم کیو ایم پاکستان آج حقوق ریلی نکالے گی

    ادھر اختیارات کےحصول اورشہریوں کےحقوق کےلیےایم کیوایم پاکستان ڈاک خانےسےگرومندراور مزارقائدتک ریلی نکال رہی ہے۔

    واضح رہےکہ کراچی میں حکمراں جماعت پانامافیصلے پرمسرت کااظہارکرنےسڑک پرآرہی ہے۔ن لیگ کایوم تشکرآج کارسازروڈسے شروع ہوکر کراچی پریس کلب تک ریلی کی شکل میں ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ایم کیو ایم کی قرارداد ڈرامہ ہے، اتحاد ممکن نہیں‌، رہنماء پیپلزپارٹی

    ایم کیو ایم کی قرارداد ڈرامہ ہے، اتحاد ممکن نہیں‌، رہنماء پیپلزپارٹی

    سکھر / گھوٹکی: سنیئر صوبائی وزیر نثار کھوڑو نے کہا ہے کہ ایم کیو ایم کی قومی اسمبلی میں پیش کی گئی قرارداد محض ڈرامہ ہے جبکہ وزیر اطلاعات مولا بخش چانڈیو نے کہا کہ پاکستان کی سالمیت کے خلاف باتیں کرنے والوں سے اتحاد نہیں ہوسکتا۔

    تفصیلات کے مطابق سنیئر صوبائی وزیر نثار کھوڑو نے گھوٹکی میں میڈیا سے گفتگو کرتے ہوئے کہا کہ ’’سربراہ ایم کیو ایم پاکستان ڈاکٹر فاروق ستار جھوٹ بول رہے ہیں۔ ایم کیو ایم گروپوں میں تقسیم ہوچکی ہے اور اس وقت تک متحدہ کے چار گروپ سامنے آچکے ہیں‘‘۔

    اُن کا کہنا تھا کہ ’’ایم کیو ایم پاکستان کی اپنے بانی کے خلاف قومی اسمبلی کی قرار داد محض ڈرامہ ہے کیونکہ پاکستان کی قیادت الطاف حسین کو بچانے کےلیے کوشاں ہے‘‘۔

    دوسری جانب وزیر اطلاعات سندھ مولا بخش چانڈیو نے کہا کہ ’’پاکستان کی سالمیت کے خلاف باتیں کرنے والوں سے اتحاد نہیں ہوسکتا اور نہ ہی ایسے لوگوں کے ساتھ سیاسی سفر ممکن ہے۔

    پاناما لیکس کے حوالے سے اُن کا کہنا تھا کہ ’’تحریک انصاف کے چیئرمین اور قیادت نے پیپلزپارٹی سے کوئی مشاورت نہیں کی۔ انہوں نے پی ٹی آئی کی قیادت پر تنقید کرتے ہوئے کہا کہ ’’اگر اکیلے انقلاب لانا چاہتے ہیں تو لے آئیں‘‘۔