ARYNews.tv | Urdu – Har Lamha Bakhabar

Tag: molesting

  • کمسن بچے سے زیادتی کی کوشش، پاکستانی شہری کو قید کی سزا

    کمسن بچے سے زیادتی کی کوشش، پاکستانی شہری کو قید کی سزا

    دبئی : اماراتی عدالت نے پاکستانی شہری کو کمسن بچے کو جنسی زیادتی کا نشانہ بنانے کی کوشش کرنے کے جرم میں تین ماہ قید کی سزا سنا دی۔

    تفصیلات کے مطابق متحدہ عرب اماراتی کی ریاست دبئی کی عدالت نے ہراسگی کیس کی سماعت کرتے ہوئے 30 سالہ ملزم کو ایلیوٹر کے اندر 13 سالہ عرب شہری کے ساتھ بد فعلی کی کوشش کے جرم میں سزا سنائی ہے۔

    پبلک پراسیکیوشن کا کہنا تھا کہ بے روز گار پاکستانی شہری کے خلاف گزشتہ برس الراشدیہ پولیس اسٹیشن میں شکایت درج کروائی گئی تھی۔

    پولیس کا کہنا ہے کہ بے روز گار پاکستانی شہری نے پہلے عمارت کے باہر 13 سالہ لڑکے کو چھوا اور اس کے بعد متاثرہ بچے کا تعقب شروع کردیا۔

    پولیس کا کہنا ہے کہ جیسے ہی متاثرہ بچہ لفٹ میں سوار ہوا ملزم بھی لفٹ میں داخل ہوگیا اور تنہائی کا فائدہ اٹھا کر دوبارہ لڑکے کو جنسی طور پر ہراساں کرنا شروع کردیا۔

    پولیس نے عدالت کو بتایا کہ ملزم نے لفٹ کے اندر متعدد دفعہ عرب شہری لڑکے کو دبوچا جس کے بعد بچہ بے حواسی کے عالم میں بھاگتا ہوا اپنے والدین کے پاس گیا اور تمام واقعہ سنایا جس کے بعد انہوں نے پولیس میں شکایت درج کروائی۔

    اماراتی خبر رساں ادارے کا کہنا ہے کہ ملزم نے پہلی سماعت کے دوران خود پر لگائے گئے الزامات کی تردید کرتے ہوئے بتایا تھا کہ میں حجام کے پاس جارہا تو میں نے ایک بچے کو پریشانی کے عالم میں تنہا بیھٹے ہوئے دیکھا تو دوستانہ انداز دبوچتے ہوئے پریشانی کی وجہ معلوم کی۔

    خبر رساں ادارے کا کہنا ہے کہ عدلت نے ملزم پر جرم ثابت ہونے کے بعد پاکستانی شہری کو تین قید اور ملک بدری کی سزا سنادی۔

  • دبئی :‌برطانوی سیاح سے جنسی ہراسگی، بھارتی شہری کو قید کی سزا

    دبئی :‌برطانوی سیاح سے جنسی ہراسگی، بھارتی شہری کو قید کی سزا

    دبئی : اماراتی عدالت نے برطانوی سیاح کو جنسی طور پر ہراساں کرنے کے جرم بھارتی شہری کو چھ ماہ قید اور ملک بدری کی سزا سنا دی۔

    تفصیلات کے مطابق متحدہ عرب امارات کی ریاست دبئی کی عدالت نے بھارتی نوجوان کو خاتون کے ساتھ جنسی زیادتی کی کوشش کرنے کے جرم میں قید کی سزا سنائی گئی ہے۔

    اماراتی خبر رساں ادارے کا کہنا ہے کہ جمعرات کے روز عدالت میں جنسی ہراسگی کیس سماعت ہوئی جس میں پولیس نے بتایا کہ متاثرہ خاتون یوگا کےلیے جارہی تھی کہ لفٹ میں بھارتی شخص نے خاتون کے ساتھ نامناسب رویہ اختیار کیا۔

    برطانوی سیاح نے عدالت کو تبایا کہ ’میں اپنے شوہر سے ملاقات کے لیے دبئی آئی تھی اور مذکورہ واقعہ نومبر 2018 میں بُر دبئی میں پیش آیا جب میں یوگا کلاس کےلیے جارہی تھی۔

    متاثرہ خاتون نے بتایا کہ اس نے عمارت کی 37 ویں منزل پر جانے کےلیے لفٹ میں سوار ہوئی کہ اچانک ایک 24 سالہ لڑکہ لفٹ میں سوار ہوا اور لفٹ بند کردی، میں لفٹ سے باہر نکل گئی لیکن وہ میرا تعاقب کرتا رہا اور نامناسب آوازیں کستا رہا۔

    اماراتی میڈیا کے مطابق مجرم 34 ویی منزل پر رُک گیا اور برطانوی سیاح نے 37 ویں فلور پر جاکر سیکیورٹی گارڈ کو واقعے کی اطلاع دی جس کے بعد پولیس نے سی سی ٹی وی کیمروں کی ویڈیو کے ذریعے مجرم کا سراغ لگایا۔

    مقامی خبر راساں ادارے کے مطابق مجرم نےدوران تفتیش بتایا کہ وہ خاتون کو دیکھ کر خود پر قابو نہیں پاسکا لیکن اس پر لگائے گئے جنسی زیادتی کے الزامات من گھڑت اور بے بنیاد ہیں۔

    بھارتی شہری کا کہنا تھا کہ وہ جنسی زیادتی کے جرم میں دی جانے والی سزا کے خلاف عدالت میں درخواست دائر کرے گا۔

  • دبئی: کمسن بچے سے جنسی ہراسگی کے الزام میں ملازمہ کو 6 ماہ قید کی سزا

    دبئی: کمسن بچے سے جنسی ہراسگی کے الزام میں ملازمہ کو 6 ماہ قید کی سزا

    ابوظہبی : اماراتی ریاست دبئی کی عدالت نے کم سن بچے کو جنسی حوس کا نشانہ بنانے کے جرم میں ملازمہ کو 6 ماہ قید کی سزا مکمل ہونے کے بعد ملک بدری کا حکم دے دیا۔

    تفصیلات کے مطابق متحدہ عرب امارات کی ریاست دبئی کی عدالت نے جنسی ہراسگی کیس کی سماعت کرتے ہوئے ایشیائی ملک سے تعلق رکھنے والی 33 سالہ ملازمہ کو قید کی سزا سنا دی۔

    اماراتی خبر رساں ادارے کا کہنا تھا کہ 33 سالہ ایشیائی خاتون کو پولیس نے کم عمر بچے کو ہراسگی کا نشانہ بنانے کے الزام میں گرفتار کرکے عدالت میں پیش کیا تھا۔

    عدالتی دستاویزات میں بتایا گیا ہے کہ متاثرہ بچے کی والدہ نے مذکورہ ملازمہ سے بچے کا ڈائپر تبدیل کرنے کےلیے کہا تھا تاہم کچھ دیر بعد بچے نے والدہ سے تکلیف کیی شکایت کی جس کے بعد والدہ نے ڈائپر تبدیل کیا تو سمجھی کہ شاید کوئی بیماری ہوگی اور دوا لگادی۔

    اماراتی میڈیا کا کہنا تھا کہ دو دن بعد بچے نے اپنی دادی سے دوبارہ مذکورہ جگہے پر تکلیف کی شکایت کی اور بتایا ملازمہ نے مجھے چھوا تھا اس لیے درد ہورہا ہے۔

    دبئی پولیس کا کہنا تھا کہ متاثرہ بچے اہل خانہ بچے کو اسپتال لے گئے اور ڈاکٹر کی جانب سے جنسی ہراسگی کی تصدیق کے بعد بچے کے والد نے پولیس کو فون کرکے ملازمہ کو گرفتار کروا دیا۔

    اماراتی خبر رساں ادارے کا کہنا تھا کہ عدالت نے ملازمہ پر کم سن بچے کو جنسی حوس کا نشانہ بنانے کے جرم میں 3 ماہ قید کی سزا سنائی تھی تاہم والدین کی اپیل پر عدالت نے 6 ماہ قید اور ملک بدری کی سزا سنا دی۔

  • جنسی ہراسگی کے الزام میں گرفتار پاکستانی باعزت بری

    جنسی ہراسگی کے الزام میں گرفتار پاکستانی باعزت بری

    دبئی : متحدہ عرب امارات کی عدالت نے چینی خاتون کو جنسی طور پر ہراساں کرنے کے الزام میں گرفتار پاکستانی شہری کو باعزت بری کر دیا۔

    تفصیلات کے مطابق متحدہ عرب امارات کی ریاست دبئی کی عدالت نے جنسی ہراسگی کیس کی سماعت کرتے ہوئے رہائشی عمارت کی لفٹ میں خاتون کو ہراساں کرنے الزام میں گرفتار پاکستانی شخص کو باعزت بری کردیا۔

    غیر ملکی خبر رساں ادارے کا کہنا تھا کہ جنسی ہراسگی کیس میں گرفتار کارپینٹر کا کام کرنے والے 28 سالہ پاکستانی شہری پر الزام تھا کہ اس نے لفٹ کے اندر شکایت کنندہ کے ساتھ زبردستی کرنے کی کوشش کی ہے۔

    دبئی پولیس کا کہنا تھا کہ مذکورہ واقعے کی رپورٹ رواں برس مارچ کی 7 تاریخ کو نائف پولیس اسٹیشن میں درج ہوئی تھی۔

    پولیس نے عدالت کو بتایا کہ 42 سالہ چینی خاتون نے شکایت درج کروائی تھی کہ ’میں نائف ایریا میں رات ساڑھے 11 بجے اپنی دکان بند کرکے گھر کی جانب جارہی کہ مجھے محسوس ہوا کہ کوئی میرا پیچھا کررہا ہے، جو اپنے حلیے سے پاکستانی لگ رہا تھا۔

    عدالتی دستاویزات کے مطابق خاتون نے پولیس کو بیان دیا کہ 28 سالہ نوجوان نے لفٹ کے بند ہوتے ہی مجھے پکڑ کر جنسی طور پر ہراساں کرنے لگا، جس پر میں نے اسے دھکا دیا اور چیخ کر کہا کہ تم مجھے جانتے ہو، تو ملزم نے کہا میں تمھیں جانتا ہوں۔

    متاثرہ چینی خاتون نے دعویٰ کیا تھا کہ ’میرے شور مچانے پر میرا پڑوسی باہر آیا لیکن تب تک ملزم موقع سے فرار ہوچکا تھا، اس لیے واقعے کا کوئی عینی شاہد نہیں ہے‘۔

    غیر ملکی خبر رساں ادارے کا کہنا تھا کہ پولیس نے ملزم کو واقعے کے روز ہی گرفتار کرلیا تھا، لیکن پاکستانی شہری نے خاتون کو پہنچاننے اور خاتون کو جنسی طور پر ہراساں کرنے سے انکار کردیا تھا۔

    غیر ملکی خبر رساں ادارے کا کہنا تھا کہ پولیس آفیسر نے عدالت میں بیان دیا کہ’ملزم نے دوران تفتیش واقعے کے روز مذکورہ عمارت میں جانے بھی انکار کیا تھا‘۔

    پولیس ترجمان کا کہنا تھا کہ چینی خاتون کے شکایت درج کروانے کے بعد ملزم کو سی سی ٹی وی فوٹیج کے ذریعے گرفتار کیا گیا تھا، تاہم پولیس نے عدالت کے حکم پر ملزم کو باعزت بری کردیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دبئی میں 6 سالہ بچی سے دست درازی، پاکستانی مکینک کو جیل ہوگئی

    دبئی میں 6 سالہ بچی سے دست درازی، پاکستانی مکینک کو جیل ہوگئی

    دبئی: متحدہ عرب امارات کی عدالت نے ایک پاکستانی مکینک کو بچی کے ساتھ دست درازی کرنے پر ایک سال کی سزا سنا دی۔

    تفصیلات کے مطابق مکینک نے بچی کے ساتھ اس وقت یہ نازیبا حرکت کی، جب وہ دیگر بچوں کے ساتھ پارک میں کھیل رہی تھی۔ واقعے کے بعد ملزم کو گرفتار کرکے کیس چلایا گیا۔

    عدالت نے مذکورہ واقعے سے متعلق فیصلہ سناتے ہوئے ملزم کو ایک سال جیل کی سزا دے دی، جبکہ سزا مکمل ہونے کے بعد مجرم کو پاکستان ڈی پورٹ کیے جانے کا بھی فیصلہ کر لیا گیا۔ واضح رہے کہ پاکستان شہری اپنے جرم سے انکاری ہے۔

    آگرہ: خاتون سے چھیڑ چھاڑ وزیر کو مہنگی پڑ گئی

    واقعے سے متعلق مقامی میڈیا سے گفتگو کرتے ہوئے بچی کے والد نے کہا کہ شام کے وقت جب میری بچی کھیلنے کے لیے نکلی تب ہمیں ایک فون کال موصول ہوئی جس میں اطلاع دی گئی کہ آپ کے بیٹی کے ساتھ کسی شخص نے شرمناک حرکت کرنے کی کوشش ہے۔

    انہوں نے کہا کہ جب یہ واقعہ ہوا اس کےبعد میری بیٹی بہت ڈری ہوئی تھی، اس نے بتایا کہ ایک آدمی نے میرے ساتھ نازیبا حرکت کی اور گھر والوں کو مطلع کرنے کی صورت میں خطرناک نتائج کی دھمکی تھی، جس کے بعد ہم نے واقعہ سے متعلق پولیس کو اطلاع دی۔

    گوجرانوالہ : پارکوں میں خواتین سے چھیڑ چھاڑ، ڈنڈا بردارفورس تیار

    خیال رہے کہ اس سے قبل بھی متعدد بار دبئی میں اس قسم کے واقعات ہو چکے ہیں جہاں ایک مقامی شوپنگ مال میں پاکستانی مکینک نے نوعمر بچی کے ساتھ چھیڑ چھاڑ کی تھی تاہم ابتدائی طور پر تو اس نے جرم ماننے سے انکار کیا تاہم سی سی ٹی وی فوٹیج سے حقیقت سامنے آگئی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکسانی پرامریکی لڑکی کو ہراساں کرنے پرہرجانے کا دعویٰ

    پاکسانی پرامریکی لڑکی کو ہراساں کرنے پرہرجانے کا دعویٰ

    شکاگو: امریکی جوڑے ایک پاکستانی شخص پرالزام عائد کیا ہے کہ اس نے دورانِ سفر ان کی کم عمر بیٹی کے ساتھ چھیڑ خانی کی ہے، ان کا یہ بھی کہنا تھا کہ امریکن ایئرلائن ان کی بیٹی کو تحفظ دینے میں ناکام رہی۔

    تفصیلات کے مطابق مذکورہ خاندان کے الزام پر محمد آصف چوہدری نےنامی 57 سالہ پاکستان شخص کو جولائی میں ایک کم عمر لڑکی جس کی عمر 12 سے 16 سال کے درمیان بتائی جارہی ہے جنسی طور پر ہراساں کرنے کے الزام میں گرفتار کیا گیا۔

    مذکورہ شخص نے الزام کی تردید کی اور پولیس نے اسے فی الحال ضمانت پر رہا کردیا ہے۔

    لڑکی نے پروازکے دوران اپنی ماں کو ٹیکسٹ پیغام بھیجا کہ ایک اجنبی شخص اس کی ٹانگوں اور جسم کے نازک حصوں کو چھو رہا ہے اور جیسے ہی وہ شخص رفع حاجت کے لئے گیا تو اس نے پرواز کے عملے سے رابطہ کیا جنہوں نے اسے فرسٹ کلاس میں منتقل کردیا۔

    جیست ہی پرواز شکاگو میں اتری تو جہازکے حکام نےذمہ داروں سے شکایت کی آصف چوہدری کوایف بی آئی ایجنٹ کے حوالے کیا گیا۔

    متاثرہ لڑکی نے عدالت میں ثبوت کے طور پر اپنے موبائل سے کھینچی ایک تصویر بھی پیش کی جس میں کوئی شخص اسے چھوتا دکھائی دے رہا ہے۔

    دوسری جانب آصف چوہدری کا کہنا ہے کہ وہ اپنے اہلخانہ سے ملاقات کے لئے اوکلاہامہ جارہا تھا اور اس نے ایسا کچھ نہیں کیا جیسا کہ اس پر الزام عائد کیا گیا ہے۔ عدالت نے 1 لاکھ امریکی ڈالر زرِ ضمانت کے عوض مذکورہ شخص کو ضمانت پر رہا کردیا ہے اور اسے عدالت میں پیشی کا پابند کیا ہے۔