چھوٹے بچوں کو شرارت کرنے پر والدین کا ڈانٹنا لازمی امر ہے اور اسی میں بچوں کی بھلائی بھی ہے اس بات کا مشاہدہ ہم اپنے اردگرد کرتے ہی رہتے ہیں۔
مائیں اپنے بچوں کیلئے لامتناہی محبت اور دیکھ بھال کا عملی نمونہ ہوتی ہیں لیکن ضرورت پڑنے پر وہ سخت ترین رویہ بھی اختیار کرسکتی ہیں۔
یہ کلیہ صرف انسانوں پر ہی نہیں جانوروں پر بھی لاگو سکتا ہے جس کی زندہ مثال سوشل میڈیا پر وائرل ہونے والی یہ ویڈیو ہے کہ جس میں ایک بلی نے اپنے گم ہونے والے بچے سے ملنے کے بعد پہلے اسے ہلکی سی چپت رسید کی اور پھر اپنے انداز میں گود میں اٹھا کر لے گئی۔
وائرل ویڈیو دیکھ کر ایسا محسوس ہورہا ہے کہ جیسے وہ بلی اپنے بچے سے کہہ رہی ہو کہ کہاں تھے تم ؟ ہمیں پریشان کردیا گھر چلو تم کو بتاتی ہوں۔
The feeling of mother is the same in all living things.
The mom cat scolds her baby who has run away from home! ❤️💕😂😂pic.twitter.com/7WjifKgpgU— Figen (@TheFigen_) June 17, 2023
اس ویڈیو میں فٹ پاتھ پر ایک بلی کے بچے کو دکھایا گیا ہے جو اپنی ماں سے دور ہوگیا ہے اور جب بلی اسے ڈھونڈتے ہوئے وہاں پہنچتی ہے تو اس سے کچھ فاصلے پر رک جاتی ہے۔
درحقیقت بلی غصے کے عالم میں بچے کو ڈانٹتی ہے اور پھر اس کے قریب جا کر اسے ہلکا سا تھپڑ بھی مارتی ہے اس کے بعد اسے اٹھا کر اپنے محفوظ مقام کی جانب چل پڑتی ہے۔
اس ویڈیو کو دیکھنے والے صارفین خوشگوار حیرت میں مبتلا ہوگئے اور اپنے اپنے انداز میں تبصرے کرتے ہوئے بچپن میں اپنے ساتھ ہونے والے واقعات کا ذکر کیا۔