ARYNews.tv | Urdu – Har Lamha Bakhabar

Tag: Monalisa

  • مہاکمبھ کی مونا لیزا اسٹار بن گئیں، نئے روپ نے سب کو حیران کردیا

    مہاکمبھ کی مونا لیزا اسٹار بن گئیں، نئے روپ نے سب کو حیران کردیا

    بھارت میں مہاکمبھ میلے میں ہار بیچنے والی مونا لیزا بھونسلے نامی 16 سالہ نوجوان لڑکی سوشل میڈیا پر وائرل ہونے کے بعد اسٹار بن گئی۔

    بھارت میں مہاکمبھ اپنی منفرد داستانوں اور شخصیات کی وجہ سے توجہ کا مرکز بنا ہوا ہے، کمبھ میلہ بھارت میں ہر 3 سال بعد ہندو مذہب کے 4 مقدس شہروں پریاگ راج، نیشک، ہریدوار اور اجین میں باری باری منعقد ہوتا ہے اور 6 ہفتوں تک جاری رہتا ہے۔

    مہا کمبھ کا میلا  معمول سے بڑا اور خاص اجتماع ہوتا ہے جسے دنیا کا سب سے بڑا مذہبی تہوار سمجھا جاتا ہے، اس میلے سے کئی ایک ایسے کردار اور کہانیاں اکثر سامنے آتے ہیں جو دنیا بھر میں توجہ کا مرکز بن جاتے ہیں، ان ہی میں سے ایک کردار اِس بار میلے میں ہار بیچنے والی مونا لیزا نامی نوجوان لڑکی ہے۔

     

    View this post on Instagram

     

    A post shared by monalisha Bhosle (@monalisa__bhosle)

    میلے میں ہاتھ سے بنے ہار بیچنے والی اس لڑکی کو اس کی گہری رنگت اور خوبصورت آنکھوں کے ساتھ معصومیت بھری مسکان نے سوشل میڈیا پر مشہور کر دیا۔

     

    View this post on Instagram

     

    A post shared by monalisha Bhosle (@monalisa__bhosle)

    اب  نوجوان مونالیزا اپنی پہلی فلم کے ساتھ سلور اسکرین پر اپنی شناخت بنانے کے لیے تیار ہے، تاہم مونا کیرالا میں ایک پروموشنل ایونٹ میں وی آئی پی مہمان کے طور پر شاندار شرکت کی۔

     

    View this post on Instagram

     

    A post shared by monalisha Bhosle (@monalisa__bhosle)

    اس موقع پر مونا لیزا نے ملیالم زبان میں بات کرکے حاضرین کو حیران کردیا، ساتھ ہی وہ اس ایونٹ میں خوبصورت انداز میں الگ تھلگ نظر آرہی ہیں۔

    مونالیزا نے 14 فروری 2025 کو کوزی کوڈ کیرالہ کے لیے اپنی پہلی پرواز کی، انہوں نے اپنی پہلی پرواز کی جذباتی ویڈیو شیئر بھی کی تھی جس میں وہ ہوائی جہاز میں بیٹھی ہوئی نظر آ رہی تھیں۔

     

    View this post on Instagram

     

    A post shared by monalisha Bhosle (@monalisa__bhosle)

    ویڈیو کے کیپشن میں مونا نے لکھا کہ ’پہلی بار فلائٹ میں بیٹھی ہوں‘ کلپ میں مونا کو اپنے والد سے گلے لگتے دیکھا گیا اور وہ بظاہر جذباتی دکھائی دے رہی تھیں۔

  • کمبھ میلے کی وائرل ’مونا لِسا‘ کو فلم میں کام مل گیا

    کمبھ میلے کی وائرل ’مونا لِسا‘ کو فلم میں کام مل گیا

    بھارت میں ہونے والے مہا کمبھ میلے میں ایک عام لڑکی نے سب کی توجہ حاصل کرلی ہے، حیرت کی بات یہ ہے کہ یہ لڑکی کوئی مشہور شخصیت یا امیر گھرانے سے تعلق نہیں رکھتی بلکہ غریب گھرانے سے تعلق رکھتی ہے۔

    بھارتی میڈیا رپورٹس کے مطابق لڑکی کا نام مونا لِسا بھوسلے ہے، جو مدھیہ پردیش کے اندور میں رہتی ہے، مونا اس بار مہا کمبھ میلے میں مالا بیچنے پہنچی تھی، جہاں اس کی سادگی اور معصومیت نے ہر کسی کی توجہ حاصل کرلی۔

    میلے میں موجود عوام کی اکثریت اس کی تصاویر ہوئی نظر آئی اور سوشل میڈیا پر بھی اس کی وائرل ویڈیو نے توجہ حاصل کرلی۔

    بھارتی فلم انڈسٹری کے ہدایت کار سنوج مشرا نے بھی اس کی خوبصورتی اور معصومیت سے متاثر ہوکر اسے اپنی فلم میں کام کی پیشکش کردی۔ اُن کا کہنا تھا کہ وہ اسے اپنی فلم ”ڈائری آف منی پور” میں کسان کی بیٹی کا کردار نبھانے کیلئے مونا کو موزوں سمجھتے ہیں۔

    سنوج مشرا نے کہا کہ وہ جلد مونا سے ملاقات کریں گے اور انہیں اداکاری کی تربیت دے کر فلم میں شامل کریں گے۔ سنوج مشرا کا کہنا تھا کہ وہ کافی عرصے سے ایسے کردار کے لیے ایک معصوم چہرے کی تلاش میں تھے۔

    مہاکمبھ کی وائرل اسٹار نے 10 دنوں میں مالا فروخت کرکے 10 کروڑ کمائے؟ حقیقت کیا ہے

    فی الحال، مونا میلے سے اپنے گھر واپس پہنچ چکی ہے، شور و غل سے دور، مگر اس کے مستقبل کے حوالے سے بات کرنا ابھی قبل از وقت ہوگا۔

  • کینیڈین نوجوان کی مہارت، مونالیزا کی شہرہ آفاق پینٹنگ کو اسنو لیزا میں تبدیل کردیا

    کینیڈین نوجوان کی مہارت، مونالیزا کی شہرہ آفاق پینٹنگ کو اسنو لیزا میں تبدیل کردیا

    اوٹاوا: کینیڈا میں نوجوان آرٹسٹ کے فن پارے کی دھوم مچ گئی، مونالیزا کی شہرہ آفاق پینٹنگ کو اسنو لیزا میں تبدیل کردیا۔

    تفصیلات کے مطابق مونالیزا کی مشہور پینٹنگ کو کینیڈین نوجوان نے ایسی مہارت سے برف پر نقش کیا کہ دیکھنے والے حیران رہ گئے۔

    ٹورنٹو کے رہائشی رابرٹ گرین فیلڈ نے آرٹ کا یہ عمدہ نمونہ پینٹنگ کرکے نہیں بلکہ برف کی سفید چادر میں ڈھکے اپنے گھر کے عقبی صحن میں ایک بیلچے کی مدد سے پیش کیا۔

    کمال مہارت سے برف پر بنائی گئی مونا لیزا کی یہ پینٹنگ سوشل میڈیا آتے ہی چھاگئی ہے، ہزاروں افراد پینٹنگ کو دیکھ کر نوجوان آرٹسٹ کے فن کو سرارہے ہیں۔

    آرٹسٹ کا کہنا ہے کہ اس نے بیلچے اور ہاکی کی مدد سے یہ اسنو لیزا تیار کیا، کینیڈا میں ہونے والی برفباری سے یہ تخلیق کرنے میں کامیاب ہوا۔

    کینیڈا میں ان دنوں شدید برفباری ہورہی ہے، سڑکوں اور گلیوں میں چھ انچ تک برف کی تہہ جم چکی ہے جبکہ شہری شدید ٹھنڈ کے باعث بلاضرورت گھر سے باہر جانے سے اجتناب کررہے ہیں۔

    خیال رہے کہ مشہور زمانہ مونا لیزا کی پینٹنگ اٹلی کے مصور لیونا رڈو ڈا ونسی نے تیار کی تھی، شہکار تخلیق کی ابتدا سال 1503 یا 1504 میں شروع کی جبکہ اپنے مرنے سے کچھ عرصے قبل ہی 1509میں مکمل کی۔

    یہ پینٹنگ ان کی پسندیدہ تھی اس غیر معمولی پینٹنگ کو وہ اپنے ساتھ فرانس لے گیا اور آخری وقت تک اپنے ساتھ رکھا۔