Tag: money laundering case

لاہور : اسپیشل جج سینٹرل نے تحریری فیصلے میں کہا ہے کہ شہباز شریف اور حمزہ شہباز کے خلاف منی لانڈرنگ کے الزامات کا کوٸی دستاویزی ثبوت موجود نہیں۔

تفصیلات کے مطابق اسپیشل جج سینٹرل نے منی لانڈرنگ کیس میں شہباز شریف اور حمزہ شہباز کی بریت کا تحریری فیصلہ جاری کر دیا۔

اسپیشل جج سینٹرل اعجاز حسن اعوان نے سولہ ارب روپے کی منی لانڈرنگ کیس کا 38 صفحات پر مشتمل فیصلہ جاری کیا۔

فیصلے میں قرار دیا گیا ہے کہ منی لانڈرنگ کے الزامات کا کوٸی دستاویزی ثبوت موجود نہیں، کوٸی ثبوت نہیں کہ شہباز شریف یا حمزہ شہباز نے مبینہ بے نامی اکاونٹس سے براہ راست رقم نکلواٸی یا جمع کرواٸی ہو۔

تحریری فیصلے میں کہا گیا کہ شہباز شریف یا حمزہ شہباز پر بھاری رقوم رشوت کے عوض لینے کا الزام عاٸد کیا گیا، کوٸی ایسا ثبوت سامنے نہیں آیا جس سے یہ الزام ثابت ہوتا ہو۔

عدالت کا کہنا تھا کہ ایف آٸی آر میں الزام لگایا گیا کہ اس وقت کے وزیراعلی کی رہاٸش گاہ پر کیش بواٸے بھاری رقوم پہنچاتے تھے جبکہ چالان کے مطابق پولیس کی سیکیورٹی میں یہ رقوم پہنچاٸی جاتی تھیں، اس حوالے سے بھی کوٸی ثبوت ہے نہ کسی پولیس افسر کا بیان ریکارڈ کیا گیا۔

عدالتی فیصلے میں کہا ہے کہ عدالت کے پاس اختیار ہے کہ وہ کسی بھی مرحلے پر ملزم کو بری کر سکتی ہے، شہباز شریف اور حمزہ شہباز کے خلاف کوٸی ثبوت موجود نہیں،شواہد اور ریکارڈ کے مطابق ایسی گراونڈ موجود نہیں کہ دونوں ملزمان چارج شیٹ کر کے ان کے خلاف کیس چلایا جاٸے۔

تحریری فیصلے میں کہنا ہے کہ ریکارڈ کے مطابق دونوں ملزمان کو سزا ملنے کا بھی کوٸی امکان نہیں، دونوں ملزمان کے خلاف مزید کیس چلانا قانونی کارواٸی کا غلط استعمال ہو گا، عدالت شہباز شریف اور حمزہ شہباز کو کیس سے بری کرتی ہے۔

لاہور : وزیراعظم شہباز شریف اور حمزہ شہباز نے منی لانڈرنگ کیس میں بریت کی درخواستیں دائر کردیں۔

تفصیلات کے مطابق اسپیشل جج سینٹرل میں شوگر مل کے ذریعے منی لانڈرنگ کیس میں وزیراعظم شہباز شریف اور حمزہ شہباز نے بریت کی درخواستیں دائر کردیں۔

شہبازشریف کی جانب سے کہا گیا کہ شوگر مل منی لانڈرنگ سے کوئی تعلق نہیں، رمضان شوگر مل کا نہ تو ڈائریکٹر ہوں اور نہ شیئر ہولڈر۔

وزیراعظم نے کہا ہے کہ تمام کاروبار بچوں میں تقسیم کر چکا ہوں، سیاسی بنیادوں پر اس کیس میں ملوث کیاگیا، عدالت کیس سےبری کرنے کا حکم دے۔

درخواست میں حمزہ شہباز کا کہنا تھا کہ سال 2013 تا 2018 آفس ہولڈر نہیں رہا، کسی بھی شخص نے میرے کہنے پر بینک اکاونٹس نہیں کھولے۔

ن لیگی رہنما نے کہا کہ کسی فردنےمیرےکہنےپراکاؤنٹس میں نہ پیسے جمع کرائےاور نہ ہی نکلوائے،تمام کاروبار سیلمان شہباز دیکھتا تھا۔

درخواست میں استدعا کی گئی کہ کیس سے کوئی تعلق نہیں عدالت بری کرنے کا حکم دے۔

لاہور : منی لانڈرنگ کیس میں ق لیگ کے رہنما مونس الٰہی نے ایف آئی اے کو جواب جمع کرا دیا، ایف آئی اے نے مونس الٰہی کو 23 جون تک جواب جمع کرانے کی ہدایت کی تھی۔

تفصیلات کے مطابق منی لانڈرنگ کیس کے مقدمہ کے نامزد ملزم ق لیگ کے رہنما مونس الٰہی نے اپنے وکلاء کے زریعے ایف آئی اے کو جواب جمع کرا دیا۔

مونس الہی کو ایف آئی اے نے منی لانڈرنگ کیس میں 23 جون کو 35 سوالات پر مشتمل ایک سوال نامہ مونس الٰہی کو دیا تھا اور 23 جون تک جواب جمع کرانے کی ہدایت کی تھی۔

مونس الہی خود ایف آئی اے کے دفتر نہ آئے تاہم انہوں نے اپنے وکلا کے ذریعے جوابات جمع کروادیے۔

مزید پڑھیں : مونس الٰہی سے ایف آئی اے ٹیم کی تفتیش کا احوال سامنے آگیا

مونس الٰہی چار جولائی تک منی لانڈرنگ کیس میں ضمانت پر ہیں ، مونس الٰہی کی طرف سے جمع کروائے گئے جوابات کا جائزہ لینے کے بعد ہی ایف آئی اے نیا لائحہ عمل تیار کرے۔

یاد رہے مسلم لیگ ق کے رہنما مونس الہٰی ایف آئی اے میں پیش ہوئے تھے ، جہاں  ایف آئی اے کہ 4 رکنی تفتیشی ٹیم نے 5 گھنٹے پوچھ گچھ کی، جس میں مختلف سوالات پوچھے گئے جس کے جوابات انہوں نے دیے۔

ذرائع کا کہنا تھا کہ مونس الٰہی سے پوچھا گیا کہ آروائی کے شوگر مل آپ نے بنائی ہے، جس کے جواب میں انہوں نے کہا کہ میں نے نہیں بنائی، ریکارڈ چیک کریں یہ مل عمر شہریار نے بنائی اور وہی اس کےچیف ایگزیکٹیو ہیں۔

مونس الٰہی نے بتایا تھا کہ اس مل میں میری کمپنی کےشیئرز ہیں، تفتیشی افسر نے سوال کیا تھا کہ نواز، مظہرآپ کے بےنامی دار ہیں جن کے ذریعے منی لانڈرنگ ہوئی، مونس الٰہی نے کہا کہ میں ان دونوں کو نہیں جانتا۔

ان سے سوال کیا گیا تھا کہ دونوں ملزمان کا مل کے چیف ایگزیکٹو سے کیا تعلق ہے، جواب میں مونس الہیٰ نے کہا تھا کہ یہ آپ چیف ایگزیکیٹیو سے پوچھیں۔

مونس الٰہی کا کہنا تھا کہ لکھ کر سوال پوچھ لیں میں سارے جوابات دے دوں گا، مل کے چیف ایگزیکٹیو عمر شہریار سابق وفاقی وزیر خسرو بختیارکے بھائی ہیں۔