خشکی سے گھرا ملک منگولیا میں شدید ٹھنڈ اور برف باری کے نتیجے اب تک 20 لاکھ سے زیادہ جانور ہلاک ہو چکے ہیں۔
خبر رساں ایجنسی کے مطابق منگولیا میں دسمبر سے مارچ کے درمیان شدید سرد موسم کا ہونا معمول کی بات ہے، ملک میں ان مہینوں کے درمیان کچھ علاقوں میں پارہ منفی 50 تک گر جاتا ہے۔
منگولیا کی وزارت زراعت کے گنتولگا کے مطابق پیر تک 2.1 ملین مویشی سخت موسم میں بھوک اور تھکن سے ہلاک ہوگئے ہیں، جن میں بھیڑ، بکری، گھوڑے اور گائے شامل ہیں۔
حکام کا کہنا ہے کہ ’موسم سرما کا آغاز شدید برف باری سے ہوا لیکن اچانک ہوا کا درجہ حرارت بڑھ گیا، اور برف پگھل گئی جس نے پگھلنے والی برف کو مزید برف میں تبدیل کر دیا، اس برف کی وجہ سے مویشیوں کے لیے نیچے کی گھاس تک پہنچنا انتہائی مشکل ہو جاتا ہے‘۔
حکام کا بتانا ہے کہ منگولیا کے چھ صوبوں میں اس وقت موسم شدید سرد ہے اور سخت موسمی حالات سے متاثرہ شہریوں کو خوراک فراہم کرنے کے لئے اقدامات کئے جارہے ہیں۔
واضح رہے کہ منگولیا کی آب و ہوا شدید قسم کی ہے، موسم سرما بہت سرد اور موسم گرما معتدل ہوتا ہے، جس سے بہت سے لوگوں اور جانوروں کی موت واقع ہوتی ہے۔
