ARYNews.tv | Urdu – Har Lamha Bakhabar

Tag: monkeys

  • اسمارٹ فون میں ساتھیوں کو قید دیکھ کر بندر پریشان

    اسمارٹ فون میں ساتھیوں کو قید دیکھ کر بندر پریشان

    سوشل میڈیا پر وائرل ایک ویڈیو میں چند بندر، اسمارٹ فون پر ساتھی بندروں کی ایک ویڈیو دیکھ کر حیران و پریشان ہیں۔

    سماجی رابطے کی ویب سائٹ انسٹاگرام پر پوسٹ کی جانے والی ایک ویڈیو میں دیکھا جاسکتا ہے کہ ایک شخص اسمارٹ فون پکڑے دو بندروں کو ایک ویڈیو دکھا رہا ہے۔

    ویڈیو میں چند سیاہ رنگ کے بندر موجود ہیں۔

    ویڈیو دیکھنے والے بندر حیران و پریشان ہیں، اس دوران ایک تیسرا بندر بھی ان کے ساتھ شامل ہو کر ویڈیو دیکھنے لگتا ہے۔

     

    View this post on Instagram

     

    A post shared by SACHIN AWASTHI (@helicopter_yatra_)

    بندر موبائل کو بار بار چھو کر یہ سمجھنے کی کوشش کر رہے ہیں کہ ان کے ساتھی اس ڈبے کے اندر کیسے چلے گئے۔

    سوشل میڈیا پر بندروں کی پریشانی کی یہ ویڈیو وائرل ہوگئی، اور لوگوں نے اس پر مختلف تبصرے کیے۔

  • بندروں نے 21 سالہ لڑکی سے کیسے بدلہ لیا؟ دل دہلا دینے والا واقعہ

    بندروں نے 21 سالہ لڑکی سے کیسے بدلہ لیا؟ دل دہلا دینے والا واقعہ

    نئی دہلی: بھارت میں دیدہ دلیر بندر بھگانے اور ڈرانے کے بعد انسانوں سے بدلہ لینے پر اتر آئے، منتقم مزاج بندروں نے ایک 21 سالہ لڑکی کے گھر میں داخل ہو کر اسے مار ڈالا۔

    بھارتی میڈیا کے مطابق افسوسناک واقعہ ریاست تلنگانہ میں پیش آیا، 21 سالہ سریشہ اپنے دوستوں کے ساتھ چھت پر بیڈمنٹن کھیل رہی تھی جب اچانک بندروں کا غول وہاں آ پہنچا۔

    سریشہ اور اس کے دوستوں نے بندروں کو ڈرانے اور انہیں بھگانے کی کوشش کی لیکن بندر وہاں ڈٹے رہے۔ بھارتی میڈیا رپورٹ کے مطابق بعد ازاں بندر لڑکی کے گھر میں داخل ہوئے اور حملہ کر کے اسے مار ڈالا۔

    ہندوستان میں بندروں کی بہتات کے باعث اس طرح کے واقعات بے حد عام ہوگئے ہیں۔

    نومبر 2019 میں 2 حملوں میں آگرہ میں بندروں نے ایک 12 دن کے بچے اور 58 سالہ خاتون کو حملہ کر کے مار ڈالا تھا۔ 12 دن کے بچے کی موت اس وقت ہوئی جب بندر ایک گھر میں داخل ہوئے اور دودھ پلاتی ماں سے بچہ چھین کر حملے کر کے اسے لہو لہان کردیا۔

    دوسری 58 سالہ خاتون رفع حاجت کے لیے گھر سے باہر گئیں تو بندروں کے حملے کا نشانہ بن گئیں۔

    بعد ازاں اکتوبر 2020 میں 13 سالہ بچی چھت سے کپڑے اتارنے گئی تو پہلے سے وہاں بیٹھے بندروں کے غول نے اس پر حملہ کردیا اور اسے مار ڈالا۔

  • کورونا ویکسین کا تجربہ بندروں پر کامیاب

    کورونا ویکسین کا تجربہ بندروں پر کامیاب

    بیجنگ : کورونا وائرس کے سد باب کیلئے پوری دنیا میں سائنسدان ویکسین کی تیاری میں مصروف عمل ہیں، اور پہلی مرتبہ چائنیز لیبارٹری میں تیار کی جانے والی ویکسین کے بندروں پر تجربات کامیاب ثابت ہوئے ہیں۔

    اس حوالے سے چینی ادویہ ساز کمپنی کے اعداد و شمار کے مطابق نوول کورونا وائرس کی ایک ویکسین کے جانوروں پر تجربے کے دوران ی ہبات سامنے آئی کہ اس ویکسین نے بندروں کو مذکورہ انفیکشن سے بڑی حد تک محفوظ رکھا اور پہلی مرتبہ چائنیز لیبارٹری میں تیار کی جانے والی ویکسین کے بندروں پر تجربات کامیاب ثابت ہوئے ہیں۔

    سائنس میگزین میں شائع ہونے والی ایک رپورٹ میں کہا گیا ہے کہ ایک دوا ساز کمپنی نے یہ بتایا ہے کہ اس نے بندروں کی ایک قسم جسے معدومیت کا کوئی خطرہ نہیں، اس سے تعلق رکھنے والے 8 بندروں کو ویکسین کی دو مختلف مقدار انجیکشن کے ذریعے دی۔

    اس ویکسین کے کوئی سائیڈ افیکٹس نہیں، ان بندروں پر ویکسین کے جو تجربات کیے وہ کامیاب ثابت ہوئے۔ یہ ویکسین پرانے طریقوں سے بنائی گئی دوا جیسی ہے جس میں کیمیائی طور پر غیر فعال کیے گئے وائرس کو شامل کرکے اسے تیار کیا گیا ہے
    کمپنی نے اپنے بیان میں کہا کہ تمام بندر بڑی حد تک انفیکشن سے محفوظ رہے۔

    کمپنی کی تشخیص کے مطابق چار بندروں کو ویکسین کی زیادہ مقدار دی گئی تھی اور وائرس ان کے جسم میں داخل کرنے کے7 روز بعد تک ان کے پھیپھڑوں میں کوئی علامت ظاہر نہیں ہوئی۔

    کمپنی نے کہا کہ باقی جن 4بندروں کو ویکسین کی کم مقدار دی گئی ان میں وائرس داخل کیے جانے بعد جسم میں وائرس کا دباؤ دیکھا گیا لیکن وہ خود بخود صحیح ہوگیا۔ اس کے برعکس جن چار بندروں کو ویکسین نہیں دی گئی وہ وائرس سے شدید بیمار ہوئے اور انہیں نمونیہ ہوگیا۔

  • بندروں کی بھرمار سے گاؤں والے ہجرت پر مجبور

    بندروں کی بھرمار سے گاؤں والے ہجرت پر مجبور

    بھارت کے ایک گاؤں میں بندروں کی بھرمار نے گاؤں والوں کو ہجرت پر مجبور کردیا، یہ بندر فصلوں کو تباہ کر رہے تھے جبکہ گھروں میں گھس کر سامان بھی اٹھا لے جاتے تھے۔

    بھارتی گاؤں ناراس پور سے اب تک 20 سے زائد خاندان ہجرت کر کے جا چکے ہیں، وجہ اس گاؤں میں بندروں کی بھرمار ہے جن کی تعداد اندازاً 400 ہے۔

    یہ بندر فصلوں کو تباہ کر کے کسانوں کو مالی نقصان پہنچا رہے تھے جبکہ گھروں میں بھی گھس جاتے جہاں سے وہ مختلف سامان اٹھا کر بھاگ جاتے تھے۔

    تاہم اب گاؤں کے سرپنج نے گاؤں والوں کی مشکل حل کرنے کے لیے ان بندروں کو پکڑنے کے لیے ایک ٹیم بلا لی ہے جنہیں 15 سو روپے دیے جائیں گے۔ اس ٹیم نے اب تک 100 بندر پکڑ کر گھنے جنگل میں چھوڑ دیے ہیں جہاں سے وہ واپس نہ آسکیں۔

    سرپنچ کا کہنا ہے کہ ان بندروں نے گھروں اور فصلوں پر تباہی مچادی تھی اور اس وجہ سے کسان بہت پریشان تھے۔

    ان میں سے کچھ کسان ایسے تھے جنہیں صرف ایک ہی قسم کی فصل اگانے پر مہارت حاصل تھی اور ان کی وہ واحد فصل بھی بندروں کے ہاتھوں تباہ ہوجاتی تھی، چنانچہ کسان پریشان ہو کر یہاں سے جانے لگے تھے۔

    تاہم اب جب کسانوں کو علم ہوا کہ آہستہ آہستہ بندروں کا خاتمہ ہورہا ہے تو وہ اپنے گھروں کو واپس آرہے ہیں۔

  • جین ایڈیٹنگ: بائیو ٹیکنالوجی کی مدد سے بندر کی پیدائش

    جین ایڈیٹنگ: بائیو ٹیکنالوجی کی مدد سے بندر کی پیدائش

    بیجنگ: چین کے سائنسی اور طبی ماہرین نے بائیو ٹیکنالوجی (جین ایڈٹنگ) کے ذریعے بندر کے بچے کی پیدائش کا کامیاب تجربہ کیا۔

    چینی میڈیا رپورٹ کے مطابق ماہرین نے پانچ علیحدہ علیحدہ بندروں کے جسموں سے کلون جمع کیے اور پھر اُن پر بائیو ٹیکنالوجی کا تجربہ کیا جس کے نتیجے میں نر بندر کا بچہ پیدا ہوا۔

    ماہرین کے مطابق انہوں نے تجربے کے دوران بندروں کی نسل مکاؤ اور سرکلانی کے کلون (ڈی این اے) حاصل کیے جس کی وجہ سے ذہنی معذور بندر کا بچہ پیدا ہوا تھا جو زیادہ عرصے زندہ نہ رہ سکا۔

    مزید پڑھیں: ڈی این اے سے چھیڑ چھاڑ، سائنس دان نے معافی مانگ لی

    چین کے صوبے شنگھائی کے انسٹی ٹیوٹ آف نیورو سائنس اینڈ چائنیز اکیڈمی آف سائنس کی جانب سے جاری آرٹیکل میں بتایا گیا کہ جین ایڈٹنگ کے نتیجے میں بھورے رنگ کا بندر کا بچہ پیدا ہوا۔

    تحقیقاتی ماہرین نے بی ایم اے ایل 1 میں چھیڑ چھاڑ بھی کی اور اُن کا یہ تجربہ بھی کامیاب رہا۔

    چینی ماہرین نے بائیوٹیکنالوجی کے ذریعے نر بندر کے بچے کی پیدائش کو انقلابی اقدام قرار دیتے ہوئے کہا کہ ’ہم نے پہلا تجربہ دو سال قبل کیا مگر اُس میں ناکامی کا سامنا کرنا پڑا تھا‘۔

    یہ بھی پڑھیں: ڈی این اے ایڈیٹنگ: پیدائش سے قبل بیماریوں کا علاج

    اسے بھی پڑھیں: اعضاء کی پیوند کاری۔ انسان اورجانورکے جینز کا خلطہ تیار

    ماہرین کے مطابق یہ بچہ عام بندروں کی طرح زندگی گزارے گا جبکہ ممکنہ طور پر اسے انسانوں والی بیماریاں لاحق ہوسکتی ہیں، اس ضمن میں اُس کا علاج بھی اسی طرح کیا جائے گا۔

  • گجرات: بندر انتہاء پسندوں کے نقشِ قدم پر چل پڑے، ویڈیو دیکھیں

    گجرات: بندر انتہاء پسندوں کے نقشِ قدم پر چل پڑے، ویڈیو دیکھیں

    نئی دہلی: بھارتی ریاست گجرات میں بندر بھی انتہاء پسندوں کے نقشِ قدم پر چلنے پڑے اور انہوں نے معصوم شہریوں پر تشدد کرنا شروع کردیا۔

    تفصیلات کے مطابق بھارت کے علاقے گجرات میں واقع گاؤں سوپا کے جنگلی بندر آپے سے باہر ہوگئے اور وہ سڑک پر چلنے والے شہریوں پر کھلے عام حملے کر کے انہیں زخمی کررہے ہیں۔

    نووساری کے قریب واقع گاؤں میں بندروں کی جانب سے شہریوں پر ہونے والے حملوں کی ویڈیو منظر عام پر آئی جس میں دیکھا جاسکتا ہے کہ ایک شہری موٹرسائیکل پر سڑک پر سے گزر رہا ہے تو اسی دوران دوسری طرف سے ایک بندر نے اُس پر حملہ کردیا۔

    بندر کا حملہ اس قدر شدید تھا کہ موٹرسائیکل سوار شہری نیچے گر گیا اور زخمی ہوا، اسی طرح فوٹیج میں دیکھا جاسکتا ہے کہ سڑک پر چلتے ہوئے شہری کی پشت پر بندر نے زور سے مارا جس کے بعد وہ اوندھے منہ گر گیا۔ اسی طرح ایک اور فوٹیج میں جب شہری بندر سے اپنی قیمتی چیز بچانے لگا تو اُس نے کھمبے پر چڑھ کر حملہ کیا اور وہاں سے رفو چکر ہوگیا۔

    مکینوں کے مطابق وہ بندر سے بہت زیادہ خوف زدہ ہیں اُن کا کہنا ہے کہ ’ہم جیسے ہی اکیلے یا کسی کے ساتھ گھر سے باہر نکلیں بندر ہم پر حملہ کردیتے ہیں‘۔ اہل علاقہ نے اس واقعے کی شکایت متعلقہ حکام کو بھی درج کرائی تاہم ابھی تک اُن کے تحفظ کے لیے کوئی اقدامات بروئے کار نہیں لائے گئے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں