پیرس: عالمی نمبر ایک سربیا کے نوواک جوکووچ نے مونٹی کارلو ماسٹرز ٹینس ٹورنامنٹ کا ٹائٹل جیت لیا۔
فرانس میں نوواک جوکووچ نے ٹورنامنٹ کا اختتام جیت کے ساتھ کیا، فائنل میں جوکووچ کا مقابلہ جمہوریہ چیک کے ٹوماس برڈچ سے تھا۔
سرب کھلاڑی نے کھیل کا شاندار آغاز کیا اور پہلا سیٹ سات پانچ سے جیت کر برتری حاصل کی، دوسرے سیٹ میں چیک کھلاڑی نے بھرپور کم بیک کرتے ہوئے مقابلہ ایک ایک سے برابر کردیا۔
فیصلہ کن سیٹ میں جوکووچ نے روایتی کھیل پیش کیا اور حریف کھلاڑی کی ایک نہ چلنے دی اور چھ تین کے اسکور کے ساتھ ٹائٹل اپنے نام کرلیا۔
جوکووچ سیزن کے ابتدائی تین ماسٹرز ٹائٹل جیتنے والے دنیا کے پہلے کھلاڑی بن گئے۔
