ARYNews.tv | Urdu – Har Lamha Bakhabar

Tag: moon soon rain

  • حالیہ بارشوں نے ایک ہزار سے زائد افراد کو موت کی نیند سلا دیا

    حالیہ بارشوں نے ایک ہزار سے زائد افراد کو موت کی نیند سلا دیا

    اسلام آباد : حالیہ بارشوں میں ہونے والی تباہیوں میں ملک بھر میں مجموعی طور پر ایک ہزار سے زائد افراد موت کا شکار ہوئے۔

    تفصیلات کے مطابق ملک بھر میں پیدا ہونے والی بارش اور سیلاب اوربارش کے نقصان سےمتعلق این ڈی ایم اے نے تازہ صورتحال پر مبنی رپورٹ جاری کی ہے۔

    اين ڈى ايم اے کی رپورٹ کے مطابق گزشتہ 24گھنٹےکے دوران مزيد119افراد زندگى کى بازى ہارگئے، جس کے بعد ہلاکتوں کی مجموعی تعداد 1 ہزار 33 تک پہنچ گئی۔

    چودہ جون سے شروع ہونے والی بارشوں میں صوبہ سندھ ميں76خيبرپختونخوا میں31اموات ہوئی جبکہ بلوچستان میں4گلگت بلتستان میں6اموات ہوئیں۔

    اين ڈى ايم اے رپورٹ میں بتایا گیا ہے کہ ملک بھرمیں24گھنٹے کے دوران مختلف حادثات میں 71افراد زخمى ہوئے جنہیں طبی امداد کیلیے مقامی اسپتالوں میں روانہ کیا گیا

    اين ڈى ايم اے کے مطابق ملک بھر میں 456 مرد 207 خواتين اور 348 بچے جاں بحق ہوئے، زخميوں کى کُل تعداد 1527 ہو گئى، سندھ زخمى افراد میں سرفہرست ہے جہاں تعداد 1009 پہنچ گئى ہے۔

    ملک بھر میں سیلاب سے 662446 مکانات جزوی اور 287412 مکمل طور پر تباہ ہوئے، 7 لاکھ 19 ہزار 558مال مویشی سیلاب میں بہہ گئے۔

    سیلاب سے پنجاب میں شاہرہ این55 فاضل پور سے راجن پور بند ہے،سندھ میں بارشوں اور سيلاب کے باعث 2328کلوميٹر سڑک کو نقصان پہنچا۔

    بلوچستان میں اب تک 1000 کلو ميٹر سڑک حاليہ بارشوں اور سيلاب سے تباہ ہوئى، ملک بھر کے 149 پلوں کو سيلاب سے نقصان پہنچا۔

  • کراچی والے تیار ہوجائیں ، محکمہ موسمیات کی مون سون کی بارشوں کے حوالے سے بڑی پیشگوئی

    کراچی والے تیار ہوجائیں ، محکمہ موسمیات کی مون سون کی بارشوں کے حوالے سے بڑی پیشگوئی

    کراچی : ڈائریکٹرمیٹ سردار سرفراز نے خبردار کیا ہے کہ کراچی میں مون سون کی بارشیں معمول سے زیادہ ہونے کا امکان ہے تاہم شہر کا اگلے چندروز تک موسم خوشگوار رہے گا۔

    تفصیلات کے مطابق ڈائریکٹرمیٹ سردار سرفراز نے ملک میں مون سون کی بارشوں کے حوالے سے گفتگو کرتے ہوئے کہا ہے کہ گرمی کا بڑھنا مون سون موسم کےلئےاچھا ہے، موجودہ گرمی کی لہر مزید 2روزتک برقراررہےگی ، اسی طرح پشاورمیں درجہ حرارت 48جبکہ اسلام آبادمیں 43 ڈگری رہا۔

    سردار سرفراز کا کہنا تھا کہ کراچی میں اگلے چندروزتک موسم خوشگواررہےگا، مون سون کی بارشیں معمول سےزیادہ ہونےکاامکان ہے، کراچی میں بھی مون سون میں زیادہ بارشیں ہوسکتی ہیں۔

    دوسری جانب محکمہ موسمیات کا کہنا ہے کہ کراچی میں آج موسم گرم اور مرطوب رہنے کا امکان ہے ، دن میں وقفے وقفےسے گردآلودہوائیں چلیں گی اور درجہ حرارت 35 سے 37 ڈگری تک جاسکتا ہے جبکہ رات گئے بوندا باندی کا بھی امکان ہے۔

  • حب ڈیم میں پانی کی سطح 304.5 فٹ تک جا پہنچی

    حب ڈیم میں پانی کی سطح 304.5 فٹ تک جا پہنچی

    کراچی : تیزبارشوں کے بعد حب ڈیم بھر گیا، پانی کی سطح تین سو چار اعشاریہ پانچ فٹ تک جا پہنچی، کراچی کیلئے ایک سال کا پانی ذخیرہ ہوگیا۔

    تفصیلات کے مطابق حالیہ بارشیوں کے بعد حب ڈیم میں پانی کی سطح تین سو چار اعشاریہ پانچ فٹ تک جا پہنچی، محکمہ آبپاشی کا کہنا ہے کہ ڈیم میں پانی کی سطح میں مزید اضافے کا امکان ہے۔

    انتظامیہ کے مطابق ڈیم میں موجودہ پانی ایک سے ڈیڑھ سال کیلئے کافی ہے، ڈیم میں اب تک پانی کی سطح میں چھبیس فٹ کا اضافہ ریکارڈ کیا جاچکا ہے جبکہ تین سو انتیس فٹ پر ڈیم مکمل بھر جاتا ہے۔

    حب ڈیم میں پانی ذخیرہ کرنے کی گنجائش339فٹ ہے جبکہ حالیہ بارشوں سے حب ڈیم کی سطح310فٹ ہونے کا امکان ہے۔

    دوسری جانب ذرائع کے مطابق حب ڈیم کے ڈیڈ لیول سے پمپنگ کے ذریعے پانی نکالنے سے مین کینال کو نقصان پہنچا، 8کلومیٹر طویل مین کینال میں ریتی بجری بھر گئی، مین کینال کی دیکھ بھال کی ذمہ داری واپڈا کی ہے. مین کینال سے بلوچستان اور کراچی کی کینال کو پانی فراہم کیا جاتا ہے۔

    حب ڈیم آخری مرتبہ2007 میں اوورفلو ہوا تھا، حب ڈیم سے یومیہ کراچی کو62اور بلوچستان کو49ملین گیلن پانی یومیہ فراہم کیا جارہا ہے، حب ڈیم بھر جانے سے پانی  کی فراہمی 3سال جاری رہ سکتی ہے۔

  • بلوچستان: مون سون کی بارشوں کے پیشِ نظر ریڈ الرٹ جاری

    بلوچستان: مون سون کی بارشوں کے پیشِ نظر ریڈ الرٹ جاری

    کوئٹہ : بلوچستان میں مون سون کی بارشوں کے پیش نظر پی ڈی ایم اے نے ریڈ الرٹ جاری کردیا۔

    تفصیلات کے مطابق صوبائی وزیر پراوینشل ڈیزاسٹرمینجمنٹ اتھارٹی میر سرفراز بگٹی کے مطابق صوبے کے چار ڈویژنز میں آئندہ چند دنوں کے دوران طوفانی بارشوں اور ندی نالوں میں طغیانی آنے کا خدشہ ہے، جس کی بناء پر تمام اضلاع میں قبل ازوقت اقدامات کرتے ہوئے امدادی سامان پہنچادیا گیا ہے۔

    صوبائی دارلحکومت میں قائم کنٹرول روم مکمل طور پر فعال اور تمام اضلاع کی انتظامیہ سے مسلسل رابطہ میں ہے، انہوں نے پی ڈی ایم اے کے اہلکاروں کو ہدایت کی ہے کہ وہ کسی بھی قسم کی صورتحال سے نمٹنے کے لئے تیار رہیں۔

    محکمہ موسمیات کے مطابق ملک بھر میں مون سون کا نیا سسٹم داخل ہو گیا ہے اور آئندہ اڑتالس گھنٹے کےدوران ملک کےبیشتر علاقوں میں بارش کاامکان ہے۔

  • مون سون کے دوران10 سے 20 فیصد زائد بارشیں ہوں گی، محکمہ موسمیات

    مون سون کے دوران10 سے 20 فیصد زائد بارشیں ہوں گی، محکمہ موسمیات

    کراچی :محکمہ موسمیات نے خبردار کیا ہے کہ اس سال ملک بھرمیں مون سون کی بارشیں دس سے بیس فیصد زیادہ ہوگی۔

    تفصیلات کے مطابق موسم کاحال بتانے والوں کا کہنا ہے کہ اس بار بارشیں زوردار ہوں گی، جون کے تیسرے ہفتے میں مون سون کی انٹری ہوگی اور یہ سلسلہ ستمبر تک جاری رہے گا۔

    اس دوران ملک بھر میں ماضی کی نسبت دس سے بیس فیصد زیادہ ابرکرم برسے گا۔ مون سون کا آغازشمالی علاقوں سے ہوگا، جہاں خوب بارشیں ہوں گی، دوسرے مرحلے میں کشمیر، خیبرپختونخوا اور پنجاب کے مختلف علاقوں میں برسات ہوگی اور یہ سلسلہ سندھ تک جا پہنچے گا۔

    اس سال تھر میں بھی جل تھل ایک ہوگا، مون سون کے دوران ہونے والی شدید بارشوں سے مختلف علاقوں میں سیلاب کا بھی خدشہ ظاہر کیا جارہا ہے۔

    دوسری جانب ملک میں مختلف شہروں میں پری مون سون کی بارشوں کا آغاز ہوگیا، محکمہ موسمیات نے اگلے دو روز کے دوران مزید پری مون سون بارشوں کی پیشگوئی کی ہے، چوبیس گھنٹے کے دوران اسلام آباد، لاہور ، بالاکوٹ ،سوات ،مانسرہ، مری، چکوال،منڈی بہاوٗالدین،جہلم،سیالکوٹ،گوجرانوالہ، گجرات، سمیت پنجاب کے کئی شہروں میں ابر رحمت کھل کر برسا۔

    کراچی میں بھی موسم خوشگوار رہے گا اور ٹھنڈی ٹھنڈی ہوائیں بھی چلتی رہے گی، محکمہ موسمیات کے مطابق اگلے دو روز کے دوران بالائی علاقوں میں مزید پری مون سون بارشوں کا امکان ہے، آج(شام یا رات) کشمیر، اسلام آباد، بالائی ،جنوبی پنجاب اور ہزارہ ڈویژن میں کہیں کہیں آندھی اور گرج چمک کیساتھ بارش کا امکان ہے۔

    بالائی خیبر پختونخوا ،شمال مشرقی بلوچستان بالائی سندھ میں آندھی اور گرج چمک کیساتھ بارش کا امکان ہے، ملک کے دیگرعلاقوں میں موسم گرم اور مرطوب رہےگا۔ محکمہ موسمیات نے خبردار کیا ہے کہ آئندہ تین مہینے میں ہونے والی مون سون کی بارشیں دس سے بیس فیصد زیادہ ہوگ

  • شہر قائد سے طوفانی بارشوں کا خطرہ ٹل گیا، ڈی جی موسمیات

    شہر قائد سے طوفانی بارشوں کا خطرہ ٹل گیا، ڈی جی موسمیات

    کراچی: کراچی سے طوفانی بارشوں کا خطرہ ٹل گیا ڈی جی موسمیات نے خوش خبری سنا دی،شہر میں درمیانے درجے کی بارشوں کا سلسلہ تین روز تک جاری رہے گا۔

    کراچی میں بارشیں تو ہوں گی لیکن اب طوفانی نہیں ہوگی، شہر قائد میں تیز اور طوفانی بارشوں کا خطرہ ٹل گیا،کراچی میں بارش کے باعث جہاں گرمی کازور ٹوٹ گیا، وہیں اہالیان کراچی کے لئے محکمہ موسمیات نے پیش گوئی کی تھی کہ شہر میں تیز اور طوفانی بارشیں ہو سکتی ہیں۔

    محکمہ موسمیات کے ڈی جی غلام رسول کا کہنا ہے کہ طوفانی بارش کے سسٹم کا رخ تبدیل ہوگیا ہے جس کے بعد اب کراچی میں درمیانے درجے کی بارشوں کا امکان ہے۔

     انہوں نے بتایا کہ بارشوں کا سلسلہ تین روز تک جاری رہے گا، جہاں طوفانی بارشوں کے خطرے کے ٹل جانے کی خبر سے کراچی بسیوں نے سکھ کا سانس لیا وہیں کے الیکٹرک سمیت دیگر حکومتی اداروں نے بھی ضرور سکون محسوس کیا ہوگا۔

  • شدید بارشوں کے حوالے سے پیر منگل اور جمعرات اہم قرار

    شدید بارشوں کے حوالے سے پیر منگل اور جمعرات اہم قرار

    کراچی: محکمہ موسمیات نے شہر قائد میں پیر اور منگل کے دن موسلا دھار بارشوں کی پیش گوئی کردی، تفصیلات کے مطابق ملک بھرمیں مون سون کی بارشوں کا سلسلہ جاری ہے کراچی میں اس وقت بھی ہلکی بارش ہورہی ہے۔

    کراچی کے مختلف علاقوں میں گزشتہ رات ہلکی بارش کا سلسلہ جاری رہا، جو ایئرپورٹ، ملیر، کورنگی شاہ فیصل کالونی، گلشنِ اقبال اور صدر سمیت مختلف علاقوں میں ہوئی۔

    محکمہ موسمیات کے مطابق پیر سے موسلا دھار بارشوں کا سلسلہ شروع ہوگا جو کہ جمعرات تک جاری رہے گا۔ شہرقائد میں 120 ملی میٹربارش ہونے کا امکان ہے۔

    علاوہ ازیں کراچی، سکھر، لاڑکانہ، حیدرآباد اور میرپورخاص ڈویژن سمیت اندرون سندھ میں بھی تیز بارش متوقع ہے، محکمہ موسمیات کے مطابق شدید بارشیں  کمزور علاقوں میں سیلاب  پیدا کر سکتی ہیں اور اس وجہ سے پی ڈی ایم حکام نے شہریوں سے احتیاطی اقدامات کرنے کی درخواست کی ہے۔

    آئندہ 48 گھنٹوں کے دوران بڑے پیمانے پر گرج چمک کے ساتھ  بارش اور تیز  ہواؤں کا قوی امکان ہے، خلیج بنگال سے بارشوں کا ایک نیا سلسلہ سندھ کے جنوبی علاقوں  سے ہوتا ہوا کراچی میں داخل ہو گیا ہے جس کے باعث کراچی میں 100سے 120 ملی میٹر تک بارشیں ہو سکتی ہیں۔

    محکمہ موسمیات نے بدھ تک سوموار سے دارالحکومت میں بھاری بارش کی پیش گوئی کی ہے۔

    محکمہ موسمیات کے مطابق موسمیاتی نظام کراچی سے 90 کلومیٹر فاصلے پر ہے ترجمان محکمہ موسمیات کا کہنا کہ پیر کے دن چار بجے کے بعد کسی بھی وقت  تیز ہواؤں اور گرج چمک کے ساتھ بارش کا امکان ہے۔

  • بارشوں کے پیش نظرکمشنر کراچی نے شہر میں ایمرجنسی نافذ کردی

    بارشوں کے پیش نظرکمشنر کراچی نے شہر میں ایمرجنسی نافذ کردی

    کراچی: مون سون بارشوں کے پیش نظر کراچی میں رین ایمرجنسی نافذ کردی گئی، ایڈمنسٹریٹر کراچی شعیب احمد صدیقی کی ہدایت پر غیر قانونی ہورڈنگز کے خلاف مہم بھی شروع کردی گئی ہے۔

    بارشں اللہ کی رحمت ہے لیکن ناقص انتظامات کے باعث عموماً زحمت بن جاتی ہے،  محکمہ موسمیات نے بارشوں کی پیش گوئی کی تو کمشنر کراچی شعیب احمد صدیقی نے رین ایمرجنسی نافذ کردی۔

     تمام متعلقہ اداروں کو الرٹ کردیا گیا ہے اور کمشنر کراچی نے تمام بلدیاتی اداروں کے ملازمین کو کسی بھی ہنگامی صورتحال سے نمٹنے کیلئے حاضر رہنے کی ہدایت کی ہے۔

     ان کا کہنا تھا کہ کے ایم سی، کنٹونمنٹ بورڈ اور ڈی ایم سیز نالوں کی صفائی ستھرائی کے کام کو مکمل کرے، کمشنر کراچی کی ہدایت پر غیر قانونی ہورڈنگز کے خلاف مہم بھی شروع کردی گئی ہے۔

    انھوں نے واٹر بورڈ پمپنگ اسٹیشنز پر بجلی کے متبادل انتظامات تیار رکھنے اور کے الیکٹرک کو بجلی فراہمی کے نظام کی مینٹینس کی بھی ہدایت کی ہے۔

  • محکمہ موسمیات نے ملک بھرمیں مون سون بارشوں کی خوشخبری سنا دی

    محکمہ موسمیات نے ملک بھرمیں مون سون بارشوں کی خوشخبری سنا دی

    کراچی / اسلام آباد : کراچی سمیت ملک کے بیشترشہروں میں موسم خوشگوار ہے۔ محکمہ موسمیات نے آئندہ چند روز میں مون سون بارشیں شروع ہونے پیشگوئی کردی ہے۔

    کہیں موسم خوشگوارہے تو کہیں میگھابرسنے کا امکان  ہے۔ درجہ حرارت میں مزید کمی آئے گی اور موسم ابر آلودرہے گا، ماہرین موسمیات نے عید تک موسم خوشگوار رہنے کی نوید سنادی ہے۔

    آئندہ چند روز میں بالائی پنجاب سمیت خیبر پختونخواہ میں بادل خوب جم کے برسیں گے۔ کشمیر میں بھی رم جھم سے موسم سہانا ہوجائے گا۔

    شہر قائد کےباسیوں پہ بھی قدرت مہربان ہوگئی ہے۔ کراچی کے ساحلی علاقہ جات میں بھی بادل اپنا ڈیرا ڈالے رہینگے۔

  • اسلام آباد،خیبر پختونخوا اور زیریں سندھ میں مون سون بارشوں کی پیش گوئی

    اسلام آباد،خیبر پختونخوا اور زیریں سندھ میں مون سون بارشوں کی پیش گوئی

    اسلام آباد:  آج اسلام آباد،پنجاب ، خیبر پختونخوا، زیریں سندھ اور کشمیر اور بالائی علاقوں میں مزید مون سون بارشوں کی پیش گوئی ہے۔

    کراچی سمیت سندھ کے بیشتر علاقوں میں بادل چھائے ہوئے ہیں جبکہ پنجاب کے شہر فیصل آباد، ساہیوال، پیر محل، احمد پورسیال سمیت بیشتر شہروں میں تیز آندھی کیساتھ بارش ہوئی، جس سے گرمی کا زور ٹوٹ گیا۔

    خیبرپختونخوا، بالائی پنجاب، زیریں سندھ، کشمیر اور گلگت میں مطلع جزوی طور پر ابر آلود ہے اور چند مقامات پر بارش کا سلسلہ وقفہ وقفہ سے جاری ہے، آئندہ چوبیس گھنٹوں کے دوران کشمیر، اسلام آباد، پنجاب، خیبرپختونخوا اور گلگت میں کہیں کہیں جبکہ زیریں سندھ کراچی، حیدرآباد اور میرپورخاص میں چند مقامات پر تیز ہوائوں اور گرج چمک کیساتھ بارش کا امکان ہے۔

    گزشتہ روز سب سے زیادہ بارش سیالکوٹ میں ایک سو ایک ملی میٹر ریکارڈ کی گئی جبکہ سب سے زیادہ درجہ حرارت سبی میں چھیالیس ڈگری سینٹی گریڈ رہا۔