ARYNews.tv | Urdu – Har Lamha Bakhabar

Tag: Morocco boat accident

  • مراکش کشتی حادثے میں ملوث انسانی اسمگلر سمیت 3 ایجنٹ گرفتار

    مراکش کشتی حادثے میں ملوث انسانی اسمگلر سمیت 3 ایجنٹ گرفتار

    ایف آئی اے نے مراکش کشتی حادثے میں ملوث انسانی اسمگلر سمیت 3 ایجنٹ کو گرفتار کرلیا۔

    تفصیلات کے مطابق ایف آئی اے نے گوجرانوالہ کے مختلف علاقوں میں کارروائی کرتے ہوئے مراکش کشتی حادثے میں ملوث انسانی اسمگلر سمیت 3 ایجنٹ کو گرفتار کرلیا۔

    ترجمان ایف آئی اے کا کہنا ہے کہ ملزم مرزا احسان بیگ مراکش کشتی حادثے میں ملوث ہے، ملزم نے ایجنٹوں کے ساتھ ملکر شہری کو اسپین بھجوانے کی کوشش کی۔

    ایف آئی اے حکام کا کہنا ہے کہ ملزمان نے 27 لاکھ روپے لیے، شہری کو پہلے موریطانیہ بھجوایا گیا، ملزمان نے ساتھیوں کے ہمراہ شہری کو کشتی سے اسپین اسمگل کی کوشش کی، شہری نے کشتی کے ذریعے سفر سے انکار کیا اور پاکستان واپس آ گیا۔

    ایف آئی اے حکام نے کہا کہ ملزم کی نشاندہی پر مزید گرفتاریاں متوقع ہیں، ملزم عمران مشتاق کو ائیرپورٹ ہاؤسنگ سوسائٹی اسلام آباد سے گرفتار کیا گیا، ملزم نے شہری کو کینیڈا نوکری کیلئے بھجوانے کے نام پر30 لاکھ روپے لیے۔

    ایف آئی اے کے مطابق ملزم حسن عباس کو پسرور سیالکوٹ سے گرفتار کیا گیا، ملزم نے شہریوں کو اسپین بھجوانے کے لیے 28 لاکھ روپے سے زائد وصول کیے، ملزم نے شہریوں کو کشتی کے ذریعے موریطانیہ سے اسپین اسمگل کی کوشش کی، شہریوں نے کشتی کے ذریعے سفر سے انکار کیا اور واپس پاکستان آ گئے۔

  • مراکش کشتی حادثے میں ملنے والی 13 لاشوں کا تعلق پاکستان سے ثابت ہو گیا

    مراکش کشتی حادثے میں ملنے والی 13 لاشوں کا تعلق پاکستان سے ثابت ہو گیا

    اسلام آباد: مراکش کشتی حادثے میں ملنے والی 13 لاشوں کا تعلق پاکستان سے ثابت ہو گیا۔

    تفصیلات کے مطابق مراکش کشتی حادثے میں ملنے والی تیرہ لاشوں کی شناخت کا عمل مکمل کر لیا گیا، سفارتی ذرائع کا کہنا ہے کہ مقامی حکام کو صرف تیرہ لاشیں ہی ملی تھیں، اور تمام لاشوں کا تعلق پاکستان سے ثابت ہو گیا ہے۔

    یاد رہے کہ 15 جنوری کو کشتی واقعے میں 44 پاکستانیوں کے جاں بحق ہونے کی اطلاعات تھیں۔

    پاکستانی سفارت خانہ کے ذرائع کا کہنا ہے کہ لاشیں ناقابل شناخت اور بغیر دستاویز تھیں، اس لیے میتوں کی شناخت کے لیے نادرا کی خدمات حاصل کی گئیں، فنگر پرنٹ اور تصاویر نادرا کو بھجوائی گئیں تھیں۔ نادرا کی تصدیق کے بعد فہرستیں مرتب کی گئیں۔

    مراکش کشتی حادثہ: ڈی پورٹ ہونے والے پاکستانیوں نے اپنے ایجنٹس کے نام اور ثبوت فراہم کردیئے

    واضح رہے افریقی ملک موریطانیہ سے غیر قانونی طور پر اسپین جانے والوں کی کشتی کو حادثہ پیش آیا تھا جس کے نتیجے میں 44 پاکستانیوں سمیت 50 تارکین وطن ہلاک ہو گئے تھے۔

    ترجمان ایف آئی اے کے مطابق کشتی کے بدقسمت مسافروں نے غیر قانونی طریقے سے اسپین براستہ سینیگال جانے کی کوشش کی تھی، انھوں نے پاکستانی ایجنٹوں سے 16 لاکھ سے 25 لاکھ روپے فی کس میں معاملات طے کیے تھے۔

    کشتی میں زندہ بچ جانے والے 22 پاکستانی ڈی پورٹ ہو کر واپس آئے تو انھوں نے حکام کو اپنے ایجنٹوں کے نام اور ثبوت فراہم کیے، جس پر ایک ایجنٹ کی گرفتاری بھی عمل میں لائی گئی۔

  • مراکش کشتی حادثے میں ملوث انسانی اسمگلر عدیل احمد گرفتار

    مراکش کشتی حادثے میں ملوث انسانی اسمگلر عدیل احمد گرفتار

    ایف آئی اے گجرات نے مراکش کشتی حادثے میں ملوث انسانی اسمگلر عدیل احمد کو گرفتار کرلیا۔

    تفصیلات کے مطابق وفاقی تحقیقاتی ادارہ (ایف آئی اے) کمپوزٹ سرکل گجرات اور ڈی جی خان نے مظفر گڑھ میں مشترکہ کارروائی کرتے ہوئے مراکش کشتی حادثے میں ملوث انسانی اسمگلر کو گرفتار کرلیا، ملزم کی شناخت عدیل احمد کے نام سے ہوئی ہے، گرفتار ملزم مراکش کشتی حادثے میں ملوث پایا گیا ہے۔

    ایف آئی اے ترجمان کے مطابق ملزم ایف آئی اے کمپوزٹ سرکل گجرات کو مطلوب تھا، ملزم کو چھاپہ مار کارروائی میں مظفر گڑھ سے گرفتار کیا گیا، ملزم نے دیگر ساتھیوں کے ساتھ مل کر متاثرہ ریحان اسلم کو اسپین بھجوانے کے لئے 40 لاکھ روپے کا معاہدہ کیا تھا۔

    ترجمان کا کہنا تھا کہ متاثرہ کے گھر والوں نے رقم گرفتار ملزم کے بینک اکاونٹ میں ٹرانسفر کیں ملزمان کی جانب سے متاثرہ کو پہلے پاکستان سے دبئی اور بعد ازاں دبئی سے ایتھوپیا، سینیگال بھجوایا گیا، ملزم نے دیگر ساتھیوں کے ساتھ مل کر متاثرہ کو کشتی کے ذریعے موریطانیہ سے اسپین اسمگلنگ کی کوشش کی گئی لیکن کشتی حادثے میں متاثرہ کی موت واقع ہوئی۔

    ترجمان ایف آئی اے کے مطابق متاثرہ کا تعلق جوڑہ کھاریاں سے ہے ملزم کے خلاف مقدمہ درج کر کے تفتیش کا آغاز کر دیا گیا گینگ کے دیگر ملزمان کی گرفتاری کے لئے چھاپے مارے جا رہے ہیں۔

    ایف آئی اے ترجمان کا کہنا ہے کہ شتی حادثات میں ملوث عناصر کے خلاف کریک ڈاون جاری رہے گا بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے۔

    https://urdu.arynews.tv/boats-carrying-illegal-immigrants-arrive-greece/

  • ’مراکش کشتی حادثہ نہیں قتل عام تھا‘ زندہ بچ جانیوالے پاکستانیوں کا دل دہلا دینے والا ابتدائی بیان

    ’مراکش کشتی حادثہ نہیں قتل عام تھا‘ زندہ بچ جانیوالے پاکستانیوں کا دل دہلا دینے والا ابتدائی بیان

    پاکستان کی تحقیقاتی کمیٹی نے مراکش کشتی حادثے میں زندہ بچ جانیوالے پاکستانیوں کے ابتدائی بیان ریکارڈ کر لیے ہیں۔

    تفصیلات مراکش کشتی حادثے پر 4 رکنی پاکستانی کمیٹی کی تحقیقات میں پیش رفت ہوئی ہے، ذرائع کا کہنا ہے کہ کمیٹی نے زندہ بچ جانیوالے پاکستانیوں کے ابتدائی بیان ریکارڈ کر لیے ہیں۔

    پاکستانیوں کے ابتدائی بیانات کے مطابق مراکش کشتی حادثہ نہیں قتل عام تھا، ملزمان نے کشتی کھلے سمندر میں کھڑی کی اور تاوان مانگا، تاوان دینے والے 21 پاکستانیوں کو چھوڑ دیا گیا جبکہ کشتی میں سوار بیشتر لوگ سرد موسم اور تشدد سے ہلاک ہوگئے۔

    بچ جانیوالے پاکستانیوں نے تحقیقاتی کمیٹی کو بتایا کہ کشتی میں موجود افراد کو کھانے پینے کی قلت کا بھی سامنا تھا۔

     ذرائع کا کہنا ہے کہ کشتی انٹرنیشنل ہیومن ٹریفکنگ ریکٹ کی نگرانی میں تھی، اس ریکٹ میں سنیگال، موریطانیہ اور مراکش کے اسمگلر شامل ہیں، واضح رہے کہ پاکستان کی 4 رکنی تحقیقاتی ٹیم اس وقت مراکش میں موجود ہے۔

    مراکش کشتی حادثے میں بچ جانے والے 21 پاکستانیوں کے نام سامنے آگئے

    ڈنکی:یورپ جانے کے لیے موت کی شاہراہ سے گزرنا پڑتا ہے

    یاد رہے کہ جمعرات کو افریقی ملک موریطانیہ سے غیرقانونی طور پر اسپین جانے والوں کی کشتی کو حادثہ پیش آیا تھا جس کے نتیجے میں 44 پاکستانیوں سمیت 50 تارکین وطن ہلاک ہوگئے۔

    خبرایجنسی کے مطابق 86 تارکین وطن کی کشتی 2 جنوری کو موریطانیہ سے روانہ ہوئی تھی۔ مراکشی حکام کا کہنا ہےکہ کشتی میں کل 66 پاکستانی سوار تھے، کشتی حادثے میں 21 افرادکو بچالیا گیا ہے۔

    کشتی حادثے میں جاں بحق 44 پاکستانیوں میں سے 12 نوجوان گجرات کے رہائشی تھے۔اس کے علاوہ سیالکوٹ اور منڈی بہاؤالدین کے افراد بھی کشتی میں موجود تھے۔