بارباڈوس: قومی کرکٹ ٹیم کے فاسٹ بولر محمد عرفان نے ٹی ٹوئنٹی کرکٹ کی تاریخ میں سب سے بہترین بولنگ کراتے ہوئے عالمی ریکارڈ قائم کردیا۔
تفصیلات کے مطابق کیریبئن پریمیئر لیگ میں بارباڈوس کے لیے کھیلتے ہوئے محمد عرفان نے چار اوورز میں صرف ایک رن دیا، عرفان نے اسپیل کی پہلی گیند پر کرس گیل کو آؤٹ کیا اور دوسرے اوور میں ایون لوئس کو پویلین کی راہ دکھائی۔
عرفان نے اسپیل کے پہلے تین اوورز میڈن کرائے، چوتھے اوور کی پانچ گیندیں بھی ڈاٹ ہوئی، عرفان نے چار اوورز میں صرف ایک رن دیا جو اوور کی آخری گیند پر بنا۔
What a performance from Mohammad Irfan to take the #Playoftheday crown at match 16 of #CPL18 #Cricketplayedlouder pic.twitter.com/U9ZGC8J5v2
— CPL T20 (@CPL) August 26, 2018
محمد عرفان ایک اوور میں 0.25 کا رن ریٹ دے کر جنوبی افریقہ کے کرکٹر کرس مورس کا ریکارڈ توڑنے میں کامیاب ہوئے، نومبر 2014 میں کرس مورس نے 0.5 کے رن ریٹ کا ریکارڈ بنایا تھا۔
محمد عرفان نے ٹویٹ کرتے ہوئے کہا ہے کہ عالمی ریکارڈ قائم کرنا اعزاز کی بات ہے، جس پر وہ بہت اچھا محسوس کررہے ہیں، عرفان نے اپنے ٹویٹ میں بولنگ کا چارٹ شیئر کرنے کے ساتھ وکٹ حاصل کرنے کے بعد کی ایک تصویر بھی شیئر کی۔
Truly honored & humbled to make the world record for the most economical four over bowling figures in the history of T20 cricket: 4-3-1-2. Thanks @CPL & @BIMTridents. Also I can't say it enough but Caribbean people are pure love. 🙌🙏🏽 #SayaCorporation @TalhaAisham pic.twitter.com/ot0zdEKMKC
— Mohammad Irfan (@M_IrfanOfficial) August 26, 2018