ARYNews.tv | Urdu – Har Lamha Bakhabar

Tag: motor cycle bomb

  • کوئٹہ : سیکیورٹی فورسز کی گاڑی کے قریب دھماکہ، تین اہلکار شہید

    کوئٹہ : سیکیورٹی فورسز کی گاڑی کے قریب دھماکہ، تین اہلکار شہید

    کوئٹہ : بلوچستان کے دارالحکومت کوئٹہ کے علاقے کچلاک بائی پاس روڈ پر سیکیورٹی فورسز کی گاڑی کے قریب زور دار دھماکہ ہوا جس میں 3اہلکار شہید جبکہ متعدد افراد زخمی ہوگئے۔

    ابتدائی اطلاعات کے مطابق کوئٹہ کے کچلاک بائی پاس روڈ پر سیکیورٹی فورسز کی گاڑی کے قریب دھماکہ کیا گیا جس کے نتیجے میں اہلکار موقع پر شہید ہوگئے واقعہ میں پانچ افراد کے زخمی ہونے کی بھی اطلاعات ہیں۔

    اس حوالے سے ذرائع کا کہنا ہے کہ دھماکا خیزمواد موٹرسائیکل میں نصب تھا، دھماکے میں فورسز کی گاڑی کو نشانہ بنایا گیا۔

    واقعے کے بعد پولیس اور ریسکیو ٹیمیں جائے وقوع پر پہنچ گئیں اور زخمی ہونے والے اہلکاروں کو اسپتال منتقل کیا، سکیورٹی فورسز نے علاقے کی ناکہ بندی کرکے سرچ آپریشن شروع کردیا ہے۔

    بم ڈسپوزل سکواڈ کے مطابق موٹر سائیکل میں نو کلو باروددی مواد نصب تھا جس کو گاڑی کے قریب آنے پر دھماکے سے اڑادیا گیا۔

  • چمن : مال روڈ پر موٹر سائیکل بم دھماکہ، ایک بچہ جاں بحق، آٹھ افراد زخمی

    چمن : مال روڈ پر موٹر سائیکل بم دھماکہ، ایک بچہ جاں بحق، آٹھ افراد زخمی

    چمن : مال روڈ پرزور دار دھماکے سے ایک بچہ جاں بحق اور بارہ  افراد زخمی ہوگئے،  دھماکا خیزمواد موٹرسائیکل میں نصب تھا۔دھماکےمیں ایک گاڑی اور6موٹرسائیکلیں مکمل طور پر تباہ ہوگئیں۔

    تفصیلات کے مطابق بلوچستان کے سرحدی علاقے چمن میں مال روڈ پر زور دار دھماکہ ہوا ہے ، ڈپٹی کمشنر کا کہنا ہے کہ دھماکے سے ایک بچی بچہ جاں بحق  اوربارہ افراد زخمی ہوئے ہیں۔

    اس حوالے سے ریسکیو ذرائع کا کہنا ہے کہ دھماکا خیزمواد موٹرسائیکل میں نصب تھا، دھماکہ اس قدر شدید تھا کہ اس کی آواز دور دور تک سنی گئی، دھماکے کے بعد متعدد موٹرسائیکلوں میں آگ لگ گئی۔

    اطلاع ملتے ہی امدادی ٹیمیں جائے وقوعہ پر پہنچ گئیں اور زخمیوں کو فوری طور پر مقامی اسپتال منتقل کردیا گیا، زخمیوں میں سے متعدد افراد کی حالت تشویشناک ہے، قانون نافذ کرنے والے اداروں نے جائے وقوعہ کو گھیرے میں لے کر تفتیش کا آغاز کردیا ہے۔

    ریسکیو ذرائع کے مطابق دھماکے میں ایک گاڑی اور چھ موٹرسائیکلیں مکمل طور پر تباہ ہوگئیں، دھماکے سے درجنوں دکانوں کے شیشے بھی ٹوٹ گئے۔

    مزید پڑھیں: کوئٹہ، ہزارگنجی فروٹ مارکیٹ کے قریب دھماکا ، 20 افراد جاں بحق، 48 زخمی

    واضح رہے کہ آج صبح کوئٹہ میں ہزار گنجی فروٹ مارکیٹ کے قریب خود کش دھماکے کے نتیجے میں20افراد جاں بحق اور48زخمی ہوگئے تھے، دہشت گردی کا اندوہناک واقعہ اس وقت ہوا جب لوگ خریداری میں مصروف تھے۔

  • چمن میں مال روڈ پردھماکا، ایک شخص جاں بحق، چار ایف سی اہلکاروں سمیت پندرہ زخمی

    چمن میں مال روڈ پردھماکا، ایک شخص جاں بحق، چار ایف سی اہلکاروں سمیت پندرہ زخمی

    چمن : بلوچستان کے علاقے چمن میں مال روڈ پر دھماکا ہوا ہے جس کے نتیجے میں اب تک ایک شہری جان کی بازی ہار گیا، چار ایف سی اہلکاروں سمیت پندرہ افراد زخمی ہوگئے، دھماکا خیز مواد ایک موٹر سائیکل میں نصب کیا گیا تھا۔

    تفصیلات کے مطابق یوم آزادی کی خوشیاں سبوتاژ کرنے کیلئے ملک دشمن عناصر نے بزدلانہ کارروائی کرتے ہوئے سرحدی شہر چمن میں مال روڈ پر زور دار دھماکا کیا،

    ابتدائی تحقیقات کے مطابق دھماکے میں ایف سی کی گاڑی کو ٹارگٹ کیا گیا تھا، بارود موٹرسائیکل میں نصب کیا گیا تھا، یہ دھماکا مال روڈ پر اسپیشل برانچ پولیس کے دفتر کے سامنے کیا گیا جس کے نتیجے میں ایک شخص جاں بحق اور چار ایف سی اہلکاروں سمیت پندرہ افراد زخمی ہوگئے۔

    اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں جبکہ قانون نافذ کرنے والے اداروں کے اہلکاروں نے علاقے کو گھیرے میں لے لیا۔ فائربریگیڈ کی گاڑیاں آگ بجھانے میں مصروف ہیں، امدادی ٹیمیوں کے رضاکاروں نے زخمیوں کو فوری طور پر قریبی اسپتال منتقل کیا۔

    زخمیوں میں سے متعدد افراد کی حالت تشویشناک بتائی جارہی ہے، پولیس کا کہنا ہے کہ دھماکا ریموٹ کنٹرول سے کیا گیا، بارودی مواد موٹرسائیکل میں نصب تھا، دھماکے سے متعدد گاڑیوں میں آگ لگ گئی، جائے وقوعہ سے شواہد  اکھٹے کیے جارہے ہیں۔