Tag: motor way close

پنجاب کے وسطی اور جنوبی علاقے آج بھی گہری دھند کی لپیٹ میں ہیں جس سے معمولات زندگی شدید متاثر ہے۔ موٹروے پولیس کے مطابق صوبہ بھر میں شدید دھند کے باعث موٹروے ایم 2 ٹھوکر نیاز بیگ سے سالم تک شدید دھند کے باعث بند کردی گئی ہے۔

اوکاڑہ شہر اور نواحی علاقوں میں شدید دھند کی وجہ سے حدنگاہ انتہائی کم ہوگئی جبکہ جی ٹی روڈ، فیصل آباد روڈ پر ٹریفک کی روانی متاثر ہورہی ہے۔

موٹروے ایم ٹو کوٹ مومن سے لِلہ انٹر چینج تک اور موٹروے ایم 3 لاہور سے درکھانہ تک دھند کی وجہ سے بند کردی گئی ہے۔

موٹر وے پولیس کے مطابق موٹروےایم 11 لاہور سے سیالکوٹ تک ٹریفک کے لئے بند کردی گئی ہے جبکہ چونیاں میں دھند کے باعث قصور، دیپالپور روڈ، لنک روڈ پر ٹریفک کی روانی متاثر ہورہی ہے۔

جلال پوربھٹیاں شہر اور اس کے مضافات میں دھند اور سردی کی شدت میں اضافہ ہوگیا، گوجرانوالہ سرگودھا جی ٹی روڈ پرٹریفک کی روانی متاثر ہے جبکہ موٹروے انٹرچینج پر ٹریفک کی روانی سست روی کا شکارہے۔

شدید دھند کے باعث موٹروے پولیس کی جانب سے شہریوں کو غیر ضروری سفر کرنے سے اجتناب اور محتاط طریقے سے ڈرائیونگ کرنے کی ہدایت کی گئی ہے۔

اس کے علاوہ دھند کی وجہ سے لاہور اور سیالکوٹ ائیر پورٹ پر فلائٹ شیڈول بھی متاثر ہے اور متعدد پروازیں تاخیر کا شکار ہیں۔

لاہور : پنجاب کے مختلف میدانی علاقے دھند کی لپیٹ میں ہیں، کئی مقامات پرحدنگاہ صفر ہوگئی، دھند کے باعث ملتان موٹر وے ایم تھری لاہور سے عبدالحکیم تک اور خانیوال سے ملتان موٹروے شدید دھند کی وجہ سے بند کردی گئی۔

تفصیلات کے مطابق پنجاب کے شہروں پتوکی،حبیب آباد، رینالہ خورد، اوکاڑہ، ساہیوال، ہڑپہ میں دھند مزید بڑھ گئی، شدید دھند کے باعث حادثات کے خوف سے شہریوں نے سڑکوں پر نکلنا چھوڑ دیا۔

اس کے علاوہ چیچہ وطنی، میاں چنوں، خانیوال، ملتان، لودھراں، بہاولپور اور مسافر خانہ میں بھی دھند کا راج ہے۔

ترجمان موٹروے پولیس کا کہنا ہے کہ قومی شاہراہ پر حد نگاہ 30سے 150میٹر تک ہوگئی ہے، جس سے شہریوں کو آمد و رفت میں دشواری کا سامنا کرنا پڑا۔

موٹر وے پولیس کے مطابق ملتان موٹر وے ایم تھری لاہور سے عبدالحکیم تک شدید دھند کے باعث حد نگاہ انتہائی کم ہونے کے بعد ہر قسم کی ٹریفک کیلئے بند کردی گئی، اس کے علاوہ خانیوال سے ملتان موٹروے بھی بند کردی گئی ہے۔

اس حوالے سے ترجمان موٹروے پولیس کا کہنا ہے کہ قومی شاہراہ پرحد نگاہ انتہائی کم ہے، ترجمان نے مسافروں کو ہدایت کی ہے کہ شہری گاڑیوں میں فوگ لائٹس کا استعمال کریں اور دھند کے دوران غیر ضروری سفر سے گریز کریں اور موٹر وے پر سفر سے قبل موٹر وے ایپلی کیشن ایف ایم 95 ریڈیو اور ہیلپ لائن 130 سے مدد لیں۔

لاہور : خانیوال ملتان موٹروے شدید دھند کے باعث بند کردی گئی، محکمہ موسمیات کا کہنا ہے کہ پنجاب کے مختلف شہروں میں دھند مزید بڑھنے کا امکان ہے، ملک کے دیگر علاقوں میں موسم سرد اور خشک جبکہ بالائی علاقوں میں شدید سرد رہے گا۔

تفصیلات کے مطابق پنجاب کے میدانی علاقوں میں دھند نے ڈیرے ڈال لیے ہیں جس کے باعث نہ صرف سردی کی شدت میں اضافہ ہوگیا ہے بلکہ مسافروں کو بھی پریشانی کا سامنا کرنا پڑ رہا ہے۔

لاہور کی قومی شاہراہ پر پتوکی، حبیب آباد، رینالہ خورد، اوکاڑہ،ساہیوال، ہڑپہ میں دھند کا راج ہے جبکہ چیچہ وطنی، میاں چنوں، خانیوال، ملتان، لودھراں اور بہاولپور میں بھی دھند اپنے عروج ہر ہے۔

اس حوالے سے موٹروے پولیس حکام کا کہنا ہے کہ خانیوال سے ملتان موٹروے کو شدید دھند کی وجہ سے بند کردیا گیا ہے، اس کے علاوہ موٹروے ایم فور شورکوٹ سے شام کوٹ تک اور ملتان موٹروے ایم تھری فیض پور سےعبدالحکیم تک دھند کی وجہ سے ٹریفک کی آمد ورفت کیلئے بند کردی گئی ہے، موٹر وے پولیس کے مطابق قومی شاہراہ پرحدنگاہ50میٹرتک رہ گئی ہے۔

علاوہ ازیں محکمہ موسمیات نے پیش گوئی کی ہے کہ پنجاب اور بالائی سند ھ کے بیشتر میدانی علاقوں جبکہ خیبر پختونخوا کے بعض اضلاع میں رات اور صبح کے اوقات میں شدید دھند چھائے رہنے کی توقع ہے۔ ملک کے دیگر علاقوں میں موسم سرد اور خشک جبکہ بالائی علاقوں میں شدید سرد رہے گا۔

ترجمان موٹر وے نے مسافروں کو ہدایت کی ہے کہ شہری اپنی گاڑیوں میں فوگ لائٹس کا استعمال کریں اور دھند کے دوران غیر ضروری سفر سے گریز کریں اور موٹروے پر سفر سے قبل موٹر وے ایپلی کیشن ایف ایم 95 ریڈیو اور ہیلپ لائن 130 سے مدد لیں۔