ARYNews.tv | Urdu – Har Lamha Bakhabar

Tag: Motorways

  • موٹر ویز پر سیکیورٹی اور سرویلنس کے لیے نیا منصوبہ

    موٹر ویز پر سیکیورٹی اور سرویلنس کے لیے نیا منصوبہ

    اسلام آباد: موٹر ویز پر سیکیورٹی و سرویلنس کے لیے موٹر بائیک سروس کے پائلٹ پروجیکٹ شروع کرنے کا فیصلہ کیا گیا ہے۔

    وزیر مواصلات عبدالعلیم خان نے انتظامیہ کو موٹر ویز پر پٹرولنگ بڑھانے، اور سیکیورٹی سخت کرنے کا ٹاسک دے دیا، انھوں نے کہا موٹر وے پر بہ یک وقت 30 سے 35 موٹر بائیکس کو مختلف سیکٹرز میں پٹرولنگ کرنی چاہیے۔

    عبدالعلیم خان کا کہنا تھا کہ پہلے مرحلے میں موٹر وے پولیس اپنے وسائل سے بائیک سروس شروع کرے، اور اس میں مزید اضافہ کیا جائے گا۔ انھوں نے ہدایت کی کہ موٹر وے پر حفاظتی باڑ کی چوری کی روک تھام کے لیے بھی مؤثر حکمت عملی اختیار کی جائے۔

    وزیر مواصلات نے موٹر وے پولیس کے اختیارات کے لیے قانون سازی میں ترمیم کی تجویز بھی دی، انھوں نے کہا شہریوں کی حفاظت کے لیے موٹر وے پولیس کو زیادہ سے زیادہ ذمہ داری لینا ہوگی۔

    کچھی کینال کی مرمت کی لاگت میں 6 ارب کا اضافہ کیسے ہوا؟

    عبدالعلیم خان نے کہا ایسا میکنزم اختیار کریں کہ موٹر وے پر سفر کو زیادہ سے زیادہ محفوظ بنایا جا سکے، انھوں نے تنبیہہ بھی کی کہ جہاں باڑ چوری ہوگی وہاں کا این ایچ اے افسر اور موٹر وے پولیس ذمہ دار ہوگی۔

  • آج سے قومی شاہراہوں پر اوور لوڈ گاڑیوں کو کن سزاؤں کا سامنا کرنا ہوگا؟

    آج سے قومی شاہراہوں پر اوور لوڈ گاڑیوں کو کن سزاؤں کا سامنا کرنا ہوگا؟

    کراچی: موٹر ویز اور ہائی ویز پر مقررہ حد سے زائد وزن والی مال بردار گاڑیوں کے ڈرائیورز ہوشیار ہو جائیں، آج سے خلاف ورزی پر انھیں جرمانے اور قید کا سامنا کرنا ہوگا۔

    تفصیلات کے مطابق آج 15 نومبر سے قومی شاہراہوں اور موٹر ویز پر اوور لوڈنگ کے خلاف سخت کارروائی عمل میں لائی جائے گی، قانون کی خلاف ورزی کی صورت میں اضافی سامان کے ساتھ گاڑی کو سفر کی اجازت نہیں ہوگی۔

    حکام کے مطابق مقررہ حد سے زائد وزن لے جانے والی گاڑیوں کے ذمہ داران کو بھاری جرمانے اور قید کی سزا بھگتنا پڑے گی، اوور لوڈڈ گاڑیوں کا اضافی سامان بھی ضبط کیا جائے گا۔

    ترجمان نیشنل ہائی وے اتھارٹی نے کہا ہے کہ اوور لوڈنگ زندگی، گاڑی اور سڑک تینوں کے لیے نقصان دہ ثابت ہوتی ہے، ایکسل لوڈ کنٹرول رجیم کا سختی سے نفاذ آج سے ہو گیا ہے، اضافی لوڈ کے قانون کی پابندی کر کے ذمہ دار شہری ہونے کا ثبوت دیں۔

  • ہوشیار! موٹر وے پر تیز رفتاری پر بھاری جرمانہ عائد

    ہوشیار! موٹر وے پر تیز رفتاری پر بھاری جرمانہ عائد

    اسلام آباد: موٹر وے پولیس نے قومی شاہراؤں پر نئے جرمانوں کا اعلان کرتے ہوئے کہا ہے کہ تیز رفتاری پر 10 ہزار اور دوران ڈرائیونگ موبائل فون کے استعمال پر 2 ہزار روپے جرمانہ ہوگا۔

    تفصیلات کے مطابق ترجمان موٹر وے پولیس کا کہنا ہے کہ قومی شاہراؤں پر یکم جنوری سے نئے جرمانوں کا اطلاق ہوگا، تیز رفتاری پر بسوں کو 10 ہزار جرمانہ عائد کیا جائے گا۔

    ترجمان کے مطابق تیز رفتاری پر کار کو ڈھائی ہزار روپے جرمانہ ہوگا۔ پبلک سروس میں مسافروں کی اوور لوڈنگ پر 5 ہزار جرمانہ ہوگا۔

    نئے ضوابط کے مطابق بغیر ہیلمٹ موٹر سائیکل چلانے پر ایک ہزار جرمانہ ہوگا۔ بغیر لائسنس ڈرائیونگ پر کار، موٹر سائیکل اور ایل ٹی وی کو 5 ہزار جرمانہ ہوگا۔

    ترجمان کا مزید کہنا تھا کہ دوران ڈرائیونگ موبائل استعمال پر موٹر سائیکل سوار کو 500 جبکہ کار ڈرائیور کو 2 ہزار جرمانہ ہوگا۔

  • پاک فضائیہ کے لڑاکا طیاروں نے روڈ پر لینڈنگ کرکے دشمن کو پریشان کردیا

    پاک فضائیہ کے لڑاکا طیاروں نے روڈ پر لینڈنگ کرکے دشمن کو پریشان کردیا

    کراچی : پاک فضائیہ کے لڑاکا طیاروں کی روڈ رن وے پر لینڈنگ کا مظاہرہ کیا ، اس مشق کا مقصدپاک فضائیہ کے ہائی ٹیمپو فضائی آپریشنز کے تسلسل کو برقرار رکھنے کی صلاحیت کا مظاہرہ کرنا تھا۔

    تفصیلات کے مطابق پاک فضائیہ کے لڑاکا طیاروں نے آج موٹر وے اور ہائی وے پرمختلف مقامات پر لینڈنگ اور ٹیک آف کاکامیاب مظاہرہ کیا، لینڈنگ کے بعد طیاروں کو موٹر وے پر ہی ایندھن فراہم اور ہتھیاروں سے لیس کیا گیا۔

    اس مشق کا مقصدپاک فضائیہ کے ہائی ٹیمپو فضائی آپریشنز کے تسلسل کو برقرار رکھنے کی صلاحیت کا مظاہرہ کرنا تھا۔

    اس موقع پر وفاقی وزیر برائے مواصلات، مراد سعیدکے علاوہ سینئر ملٹری افسران اور اعلٰی سول عہدیداران بھی اس موقع پر موجود تھے۔

    یاد رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    مزید پڑھیں : پاکستانی حدود کی خلاف ورزی پر بھارتی طیارے مارگرائے، ڈی جی آئی ایس پی آر

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    اس سے قبل 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے۔

  • پنجاب کی قومی شاہراہوں اور موٹرویز پر دھند کا راج برقرار

    پنجاب کی قومی شاہراہوں اور موٹرویز پر دھند کا راج برقرار

    لاہور : پنجاب میں قومی شاہراہوں اور موٹرویز پر شدید دھند کے باعث حد نگاہ کم ہوگئی، انتظامیہ نے دھند کے باعث موٹرویز بند کردئیے۔

    تفصیلات کے مطابق ترجمان موٹروے پولیس کا کہنا ہے کہ پنجاب کے مختلف شہروں میں قومی شاہراہوں اور موٹرویز پر شدید دھند کا راج آج بھی برقرار ہے، شہری غیر ضروری سفر سے گریز کریں۔

    چیچہ وطنی ،میاں چنوں، خانیوال ،ملتان، لودھراں،مسافر خانہ ، بہاولپور،احمد پور شرقیہ خانیوال میں شدید دھند کے باعث حد نگاہ کم ہوگئی ہے، جبکہ ملتان خانیوال موٹروے دھند کی وجہ سے بند ہے۔

    ترجمان موٹر ویز کا کہنا ہے کہ دھند کے دوران غیر ضروری سفر سے گریز کیا جائے، حد نگاہ 0 سے 50 میٹر تک، گاڑیوں پر فوگ لائٹس کا استعمال کیا جائے۔

    ترجمان کے مطابق شہری سفر سے پہلے ہیلپ لائن 130 سے معلومات حاصل کریں، موبائل ایپ ’ہم سفر‘ اور ریڈیو پر سفر سے پہلے اور دوران سفر معلومات کر سکتے ہیں۔

    مزید پڑھیں : فرائض کی ادائیگی کے دوران موٹروے پولیس کا سب انسپکٹرشہید

    یاد رہے کہ گذشتہ برس 30 دسمبر کو لودھراں میں دھند کے باعث حادثے کا شکار ہونے والی گاڑیوں کو سب انسپکٹر سعید خان سڑک سے ہٹا رہا تھا کہ دھند میں آنے والی تیزرفتار بس نے اسے کچل دیا تھا، جس کے باعث موٹروے پولیس کا سب انسپکٹر فرائض کی انجام دہی کے دوران شہید ہوگیا تھا۔

  • پنجاب: قومی شاہراہوں اور موٹرویز پر شدید دھند، حد نگاہ انتہائی کم

    پنجاب: قومی شاہراہوں اور موٹرویز پر شدید دھند، حد نگاہ انتہائی کم

    لاہور: پنجاب میں قومی شاہراہوں اور موٹرویز پر شدید دھند کے باعث حد نگاہ انتہائی کم ہوگئی، انتظامیہ نے دوران سفر محتاط رہنے کی اپیل کی ہے۔

    تفصیلات کے مطابق ترجمان موٹروے پولیس کا کہنا ہے کہ پنجاب کے مختلف شہروں میں قومی شاہراہوں اور موٹرویز پر شدید دھند کا راج ہے، شہری غیر ضروری سفر سے گریز کریں۔

    مانگا منڈی، پتوکی رینالہ خورد، اوکاڑہ، گیمبر، ساہیوال، ہڑپہ، چیچہ وطنی، میاں چنوں اور خانیوال میں شدید دھند نے حد نگاہ کم کردی، جبکہ ملتان خانیوال موٹروے اور موٹروے ایم ٹو لاہور شیخوپورہ بھی دھند کی وجہ سے بند ہے۔

    پنجاب کے میدانی علاقوں میں دھند کا راج

    ترجمان کے مطابق حدنگاہ صفر سے 50 میٹر تک ہے، شہری غیر ضروری سفر سے گریز اور سفر سے پہلے ہیلپ لائن 130 سے معلومات حاصل کریں۔

    موبائل ایپ ’’این ایچ ایم پی ہمسفر‘‘ میں تازہ ایڈوائزری دیکھیں، سفر سے پہلے اور دوران سفر ایپ کا استعمال مفید ثابت ہوسکتا ہے۔

    ترجمان موٹروے پولیس کا کہنا ہے کہ ایپ سے موٹروے پولیس کی ریڈیو سروس ضرور سنیں، ریڈیو سروس سے دھند کی صورت حال ہر 15 منٹ بعد نشر کی جارہی ہے۔