Tag: moula bakhsh chandio

اسلام آباد: بھارتی وزیرِخارجہ سشماسوراج کے گذشتہ روز کے بیان پر اپنے ردعمل کا اظہار کرتے ہوئے وفاقی وزیرِداخلہ چوہدری نثار علی خان نے کہا ہے کہ پاک بھارت تعلقات کے حوالے سے بھارتی وزیرِخارجہ کا بیان حیران کن ہے۔

وفاقی وزیرِداخلہ چوہدری نثار علی خان نے کہا کہ بھارتی وزیرِخارجہ اگر پاک بھارت تعلقات کے بارے میں اتنی ہی سنجیدہ اور پر عزم ہیں تو پھر انہیں پہیلیوں میں بات نہیں کرنی چاہیے تھی اور نہ اس مسئلے پر سیاسی پوائنٹ سکورنگ کرنی چاہیے تھی۔ انہیں کھل کر یہ وضاحت کرنی چاہیے تھی کہ ان کے نزدیک وہ کون سی طاقتیں ہیں جو پاکستان اور بھارت میں تعلقات کی بحالی نہیں چاہتیں۔

وزیرِداخلہ نے کہا کہ ہمارے نزدیک پاکستان اور ہندوستان کے درمیان تعلقات کو معمول پر لانے میں سب سے بڑی رکاوٹ آر ایس ایس، ابھی ناو بھارت، شیو سینا جیسی ہندو انتہاء پسند تنظیمیں اور انکے ہندوستان کی حکومت سے تعلقات اور اثر و رسوخ ہے۔انہوں نے کہا کہ اگر ہندوستان کی حکومت تعلقات کی بحالی میں سنجیدہ ہے تو کیا وجہ ہے کہ اس نے مذاکرات کے دروازے اتنے عرصے سے بند کئے ہوئے ہیں؟۔

وزیرِداخلہ چوہدری نثار علی خان نے کہا کہ جہاں تک پاکستان کے حوالے سے بھارتی حکومت کا تعلق ہے اسکی پاکستان دوستی کی پالیسی تو مودی صاحب کی اس تقریر کے ایک ایک لفظ سے عیاں ہو گئی تھی جو انہوں نے امریکی کانگریس میں کی تھی۔

وزیرِداخلہ نے کہا کہ وزیرِاعظم پاکستان کے کسی بھی ملک یا کسی سربراہ حکومت سے تعلقات پاکستان کے مفادات سے منسلک ہیں، بھارتی وزیرِخارجہ کی جانب سے انہیں ذاتی رنگ دینا کسی طور مناسب نہیں۔

وزیر داخلہ چوہدری نثار کا کہنا تھا ڈاکٹر عاصم کی ویڈیو جاری ہونے کے معاملے پر سندھ حکومت کوخط لکھ دیا ہے، معاملے کی تحقیقات کرناسندھ حکومت کی ذمہ داری ہے، تاہم وفاق اس معاملے میں مکمل تعاون کرنے کیلئے تیارہے۔

کراچی: مشیراطلاعات سندھ مولا بخش چانڈیو نے ڈاکٹرعاصم کی وڈیولیکس ہونے کاذمہ دارچوہدری نثار ٹھہرا دیا۔

پیپلز پارٹی کے رہنمااور مشیراطلاعات سندھ مولا بخش چانڈیو ڈاکٹر عاصم چوہدری نثار کے ماتحت اداروں کی قید میں ہیں،چوہدری نثار ڈاکٹرعاصم کے بیانات منظرعام پرلانے کی دھمکیاں دےچکے۔ ڈاکٹرعاصم کے بیانات کوسیاست کے لئےاستعمال کیاجارہاہے۔

مشیراطلاعات سندھ نے کہا ڈاکٹر عاصم کابیان منظرعام پرآناچوہدری نثارکی نااہلی کاثبوت ہے، چوہدری نثاراپنی نااہلی کی تحقیقات کراناچاہتےہیں۔

انہوں نے کہا کہ ڈاکٹرعاصم کابیان کیس پراثراندازہوسکتاہےذمہ دارچوہدری نثارہیں۔

یاد رہے کہ تین روز قبل جاری ہونے والی ویڈیو میں ڈاکٹر عاصم نے سابق صوبائی وزیر اویس مظفر ٹپی کیخلاف سنگین الزامات لگائے تھے، اہم بات یہ ہے کہ یہ ویڈیو پوری نہیں ہے، اس ویڈیو کا صرف وہ حصہ سامنے آیا ہے جس میں ڈاکٹر عاصم اویس مظفر ٹپی کیخلاف بات کررہے ہیں۔

کرپشن کیس میں گرفتار پیپلزپارٹی کے رہنما اورسابق مشیر پیٹرولیم ڈاکٹر عاصم حسین نے کہا تھا کہ آصف زرداری کے منہ بولے بھائی اویس مظفرٹپی دواﺅں کی خریداری میں کرپشن کرتے تھے اور انہوں نے ہر قسم کی کرپشن میں ہاتھ ڈالا۔

اویس مظفر وزیراعلیٰ نہ ہوتے ہوئے بھی وزیراعلیٰ بنے ہوئے تھے، شکایت لگانے پر ٹپی نے مجھے دھمکی دیتے ہوئے کہا کہ ایسا ٹیکا لگاﺅں گا کہ یاد رکھو گے۔

Dr. Asim speaks against Muzaffar Tappi by arynews