اسلام آباد : چین سے کورونا ویکسین کی ایک اور کھیپ اسلام آباد منتقل کردی گئی، سائنو فام ویکسین صوبوں کو حسب ضرورت فراہم کی جائے گی۔
اس حوالے سے ذرائع کا کہنا چین سے کورونا ویکسین کی ایک اور کھیپ اسلام آباد منتقل کردی گئی ہے، پی آئی اے کی پرواز5لاکھ 28ہزار ڈوز لے کر اسلام آباد پہنچ گئی۔
ذرائع کے مطابق چین سے لائی گئی ویکسین فیڈرل ای پی آئی کے مرکزی ویئر ہاؤس منتقل کی گئی ہے، سائنو فام ویکسین صوبوں کوحسب ضرورت فراہم کی جائےگی۔
چین سے آج 13لاکھ 20سائنو فام ڈوز اسلام آباد پہنچی ہیں،7لاکھ92ہزار سائینو فام ڈوز گزشتہ رات اسلام آباد پہنچی تھیں، 6لاکھ80ہزار سائنو فام ڈوز کی تیسری کھیپ کل اسلام آباد پہنچے گی۔
ذرائع کا مزید کہنا ہے کہ پاکستان نے20لاکھ سائنو فام ویکسین ڈوز چینی کمپنی سے خریدی ہیں۔