فیصل آباد: پولیس تھانے پر حملہ کرکے اپنے ساتھیوں کو چھڑانے والے ایم پی اے رانا شعیب ادریس کو تین روزہ جسمانی ریمانڈ پر پولیس کے حوالے کردیا گیا۔
پولیس تھانہ پر حملہ کرکے پولیس اہلکاروں کو زخمی کرنے کے مقدمے کی سماعت انسداد دہشتگردی کی عدالت میں ہوئی۔
پولیس نے عدالت کو درخواست دی کہ ملزمان سے تھانے پر حملے میں استعمال ہونے والا اسلحہ برآمد کرنا ہے جس کیلئے ملزمان کو ریمانڈ پر دیا جائے، انسداد دہشتگردی کی عدالت نے درخواست منظور کرتے ہوئے حملے کے مرکزی کردار رکن صوبائی اسمبلی اور مسلم لیگ ن کے رہنما شعیب اردیس کو تین روزہ جسمانی ریمانڈ پر پولیس کے حوالے کردیا گیا۔
عدالت نے مرکزی ملزم شعیب ادریس کے ساتھ دیگر سات ملزمان کا بھی جسمانی ریمانڈ دیدیا ۔
