فیصل آباد: تھانے پر حملےکے الزام میں گرفتار مسلم لیگ ن کے ایم پی اے شعیب ادریس کو ضمانت مل گئی ہے۔
فیصل آباد کی انسداد دہشتگردی عدالت میں مسلم لیگ ن کے ایم پی اے شعیب ادریس کی درخواست ضمانت کی سماعت ہوئی، عدالت نے وکلاء کے دلائل سُننے کے بعد رکن صوبائی اسمبلی کو رہائی کا پروانہ دیتے ہوئے تین لاکھ روپےکے مچلکے جمع کرانے کا حکم دیا ہے۔
ایم پی اے شعیب ادریس کو تھانہ کھڑیانوالا پر حملے اور پولیس اہلکاروں پر تشدد کے الزام میں گرفتار کیا گیا تھا۔
شعیب ادریس کے چچا پہلے ہی ضمانت پر رہا ہیں جبکہ چھ ملزم جوڈیشل ریمانڈ پرجیل بھیجے جاچکے ہیں۔
