Tag: mqm camp blast

کراچی: متحدہ قومی موومنٹ نے کراچی میں رکنیت سازی کیمپ حملےکی ذمہ داری قبول کرنے والی کالعدم تنظیموں کےخلاف حکومت سے فوری کارروائی کا مطالبہ کردیا ہے۔

ایم کیوایم لندن رابطہ کمیٹی کی جانب سے جاری کردہ اعلامیہ کے مطابق وفاقی وصوبائی حکومت سے مطالبہ کیا گیا ہے کہ اورنگی ٹاؤ ن میں ایم کیوایم کے رکنیت سازی مہم کے کیمپ پر بم سے حملہ کی ذمہ داری قبول کرنے والی جماعت الا حرار او رجنداللہ کے خلاف سخت کارروائی کی جائے۔

اعلامیہ میں مزید کہا گیا ہے کہ جماعت الا حرار گروپ ،جند اللہ اور لشکر جھنگوی اس سے قبل بھی ایم کیوایم کے ارکان اور دفاتر کو نشانہ بنا چکے ہیں، جس میں کارکنوں سمیت بڑی تعدادمیں شہری بھی جاں بحق ہوئےدہشت گردوں کے خلاف سخت کارروائی کرکےان کا قلع قمع کیا جائے۔