Tag: MQM Delegation

اسلام آباد : وزیر اعظم عمران خان نے ایم کیو ایم کے وفد کو تمام تحفظات دور کرنے کی یقین دہانی کراتے ہوئے کہا لاپتہ کارکنان اور ایف آئی آرسےمتعلق معاملہ وزارت داخلہ دیکھے۔

تفصیلات کے مطابق وزیر اعظم عمران خان سےایم کیو ایم کےاعلیٰ سطح وفدکی ملاقات ہوئی ، وفدمیں خالدمقبول صدیقی،امین الحق اورحیدرعباس رضوی شامل تھے جبکہ وفاقی حکومت کی جانب سے اسدعمر،علی زیدی، گورنرسندھ بھی ملاقات میں شریک ہوئے۔

ذرائع کا کہنا ہے کہ ملاقات میں ملک اور صوبہ سندھ کی مجموعی سیاسی صورتحال سمیت کراچی پیکیج و دیگر امور پر تبادلہ خیال کیا گیا جبکہ سینیٹ انتخابات پر بھی تفصیلی گفتگو ہوئی، ایم کیوایم کےاراکین نے سینیٹ انتخابات میں مکمل یکجہتی کا اظہار کیا۔

ایم کیوایم نےملاقات میں وزیراعظم کےسامنےتحفظات بھی رکھے اور سیاسی دفاترکی واپسی،لاپتہ کارکنوں،ترقیاتی کاموں میں تاخیرکامعاملہ اٹھاتے ہوئے کہا آزادانہ سیاست اوردفاترملناآئینی حق ہے، وزیراعظم اپناکرداراداکریں اور لاپتہ کارکنان، جھوٹی ایف آئی آرکےاندراج پروزیراعظم نوٹس لیں۔

وزیراعظم نے یقین دہانی کرائی کہ ایم کیو ایم کے تمام تحفظات کو دور کیا جائے گا اور کراچی کے منصوبوں پر مشاورت میں ایم اکیوایم کو شامل رکھا جائے گا۔

وزیراعظم کا کہنا تھا کہ لاپتہ کارکنان اور ایف آئی آر سے متعلق معاملہ وزارت داخلہ دیکھے، وزارت داخلہ آئین وقانون کے تحت معاملے پر کردار ادا کرے۔

کراچی : وزیراعظم عمران خان کی آج ایم کیو ایم وفد سے اہم ملاقات ہوگی ، جس کے لئے سفارشات اور ایجنڈے کو حتمی شکل دےدی گئی ہے، میئروسیم اختر کراچی کا مقدمہ وزیراعظم کے سامنے رکھیں گے۔

تفصیلات کے مطابق وزیراعظم عمران خان آج ایک روزہ دورے پر کراچی پہنچ رہے ہیں ، جہاں ان کی ایم کیو ایم وفد سے اہم ملاقات ہوگی ، جس کے لئے ایم کیو ایم نے سفارشات اور ایجنڈے کوحتمی شکل دےدی ہے۔

ذرائع کا کہنا ہے کہ ایم کیو ایم وفد میں خالد مقبول صدیقی ،کنور نوید ،مئیر کراچی وسیم اختر ، امین الحق اور خواجہ اظہار شامل ہوں گے، ملاقات میں تحریری معاہدے پرعملدرآمد ،پیشرفت کاجائزہ لیا جائے گا۔

ذرائع کے مطابق کراچی پیکج پرعملدرآمد ، پیشرفت اور پارٹی دفاتر کا معاملہ بھی ایم کیو ایم ایجنڈے میں شامل ہیں ، ایم کیو ایم فواد چوہدری کے بیان پربھی تحفظات سےبھی آگاہ کرے گی، حیدر آبادیونیورسٹی پر حکومت کےاقدامات بھی ایجنڈے میں شامل ہیں۔

میئروسیم اختر کراچی کا مقدمہ وزیراعظم کے سامنے رکھیں گے اور کراچی کے انفراسٹرکچر، کے فور منصوبے اور دیگرامورپربریفنگ دیں گے، میئر کراچی بلدیاتی اختیارات، آرٹیکل 140اے پر بھی گفتگو کریں گے۔

مزید پڑھیں : وزیراعظم عمران خان آج کراچی کا ایک روزہ دورہ کریں گے

وسیم اختر وزیراعظم سے ملاقات میں کراچی اور حیدرآباد کیلئے ترقیاتی پیکج جلد جاری کرنے کا بھی مطالبہ کریں گے۔

دوسری جانب وزیراعظم عمران خان دورہ کراچی کے دوران گورنرسندھ،پی ٹی آئی کے اراکین اسمبلی ، جی ڈی اے کے وفد سے بھی ملاقاتیں کریں گے، وزیراعظم کی حکومت سندھ کے کسی نمائندے سے ملاقات طے نہیں۔

وزیراعظم کی زیرصدارت سندھ انفراسٹریکچرڈویلپمنٹ کمپنی کااجلاس ہوگا،جس میں کراچی میں جاری منصوبوں پر پیش رفت رپورٹ پیش کی جائے گی۔