Tag: MQM Leader Altaf Hussian

  • ایم کیوایم سندھ حکومت میں شامل ہوگی، رحمان ملک

    ایم کیوایم سندھ حکومت میں شامل ہوگی، رحمان ملک

    اسلام آباد: رحمان ملک نےدعوٰی کیا ہے کہ ایم کیوایم سندھ حکومت میں شامل ہونے پر راضی ہوگئی،لندن جا کر الطاف حسین کو باقاعدہ پیشکش کریں گے۔

    اسلام آباد میں سابق وزیر داخلہ کا کہنا تھا کہ وہ لندن جارہے ہیں جہاں وہ الطاف حسین سے ملاقات میں آصف زرداری کی جانب سے سندھ کی حکومت میں شمولیت کی پیشکش کریں گے۔

     ان کا کہنا تھا کہ پیپلزپارٹی اور ایم کیو ایم ماضی کی تلخیاں بھلا کر آگے بڑھنے پر متفق ہیں،ایم کیو ایم اور پیپلز پارٹی سینیٹ کا الیکشن مل کر لڑیں گے۔

    انہوں نے بتایا کہ جوڈیشل کمیشن کے قیام کیلئےایک ڈرافٹ بناکر ن لیگ اور پی ٹی آئی کو پیش کریں گے،ان کی اسحاق ڈار اور جہانگیر ترین سے بات ہوئی ہے دونوں پارٹیاں جوڈیشل کمیشن کے قیام کیلئے سنجیدہ ہیں۔

  • ایم کیوایم سے سیاسی رشتہ ہمیشہ بحال رہے گا، رحمان ملک

    ایم کیوایم سے سیاسی رشتہ ہمیشہ بحال رہے گا، رحمان ملک

    کراچی: پیپلزپارٹی کے رہنماسینیٹر رحمان ملک نے کہا ہے کہ متحدہ قومی موومنٹ کے ساتھ سیاسی رشتہ ہمیشہ برقرار رہے گا۔

     سندھ اسمبلی کے باہر میڈیا سے گفتگو میں رحمان ملک کا کہنا تھا کہ متحدہ قومی موومنٹ اور پیپلزپارٹی کے درمیان تعلقات چاہتے ہیں، چند روز میں اچھی خبریں ملیں گی،ایم کیوایم سے سیاسی رشتہ ہمیشہ بحال رہے گا۔

     رحمان ملک کا کہنا تھا کہ سینٹ کے انتخابات میں پیپلزپارٹی کو کسی کی مدد کی ضرورت نہیں۔

    ملک کی سیکیورٹی صورتحال پر رحمان ملک کا کہنا تھا کہ افغانستان کو چاہئے کہ وہ اپنے ملک میں دہشت گردوں کے خلاف کاروائی کرے کہیں ایسا نہ ہو کہ وہ لوگ بعد میں ان کیخلاف وبال جان بن جائیں۔

    مدارس پر پوچھے گئے سوال کے جواب میں رحمان ملک کا کہنا تھا کہ تمام مدارس خراب نہیں کاروائی صرف ان مدارس کیخلاف ہونی چاہئے جو انتہا پسندی اور دہشتگردی میں ملوث ہیں۔

  • متحدہ قومی مومنٹ نے کل یوم سوگ منانے کا اعلان کردیا

    متحدہ قومی مومنٹ نے کل یوم سوگ منانے کا اعلان کردیا

    کراچی: ایم کیوایم نےگمشدہ کارکن کی لاش ملنےپرکل یوم سوگ کااعلان کردیا،کاروبار اورٹرانسپورٹ بندرکھنےکی اپیل کی گئی ہے۔الطاف حسین نےکہاہےکہ آپریشن کےنام پرایم کیوایم کونشانہ بنایاجارہا ہے۔

    کراچی میں موچکو سے ملنے والی لاش کو ایم کیوایم سوسائٹی سیکٹر کے کارکن سہیل احمد کے نام سے شناخت کرلیا گیا،ایم کیوایم ذرائع کے مطابق سہیل احمد کو پندرہ دسمبر کو اغوا کیا گیا تھا۔

     ایم کیوایم کے قائد الطاف حسین نے لندن سے جاری کئے گئے بیان میں سوسائٹی سیکٹر یونٹ چونسٹھ کے انچارج سہیل احمد کے ماورائےعدالت قتل پراپنا سخت ردعمل ظاہر کیا ہے۔

    بیان میں انہوں نے الزام عائد کیا کہ کراچی میں ٹارگٹڈ آپریشن کی آڑ میں دہشت گردوں اور جرائم پیشہ عناصر کو ختم کرنے کے بجائے پولیس، رینجرز،قانون نافذ کرنے والے اداروں کے بعض افسران اوراہلکاروں اورحکومت سندھ نے ملی بھگت کرکے ایم کیوایم کو ہدف بنایا ہوا ہے۔

    ان کا کہنا تھا کہ سہیل احمد سمیت ماورائے عدالت قتل کئے گئے کارکنوں کی تعداد چھتیس ہوگئی ہے۔ انھوں نے سہیل احمد کے اہلخانہ سے تعزیت کا اظہار بھی کیا۔

    میڈیا سے گفتگو میں ایم کیوایم کے رہنماء خواجہ اظہار الحسن کا کہنا تھا کہ ماروائے عدالت کا یہ پہلا واقع نہیں ہے اب تک پیتیس سے زائد کارکنان کو ماروائے عدالت قتل کیا جاچکا ہے ، ان کا کہنا تھا کہ کراچی میں ٹارگیٹڈ آپریشن کی آڑ میں چن چن کر ایم کیو ایم کے کارکنان کو قتل کیا جارہا ہے ۔

    ان کا کہنا تھا کہ ایم کیو ایم کو حق کی آواز بلند کرنے کی سزا دی جارہی ہے ، انہوں نے کہا ہم نے ہر دروازے پر دستک دی ہمیں بتیا جائے کہ اب کون سے در پر جائیں۔

    خواجہ اظہار الحسن نے ایم کیوایم کے گمشدہ کارکن کی لاش ملنےپرکل یوم سوگ کااعلان کرتے ہوئے تاجر برادری اور ٹرانسپوٹر سے کاروبار بند رکھنے کی اپیل کی ہے ۔

  • قائم علی شاہ نے وزیراعلیٰ ہاؤس کا گھیراؤ حملہ قراردے دیا

    قائم علی شاہ نے وزیراعلیٰ ہاؤس کا گھیراؤ حملہ قراردے دیا

    کراچی: سندھ اسمبلی کے اجلاس کے دوران کارکنوں کی ماورائے عدالت قتل کے خلاف اور آئی جی غلام قادر تھیبو کے بیان کے خلاف ایوان میں ایم کیو ایم اراکین کے اظہار خیال اور اس پر وزیراعلی سندھ کے رد عمل کے بعد ایوان مچھلی بازار بن گیا اور متحدہ قومی موومنٹ نے شدید احتجاج کرتے ہوئے ایوان سے واک آؤٹ کردیا۔

    سندھ اسمبلی کا اجلاس شروع ہوا تو ایم کیو ایم کے ڈپٹی پارلیمانی لیڈر خواجہ اظہار الحسن نے  کراچی میں کارکنوں کی ماورائے عدالت قتل کے خلاف اظہار خیال کیا اور وزیراعلی سندھ کو شدید تنقید کا نشانہ بناتے ہوئے کہا کہ وزیراعلی قائم علی شاہ سندھ کی حکومت میں کارکنوں کو چن چن کر قتل کیا جارہا ہے، حکومت کو کارکنوں کے قتل کا نوٹس لینا چاہیئے۔

     انہوں نے کہا کہ غلام قادر تھیبو کا بیان ایم کیو ایم کے خلاف سازش ہے، لگتا ہے ایک بار پھر ایم کیو ایم کے خلاف سازش کی جا رہی ہے،وزیر اعلیٰ سندھ قائم علی شاہ نے خواجہ اظہار کے تیز و تند الزامات کا جواب انتہائی جارحانہ انداز سے دیا۔

     وزیراعلی سندھ نے  کہا کہ ایم کیو ایم کی جانب سے کارکنوں کے قتل کے خلاف وزیراعلی ہاؤس کے سامنے کیا جانے والا احتجاج، احتجاج نہیں بلکہ حملہ تھا جس میں پارٹی رہنماؤں سمیت کارکن رکاوٹیں پھلانگ کر گیٹ تک پہنچ گئے۔

    وزیراعلی کے اس بیان پر ایم کیو ایم اراکین نے احتجاج شروع کر دیا، ایک وقت ایم کیو ایم اور پیپلز پارٹی کے اراکین اسپیکر کے سامنے کھڑے ہو کر نعرے بازی کرتے رہے، اسپیکر کی تمام کوششیں بھی بیکار ثابت ہوئیں۔ ایم کیو ایم اراکین کارروائی کا بائیکاٹ کرتے ہوئے ایوان سے باہر چلے گئے۔

  • لال مسجد کے خطیب مولانا عبدالعزیز کےخلاف ایم کیوایم کی احتجاجی ریلی

    لال مسجد کے خطیب مولانا عبدالعزیز کےخلاف ایم کیوایم کی احتجاجی ریلی

    کراچی: دہشت گردوں کی حمایت کرنے اور الطاف حسین کو ویڈیو بیان میں دھمکی دینے پر مولانا عبدالعزیز کے خلاف ایم کیو ایم نے کراچی سمیت ملک بھر میں احتجاجی مظاہرہ کیا۔

    ایم کیو ایم نے لال مسجد کے خطیب مولانا عبدالعزیز کے بیان کو دھمکی آمیز اور شرمناک قرار جبکہ طالبان اور داعش کی حمایت کرنے اور الطاف حسین کو دھمکی دینے پر شدید مذمت کرتے ہوئے مسجد حفصہ کو بند اور مولانا عبدالعزیز کی گرفتاری کا مطالبہ کردیا۔

    ایم کیو ایم کی جانب سے کراچی سمیت سکھر لاڑکانہ، نوابشاہ، حیدرآباد، لاہور، اسلام آباد سمیت ملک بھر میں احتجاجی مظاہرے کیے گئے۔

    مظاہرے میں خواتین اور بچے بھی شامل تھے، جبکہ مظاہرین سے خطاب کرتے ہوئے رہنماوٴں کا کہنا ہے کہ لال مسجد کے خطیب مولانا عبدالعزیز اپنے نازیبا الفاظ واپس لیں، اور قائد تحریک الطاف حسین سے معافی مانگے۔

    اس موقع پر خطاب کرتے ہوئے رابطہ کمیٹی کے رکن قمر منصور کا کہنا تھا کہ ہم چاہتے ہیں مولانا عبدالعزیز کو گرفتار کیا جائے، ایم کیو ایم امن پسند جماعت ہے، ہم نے قانونی طریقہ اختیار کیا، ایف آئی آر درج کرائی، طالبان کی حامی جماعتوں کو کیفر کردار تک پہنچایا جائے، مظاہروں کا سلسلہ جاری رکھیں گے۔

    ایم کیو ایم کے رہنما فیصل سبزواری کا کہنا تھا کہ کراچی سے خیبر تک متحدہ طالبان اور ڈنڈا بردار شریعیت کے خلاف تھی اور رہے گی۔

    بابرغوری نے کہا کہ کمیٹیوں سے مسئلہ حل ہونے والا نہیں،قوم پاک افواج کی جانب دیکھ رہی ہے۔

    احتجاجی مظاہرے میں مولانا عبدالعزیز اوردہشت گردی، طالبان اور داعش کے لٹریچر کی تعلیم دینے والے مدرسوں کے خلاف کارروائی کرنےکے لیےچھ نکاتی قرار داد بھی پیش کی گئی۔

  • آل پاکستان مسلم لیگ کے رہنما احمد رضا قصوری کا نائن زیرو کا دورہ

    آل پاکستان مسلم لیگ کے رہنما احمد رضا قصوری کا نائن زیرو کا دورہ

    کراچی: آل پاکستان مسلم لیگ کے رہنما احمد رضا قصوری پرویز مشرف کا خصوصی پیغام لے کر نائن زیرو پہنچے گئے، انہوں نے کہا کہ مسلم لیگ ن اور پیپلز پارٹی نے عوام کو محکوم بنا کر رکھا ہوا ہے۔

    آل پاکستان مسلم لیگ کے رہنما احمد رضا قصوری نے نائن زیرو کا دورہ کیا اور ایم کیو ایم رابطہ کمیٹی سے اہم ملاقات کی ۔احمد رضا قصوری کا کہنا تھا کہ مسلم لیگ ن اور پیپلز پارٹی نے عوام کو محکوم بنایا ہوا ہے، احمد رضا قصوری نےکہا کہ الطاف حسین نے کراچی سے غریب نمائندوں کوایوانوں میں بھیجا ،وہ ایم کیو کے مرکز نائن زیرو پرخطاب کر رہے تھے

    میڈیا سے خصوصی گفتگو میں بابر غوری نے وزیر اعلی کے خلاف عدالت جانے کا اعلان کر دیا، بابر غوری کہتے ہیں کہ پبلک سروس کمیشن میں بے قاعدگیوں اور وزیر اعلی سندھ کے اختیارات کو چیلنج کرنے کے لیے ایم کیو ایم عدالت جائے گی ۔ انہوں نے کہا کہ سندھ پبلک سروس کمیشن صرف سندھ دیہی کمیشن کا کام کر رہا ہے، متحدہ رہنمائوں نے مطالبہ کیا کہ اگر میرٹ کا قتل اور بھرتیوں میں بے قاعدگیاں ختم نہ ہوئیں تو انتظامی یونٹس کا نعرہ شدت اختیار کر سکتا ہے۔

  • جماعت اسلامی، القاعدہ اورداعش کاگٹھ جوڑہے، واسع جلیل

    جماعت اسلامی، القاعدہ اورداعش کاگٹھ جوڑہے، واسع جلیل

    کراچی: ایم کیوایم کے رہنماء واسع جلیل کا کہنا ہے کہ جماعت اسلامی کے داعش کے ساتھ روابط سامنے آچکے ہیں،اگرداعش کیخلاف کارروائی نہیں گئی تو ملک وقوم کو نقصان پہنچے گا۔

    پریس کانفرنس کرتے ہوئے ایم کیوایم رابطہ کمیٹی کے رہنماء واسع جلیل نے کہا کہ ملک میں داعش کی وال چاکنگ ،جھنڈوں اور بڑھتی ہوئی کارروائی پر سخت تشویش کا اظہار اور وزیر داخلہ چوہدری نثار کے بیان کو افسوس ناک قرار دیتے ہوئے رابطہ کمیٹی نے سوال کیا کہ داعش کا کوئی وجود نہیں تو پاکستان کی سڑکوں پر وال چاکنگ کون کر رہا ہے؟۔

    ایم کیو ایم رابطہ کمیٹی نے منور حسن کے بیان کو شدید تنقید کا نشانہ بناتے ہوئے کہا ہے کہ پاکستان میں ایک جنونی جماعت وجود میں آگئی ہے، شمالی وزیرستان میں امریکی ڈرون حملے میں مارے جانے والے دہشت گردوں کا تعلق جماعت اسلامی سے تھا۔

    ایم کیو ایم رہنما واسع جلیل نے داعش کے حوالے سے آرمی چیف کے بیان کو مثبت قرار دیتے ہوئے پاک فوج سے اپیل کی کہ وہ داعش کی بڑھتی ہوئی سرگرمیوں کا نوٹس لیں، متحدہ رہنمائوں کا کہنا تھا کہ داعش کے خطرے کو سنجیدگی سے لینا ہوگا، قومی و صوبائی اسمبلی اور سینیٹ میں داعش کے معاملے کو اٹھائیں گے۔

  • داعش پاکستان کیلئے طالبان سے بھی بڑا خطرہ ہے، الطاف حسین

    داعش پاکستان کیلئے طالبان سے بھی بڑا خطرہ ہے، الطاف حسین

    لندن : متحدہ قومی موومنٹ کے قائد الطاف حسین نے کہا ہے کہ داعش طالبان سے بھی بڑا خطرہ ہے جو پاکستان میں داخل ہوچکا ہے۔

    الطاف حسین نے کہا کہ داعش سے نمٹنا صرف حکومت کا کام  نہیں بلکہ تمام سیاسی ومذہبی جماعتوں کو اختلافات پس پشت رکھ کر اتحاد کا مظاہرہ کرنا چاہیے، داعش کی موجودگی کے شواہد ملک کے مختلف شہروں میں سامنے آرہے ہیں، حکومت کو انکارکرنے کے بجائے اس سے نمٹنے کیلئے اقدامات کرنے چاہئیں۔

    ان کا کہنا تھا کہ مسلح افواج کے افسران اورجوان مشکل ترین علاقوں میں جاکردہشت گردوں کے خلاف جنگ میں ہمت اور بہادری سے حصہ لے رہے ہیں اور قربانیاں دے رہے ہیں، الطاف حسین نے متاثرہ علاقوں میں رپورٹنگ کے دوران شہید ہونے والے صحافیوں کوبھی خراج عقیدت پیش کیا۔

  • متحدہ قومی مومنٹ کا کل یوم سیاہ منانے کا اعلان

    متحدہ قومی مومنٹ کا کل یوم سیاہ منانے کا اعلان

    کراچی: ایم کیو ایم رابطہ کمیٹی نے کہاہے کہ خورشید شاہ نے مہاجر لفظ کو گالی قرار دے کر توہین رسالت کی ہے۔

    ایم کیو ایم کے مرکز نائن زیرو پر عامر خان اور دیگر رہنماوں کے ہمراہ پریس کانفرنس کرتے ہوئے رابطہ کمیٹی کے رکن عبدالحسب کا کہنا تھا کہ خورشید شاہ کے خلاف مفتیان کرام کے فتوے عدالت میں جمع کروا دیئے ہیں، اپنے بیان سے خورشید شاہ شریعت اور قوم کے مجرم قرار پاتے ہیں۔

    عبدالحسیب نے مزید کہا کہ خورشید شاہ نے مہاجروں کے خلاف ہرزا سرائی کی، 17اکتوبر پاکستان کی تاریخ کا سیاہ ترین دن ہے کیونکہ اس دن خورشید شاہ نے 4مرتبہ لفظ ’’مہاجر‘‘ کو گالی قرار دیا۔جبکہ قرآن پاک میں مہاجر کی فضیلت کا ذکر آٹھ مرتبہ آیا ہے۔

    ان کا کہنا تھا کہ ایم کیو ایم اس پر احتجاج کرتے ہوئے کل یوم سیاہ منائے گی جبکہ علمائے کرام سے فتووں کی کاپی لے کر عدالت میں جمع کروا دی ہے تاکہ خورشید شاہ کے خلاف قانونی کاروائی کی جا سکے، یوم سیاہ کا اعلان کرتے ہوئے انہوں نے ٹرانسپورٹرز سے بھی درخواست کی کہ وہ بھی اس کا حصہ بنیں اور ٹرانسپورٹ کا پہیہ جام کریں تاکہ احتجاج ریکارڈ کروایا جا سکے۔

  • فلسفہ حقیقت پسندی،عملیت پسندی ہی مسائل کا حل ہے،الطاف حُسین

    فلسفہ حقیقت پسندی،عملیت پسندی ہی مسائل کا حل ہے،الطاف حُسین

    لندن :متحدہ کے قائد الطاف حُسین کا کہنا ہے کہ اُن کا فلسفہ حقیقت پسندی اور عملیت پسندی ہی مسائل کا حل ہے۔

    متحدہ قومی موومنٹ کے قائدالطاف حسین نے پاکستان اورلندن کی رابطہ کمیٹی اور مختلف شعبہ جات کو” رئیل ازم اور پریکٹیکل ازم “ کے موضوع پر دیئے گئے ایک لیکچر میں کہا کہ میری فلاسفی ” رئیل ازم اورپریکٹیکل ازم “ ایک ایسا پیمانہ اورایسا فکری آلہ ہے، جس پر ہرنظریہ اور منشور کوجانچا اور پرکھا جاسکتا ہے ۔

    انھوں نے کہا کہ یہ فلاسفی صرف نظام کی خرابیوں اور معاشرتی بیماریوں کی تشخیص ہی نہیں کرتی بلکہ اس کے علاج کیلئے عملی اقدامات کی بھی نشاندہی کرتی ہے۔

    انہوں نے کہا کہ صرف رئیل ازم سے مسائل حل ہونہیں سکتے اور پریکٹیکل ازم کے بغیررئیل ازم بے معنی ہے، انہوں نے کہا کہ حقیقت پسندی یہ ہے کہ فرسودہ جاگیردارنہ نظام اور اختیارات کی مرکزیت ہی پاکستان کے مسائل کا سبب ہے اورعملیت پسندی کا تقاضہ ہے کہ اس فرسودہ نظام کوجڑسے اکھاڑ پھینکا جائے۔