Tag: MQM Pak

  • شہباز حکومت کو اعتماد کے ووٹ کی ضروت پڑی تو دیں گے، خالد مقبول

    شہباز حکومت کو اعتماد کے ووٹ کی ضروت پڑی تو دیں گے، خالد مقبول

    کراچی : متحدہ قومی موومنٹ کے کنوینئر خالد مقبول صدیقی نے کہا ہے کہ ایم کیوایم حکومت کے ساتھ شانہ بشانہ کھڑی ہے اور آئندہ بھی کھڑی رہے گی۔

    یہ بات انہوں نے کراچی میں میڈیا سے گفتگو کرتے ہوئے کہی، انہوں نے کہا کہ شہباز شریف کو اعتماد کے ووٹ کی ضرورت پڑی تو100فیصد ساتھ دیں گے۔

    ان کا کہنا تھا کہ مردم شماری کے حوالے سے تحفظات پر وفاقی حکومت سے بات چیت چل رہی ہے، اس معاملے پروزیراعظم سےملاقات کابھی امکان ہے۔

    خالد مقبول صدیقی نے کہا کہ یقین ہے کہ مردم شماری کے معاملے پر وفاقی حکومت تحفظات دور کردے گی۔

    اس موقع پر مصطفیٰ کمال نے کہا کہ ایم کیوایم وفاقی حکومت کاحصہ ہے اور ہر مشکل وقت میں ساتھ کھڑی رہے گی۔

    انہوں نے بتایا کہ آج کے اجلاس میں مردم شماری میں غلطیوں اور اعداد و شمار کے تمام پہلوؤں کا جائزہ لیا گیا اراکین اسمبلی نے رائے دی ہے کہ تحفظات دور نہیں ہوئے تو اسمبلی میں نہیں جائیں گے۔

  • عائشہ گلالئی کے ذاتی الزامات پر سیاست نہیں کرنی چاہیے، گورنر سندھ

    عائشہ گلالئی کے ذاتی الزامات پر سیاست نہیں کرنی چاہیے، گورنر سندھ

    کراچی: گورنر سندھ محمد زبیر نے کہا ہے کہ عائشہ گلالئی نے 2 الزامات لگائے پہلا ذاتی اور دوسرا کرپشن سے متعلق تھا، ذاتی معاملات پر سیاست نہیں کرنی چاہیے۔

    ایم کیو ایم پاکستان کے وفد سے ملاقات کے بعد میڈیا سے گفتگو کرتے ہوئے گورنر سندھ نے کہا کہ ذاتی باتوں پر سیاست کرنے سے گریز کرنا چاہیے، گلالئی نے خیبرپختونخواہ حکومت پر کرپشن کا جو الزام لگایا اُس کی تحقیقات بے حد ضروری ہیں۔

    انہوں نے کہا کہ عمران خان سیاسی مخالف ہیں تو اُن کا مقابلہ سیاست سے ہی کرنا چاہیے، گلالئی نے موبائل مسیجز کے جو الزامات لگائے اس معاملے کو دیکھنا پارلیمانی کمیٹی کی ذمہ داری ہے ہم سب کو فیصلے کا انتظار کرنا اور اسے قبول کرنا ہوگا۔

    گورنر سندھ نے مزید کہا کہ کوئی مسئلہ ہو تو اُس کو حل کرنے کی بہترین جگہ پارلیمان ہی ہے، اراکین اگر ایک دوسرے پر الزامات لگاتے رہیں گے تو وہ کمیٹی کی تحقیقات پر اثر انداز ہوں گے۔

    محمد زبیر نے کہا کہ ایم کیو ایم سے معاملات آگے بڑھ رہے ہیں، مسلم لیگ ن نے ہمیشہ سے کراچی کی ترقی اور انفرااسٹریکچر کو مضبوط بنانے کی بات کی، نوازشریف نے حیدرآباد کے لیے جو ترقیاتی منصوبے کا اعلان کیا تھا اُسے جلد مکمل کیا جائے گا۔