Tag: MQM pakistan

پی ایس114‘ الیکشن کمیشن نےسعیدغنی کی کامیابی کانوٹیفکیشن روک دیا

اسلام آباد: الیکشن کمیشن آف پاکستان نےپی ایس114 کےضمنی انتخابات میں پیپلزپارٹی کےامیدوارسیعد غنی کی کامیابی کا نوٹیفکیشن روک دیا۔

تفصیلات کےمطابق الیکشن کمیشن آف پاکستان میں پی ایس 114 ضمنی انتخاب میں مبینہ دھاندلی کےحوالے سےایم کیو ایم پاکستان کی درخواست کی سماعت چیف الیکشن کمشنرسردار رضا حیات کی سربراہی میں 5 رکنی بنچ نےکی۔

الیکشن کمیشن آف پاکستان نے پی ایس 114 کے ضمنی انتخابات میں پیپلزپارٹی کےامیدوار کی کامیابی کا نوٹیفکشن روک دیا اورسعیدغنی کو17جولائی کوطلب کرلیا۔

خیال رہےکہ ایم کیوایم پاکستان نےدرخواست میں کامیاب امیدوارپرنتائج تبدیل کرنے کا الزام لگاتے ہوئےکہا تھاکہ ضمنی انتخاب میں ووٹوں کی دوبارہ گنتی کی جائےاورووٹوں کی بائیو میٹرک تصدیق کی جائے۔

ایم کیوایم پاکستان نے الیکشن کمیشن سے درخواست کی تھی کہ حلقے میں کامیابی کا نوٹیفکیشن جاری نہ کیا جائے۔

یاد رہےکہ اس سےقبل ترجمان ایم کیوایم پاکستان کا کہنا تھا کہ پی ایس 114 میں گاڑی سے بیلٹ باکس ملنے سے ثابت ہوگیا ہےکہ ضمنی انتخاب میں دھاندلی ہوئی۔

ترجمان نے مزید کہاتھا کہ پیپلزپارٹی کو کراچی کےعوام نےکبھی اعتماد کاووٹ نہیں دیا،پی پی دھاندلی کے ذریعے خودساختہ نمائندگی کے اوچھے ہتھکنڈوں پراتر آئی ہے۔

واضح رہےکہ کراچی کے حلقہ پی ایس 114 میں گزشتہ دنوں ہونے والے ضمنی انتخاب میں پیپلزپارٹی کے سعید غنی کامیاب جبکہ ایم کیوایم پاکستان کے کامران ٹیسوری دوسرے نمبر پر رہے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 13, 2017
نواز شریف کسی کے کہنے کے بجائے خود مستعفی ہوجائیں، فاروق ستار

اسلام آباد : متحدہ کے سربراہ ڈاکٹرفاروق ستار نے ایک بار پھر وزیراعظم نواز شریف سے استعفے کا مطالبہ کردیا، انہوں نے کہا کہ استعفٰی ایم کیو ایم کا اپنا مطالبہ ہے، متحدہ قومی موومنٹ کے اراکین ریکوزشین پراپوزیشن کا ساتھ دیں گے۔

ان خیالات کا اظہار انہوں نے اسلام آباد میں شاہ محمود قریشی سے ملاقات کے بعد میڈیا سے مشترکہ گفتگو کرتے ہوئے کیا، ملاقات میں دونوں رہنماؤں نے استعفے کے مطالبے کے لئے قومی اسمبلی کا اجلاس بلانے پر بھی اتفاق کیا۔

صحافیوں سے گفتگو میں ڈاکٹر فاروق ستار نے مزید کہا کہ بات اب ریفرنس کی آ گئی ہے بہترہوگا کہ وزیراعظم کسی کے کہنے کے بجائے ازخود مستعفی ہوجائیں۔

انہوں نے کہا کہ ملکی حالات مزید خراب ہونے سے پہلے یہ فیصلہ بہت ضروری ہے، ان کی وجہ سے سیاسی جمہوری نظام پربوجھ بڑھ رہاہے اس لیے وزیر اعظم کو خود مستعفی ہوجانا چاہیے کہیں ایسا نہ ہو کہ اداروں میں تصادم کی صورتحال پیدا ہوجائے۔

ان کا کہنا تھا کہ حکمران جماعت کے پاس اسمبلی میں اکثریت ہے اب اسے فیصلہ کرنا ہے کہ لیڈر آف دی ہاﺅس کسے ہونا چاہیئے۔

مزید پڑھیں: اخلاقی جواز نہیں رہا، نوازشریف مستعفی ہوجائیں، فاروق ستار

ڈاکٹر فاروق ستار نے کہا کہ بد قسمتی سے پاکستان میں منی لانڈرنگ، ٹیکس چوری جرم نہیں سمجھا جاتا، کرپشن کے خاتمے کیلئے مؤثراحتساب کا قانون اورخود مختارقومی احتسابی ادارہ ہونا چاہیئے۔

قومی احتسابی ادارہ اتنا بااختیار ہو کہ وزیر اعظم کو بھی بلاسکے، جبکہ نیب غیرفعال اور حکومت کے زیرانتظام ادارہ ہے، اس معاملے پر قومی اسمبلی میں بھی بحث ہونی چاہیئے۔

جولائی 13, 2017
ایم کیوایم پاکستان نے پی ایس 114کے نتائج الیکشن کمیشن میں چیلنج کردیئے

کراچی : ایم کیوایم پاکستان نے پی ایس 114کے نتائج الیکشن کمیشن میں چیلنج کردیئے۔

تفصیلات کے مطابق ایم کیو ایم پاکستان نے پی ایس 114کے نتائج کے خلاف درخواست دائر کردی، ایم کیو ایم کے رہنما ڈاکٹر خالد مقبول صدیقی نے الیکشن کمیشن اسلام آباد میں درخواست جمع کروائی۔

درخواست کے متن کے مطابق ایم کیو ایم نے الیکشن کمیشن سے استدعا کی ہے کہ نادرا سے انگوٹھوں کے نشانات کی تصدیق کرائی جائے اور الیکشن کمیشن ووٹوں کی دوبارہ گنتی کرائے ، نشانات کی تصدیق اور دوبارہ گنتی تک نتائج روکے جائیں اور کامیابی کا نوٹیفیکیشن جاری نہ کرے۔

درخواست میں مؤقف اختیار کیا گیا ہے کہ ضمنی انتخاب میں آخری وقت میں نتائج تبدیل کئے گئے، پی ایس 114کے نتائج کالعدم قرار دے کر دوبارہ الیکشن کرایا جائے۔

یاد رہے پی ایس 114 کے ضمنی انتخاب میں الیکشن کمیشن کے غیر سرکاری نتائج کے مطابق پاکستان پیپلز پارٹی کے امیدوارسعید غنی نے 23840لے کر پہلے نمبر پر جبکہ ایم کیو ایم پاکستان کے کامران ٹیسوری 18106 ووٹ لے کر دوسرے نمبر پر رہے تھے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

جولائی 12, 2017
حکمرانی کا اخلاقی جواز نہیں، نوازشریف مستعفی ہوجائیں، فاروق ستار

کراچی: ایم کیوایم پاکستان کے سربراہ ڈاکٹر فاروق ستار نے بھی وزیر اعظم نواز شریف سے استعفے کا مطالبہ کردیا۔ فاروق ستار کا کہنا ہے کہ نواز شریف کے پاس اب وزارت عظمی پرفائز رہنے کا کوئی اخلاقی جواز نہیں رہا۔

تفصیلات کے مطابق ایم کیو ایم پاکستان رابطہ کمیٹی کا اجلاس عارضی مرکز بہادر آباد میں منعقد ہوا، اجلاس کی صدارت ڈاکٹر فاروق ستار اور عامر خان نےکی، جس میں جے آئی ٹی رپورٹ ،وزیر اعظم کے استعفے اور ملکی صورت حال پر تبادلہ خیال کیا گیا۔

اجلاس کے بعد صحافیوں سے گفتگو کرتے ہوئے ڈاکٹر فاروق ستار نے کہا کہ کل رات سے صلاح و مشاورت کررہےہیں۔

جے آئی ٹی رپورٹ کے حوالے سے آئینی و قانونی ماہرین سے رائے لی ہے، جس کے بعد اس نتیجے پر پہنچے ہیں کہ موجودہ صورتحال میں وزیر اعظم کو اپنے عہدے سے مستعفی ہوجانا چاہیئے کیو نکہ نواز شریف کے پاس وزیراعظم رہنے کا اخلاقی جواز نہیں رہا۔

اس حوالے سے نوازشریف کو فیصلہ کرنا چاہیے اور سیاسی بحران سےبچنے کیلئے وزیراعظم نوازشریف کا استعفیٰ ضروری ہے۔ دانشمندی کا مظاہرہ نہیں کیا گیا تو صورتحال مزید پیچیدہ ہوجائے گی۔

شریف برادران اوراسحاق ڈاراپنے عہدے سے مستعفی ہوں، عمران خان

انہوں نے کہا کہ جے آئی ٹی میں جو الزامات لگائے گئے ہیں وہ غیرمعمولی ہیں، کرپشن کےخلاف اوراحتساب کا ایک خود مختارنظام و قانون ہوناچاہئیے، واجب الادا ٹیکس نہ دینا، اصل آمدن کوچھپانا اس پر بھی قانون بننا چاہئیے، احتساب کا مؤثر نظام نہیں ہوگا تو ایسےکیسز آتے رہیں گے۔

نوازشریف اخلاقی جوازکھو بیٹھے، مستعفی ہوجائیں، بلاول بھٹو

انہوں نے کہا کہ نیب کےپاس جن کےبھی کیس ہیں ان پربھی توجہ دینی چاہیے۔ ڈاکٹر فاروق ستار کا کہنا تھا کہ جے آئی ٹی جب بنی تھی تو وزیر اعظم اور ن لیگ کا جواب خیر مقدمی تھا۔

حکومت چاہتی ہے پارلیمنٹ چلے تو وزیر اعظم استعفیٰ دیں،خورشیدشاہ

ان کا کہنا تھا کہ جے آئی ٹی کو ہم نے بھی مانا کیونکہ اسے سپریم کورٹ نے بنایا تھا،اس کو دیگر جے آئی ٹیز سے نہ ملایا جائے، انہوں نے کہا کہ ملک میں لوٹ وکرپشن کرنے والوں کا ایسا محاسبہ ہو نا چاہئیے کہ انہیں کوئی خزانہ لوٹنے کی ہمت ہی نہ ہو۔

جولائی 11, 2017
متحدہ رہنماؤں کی سرگوشیاں مائیک پر آن ایئر

کراچی : ایم کیو ایم کی پریس کانفرنس کے دوران کامران ٹیسوری اور فاروق ستار کی چپکے چپکے کی گئی باتیں سب نے سن لیں، کامران ٹیسوری شکوے شکایتیں اور رینجرز سے مطالبوں کے مشورے دیتے رہے۔

تفصیلات کے مطابق پی ایس 114 میں ہونے والے ضمنی الیکشن کے حوالے سے ہونے والی پریس کانفرنس سے قبل ڈاکٹر فاروق ستار اور حلقے میں متحدہ قومی موومنٹ پاکستان کے امیدوار کامران ٹیسوری کے درمیان چپکے چپکے ہونے والی باتیں سب نے سن لیں۔

رہنماؤں نے سمجھا کہ وہ آف کیمرہ بات کررہے ہیں، اس موقع پر کامران ٹیسوری نے فاروق ستار کے کان میں سرگوشی کی کہ وہ کھلے عام اسلحہ لے کر گھوم رہا ہے ایسا بھی نہ ہو کہ ہمارے لوگ ڈر جائیں۔

ویڈیو دیکھیں

انہوں نے کہا کہ فاروق بھائی آپ یہ کہیں کہ ہم یہ ڈیمانڈ کرتے ہیں کہ اس دن رینجرز تلاشیاں بھی لے اور لوگوں کی باڈی سرچ کروائے تو فاروق ستار نے کہا کہ ہم نہیں وہ خود ہی کریں گے ہم کیوں بولیں، آپ سمجھ رہے ہیں نا؟ ہم نہ بولیں ورنہ اپنے ایشوز آجائیں گے۔

کامران ٹیسوری نے کہا کہ اب یہ دیکھیں کہ یہ ہماری پریس کانفرنس ہے، ہمارے یونٹ والوں کو دیکھنا چاہیے کہ جھنڈے ہمارے بالکل اوپر ان کے لگے ہیں اور عمران خان کی تصویر بھی لگی ہوئی ہے،کم از کم ہماری تصویر لاکر لگادو۔

انہوں نے کہا کہ یونٹ تو بالکل ایسا ہوگیا ہے کہ اللہ معاف کرے، بے چارے اسی میں خوش ہورہے ہیں کہ ہم یہاں کھڑے ہیں، یہاں پر ہمارا سسٹم یونٹ کا بالکل ختم ہوگیا، آواز جارہی ہے، یہ بھی باریک کام ہے، سب میں جارہا ہے ہاں ان کے کانوں میں جارہا ہے (دیکھیں ویڈیو)

جولائی 6, 2017
متحدہ اراکین کی سیکیورٹی واپس، ذمہ داروزیراعلیٰ ہونگے، فاروق ستار

متحدہ قومی موومنٹ کے سربراہ ڈاکٹر فاروق ستار نے کہا ہے کہ پہلے میئر کے اختیارات اوراب ایم کیو ایم اراکین اسمبلی سے سیکیورٹی بھی واپس لے لی گئی ہے، رہنماؤں یاذمہ داروں کو کچھ ہوا تو اس کے ذمہ دار وزیراعلیٰ سندھ ہونگے۔

یہ بات انہوں نے پی ایس114میں کارنرمیٹنگ سے خطاب کرتے ہوئے کہی، ان کے ہمراہ ایم کیو ایم پاکستان کے امیدوار کامران ٹیسوری اور دیگر بھی موجود تھے۔

ڈاکٹر فاروق ستار نے کہا کہ متحدہ اراکین سندھ اسمبلی کی سیکیورٹی واہس لینے کے بعد میرے کسی ساتھی کو کچھ ہوا تو وزیراعلیٰ سندھ کیخلاف مقدمہ درج کرائیں گے۔

انہوں نے کہا کہ شہر کراچی کی بہتری کیلئے بی سی اے، کچرا اٹھانے اور واٹربورڈ کے اختیارات میئر کو دیئے جائیں، انہوں نے اس امید کا اظہار کیا کہ سال 2018میں سندھ کا وزیراعلیٰ شہری علاقے سے ہوگا۔

علاوہ ازیں سیکیورٹی کی واپسی کے حوالے سے سندھ اسمبلی میں اپوزیشن لیڈر خواجہ اظہار الحسن نے کہا ہے کہ سندھ حکومت نے سیکیورٹی خدشات کےباوجود ہم سےسیکیورٹی واپس لی۔

انہوں نے کہا کہ نیب آرڈیننس کی منسوخی کے بل کی مخالفت کرنے پر ہم سے سیکیورٹی واپس لی گئی۔ خواجہ اظہار الحسن نے متنبہ کیا کہ ہمیں اگر کچھ ہوا تو ذمہ دار وزیراعلیٰ سندھ ہوں گے۔

جولائی 4, 2017
ندیم نصرت پاکستان مخالف سرگرمیوں میں مصروف ہیں، فاروق ستار

کراچی : متحدہ قومی موومنٹ کے سربراہ ڈاکٹر فاروق ستار نے کہا ہے کہ ندیم نصرت امریکامیں پاکستان مخالف سرگرمیوں میں مصروف ہیں، مہاجروں کی نمائندگی کادعویٰ کرکے ایسی باتیں نہ کی جائیں، لندن والوں کےرویوں سےافسوس ہوتا ہے۔

ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا، ڈاکٹر فاروق ستار نے کہا کہ ایم کیوایم پاکستان عوام میں موجود ہے، پاکستان مخالف لابی کے ساتھ مل کرغلط زبان استعمال کی جارہی ہے، مہاجروں کانام استعمال کرنےکی مذمت کرتے ہیں۔

ویڈیو دیکھیں:

لندن والوں کارویہ 22اگست کی پالیسی کاتسلسل ہے، ان کا کہنا تھا کہ ندیم نصرت کی پاکستان مخالف لابی کے ساتھ سرگرمیاں قومی سلامتی کا معاملہ ہے، پاکستان مخالف سرگرمیاں انتہائی تشویشناک ہیں۔

ملک میں فرقہ واریت کو ہوا دینے کی سازش ہو رہی ہے، لندن سے آنے والے آڈیو بیانات اور پاکستان مخالف جارحانہ رویہ اختیارکیا جانا نامناسب عمل ہے۔

فاروق ستار کا کہنا تھا کہ قومی سلامتی کونقصان پہنچانےکی مذمت کرتےہیں، ایم کیوایم پاکستان عوام میں موجودہے، عوام میں رہ کران کےمسائل حل کرنےکی کوشش کررہےہیں، لندن والوں کےرویوں سےافسوس ہوتاہے، ایسےرویوں سےہماری حب الوطنی کومشکوک بنایا جارہا ہے۔

مہاجروں کو پاکستان کیخلاف کھڑا کرنے کی سازش کی جارہی ہے

ڈاکٹرفاروق ستار کا کہنا تھا کہ ڈائنابیکراورجان مکین سےہمیں کوئی توقع نہیں، سازش کی جارہی ہے کہ مہاجروں کو پاکستان کیخلاف کھڑا کیا جائے، انہوں نے کہا کہ ایم کیوایم امریکا کی اکثریت ہمارےساتھ ہے، کیونکہ امریکا کےکارکنوں نے پاکستان کے ساتھ کھڑےہونے کا فیصلہ کیاہے،

مہاجروں کی نمائندگی کادعویٰ کرکےایسی باتیں نہ کی جائیں، ہم یہاں پاکستان کی نمائندگی کرہےہیں۔ ڈاکٹر فاروق ستار نے کہا کہ ایم کیوایم پاکستان 22اگست کی پالیسی کو مسترد کرتےہوئے ایم کیوایم پاکستان 23اگست کی پالیسی پرعمل پیرا ہے۔

ہمارے کئی کارکنان آج بھی جیلوں میں ہیں

ایم کیوایم پاکستان کےکئی کارکنان آج بھی جیلوں میں ہیں، مسلسل22اگست کودہرایا جا رہا ہے، مظلومیت کا رونا رو کرپاکستان مخالف لابنگ کرناصحیح عمل نہیں۔

امریکی کانگریس سے پاکستان کی امداد بند کرنے کی بات مضحکہ خیز ہے، ایک ایک مہاجر نے طے کیاہے کہ ہمارا جینا مرنا پاکستان کیلئے ہے۔

جون 30, 2017
انیس جون 92 کے شہداء کے لواحقین کو انصاف دیا جائے، خالد مقبول صدیقی

کراچی: متحدہ قومی موومنٹ (پاکستان) کے ڈپٹی کنونیر ڈاکٹر خالد مقبول صدیقی نے 19 جون 1992ء کی 25 ویں برسی کے موقع پر اپنے خصوصی بیان میں کہا کہ 19، جون 1992ء کو ایم کیو ایم اور مہاجروں پر شب خون مارا گیا۔

اس دن ایم کیو ایم کے سینکڑوں کارکنان کو حق پرستی کا علم بلند کرنے کی پاداش میں نہ صرف بے دردی سے شہید و لاپتہ کیا گیا بلکہ سینکڑوں مہاجروں کو پابند سلاسل کردیا گیا جوکہ تاحال اسیری کی کرب ناک زندگی گزرنے پر مجبور ہیں۔ 25 سال گزرجانے کے باوجود آج تک 19 جون 1992ء کے شہداء کے لواحقین اور لاپتہ و اسیر کارکنان کے اہل خانہ کو انصاف نہیں مل سکا۔

انہوں نے کہا کہ 1992ء کے بعد آنے والی حکومتوں نے بھی مہاجر قوم اور انکی واحد نمائندہ جماعت ایم کیو ایم (پاکستان) کو تختہ مشق بناکر مسلسل اذیت و تکالیف کا شکار رکھا گیا اور یہ سلسلہ آج بھی ہنوز جاری ہے۔ ڈاکٹر خالد مقبول صدیقی نے کہا کہ 19 جون 1992ء کا دن مہاجر قوم کے لئے سیاہ باب کی حیثیت رکھتا ہے، 19 جون کو شروع ہونے والے ریاستی جبر میں 20 ہزار سے زائد کارکنان شہید و لاپتہ اور ہزاروں اسیر ہوئے۔

انہوں نے کہا کہ ہم آج بھی اپنے اس موٴقف کا اعادہ کرتے ہیں کہ یہ تحریک شہیدوں، اسیروں اور لاپتہ کارکنان کی امانت ہے اور ہم ان کی قربانیوں کو کبھی رائیگان نہیں جانے دینے کا عہد کرتے ہیں۔

ڈاکٹر خالد مقبول صدیقی نے ارباب اقتدار سے مطالبہ کیا کہ 19 جون 1992ء سمیت تمام سانحات میں شہید ہونے والے مہاجروں کے لواحقین کو انصاف کی فراہمی کو یقینی بنایا جائے اور ایم کیو ایم (پاکستان) کے اسیر و لاپتہ کارکنان کے اہل خانہ کو بھی انصاف فراہم کیا جائے اور انکے پیاروں کو ان سے ملوایا جائے۔

جون 19, 2017
متحدہ رکن اسمبلی کی گاڑی پر فائرنگ، فوٹیج جاری

کراچی: ایم کیو ایم پاکستان کے رکن اسمبلی جمال احمد کی گاڑی پر فائرنگ کی سی سی ٹی وی فوٹیج اے آر وائی نیوزنے حاصل کرلی۔

اے آئی وائی نیوز کو حاصل ہونے والی فوٹیج میں دیکھا جاسکتا ہے کہ ایک شخص گلی میں داخل ہوکر گاڑی کی طرف بڑھا اور اُس نے پستول نکال کر فائر کرنے کی کوشش کی، رکن اسمبلی کے ساتھ موجود گارڈ جیسے ہی گاڑی سے باہر نکلا مسلح شخص فرار ہوگیا۔

دوسری جانب ایم کیو ایم پاکستان کے رہنماؤں نے جمال احمد کی گاڑی پر فائرنگ کی شدید الفاظ میں مذمت کی ہے۔

بہادرآباد میں پریس کانفرنس کرتے ہوئے کنور نوید جمیل نے کہا کہ ہمارے رکن اسمبلی پر قاتلانہ حملے کی کوشش کی گئی مگر وہ خوش قسمتی سے محفوظ رہے۔

انہوں نے کہا کہ جمال احمد کے محافظ اور مسلح شخص کے درمیان فائرنگ کا تبادلہ بھی ہوا۔

کنور نوید نے کہا کہ متعدد بار حکومت کو اراکین اسمبلی کو ملنے والی دھمکیوں سے آگاہ کرچکے ہیں، ہمارے 3 اراکین اسمبلی ایسی قاتلانہ کارروائیوں کا نشانہ بن چکے ہیں۔

یاد رہے کہ ایم کیو ایم پاکستان کے رکن اسمبلی کی گاڑی پر نارتھ کراچی کے علاقے میں فائرنگ کا واقعہ پیش آیا تھا، اس ضمن میں ایس ایس پی سینٹرل مقدس حیدر نے بتایا ہے کہ فائرنگ کرنے والا ایک ملزم تھا جو موٹرسائیکل چھوڑ کر فرار ہوگیا، پولیس کو جائے وقوعہ سے 30 بور پستول کا ایک خول ملا ہے۔

ایس ایس پی کے مطابق مسلح ملزم اور جمال احمد کے درمیان کافی فاصلہ تھا، ہوائی فائر کیا گیا، فائرنگ کے واقعے کی مختلف زاویوں سے تحقیقات کررہے ہیں۔

یاد رہے جمال احمد پی ایس 101 کراچی سے ایم کیو ایم کی ٹکٹ پر منتخب ہوئے ہیں، 22اگست کی متنازع تقریر اور قائد سے علیحدگی کے اعلان کے بعد کراچی کے ضلع وسطی میں ممبر صوبائی اسمبلی جمال احمد کی رہائش گاہ کے باہر ان سے مستعفی ہونے کا مطالبہ کرتے ہوئے احتجاجی مظاہرہ بھی کیا گیا تھا۔

جون 10, 2017
ایم کیوایم پاکستان کےعارف بھٹی کی پیپلزپارٹی میں شمولیت

کراچی : ایم کیوایم کے رکن سندھ اسمبلی عارف بھٹی نے پیپلزپارٹی میں شمولیت اختیارکرلی۔ نثار کھوڑو نے کہا کہ کراچی آپریشن کا کپتان وزیر اعلیٰ سندھ ہیں اس کی کامیابی کا کریڈٹ بھی مسلم لیگ ن کو نہیں حکومت سندھ کو جاتا ہے۔

تفصیلات کے مطابق متحدہ قومی موومنٹ پاکستان کے اقلیتی رکن اسمبلی عارف بھٹی نے پارٹی کو خیر آباد کہہ کر پیپلز پارٹی میں شمولیت اختیار کرلی۔

اس بات کا اعلان انہوں نے پیپلز پارٹی میڈیا سیل کراچی میں پریس کانفرنس کے دوران کیا، اس موقع پر پیپلزپارٹی سندھ کے صدر نثار احمد کھوڑو ،وقار مہدی اور سینیٹر سعید غنی بھی موجود تھے۔

عارف بھٹی کا کہنا تھا کہ بائیس اگست کو متحدہ کے قائد کی تقریر کے بعد ایم کیوایم سے علیحدگی اختیار کرلی تھی ،آج اپنی مرضی سے پیپلزپارٹی میں شمولیت کا اعلان کررہا ہوں۔

اس موقع پر نثار کھوڑو کا کہنا تھا کہ پارٹی میں مشروط طور پر شمولیت کرنے والوں کے خلاف ہوں۔ انہوں نے کہا کہ وہ زمانہ گزر گیا جب ایم کیوایم میں شامل ہونا آسان تھا اورپھرچھوڑنا مشکل ہوتا تھا۔

بائیس اگست کے بعد ایم کیوایم کے کافی لوگوں کو سیاسی فیصلے کرنے کی آزادی ملی اور کئی لوگ ان کو چھوڑ کر پی ایس پی سمیت اور دیگر جماعتوں میں چلے گئے۔

نثارکھوڑو نے کہا کہ آج ڈبل سنچری کی شروعات ہے۔ انہوں نے کہا کہ نہال ہاشمی کے بیانات کے ذمہ دار وہ ہیں جنہوں نے اس کو سینیٹر بنایا اور اس میں نوازشریف بھی شامل ہیں۔

جون 7, 2017