Tag: MQM RC

کراچی: ایم کیوایم رابطہ کمیٹی لندن اورپاکستان کے انچارجز کو فارغ کرکے نئے ناموں کا اعلان کردیا گیا۔

ایم کیوایم رابطہ کمیٹی لندن اور پاکستان کے انچارجز عہدوں سے فارغ کردیا گیا ہےدیا گیا ہے۔ذرائع کے مطابق ایم کیو ایم نے رابطہ کمیٹی پاکستان کے انچارج قمر منصور کو ان کے عہدے سے ہٹا دیا ہےجبکہ لندن میں ارشد حسین کو بھی ذمہ داری سے سبکدوش کر دیا گیا۔

 ایم کیوایم کے ذرائع کے مطابق، مصطفی عزیز آبادی کو رابطہ کمیٹی لندن کا انچارج بنا دیا گیا ہے جبکہ عامرخان ،خالد مقبول صدیقی اورڈاکٹر نصرت کو جوائنٹ انچارج پاکستان رابطہ کمیٹی کی ذمہ داریاں سونپی گئی ہیں ۔

واضح رہے کہ متحدہ قومی موومنٹ کے قائد الطاف حسین نے ایم کیو ایم کی کراچی اور لندن رابطہ کمیٹیوں کو تحلیل کرکے قمر منصور اور ارشد حسین کو ذمہ داریاں تفویض کی تھیں۔

کراچی: متحدہ قو می مومنٹ کی رابطہ کمیٹی نے اورنگی ٹاون میں ایم کیو ایم کے کا رکن کے قتل کی شدید مذمت کرتے ہوئے کہا کہ سندھ میں مارشل لاء کے نفاذ کا مطالبہ جائز ہے۔

رابطہ کمیٹی کا یہ بھی کہنا تھا کہ محمد عابد کی مسلح دہشت گردوں کے ہاتھوں شہادت کا ایک اور واقعہ اس بات کا ثبوت ہے کہ سندھ میں مارشل لاء کے نفاذ کا مطالبہ جائز ہے کیونکہ حکومت سندھ اور اس کے وزراء شہریوں کی جان ومال کے تحفظ میں بری طرح سے ناکام ہوچکے ہیں۔

رابطہ کمیٹی نے وزیراعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ محمد عابد کی شہادت میں ملوث دہشت گردوں کو فی الفور گرفتار کیاجائے۔

دوسری جانب متحدہ قومی مومنٹ کے قائد الطاف حسین نے ایم کیوایم اورنگی ٹاؤن سیکٹر یونٹ 118 کے کارکن محمد عابد کی شہادت پر گہرے دکھ اور افسوس کااظہار کیا ہے۔

کراچی: متحدہ قومی موومنٹ نے اپنے ذمہ داران اور کارکنان کو علاقوں کی نگرانی کے لیےکمیٹیاں بنانے کی ہدایت کر دی۔

دہشت گردوں کے کسی بھی ردعمل سے ہوشیار رہنے کے لیے ایم کیو ایم کی رابطہ کمیٹی نے اپنے کارکنان و ہمدردوں کو خصوصی ہدایت جاری کی ہیں۔

رابطہ کمیٹی نے اپنی ہدایات میں کہا ہے کہ ایم کیو ایم کے ذمہ داران کارکان اورہمدرد موجودہ حالات کے پیش نظر اردگردکے ماحول اورعلاقوں پرکڑی نظر رکھیں، بزرگوں اور ہمدردوں کی مدد سے محلہ کمیٹیاں تشکیل دی جائیں اورفوری طورپر محلوں کی نگرانی کا کام شروع کیا جائے۔

رابطہ کمیٹی نے اپنے قومی اور صوبائی اسمبلی کے اراکین سے بھی کہا ہے کہ وہ پولیس اور رینجرز حکام سے رابطہ رکھیں اور علاقوں میں رینجرز اورپولیس کے گشت کو مؤثر بنانے کیلئے بات چیت کریں رابطہ کمیٹی نے اراکین اسمبلی کو علاقوں میں بیریئرزلگانے کے حوالے سے بھی حکام سے بات کرنے کی ہدایت کی ہے۔