کراچی : انسداد دہشت گردی کی عدالت نے وسیم اخترکو طلب کرنے پر الیکشن کمیشن جانے کی اجازت دیدی اور درخواست نمٹادی
عدالت کا کہنا ہے کہ نامزد میئرکراچی وسیم اختر کےالیکشن کمیشن جانے پراعتراض نہیں۔
تفصیلات کے مطابق انسداد دہشت گردی کی عدالت میں ایم کیو ایم کے نامزد مئیرکراچی وسیم اختر کے انتخابات میں شرکت سے متعلق درخواست کی سماعت ہوئی۔عدالت نےکہا کہ وسیم اختر کےالیکشن کمیشن جانے پر کوئی اعتراض نہیں، الیکشن کمیشن کو اختیار ہے وہ وسیم اختر کو طلب کرسکتی ہے، ایم کیوایم کے نامزد مئیروسیم اختر مختلف کیسز میں جیل کسٹڈی میں ہیں۔
مزید پڑھیں : سی ایم ہاؤس کے باہر مظاہرہ، وسیم اختر کی درخواستِ ضمانت منظور
انسدادِ دہشت گردی کی عدالت میں وسیم اختر کی جانب سے درخواست دائر کی گی، درخواست میں مؤقف اختیار کیا گیا تھا کہ ایم کیو ایم کی جانب سے کراچی میر شپ کے لیے مجھے نامزد کیا گیا ہے جبکہ الیکشن میں کاغذات کی نامزدگی جانچ پڑتال اور حلف برداری کے لیے جیل سے جانے کے لیے اجازت دی جائے۔
مزید پڑھیں : وسیم اختر نے سانحہ بارہ مئی کی ذمہ داری قبول کرلی، ایس پی ملیر راؤ انوار کا دعویٰ
عدالت میں وکیل صفائی کا کہنا تھا کہ وسیم اختر کو الیکشن کمیشن جانے کی اجازت دی جائے، عدالت نے درخواست پر فیصلہ محفوظ کرلیا تھا، عدالت نے کچھ دیر بعد فیصلہ سناتے ہوئے کہا کہ ہی معاملہ عدالت کے دائرہ اختیار سے باہر ہے، وسیم اختر متعلقہ فورم سے رجوع کریں۔
عدالت کا کہنا تھا کہ الیکشن کمیشن خود مختار اداراہ ہے وہ وسیم اختر کو بلواسکتا ہے وسیم اختر ریٹرننگ آفیسر کے سامنے پیش ہو سکتے ہیں یہ فیصلہ الیکشن کمیشن کرے گا، عدالت وسیم اختر کو پیش ہونے کا حکم نہیں دی سکتی۔
