کراچی : ترجمان رینجرزنے کہاہے کہ کراچی کے شہریوں نے ہڑتال کی کال مسترد کردی۔
تفصیلات کے مطابق رینجرز کے ترجمان نےکراچی کے پرامن شہریوں کو خراج تحسین پیش کرتے ہوئے کہا ہے کہ کراچی کے شہریوں نے ایم کیو ایم رابطہ کمیٹی کی یوم سوگ کی اپیل کو مسترد کردیا ہے۔
انہوں نے کہا کہشہریوں نےامن دشمنوں کی دھمکیوں کونظر اندازکیا،کراچی کےامن کیلئےرینجرزاورعوام متحدہیں،ترجمان نے کہا کہ عوام کاتحفظ ہماراعزم ہے۔
ایم کیو ایم نے کارکنوں کی ہلاکت پر سوگ کااعلان کیا تھا۔ تاہم رینجرزنےکاروباری مراکز کھلے رکھنے اور ٹرانسپورٹ کی روانی برقراررکھنے پرعوام کو خراج تحسین پیش کیاہے۔
علاوہ ازیں رینجرز نے ایم کیوایم کی جانب سے ہڑتال کی کال کے موقع پر مختلف علاقوں میں زبردستی دکانیں بند کرانے والے ایم کیوایم کے 8شر پسندوں کو گرفتار کرلیا ۔
ترجمان سندھ رینجرز کے مطابق ایم کیوایم کے گرفتار کئے گئے شرپسند عناصر جوبلی ،لیاقت آباد 4،اورنگی سیکٹر 5اورکریم آبادمیں تاجروں اور شہریوں کوڈرا دھمکا کرجبری طور پر دکانیں بندکرارہے تھے۔
ترجمان رینجرزکا مزید کہناتھا کہ گرفتار عناصر کوجلد انسداد دہشت گردی کی عدالت میں پیش کیا جائیگا۔
