ARYNews.tv | Urdu – Har Lamha Bakhabar

Tag: MQM

  • کارکنوں کی رہائی، ایم کیو ایم نے کراچی میں دھرنے ختم کر دئیے

    کارکنوں کی رہائی، ایم کیو ایم نے کراچی میں دھرنے ختم کر دئیے

    کراچی : ایم کیو ایم نے گرفتار کارکنوں کی رہائی کی یقین دہانی کے بعد کراچی بھر میں جاری دھرنے ختم کردیئے ہیں ، فیصل سبزواری کا کہنا ہے کہ مجرموں کی سرکوبی کے لیے قانون نافذ کرنے والے اداروں کے ساتھ تعاون جاری رکھیں گے۔

    کراچی میں گلشن معمار سے گزشتہ روز گرفتار کئے گئے کارکنان کی رہائی کی یقین دہانی کے بعد ایم کیو ایم کے رہنما اور صوبائی وزیر فیصل سبزواری نے  وزیرِاعلی ہاوس اوراہم شاہراہوں پر دھرنے ختم کرنے کا اعلان کیا۔

    فیصل سبزواری کا کہنا تھا کہ زیرِ حراست پندرہ کارکنان میں سے نصف کو رہا کیا جارہا ہے، امید ہے باقی کارکنان بھی جلد رہا کر دیئے جائیں گے۔

    میڈیا سے گفتگو میں ایم کیو ایم کے رہنماء کا کہنا تھا کہ کراچی میں ٹارگٹڈ آپریشن کی حمایت کرتے ہیں تاہم آپریشن کے نام پر ظلم اور جبر کو برداشت نہیں کیا جائے گا۔

    فیصل سبزواری کا کہنا تھا کہ ایم کیو ایم پر امن جماعت ہے اور مجرموں کی سرکوبی کے لیے قانون نافذ کرنے والے اداروں سے تعاون کرتے رہیں گے۔

  • وزیراعلیٰ سندھ نے ایم کیوایم کے مطالبات جاننے کیلئے6 رکنی کمیٹی قائم کردی

    وزیراعلیٰ سندھ نے ایم کیوایم کے مطالبات جاننے کیلئے6 رکنی کمیٹی قائم کردی

    کراچی: وزیراعلیٰ سندھ نے ایم کیوایم کے مطالبات جاننے کیلئےچھ رکنی کمیٹی بنادی،ترجمان رینجرز کاکہناہےقانون نافذ کرنے والوں پر فائرنگ کرنے والوں کو نہیں چھوڑاجاسکتا۔

    گلشن معمار سے ایم کیوایم کے کارکنوں کی گرفتاری کے حوالے سےجاری بیان میں ترجمان رینجرز کاکہناہے کہ رینجرز پرفائرنگ کے بعد تیئس مشتبہ افراد کوحراست میں لیا گیاجن میں سے آٹھ افراد کوابتدائی تفتیش کے بعد چھوڑ دیاگیاہے جب کہ پندرہ سے پوچھ گچھ جاری ہے۔ترجمان کاکہناتھا قانون کی حکمرانی کا قیام رینجرز کی ذمہ داری ہے، قانون نافذکرنےوالوں پرفائرنگ کرنےوالوں کونہیں چھوڑاجاسکتا۔

    کارکنوں کی گرفتاریوں پر ایم کیوایم کے شدید ردعمل کے بعد وزیراعلیٰ سندھ نے چھ رکنی مذاکراتی کمیٹی قائم کردی ہے، نثار کھوڑو،شرجیل میمن ، ڈاکٹر سکندر مہیندھرو ،مولابخش چانڈیو، وقار مہدی اور راشد ربانی پرمشتمل کمیٹی ایم کیوایم کے رہنماؤں سے ملاقات کرکے ایم کیوایم کے مطالبات کاجائزہ لے کرمسئلہ حل کرانے کی کوشش کرے گی۔

  • دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    کراچی:ایم کیو ایم کے رکن صوبائی اسمبلی فیصل سبزواری کہتےہیں رینجرز نے ان کے دفتر پرچھاپہ مارا دہشت گردکسی ایم پی اےکےدفترمیں منصوبہ بندی نہیں کرتے۔

    گلشن معمار میں رینجرز کے ایم کیو ایم کے دفتر پرچھاپے کے بعد رکن صوبائی اسمبلی فیصل سبزواری نےمیڈیا کو بتایا کہ یہ ان کا اور رکن قومی اسمبلی مزمل قریشی کا دفتر ہے ان کا کہنا تھا کہ دہشت گردکسی ایم پی اےکےدفترمیں منصوبہ بندی نہیں کرتے۔

    فیصل سبزواری کے مطابق جس وقت چھاپہ مارا گیا اس وقت پارٹی کا تنظیمی اجلاس ہورہاتھا اور رینجرز اہلکاروں نے انھیں بھی دفتر جانے سے روکا،ان کا کہنا کہ اگر انھوں نے جرم کیا توتنہا انھیں ذمہ دارٹھہرایاجائے کارکنان کو گرفتا نہ کیا جائے۔

    رکن صوبائی اسمبلی نے مطالبہ کیاکہ گرفتار کارکنان کو فوری طور پر چھوڑا جائے۔

  • ایم کیوایم کےدفتر پرچھاپےکی الطاف حسین کی مذمت

    ایم کیوایم کےدفتر پرچھاپےکی الطاف حسین کی مذمت

    کراچی:ایم کیو ایم کے قائد الطاف حسین نےکہا ہے کہ اسلام آباد میں ٹی وی اسٹیشن،پارلیمنٹ ہاؤس پرحملے کرنےوالوں کےساتھ نرمی کی جارہی ہےجبکہ ایم کیوایم کے پرامن کارکنوں کو بلا جواز گرفتارکیا جا رہا ہے۔

    گلشن معمار کراچی میں ایم کیو ایم کے ارکان اسمبلی کے رابطہ دفتر پر رینجرز کے چھاپے کی مذمت کرتے ہوئے الطاف حسین نے کہا کہ کالعدم تنظیموں کے دہشت گرد کھلے عام دہشت گردی کررہے ہیں لیکن ایسے عناصرکے خلاف کارروائی کےبجائے ایم کیوایم کے دفاتر پرچھاپےمارے جارہے ہیں۔

    الطاف حسین کا کہنا تھا کہ اسلام آبادمیں ٹی وی اسٹیشن،پارلیمنٹ ہاؤس اوردیگر سرکاری عمارتوں پرحملے کرنے والوں کے ساتھ تونہایت نرمی سے پیش آیا جارہا ہے لیکن پرامن سیاسی سرگرمیاں انجام دینے والے ایم کیوایم کے کارکنوں کو بلاجوازگرفتار کر کے تشد کا نشانہ بنایا جارہاہے،ان کا کہنا تھا کہ ایسا طرزِ عمل  لوگوں میں محبتوں کے بجائے نفرتوں کوجنم دے گا۔

    الطاف حسین نے صدرر پاکستان،وزیراعظم،وفاقی وزیرداخلہ اور وزیرِاعلیٰ سندھ سےمطالبہ کیا کہ ایم پی اے آفس سے گرفتارکئے گئے کے تمام کارکنوں کو رہا کیاجائے۔

  • کراچی میں رینجرزکاایم کیوایم کےدفتر پر چھاپہ

    کراچی میں رینجرزکاایم کیوایم کےدفتر پر چھاپہ

    کراچی: شہرِ قائد کے علاقے گلشن معمار اسکیم 33 میں رینجرز کی جانب سے ایم کیو ایم کے سیکٹر آفس کا گھیراؤ کیا گیا ہے چھاپے اور گھیراو  کے دوران متعدد افراد کو زیرِ حراست بھی لیا گیا ہے ۔

    ایم کیو ایم کی رابطہ کمیٹی نے واقع کے شیدید مذمت کی ہے ،  رابطہ کمیٹی کے مطابق گھیراؤ اس وقت کیا گیا جب سیکٹر آفس میں ایم کیو ایم کے کارکنان کا پارٹی کی تنظیم نو کے حوالے سےجنرل ورکرز اجلاس جاری تھا۔

    اے آر وائی کے نمائدے شاہنواز شاہ کے مطابق چھاپے کے دوران ایم پی اے فیصل سبز واری اسکیم 33 کے آفس پہنچے لیکن انھیں اندر جانے نہیں دیا گیا،چھاپے کے بعد علاقے میں ہوائی فائرنگ سے علاقے اور اس کے اطراف میں کاروباری مراکز بند ہوگئے، چھاپے کے خلاف علاقہ مکینوں نے شدید احتجاج کیا ہے۔

    ایم کیوایم کی رابطہ کمیٹی معمار آفس پہنچ گئی ہے، رابطہ کمیٹی نے رینجرز کی طرف سے اسکیم 33میں واقع ایم پی اے آفس پر چھاپے، متعدد کارکنان کی گرفتاری اوردفتر میں توڑ پھوڑ اور چھاپے کے دوران کارکنان پر تشدد کی شدیدترین الفاظ میں مذمت کی ہے، رابطہ کمیٹی نے ہونےوالے نقصان اور توڑ پھوڑ کا بھی جائزہ لیا ہے۔

  • الطاف حسین نے سندھ کودولخت کرنے کی بات نہیں کی،رحمان ملک

    الطاف حسین نے سندھ کودولخت کرنے کی بات نہیں کی،رحمان ملک

    کراچی: سابق وفاقی وزیرِداخلہ اورپیپلزپارٹی کے سینیٹررحمان ملک نے کہا ہے کہ موجودہ صورتحال میں فریقین سے اپیل کرتا ہوں کہ جرگے کی تجاویز پرسنجیدگی سےغورکریں۔

    یہ بات انہوں نے صحافیوں سے گفتگو کرتے ہوئے کہی، سینیٹر رحمان ملک نے میڈیا سے گفتگو کرتے ہوئے کہا کہ حکومت ،عمران خان اور طاہرالقادری سیاسی جرگے کی تجاویزپرغور کریں۔

    ان کا مزید کہنا تھا کہ متحدہ قومی موومنٹ کے قائد الطاف حسین نے کبھی سندھ کو دو لخت کرنے کی بات نہیں کی انتظامی یونٹس کی بات کرنا الطاف حسین کاحق ہے۔

    کراچی میں امن و امان کی صورتحال پر ان کا کہنا تھا کہ رینجرزاورپولیس نےمل کرکراچی سےدہشت گردی کاخاتمہ کیا۔ امیدہےنئی ٹیم کراچی کوٹارگٹ کلرز،بھتہ مافیاسےنجات دلائےگی۔

  • پاکستان میں ٹیکنوکریٹ حکومت بنائی جائے،الطاف حسین

    پاکستان میں ٹیکنوکریٹ حکومت بنائی جائے،الطاف حسین

    لندن:ایم کیو ایم کے قائد الطاف حسین نےکہا ہے کہ ان کی خواہش ہےکہ ملک میں دو سال کیلئے ٹیکنوکریٹ حکومت بنائی جائے،جوملک میں تطہیرکا عمل شروع کرے۔

    گورنر پنجاب محمد سرورسے لندن میں ملاقات کےبعد پریس کانفرنس سے خطاب میں الطاف حسین کاکہنا تھا کہ پاکستان کوچوروں،لٹیروں اور موروثی سیاست کرنےوالوں کی ضرورت نہیں ہے۔ پاکستان میں جاری دھرنوں کے حوالےسےالطاف حسین کا کہنا تھا کہ سیاسی صورتحال کا باعزت طریقےسے راستہ نکالاجائے بحران کوحل کرنے کےلئےاہم کیو ایم ہمہ وقت حاضر ہے،اس موقع پر ایم کیو ایم کے قائد نے کہا کہ پاکستان میں دوسال کےلیے ٹیکنوکریٹ حکومت بنائی جائے جو بلا تفریق لوگوں کا احتساب کرے۔

    گورنرپنجاب چوہدری سرورکا میڈیا سے گفتگو میں کہنا تھا کہ ہم سب چاہتےہیں ملک میں جمہوریت ڈی ریل نہ ہو دھرنے والےملک کےمفادکےلیے لچک پیداکریں،گورنر پنجاب کا کہنا تھا کہ افواج پاکستان دہشت گردوں کےخلاف کارروائی میں مصروف ہیں ایسے وقت میں تمام سیاسی رہنما اختلافات بھلاکرآئی ڈی پیزاورسیلاب زدگان کی مددکریں۔.

    گورنرپنجا ب نے آئی ڈی پیز اور سیلاب ذدگان کی مدد کرنے پر بیرون ملک رہنے والے پاکستانیوں کا شکریہ ادا کیا۔

  • پرویزرشید جواب دیں ایم کیوایم اور پی ٹی آئی میں کیا مک مکا ہے، خالد مقبول صدیقی

    پرویزرشید جواب دیں ایم کیوایم اور پی ٹی آئی میں کیا مک مکا ہے، خالد مقبول صدیقی

    کراچی: خالد مقبول صدیقی ؤنے کہا کہ عمران خان کراچی میں بلدیاتی الیکشن سے پہلے یہ تو بتائیں کے پی کے میں انتخابات کیو ں نہیں کرائے۔

    ایم کیوایم رابطہ کمیٹی کے رکن خالدمقبول صدیقی کا کہنا تھا کہ بلدیاتی انتخابات کے حوالے سے عمران خان کی نیت پرشک نہیں لیکن انہیں یہ بھی بتاناچاہئے کہ وہ ڈیڑھ سال کے دوران خیبرپختونخوا میں الیکشن کیوں نہیں کراسکے۔

    خالدمقبول صدیقی نے کہا کہ سندھ کے عوام اپنے حقوق کیلئےلڑناجانتے ہیں لیکن بعض معاملات پراس لیے نہیں کھڑے ہوئے کیوں کہ انہیں ملکی سالمیت عزیزتھی، کراچی جاگاہوا ہے اور جگانابھی جانتاہے۔

    پی ٹی آئی اور ایم کیوایم کے مک مکا کے سوال پرخالدمقبول صدیقی کاکہناتھاجاننےکی کوشش کررہےہیں کہ پرویزرشیدکس مک مکاکی بات کررہےہیں۔

  • پاکستان تحریک انصاف سندھ کی تقسیم نہیں چاہتی،ڈاکٹرعارف علوی

    پاکستان تحریک انصاف سندھ کی تقسیم نہیں چاہتی،ڈاکٹرعارف علوی

    کراچی: تحریک انصاف کے رہنماء ڈاکٹرعارف علوی نےکہا ہے کہ ہم کسی جماعت کے خلاف نہیں اور نہ ہی سندھ کی تقسیم چاہتے ہیں ۔

    کراچی میں پریس کانفرنس کرتے ہوئے پی ٹی آئی سندھ کے صدرعارف علوی کا کہنا تھا کہ ایم کیوایم ،پیپلزپارٹی کے درمیان کوئی مسئلہ ہوتا ہے تو بات سندھ کی تقسیم پر آجاتی ہے۔

    اس موقع پرپی ٹی آئی کے رہنماء عمران اسماعیل کا کہنا تھا کہ تحریک انصاف کراچی میں امن اور دہشت گردی کا خاتمہ چاہتی ہے۔ عمران اسماعیل کا کہنا تھا کہ پاکستان تحریک انصاف کی نوازشریف کے استعفے تک جدوجہد جاری رہے گی ۔

    انہوں نے کہا کہ عمران خان ہرہفتے بڑے شہروں دھرنا دیں گے اور خطاب کریں گے۔

  • سندھ کو چار صوبوں میں تقسیم کر دیا جائے،الطاف حسین

    سندھ کو چار صوبوں میں تقسیم کر دیا جائے،الطاف حسین

    لندن: ایم کیو ایم کے قا ئد الطاف حسین نےتحریک انصاف کو کراچی میں جلسے پر پیشگی مبارک باد دیتے ہوئے کہاہے کہ سندھ کو چار صوبوں میں تقسیم کر دیا جائے تو اچھا ہوگا۔

    لندن میں اپنی اکسٹھویں سالگرہ کے حوالے سے تقریب سے خطاب میں الطاف حسین کا کہنا تھا کہ جب تحریک انصاف نے سیاست میں قدم رکھا تو ہم نے خوش آمدید کہا۔

    الطاف حسین نے کراچی میں ہو نے والے تحریک انصاف کے جلسے پر عمران خان کو کراچی آنے اور جلسہ کرنے پر پیشگی مبارک باد بھی دی، الطاف حسین کا کہنا تھا کہ اگر نواز شریف اور اسفند یار ولی بھی کراچی آئے تو ہم انھیں بھی خو ش آمدید کہیں گے۔

    انہوں نے کہا کہ وہ سندھ کی تقسیم نہیں چاہتے اگر سندھ کو شمالی، جنوبی مشرقی اور مغربی صوبے بنا دئے جائیں تو بہتر ہوگا، اس طرح سندھ تقسیم بھی نہیں ہو گا، پاکستان کو بچانا ہے تو نئے صوبے بنانے ہوں گے۔

    ایم کیو ایم نے جا گیردارانہ اور وڈیرانہ نظام کے خلاف صرف باتیں ہی نہیں بلکہ اس پر عمل بھی کیا اور ملک کے ایوانوں میں غریب طبقے کو نمائندگی دلوائی۔