ARYNews.tv | Urdu – Har Lamha Bakhabar

Tag: mr bean

  • ’اگلی بار اصلی مسٹربین بھیجنا‘ زمبابوین صدر کا ٹوئٹ

    ’اگلی بار اصلی مسٹربین بھیجنا‘ زمبابوین صدر کا ٹوئٹ

    ٹی ٹوئنٹی ورلڈکپ میں گروپ ٹو کے میچ میں زمبابوے نے پاکستان کو سنسنی خیز مقابلے کے بعد ایک رن سے شکست دے دی۔

    زمبابوے کی جانب سے دیے گئے 131 رنز کے ہدف کے تعاقب میں پاکستان ٹیم مقررہ اوورز میں 8 وکٹوں پر 129 رنز بناسکی۔

    قومی ٹیم کی شکست کے بعد جہاں کرکٹ شائقین افسردہ ہیں وہیں سوشل میڈیا پر ایک بحث چل رہی ہے کہ زمبابوے نے جعلی مسٹر بین بھیجنے پر پاکستان سے بدلہ لے لیا۔

    ایسے میں زمبابوین صدر نے بھی سماجی رابطے کی ویب سائٹ ٹویٹر پر لکھا کہ ’اگلی مرتبہ اصلی مسٹر بین بھیجنا۔‘

    زمبابوین صدر نے پاکستان کے خلاف کامیابی پر اپنی ٹیم کو مبارک باد بھی پیش کی۔

    یہ جعلی مسٹر بین والا معاملہ کیا ہے؟

    ہوا کچھ یوں کہ پاکستان اور زمبابوے کے میچ سے قبل گزشتہ روزگوگی چاسورا نامی ٹوئٹر صارف نے پی سی بی کی ٹوئٹر پوسٹ پر کمنٹ کیا کہ ‘بحیثیت زمبابوین ہم آپ کو معاف نہیں کریں گے، آپ نے ایک بار ہمیں مسٹر بین روون کے بجائے جعلی مسٹر بین دیا تھا، ہم یہ معاملہ کل حل کرلیں گے، بس دعا کریں کہ آپ کو بارش بچا لے’۔

    سنہ 2016 میں زمبابوے کے دارالحکومت ہرارے میں ایک عجیب و غریب واقعہ پیش آیا تھا جس میں ایک تقریب کے دوران پاکستانی مسٹر بین اصلی مسٹر بین بن کر گئے تھے۔

    اس تقریب کے دوران سب لوگ انہیں اصلی مسٹر بین سمجھتے رہے تاہم بعد میں پتہ چلا کہ یہ تو جعلی مسٹر بین ہیں۔

    کراچی سے تعلق رکھنے والے محمد آصف نامی مزاحیہ اداکار کو مسٹر بین (روون ایٹکنسن) کے ساتھ غیر معمولی مماثلت کے بعد پاکستانی مسٹر بین کہا جاتا ہے۔

    محمد آصف مسٹر بین کا روپ دھار کر مزاحیہ پروگرام اور اشتہارات کرتے ہیں۔

  • زمبابوے کے شہری کا پاکستان سے شکوہ، وجہ مسٹر بین

    زمبابوے کے شہری کا پاکستان سے شکوہ، وجہ مسٹر بین

    آئی سی سی ٹی 20 ورلڈ کپ میں پاکستان اور زمبابوے کے میچ سے قبل زمبابوے کے ایک شہری کے انوکھے شکوے نے ٹویٹر صارفین کو حیران کردیا۔

    آسٹریلیا میں جاری آئی سی سی ٹی 20 ورلڈ کپ میں جمعرات کو پاکستان اور زمبابوے کا میچ پرتھ میں شیڈول ہے، روایتی حریف بھارت سے ہارنے کے بعد ٹورنامنٹ میں اپنی جگہ برقرار رکھنے کے لیے پاکستان کرکٹ ٹیم کے لیے یہ میچ جیتنا بہت اہم ہے۔

    اسی سلسلے میں سماجی رابطوں کی ویب سائٹ ٹوئٹر پر ایک حیران کن گفتگو جاری ہے جس میں زمبابوے کے ایک شہری پاکستانیوں سے شکوہ کرتے نظر آرہے ہیں۔

    پاکستان کرکٹ بورڈ (پی سی بی) کی جانب سے قومی ٹیم سے متعلق ایک ٹویٹ کی گئی جس کے جواب میں ایک زمبابوین شہری نے کہا کہ ہم زمبابوین آپ کو معاف نہیں کریں گے، آپ نے ہمیں ایک بار مسٹر بین کی جگہ جعلی مسٹر بین بھیج دیا تھا، ہم کل یہ معاملہ حل کر لیں گے، صرف دعا کریں کہ کل بارش ہو۔

    اس کے جواب میں ایک پاکستانی صارف نے پوچھا کہ کیا ہوا بھائی؟ جس پر زمبابوین شہری نے کہا کہ انہوں (پاکستانیوں) نے ہماری مقامی زرعی تقریب کے لیے اصلی مسٹر بین کی جگہ پاکستانی مسٹر بین بھیج دیا تھا۔

    سنہ 2016 میں زمبابوے کے دارالحکومت ہرارے میں ایک عجیب و غریب واقعہ پیش آیا تھا جس میں ایک تقریب کے دوران پاکستانی مسٹر بین اصلی مسٹر بین بن کر گئے تھے۔

    اس تقریب کے دوران سب لوگ انہیں اصلی مسٹر بین سمجھتے رہے تاہم بعد میں پتہ چلا کہ یہ تو جعلی مسٹر بین ہیں۔

    کراچی سے تعلق رکھنے والے محمد آصف نامی مزاحیہ اداکار کو مسٹر بین (روون ایٹکنسن) کے ساتھ غیر معمولی مماثلت کے بعد پاکستانی مسٹر بین کہا جاتا ہے۔

    محمد آصف مسٹر بین کا روپ دھار کر مزاحیہ پروگرام اور اشتہارات کرتے ہیں۔

    زمبابوے کے شہری کی جانب سے کیے جانے والے اس شکوے پر صارفین بھی حیرت بھی مبتلا ہیں اور ٹویٹر پر تبصرے کر رہے ہیں۔

    ایک صارف نے لکھا کہ بھائی ہمیں انڈیا نے یہ فراڈ کرنے کا کہا تھا، ان کے خلاف بھی جارحانہ کھیلنا۔

    ایک شخص نے کہا کہ پلیز ہمیں معاف کر دو، میں نے بابر اعظم کو کال کی تھی، وہ بھی سوری کر رہے تھے اور معافی مانگ رہے تھے۔

    ایک اور صارف نے کہا کہ بھائی، یہ 50 فیصد تو اصلی بین کی طرح لگتے ہیں، پلیز اپنی ٹیم کو کہنا کہ کل ہمارے خلاف 50 فیصد کم جارحانہ کھیلے۔

    ایک صارف نے لکھا کہ ہم آپ کو مسٹر بین بھیج ہی کیسے سکتے تھے، وہ پاکستانی شہری نہیں ہے۔ کیا آپ کو نہیں پتہ کہ مسٹر بین دیکھنے میں کیسا لگتا ہے۔

    جس پر مذکورہ شخص نے جواب دیا کہ وہ شخص (نقلی مسٹر بین) اصل مسٹر بین کی تصویر دکھا کر آن لائن بھاؤ تاؤ کر رہا تھا۔

  • ہم سب کے پسندیدہ مسٹر بین کو خود اپنا کردار ناپسند کیوں ہے؟

    ہم سب کے پسندیدہ مسٹر بین کو خود اپنا کردار ناپسند کیوں ہے؟

    شہرہ آفاق مزاحیہ کردار مسٹر بین ہر عمر کے افراد کو بے حد پسند ہے، تاہم اسے ادا کرنے والے اداکار روون اٹکنسن اس کردار سے بے حد ناخوش ہیں۔

    برطانوی سٹ کام مسٹر بین میں مرکزی کردار ادا کرنے والے اداکار روون اٹکنسن نے حال ہی میں دیے گئے ایک انٹرویو میں اس کردار کے بارے میں اپنے تاثرات کا اظہار کیا۔

    65 سالہ اداکار نے بتایا کہ مسٹر بین کا کردار ان کے لیے نہایت تناؤ میں مبتلا کر دینے اور تھکا دینے والا ہے، انہوں نے اشارہ دیا کہ اب وہ کبھی یہ کردار ادا نہیں کریں گے۔

    اداکار کا کہنا تھا کہ یہ کردار ایک بہت بھاری ذمہ داری ہے جسے ادا کرنا ان کے لیے کسی بھی طرح خوشگوار نہیں۔ وہ اس کردار کو ادا کرتے ہوئے کبھی بھی لطف اندوز نہیں ہوئے۔

    مسٹر بین کی سیریز سنہ 1990 سے 1995 تک پیش کی گئی، اس کے بعد سنہ 1997 میں اس کی فلم بین مووی اور سنہ 2007 میں بینز ہالیڈے پیش کی گئی۔

    اب اس کی اینی میٹڈ فلم پر بھی کام جاری ہے، روون اٹکنسن کا کہنا ہے کہ اس کردار کو ادا کرنے کے بجائے صرف اس کے لیے اپنی آواز دینا نسبتاً آسان کام ہے۔

    انہوں نے بتایا کہ مسٹر بین کی مقبولیت حیران کن بات نہیں، ایک بالغ انسان کو بچوں جیسی حرکتیں کرتے دکھانا بنیادی طور پر ایک مزاحیہ بات ہے، یہ مزاح زبانی سے زیادہ ویژول ہے یہی وجہ ہے کہ یہ دنیا بھر میں مشہور ہے۔

  • مسٹر بین کو سالگرہ مبارک!

    مسٹر بین کو سالگرہ مبارک!

    بچوں اور بڑوں سب ہی کے پسندیدہ مسٹر بین یعنی روون اٹکنسن 65 برس کے ہوگئے، ان کی سیریز خاموش فلموں سے مماثلت رکھتی ہے جس میں وہ بغیر کچھ کہے صرف اپنی حرکتوں سے ناظرین کو ہنسنے پر مجبور کردیتے ہیں۔

    اپنی احمقانہ حرکتوں سے سب کو ہنسانے والے شہرہ آفاق کردار مسٹر بین کا کردار نبھانے والے روون اٹکنسن 65 برس کے ہوگئے۔ اسکرین پر احمقانہ اور مزاحیہ حرکتیں کرنے والے مسٹر بین حقیقی زندگی میں نہایت بردبار اور سنجیدہ ہیں۔

    آج ہم آپ کو مسٹر بین کی زندگی کے ایسے پہلو بتانے جارہے ہیں جنہیں جان کر یقین کرنا مشکل ہوجائے گا کہ یہ وہی لاابالی سے مسٹر بین ہیں۔

    مسٹر بین مشہور زمانہ آکسفورڈ یونیورسٹی سے الیکٹریکل انجینیئرنگ کی ڈگری لے چکے ہیں گویا حقیقی زندگی میں مسٹر بین ایک انجینیئر ہیں۔

    روون اٹکنسن نے صرف مسٹر بین کا کردار ہی ادا نہیں کیا بلکہ وہ مختلف شوز اور فلموں میں 50 کے قریب کردار ادا کرچکے ہیں اور سب میں اپنی صلاحیتوں کا لوہا منوا چکے ہیں۔

    ویسے تو مسٹر بین کو فلموں میں اپنی زرد کار سے بے حد محبت ہے جسے وہ سفر کرنے کے علاوہ دیگر کئی کاموں میں استعمال کرتے ہیں، تاہم حقیقی زندگی میں بھی مسٹر بین کو گاڑیوں کا بے حد شوق ہے اور ان کے پاس کئی بیش قیمت گاڑیاں موجود ہیں۔

    مسٹر بین کے برطانوی شاہی خاندان سے بھی بے حد قریبی تعلقات ہیں۔

    وہ اکثر و بیشتر مختلف تقریبات میں شہزادہ چارلس کی اہلیہ کمیلا پارکر کے ساتھ محو گفتگو نظر آتے ہیں جبکہ وہ شہزادہ ولیم اور کیٹ مڈلٹن کی شادی میں بطور مہمان بھی شریک تھے۔

    مسٹر بین کی اہلیہ سنیترا سستری برطانوی نشریاتی ادارے بی بی سی میں بطور میک اپ آرٹسٹ کام کرچکی ہیں، تاہم دونوں کے درمیان سنہ 2014 میں علیحدگی ہوگئی تھی۔

    مسٹر بین کی ایک بیٹی بھی ہے جو نہایت ہونہار اور ذہین ہے۔ للی اٹکنسن گلوکارہ اور سونگ رائٹر ہیں جبکہ وہ اپنے والد کے ساتھ کئی فلموں میں بھی جلوہ گر ہوچکی ہیں۔

    آپ کو یہ جان کر حیرت کا شدید جھٹکا لگے گا کہ اسکرین پر مزاحیہ نظر آنے والے مسٹر بین سیاست میں بھی خاصے متحرک ہیں۔

    جب مسٹر بین نے سینکڑوں افراد کی جان بچائی

    مسٹر بین نہ صرف بہترین اداکار اور انجینیئر ہیں بلکہ بے حد ذہین اور بلند حوصلہ انسان بھی ہیں۔ ایک بار وہ اپنے خاندان کے ساتھ کینیا کا سفر کر رہے تھے کہ دوران پرواز پائلٹ کا انتقال ہوگیا۔

    قریب تھا کہ جہاز اپنا توازن کھو بیٹھتا اور زمین سے جا ٹکراتا، مسٹر بین نے آگے بڑھ کر طیارے کا کنٹرول سنبھال لیا اور اسے بحفاظت لینڈ کروا کر سینکڑوں مسافروں کی جان بچالی۔

  • مسٹر بین کے انتقال کی خبر سے ہزاروں لوگوں کا نقصان

    مسٹر بین کے انتقال کی خبر سے ہزاروں لوگوں کا نقصان

    معروف مزاحیہ اداکار مسٹر بین یعنی روون اٹکنسن کے اچانک انتقال کی خبر نے ان کے مداحوں پر غم اور حیرت کے پہاڑ توڑ دیے، تاہم بعد ازاں ان کے انتقال کی خبر ایک ’وائرس‘ نکلی۔

    سماجی رابطے کی مختلف ویب سائٹس پر گردش کرنے والی خبر مداحوں کے لیے نہایت حیران کن تھی جس میں کہا گیا کہ ہالی ووڈ کے مشہور کردار مسٹر بین یعنی روون اٹکنسن انتقال کر گئے۔

    حیران و پریشان مداحوں نے جب مذکورہ خبر کو کھول کر تفصیلات جاننا چاہیں تو یکایک ایک خطرناک وائرس نے ان کے کمپیوٹر پر حملہ کردیا جس کے بعد کمپیوٹر کو سخت نقصان اٹھانا پڑا۔

    مسٹر بین کے انتقال کی خبر دراصل وائرس تھی جس نے چند گھنٹوں میں بے شمار افراد کے کمپیوٹرز کو متاثر کیا۔

    مزید پڑھیں: مسٹر بین کی زندگی کے وہ پہلو جن سے آپ واقف نہیں

    یہ پہلا موقع نہیں جب مسٹر بین کے انتقال کی افواہیں پھیلی ہوں، گزشتہ برس بھی ایک کار حادثے میں ان کی ناگہانی موت کی خبروں نے ان کے مداحوں کو ہلا کر رکھ دیا تاہم بعد ازاں یہ خبر جھوٹی نکلی۔

    رواں برس ہالی ووڈ کے ایک اور معروف اداکار سلویسٹر اسٹالون کے انتقال کی افواہوں نے بھی ان کے مداحوں کو پریشان کردیا تھا۔

    بعد ازاں اسٹالون نے اپنی تازہ ترین ویڈیو انسٹا گرام پر پوسٹ کرکے مداحوں کو اپنی خیریت کی اطلاع دی۔

    لوگوں کی توجہ کھینچ لینے والی خبر کے ذریعے وائرس کے پھیلاؤ کا یہ پہلا واقعہ ہے جس سے سینکڑوں افراد متاثر ہوئے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مسٹر بین کی زندگی کے وہ پہلو جن سے آپ واقف نہیں

    مسٹر بین کی زندگی کے وہ پہلو جن سے آپ واقف نہیں

    شہرہ آفاق کردار مسٹر بین بچوں اور بڑوں سب ہی کا پسندیدہ ہے۔ اپنی احمقانہ حرکتوں سے سب کو ہنسنے پر مجبور کردینے والے مسٹر بین کا کردار نبھانے والے اداکار روون اٹکنسن آج اپنی 63 ویں سالگرہ منا رہے ہیں۔

    اسکرین پر احمقانہ اور مزاحیہ حرکتیں کرنے والے مسٹر بین حقیقی زندگی میں نہایت بردبار اور سنجیدہ ہیں۔

    آج ہم آپ کو ان کی زندگی کا حقیقی رخ دکھانے جارہے ہیں جنہیں دیکھ کر آپ کو یقین کرنا مشکل ہوجائے گا کہ یہ وہی مسٹر بین ہیں جو اپنی الٹی سیدھی حرکتوں کے لیے مشہور ہیں۔

    اعلیٰ تعلیم یافتہ

    مسٹر بین مشہور آکسفورڈ یونیورسٹی سے الیکٹریکل انجینیئرنگ کی ڈگری لے چکے ہیں گویا حقیقی زندگی میں مسٹر بین ایک انجینیئر ہیں۔

    بہترین فنکار

    روون اٹکنسن نے صرف مسٹر بین کا کردار ہی ادا نہیں کیا بلکہ وہ مختلف شوز اور فلموں میں 50 کے قریب کردار ادا کرچکے ہیں اور سب میں اپنی صلاحیتوں کا لوہا منوا چکے ہیں۔

    مہنگی ترین گاڑیاں

    ویسے تو مسٹر بین کو فلموں میں اپنی زرد کار سے بے حد محبت ہے جسے وہ سفر کرنے کے علاوہ دیگر کئی کاموں میں استعمال کرتے ہیں، تاہم حقیقی زندگی میں بھی مسٹر بین کو گاڑیوں کا بے حد شوق ہے اور ان کے پاس کئی بیش قیمت گاڑیاں موجود ہیں۔

    شاہی خاندان سے تعلقات

    مسٹر بین کے برطانوی شاہی خاندان سے بھی بے حد قریبی تعلقات ہیں۔

    وہ اکثر و بیشتر مختلف تقریبات میں شہزادہ چارلس کی اہلیہ کمیلا پارکر کے ساتھ محو گفتگو نظر آتے ہیں جبکہ وہ شہزادہ ولیم اور کیٹ مڈلٹن کی شادی میں بطور مہمان بھی شریک تھے۔

    خوبرو اہلیہ

    مسٹر بین کی اہلیہ سنیترا سستری ایک نہایت دلکش اور خوبرو خاتون ہیں جو برطانوی نشریاتی ادارے بی بی سی میں بطور میک اپ آرٹسٹ کام کرچکی ہیں۔ تاہم دونوں کے درمیان سنہ 2014 میں علیحدگی ہوگئی تھی۔

    ہونہار بیٹی

    مسٹر بین کی ایک بیٹی بھی ہے جو نہایت ہونہار اور ذہین ہے۔ للی اٹکنسن گلوکارہ اور سونگ رائٹر ہیں جبکہ وہ اپنے والد کے ساتھ کئی فلموں میں بھی جلوہ گر ہوچکی ہیں۔

    سیاست میں متحرک

    آپ کو یہ جان کر حیرت کا شدید جھٹکا لگے گا کہ اسکرین پر مزاحیہ نظر آنے والے مسٹر بین سیاست میں بھی خاصے متحرک ہیں۔

    جب انہوں نے سینکڑوں افراد کی جان بچائی

    مسٹر بین نہ صرف بہترین اداکار اور انجینیئر ہیں بلکہ بے حد ذہین اور بلند حوصلہ انسان بھی ہیں۔ ایک بار وہ اپنے خاندان کے ساتھ کینیا کا سفر کر رہے تھے کہ دوران پرواز پائلٹ کا انتقال ہوگیا۔

    قریب تھا کہ جہاز اپنا توازن کھو بیٹھتا اور زمین سے جا ٹکراتا، مسٹر بین نے آگے بڑھ کر طیارے کا کنٹرول سنبھال لیا اور اسے بحفاظت لینڈ کروا کر سینکڑوں مسافروں کی جان بچالی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سابق وزیراعظم اور مسٹر بین ایک ہی اسکول کے ساتھی

    سابق وزیراعظم اور مسٹر بین ایک ہی اسکول کے ساتھی

    لندن: برطانیہ کے مزاحیہ اداکار مسٹربین کے بارے میں انکشاف ہوا ہے کہ وہ اور برطانیہ کے سابق وزیراعظم ٹونی بلیئر  ایک ساتھ ایک ہی اسکول میں ساتھ تعلیم حاصل کرتے تھے۔

    تفصیلات کے مطابق برطانیہ کے مزاحیہ اداکار مسٹربین جو بغیر کوئی ڈائیلاگ بولے لوگوں کو ہنسانے کا فن بخوبی جانتے ہیں اُن کا حقیقی نام روون ایٹکنسن ہے۔

    مسٹربین سے شہرت پانے والے اس برطانوی فنکار کو دنیا بھر میں پذیرائی ملی تاہم بہت کم ہی لوگ ان کی زندگی کے بارے میں جانتے ہیں، لوگوں کے چہروں پر مسکراہٹیں بکھیرنے والے فنکار کے مداح لاکھوں کی تعداد میں دنیا بھر میں موجود ہیں۔

    روون ایٹکنسن کے چار بھائی ہیں جن میں اُن کا نمبر سب سے آخری ہے، بچپن سے ایٹکنسن کو ہلکلانے کی بیماری تھی تاہم گھر والوں کی بے پناہ توجہ کے باعث انہوں نے اپنی اس بیماری پر خاصی حد تک قابو پالیا۔

    برطانیہ کے سابق وزیراعظم ٹونی بلیئر اور مسٹر بین نے ایک ہی اسکول سے تعلیم حاصل کی اور دونوں اسکول کے ساتھی تھے، روون نے ابتدائی تعلیم حاصل کرنے کے بعد کوئینز کالج آکسفورڈ سے انجنیئرنگ کی ڈگری حاصل کی اور ماسٹرز کی تعلیم کے دوران ہی انہیں اپنے اندر چھپا فنکار مل گیا جس کے بعد انہیں مسٹر بین کے نام سے دنیا بھر میں شہرت حاصل ہوئی۔

    ایٹکنسن کو یہ اعزاز حاصل ہے کہ انہوں نے دوران پرواز پائلٹ کی طبیعت خراب ہونے پر جہاز کو باحفاظت لینڈ کروایا باوجود اس کے کہ انہیں جہاز اڑانے کا کوئی تجربہ حاصل نہیں تھا۔ لوگوں کے لبوں پر مسکراہٹیں بکھیرنے کیوجہ سے مسٹر بین کو سن 2013 میں ملکہ برطانیہ کی سالگرہ کی تقریب کے موقع پر اعلیٰ ترین اعزاز سے بھی نوازا گیا۔

    ویڈیو دیکھیں

  • مسٹربین اپنی 25 ویں سالگرہ منارہے ہیں

    مسٹربین اپنی 25 ویں سالگرہ منارہے ہیں

    برطانیہ کے مزاحیہ اداکارٍ روون اٹکنسن جو کہ اپنے مداحوں کو کئی سال سے مسٹربین کے نام سے لبھاتے آرہے ہیں اپنے اس دلچسپ کردارکی 25 سالہ سالگرہ منانے رہے ہیں۔

    مسٹر بین اپنے کردار کی 25 ویں سالگرہ منانے کے لئے اپنی منفرد گاڑی ’’منی‘‘ میں سوار ہوکر پبلک میں آگئے اور انکی یہ دلچسپ گاڑی ہمیشہ کی طرح تمام لوازمات سے لیس تھی۔


    سن 1990 سے دنیا بھر کے ٹی وی ناظرین کی توجہ کا مرکز یہ کردار اپنی سالگرہ منانے کے لئے لندن کے بکنگھم پیلس، دی مال اور ہیروڈز کے علاقوں میں گھومتے رہے۔

    اس موقع پرٹویٹرصارفین نے بھی ان کی اوران کے کھلونوں کی تصاویرشیئرکیں۔

  • کامیڈین مسٹر بین کے شو کو پچیس سال مکمل

    کامیڈین مسٹر بین کے شو کو پچیس سال مکمل

    عالمی شہرت یافتہ کامیڈین مسٹر بین کے شو کو پچیس سال مکمل ہو گئے، اس خوشی میں بکنگھم پیلس میں جشن منایا گیا۔

    مسٹر بین کا کمال کچھ نہ کہنا اور پھر بھی ہنسا دینا ہے ،چہروں پر ہنسی بکھیرنے کے عمل کو پچیس سال مکمل ہو گئے۔

    bean 2

    چھوٹی سی سبز رنگ کی گاڑی، چھت پررکھا براسا صوفہ،ہاتھ میں بڑی سی جھاڑن اورگود میں رکھا پیاراسا ٹیڈی بیئر۔ ان سب لوازمات کےساتھ مسٹر بین اپنے کیرئیرکی پچیسویں سالگرہ منانے برطانوی شاہی محل بکھنگم پیلس پہنچے،جہاں اپنے منفرد انداز میں وفادار دوست ٹیڈی کے ساتھ شاندار انٹری دی، اور پورے شہر کا گشت بھی کیا۔

    تحائف سے بھری گاڑی کی چھت پر شاہانہ انداز میں صوفے پر بیٹھے مسٹر بین اپنے شو میں کیا گیا مظاہرہ دہراتے نظر آئے، مسٹر بین نے خوشی کے موقع پر کیک بھی کاٹا،عجیب و غریب حرکتوں سے قہقے بکھیرنے والے مسٹر بین نے کیریئر کا آغاز انیس سو نوے میں برطانیہ سے کیا۔

    مسٹر بین کا کردارنبھانے والے رووان ایٹکنسن نے 1990 میں کامیڈی ڈرامہ سیریز سے اپنی اداکارنہ زندگی کا آغاز کیا ،انکا یہ کردار دنیا بھر میں بے حد مقبول ہوا۔جس سے دنیا بھر میں انکے چرچے ہونے لگے۔