پشاور: شہدائے آرمی پبلک اسکول کا چہلم آج منایا جا رہاہے خیبرپختونخوا اورفاٹا میں عام تعطیل کااعلان کیاگیاہے، چہلم کی مرکزی تقریب وزیراعلیٰ ہاؤس میں ہوگی۔
گرفتہ دلوں، نمناک آنکھوں، آہوں اورسسکیوں میں سانحہ پشاورکے شہدا کاچہلم آج منایاجائےگا، معصوم شہداکے والدین سےاظہاریکجہتی کیلئے خیبرپختونخوا اورفاٹامیں عام تعطیل ہوگی۔
تعلیمی ادارے اورسرکاری دفاتربند رہیں گے وزیراطلاعات خیبرپختونخوا کہتے ہیں شہدا کی مغفرت کیلئےہرضلع میں قرآن خوانی کااہتمام کیاجائےگا۔
چہلم کی مرکزی تقریب وزیراعلیٰ ہاؤس میں ہوگی جس میں شرکت کیلئےوالدین کودعوت نامے جاری کردیئے گئے ہیں ،وزیراطلاعات خیبرپختونخوا نےعمران خان کی پشاورآمد پراحتجاج کرنے والے والدین سے معذرت بھی کی ہے،جس کے بعد شہید طلبہ کے ورثہ نے تقریب میں شرکت کی حامی بھرلی ہے۔
عمران خان بھی چہلم کی تقریب میں شریک ہوں گے اورشہدا کے والدین سے ملاقات کریں گے۔ خیبرپختونخوا کے سینتیس اسکولوں کو شہدا کے نام سے منسوب کردیاگیاجن کاباقاعدہ اعلان تقریب میں کیاجائےگا۔
