ARYNews.tv | Urdu – Har Lamha Bakhabar

Tag: MUBASHER LUCMAN

  • مبشرلقمان توہین عدالت کیس کی سماعت بارہ دسمبر تک ملتوی

    مبشرلقمان توہین عدالت کیس کی سماعت بارہ دسمبر تک ملتوی

    اسلام آباد: سپریم کورٹ نے مبشر لقمان توہین عدالت کیس کی سماعت بارہ دسمبر تک ملتوی کر دی ، عدالت نے اے آر وائی کے چیف ایگزیکٹو سلمان اقبال کی عدالت میں حاضری سے استثنا ء کی درخواست بھی منظور کر لی ہے اے آر وائی کے وکیل عرفان قادر نے عدالت کی توجہ بعض اخبارات میں عدالت کی گزشتہ روز کی کارروائی کی غلط رپورٹنگ کی جانب بھی مبذول کروائی۔

    تفصیلات کے مطابق جسٹس اعجاز افضل کی سربراہی میں تین رکنی بینچ نے مبشر لقمان توہین عدالت کیس  کی سماعت کا آغاز کیا تو اے آر وائی کے وکیل عرفان قادر نے عدالت کو بتایا کہ سپریم کورٹ نے اے آر وائی کی انٹرا کورٹ اپیل کا تحریری فیصلہ اب تک جاری نہیں کیا ہے جس میں لارجر بینچ نے قراردیا تھا کہ اپیل میں اٹھائے گئے نکات ٹرائل کورٹ میں اٹھائے جا سکتے ہیں ۔

    عرفان قادر ایڈووکیٹ نے استدعا کی کہ مقدمے کی سماعت اپیل کا تحریری فیصلہ جاری ہونے تک ملتوی کر دی جائے تاکہ اپیل کے فیصلے کی روشنی میں دلائل دیئے جا سکیں۔

    عرفان قادر نے اے آر وائی کے چیف ایگزیکٹو کی عدالت میں ایک روز کی حاضری سے استثنا کی درخواست بھی پیش کی اور کہا کہ وہ اور ان کے مؤکلان عدالت کا احترام کر تے ہیں لیکن کل ان کی (عرفان ) قادر کی عدم حاضری سے عدالت میں غلط تاثر پیدا ہوا ۔

    جس کی عدالت چاہے وہ تفصیلی وجوہات پیش کر سکتے ہیں جس سے عدالت کی تشفی ہو جائے گی، عدالت نے عرفان قادر ایڈووکیٹ کی گذارشات سننے کے بعد مقدمے کی مزید سماعت بارہ دسمبر تک ملتوی کر دی ہے۔

  • شہبازشریف کومنانےکےلیےبیس لاکھ طلب کئے،عاصم ملک

    شہبازشریف کومنانےکےلیےبیس لاکھ طلب کئے،عاصم ملک

    کراچی:فیوچر کنسرن کےمالک عاصم ملک کہتےہیں کہ سترہ سال میں ان کے خلاف ایک کیس بھی نہیں بنا وزیراعلی پنجاب اور رانا مشہود کےمطالبات نہیں مانے تو ایک دن میں پینتیس کیس دائرکر دیئےگئے اور کاروبارمیں نقصان پہنچانےکی دھمکیاں دی گئیں۔

    فیوچر کنسرن کےمالک عاصم ملک نے اے آر وائی نیوز کے پروگرام ’’کھراسچ ‘‘ میں انکشافات کرتے ہوئے کہا کہ رانا مشہود نےمیری اہلیہ کی مقبولیت سے خائف ہوکر ن لیگ میں شمولیت اختیارکرنے کاکہااور پنجاب اسمبلی میں مدرسوں میں جدیدتعلیم دینے کی قراردادسے پیچھے ہٹنے کامطالبہ کیا،انکار کی صورت میں مجھےکاروباری نقصان پہنچانے کی دھمکی دی گئی۔

    عاصم ملک کا اپنی گفتگو میں انکشاف کرتے ہوئے کہنا تھا کہ رانا مشہود نےبتایا کہ آپ کے انکار پرشہبازشریف ناراض ہیں شہبازشریف کومنانےکےلیےبیس لاکھ طلب کئے اور برطانیہ جا کرعمران خان کے خلاف ثبوت لانے کا مطالبہ کیا۔

    رانا مشہود کے بار بار مطالبات سےتنگ آکر کہا کہ میری ملاقات وزیراعلیٰ سے کروادیں وہ خودکہ دیں تو مطالبات پورے کر دونگا،ملاقات میں شہبازشریف نےکہاجو رانامشہود کہہ رہیں وہ کریں۔

    عاصم ملک نے پروگرام کھرا سچ میں بتایا کہ مطالبات نہ ماننے پر رانامشہود نے میرے خلاف ہائی کورٹ میں پٹیشن دائرکی،اس موقع پرعاصم ملک یہ بھی کہا کہ رانامشہود حلف اٹھا کرکہہ دیں کہ ویڈیو جعلی ہے تو پیچھے ہٹ جاونگا۔

  • صدرکادورہ پاکستان شیڈول ہی نہیں تومنسوخی کیسی،چینی وزارت خارجہ

    صدرکادورہ پاکستان شیڈول ہی نہیں تومنسوخی کیسی،چینی وزارت خارجہ

    کراچی:چینی صدرکےدورے کی تاریخ طےنہیں تھیں،چینی وزارت خارجہ کا کہنا ہے باضابطہ طورپر چین کےصدر کےدورے کی تفصیلات جاری ہی نہیں کیں۔

    اے آروائی نیوز کے پروگرام کھرا سچ میں حکومت کےجھوٹ کاپردہ چاک ہوا،حکومت نے واویلامچارکھا تھا کہ دھرنوں کی وجہ سے چین کےصدرنےدورہ پاکستان منسوخ کردیا اورپاکستان اربوں ڈالرکی سرمایہ کاری سےمحروم ہوگیا۔لیکن چینی دفترخارجہ کے مطابق چینی صدرکے دورے سے متعلق تفصیلات جاری نہیں کی گئیں،چین اورپاکستان گہرے دوست ہیں چینی صدر کا دورہ پاکستان ملتوی یامنسوخ ہونےکاسوال ہی پیدا نہیں ہوتا،

    عمران خان کہتے ہیں حکمرانوں نےچینی صدرکے دورےکےحوالےسے ڈرامارچایا، انہونے کہا وزیراعظم اوران کے وزرا اسمبلی میں بھی جھوٹ بولتے ہیں۔