Tag: Mubashir Lucman

اسلام آباد: اےآر وائی نیوز کے پروگرام ’کھرا سچ‘ کے میزبان اور سینئر اینکر پرسن مبشر لقمان نے انکشاف کیا ہے کہ پشتون خواہ ملی عوامی پارٹی کے رہنماء محمود خان اچک زئی نے مبینہ طور پر افغان انٹیلیجنس سے لاکھوں ڈالروصول کئے۔

مبشر لقمان نے ایک ویڈیو اے آروائی نیوز پر نشر کی جس میں واضح طور پر دیکھا جاسکتا ہے کہ افغان انٹیلیجنس کا بدنامِ زمانہ کمانڈرمیجر جنرل عبدالرازق اچک زئی جو کہ پاکستان توڑنے کی سازشوں میں مشغول رہتا ہے کس طرح پاکستان کی آرمی کے خلاف سازش کررہا ہے، اس پریہ الزامات بھی ہیں کہ وہ را کے ایجنٹوں کو دہشت گردی کی نیت سے پاکستان میں داخل کراتا ہے

Mehmood Achak Zai allegedly receives aid from… by arynews

مبشر لقمان نےتصاویر بھی نشر کیں کہ جن میں محمود خان اچک زئی کو افغان انٹیلیجنس کے اس بدنام ِ زمانہ افسر کے ساتھ واضح طور پر دیکھا جاسکتا ہے۔

اس کے علاوہ دو لینڈ کروزر گاڑیوں کی تصاویر بھی دکھائیں گئیں جو کہ مبینہ طور پر افغان انٹیجنس کی جانب سے محمود خان اچک زئی کو دی گئیں۔ ساتھ ہی ساتھ یہ بھی الزام ہے کہ افغان حکومت نے محمود اچک زئی کی الیکشن 2013 میں مالی مدد کی۔

مبینہ طور پر تیس لاکھ ڈالر الیکشن جیتنے کے لئے افغان حکومت نے فراہم کئے اور ساتھ ہی ساتھ چمن کے تاجروں پر بھی دباوٗ ڈالا گیا کہ وہ محمود خان اچک زئی کی حمایت کریں۔