Tag: MUFTA ISMAIL

اسلام آباد : وزیر خزانہ مفتاح اسماعیل نے عوام کو خوشخبری سناتے ہوئے کہا پٹرولیم مصنوعات آج ہی سستی کی جائیں گی ،مشکل وقت کے بعد قوم کو ریلیف دینے کا وقت آگیا ہے۔

تفصیلات کے مطابق وزیر خزانہ مفتاح اسماعیل نے میڈیا سے غیر رسمی بات چیت کرتے ہوئے کہا کہ پٹرولیم مصنوعات آج ہی سستی کی جائیں گی، وزیراعظم عوام کو فوری ریلیف دینا چاہتے ہیں۔

وزیر خزانہ کا کہنا تھا کہ پیٹرولیم مصنوعات سستا کرنے کی سمری مل گئی ہے، نئی قیمتوں کیلئے 15جولائی کاانتظار نہیں کیا جائے گا۔

مفتاح اسماعیل نے کہا کہ آئی ایم ایف کیساتھ معاہدہ پوری قوم کی مبارک باد پیش کرتے ہوئے کہا آئی ایم ایف کوپٹرولیم مصنوعات سستی کرنے پر اعتراض نہیں۔

ان کا کہنا تھا کہ قوم مشکل فیصلوں میں وزیراعظم شہباز شریف کے ساتھ کھڑی رہی، پوری قوم نے مشکل فیصلوں میں حکومت کا ساتھ دیا ہے۔

وزیر خزانہ نے مزید کہا کہ قوموں پر مشکل وقت آتے ہیں ،پاکستانی قوم بحرانوں کوسمجھتی ہے، اب مشکل وقت کےبعدقوم کوریلیف دینے کا وقت آگیا۔

خیال رہے پاکستان اور آئی ایم ایف کے درمیان معاہدہ طے پا گیا اور آئی ایم ایف پاکستان کو ایک ارب سترہ کروڑڈالردینے پر رضا مند ہوگیا ہے۔

آئی ایم ایف نے پاکستان کو اضافی اقدامات کے لیے تیار رہنے کی ہدایت کرتے ہوئے کہا کہ ساتویں اور آٹھویں جائزے کے معاملات طے پاگئے ہیں تاہم حتمی منظوری بورڈ اگست میں دے گا۔

اعلامیے میں کہا گیا کہ پاکستان کو طلب و رسد پر مبنی ایکسچینج ریٹ کا تسلسل برقرار رکھنا ہوگا جبکہ مستعد مانیٹری پالیسی اور سرکاری اداروں کی کارکردگی بہتر بنانا ہوگی۔

آئی ایم ایف نےپاکستان کےمعاشی اصلاحاتی پروگرام کی تعریف بھی کی اور ایک ارب سترہ کروڑڈالرکیلئےپاکستان کو حالیہ بجٹ پرسختی سے عملدرآمدکولازمی قراردیا۔

عالمی مالیت فنڈ کے مطابق توسیعی پروگرام کے تحت چارارب بیس کروڑ ڈالر مزید فراہم کیے جائیں گے، جون تک یہ رقم سات ارب ڈالر کردی جائے گی۔

آئی ایم ایف کے مطابق ہر ماہ دس روپے پٹرولیم ڈیولیپمنٹ لیوی لگائی جائے گی، پینتالیس فیصد گیس کی قیمت بڑھائی جائے گی جبکہ نیب لا کیلئےکمیٹی بنائی جائےگی جونیب قوانین پرعمل درآمد کی نگرانی کرے گی۔

اسلام آباد : وفاقی حکومت نے کھاد کی قلت اورسبسڈی میں بےضابطگیوں پر کمیشن بنانے کا اعلان کرتے ہوئے کہا ایک خط دکھانا چاہتا ہوں جو عمران خان کی نااہلی اور بدعنوانی کا ثبوت ہے۔

تفصیلات کے مطابق وزیر خزانہ مفتاح اسماعیل نے کابینہ اجلاس کے بعد میڈیا سے گفتگو کرتے ہوئے کہا کہ یہ خط دکھانا چاہتا ہوں جو ظاہر کرتا ہے عمران خان نااہل ہے، میں یہ خط چھپا کر گھر نہیں لےجاؤں گا پورا پڑھ کر سناؤں گا، یہ خط عمران خان کی نااہلی اور بدعنوانی کا ثبوت ہے۔

مفتاح اسماعیل کا کہنا تھا کہ ترقی کی شرح نواز دور میں 6.1 فیصد تھی ، یہ اپنے پہلے سال میں ترقی کی شرح 1.9 فیصد نیچے لے آئے، ان کی حکومت کے دور میں ترقی کی شرح دوسرے سال میں منفی ہوگئی۔

خسارے کے حوالے سے وزیر خزانہ نے بتایا کہ ہمارا خسارہ 1600ارب روپے تھا، سابقہ حکومت کا صرف اس سال مجموعی خسارہ 5600 ارب روپے ہوگا۔3

ان کا مزید کہنا تھا کہ پونے 4 سال میں خان صاحب نے 20 ہزار ارب روپے سے زائد قرضہ لیا اور اور پھر بھاشن بھی دیتےہیں، ن صاحب  کی نااہلی کی وجہ سے ساڑھے7کروڑ لوگ آج غربت کی لکیرسے نیچے پہنچ گئے۔

سابق حکومت کے حوالے سے مفتاح اسماعیل نے کہا کہ انھوں نے ایک اینٹ نہیں لگائی ان کےدورمیں پیش صرف تختیوں پر خرچ ہوا، نواز شریف کی تصویر اتار کر اپنی لگائی، شہبازشریف کی تصویر ہٹاکر بزدار کی لگالی، ن صاحب کی نااہلی کی وجہ سے ساڑھے 7 کروڑ لوگ آج غربت کی لکیرسے نیچے پہنچ گئے۔

وزیر خزانہ نے بتایا کہ یہ درست ہے کہ ن لیگ کرنٹ اکانٹ خسارہ زیادہ چھوڑ کر گئی تھی، 2018 میں ن لیگ حکومت ختم ہوئی تو سرکلر ڈیٹ ایک ہزار ارب روپے تھا، انھوں نے کبھی ایک پیسہ قرض واپس نہیں کیا صرف قرض بڑھایا ہے۔

انھوں نے مزید کہا کہ چین سے ادھار آپ نے لیا تھا اس کا تحریک عدم اعتماد سے کیا تعلق تھا، تنقید ضرور کریں مگر ایسی بات نہ کریں جس پر لوگ تمسخر اڑائیں۔

سابق حکومت کی جانب پیٹرول سستا کرنے کے حوالے سے مفتاح اسماعیل کا کہنا تھا کہ سے خان صاحب جیب سے پیسے نہیں دے رہے تھے، پیٹرول سستا کرنا بڑی بات نہیں تھی، اپنی لینڈر کروز میں 80 لیٹر پیٹرول ڈلواؤ تو حکومت مجھے 1680روپے سبسڈی دے رہی ہے، یہ تنخواہ دار طبقے کا پیسہ ہے،یہ سبسڈی مفتاح اسماعیل کو مل رہی ہے۔

وزیر خزانہ نے مزید کہا کہ عمران خان نے جو اعلان کیا نہ وہ بجٹ اور نہ ای سی سی میں ریلیف کا ذکر تھا، بغیرسمری کے خان صاحب نے ایک قلم سے پیٹرول ،ڈیزل سستا کردیا، عمران خان نے ہماری حکومت کو مشکل ہو اس لئے پیٹرول ،ڈیزل سستا کیا۔

بجلی بحران سے متعلق ان کا کہنا تھا کہ ساڑھے7 ہزار میگاواٹ کے پاورپلانٹس بند ہیں اس لئے لوڈشیڈنگ ہورہی ہے، 5500 میگا واٹ کے پلانٹ صرف فیول ، پیٹرول کی کمی پر بند ہیں، 2000 میگا واٹ کے پلانٹ مین ٹیننس کی وجہ سے بند ہیں، ان کے پاس مینٹیننس کے پیسے نہیں تھے اس لئے پلانٹ خراب ہوگئے۔

وفاقی وزیر نے کہا کہ پیٹرول پر سبسڈی کا نقصان غریب پر پڑتاہے، کس کس نے بد عنوانی کی کمیشن بنا کر رپورٹ سامنے رکھیں گے۔

آئی ایم ایف پروگرام کے حوالے سے ان کا کہنا تھا کہ انشااللہ ایسا کوئی طریقہ نکالیں گے آئی ایم ایف پروگرام بحال ہوجائے، بجٹ ڈسپلن واپس لائیں گے ، عوام اور ترقی دوست بجٹ دیں گے۔

مفتاح اسماعیل نے کہا کہ اب انشااللہ روپیہ مستحکم رہے گا ،مزید کم نہیں ہوگا، اچھی مینجمنٹ سے جوکرسکتے ہیں کریں گے ، مہنگائی بھی کم کریں گے۔

وفاقی وزیر کا کہنا تھا کہ عمران خان کی حکومت باربار ایل این جی خریدنا بھول جاتی تھی، انشااللہ ہم اگلے دو سے 4 ماہ میں ایل این جی سےمتعلق لانگ ٹرم سودے کریں گے اور دو سے تین ماہ میں بجلی گیس بحران سمیت مہنگائی بھی کم ہوگی۔