Tag: Muhammad Amir

ولینگٹن: نیوزی لینڈ کرکٹ بورڈ نے عامر کی آمد پر اناونسر کی جانب سے کیش مشین کی آواز چلانے پر پاکستان سےمعافی مانگ لی۔

ولینگٹن میں تیسرے ٹی ٹوئنٹی کےدوران جب عامرگراونڈ میں داخل ہوئے تو اناونسرنے کیش مشین کی آواز چلائی جس سے بدمزگی پیداہوئی۔ نیوزی لینڈکرکٹ بورڈ کے چیف ایگزیکٹیو ڈیوڈ وائیٹ نے اناونسر کو تنبیہ کی، اناونسر نے اس معاملے پر پاکستان ٹیم منجیمنٹ سے معافی مانگ لی۔

ڈیوڈ وائیٹ کا کہنا تھا کہ اناونسرکارویہ درست نہیں تھا اسے سخت وارننگ جاری کردی گئی ہے مستقبل میں اس طرح کے واقعات کا سامنا نہیں کرنا پڑے گا۔

ویلنگٹن: نیوزی لینڈ کرکٹ کے چیف ایگزیکٹو ڈیوڈ وائٹ نے بھی محمد عامر کی ٹیم میں شمولیت کی حمایت کردی۔

پاکستان نہیں بیرون ملک سے بھی محمد عامر کے حق میں آواز بلند ہونا شروع ہوگئیں، محمد عامر کی انٹرنیشنل کرکٹ میں واپسی کے درمیان اب ایک ہی رکاوٹ حائل ہے وہ نیوزی لینڈ کا ویزہ ہے جو اب نیوزی لینڈ کرکٹ کے چیف ایگزیکٹو ڈیوڈ وائٹ کے بیان کے بعد اور بھی آسان ہوگیا، ڈیوڈ وائٹ نے فاسٹ بولر عامر کی ٹیم میں شمولیت کی حمایت کردی ہے۔

ان کا کہنا ہے کہ آئی سی سی نے محمد عامر کو کلئیر کیا، پی سی بی نے عامر کو ٹیم میں شامل کیا، نیوزی لینڈ بورڈ کو اس پر کوئی اعتراض نہیں، عامر نے چھوٹی سی عمر میں مشکل حالات کا سامنا کیا، اپنی غلطی مانی اور سزا بھی مکمل کی، اب عامر کے نیوزی لینڈ میں نہ کھیلنے کا کوئی جواز نہیں بنتا۔

نیوزی لینڈ کے بالنگ کوچ دمتری میسکریناس بھی عامر کی تعریف کئے بغیر نہ رہ سکے، کہتے ہیں عامر بے مثال بولر ہے، لیف آرم پیسر کے خلاف کھیلنے کا انتظار ہے۔

لاہور: نیوزی لینڈ کرکٹ نے بھی فاسٹ بولر محمد عامر کو کلین چٹ دے دی، انکا کہنا ہے کہ عامر کی نیوزی لینڈ آنے پر کسی کو کوئی اعتراض نہیں۔

پانچ سال کی پابندی کے بعد محمد عامر تیزی سے قومی ٹیم میں شامل ہونے کے قریب ہیں، پاکستان میں تو سب ہی عامر کو دوبارہ کھیلتے دیکھنا چاہتے ہیں۔ نیوزی لینڈ میں بھی فینز ان کا بے صبری سے انتظار کر رہےہیں۔

نیوزی لینڈ کرکٹ کے حکام کا کہنا ہے کہ محمد عامر کے نیوزی لینڈ آنے پر کوئی اعتراض نہیں، محمد عامر آئی سی سی سے کلیئر ہیں اس لئے انہیں کرکٹ سے نہیں روکا جاسکتا۔

نیوزی لینڈ میڈیا بھی فاسٹ بولر محمد عامر کے حوالے سے خاصہ اشتیاق رکھتا ہے۔