ایڈلیڈ : پاکستان ٹیم کے بولنگ کا شعبہ محمد عرفان کی وجہ سے مضبوط سمجھا جاتا ہے،ان کی غیر موجودگی میں کس بولر پر زیادہ دباؤ ہوگا۔
پاکستان ٹیم کو دھچکا لگ گیا۔ فاسٹ بولر محمد عرفان ورلڈ کپ سے باہر ہوگئےہیں ۔ انجریز کے سبب پہلے ہی قومی ٹیم پریشان تھی اب فاسٹ بولر محمد عرفان کے ان فٹ ہونے سے مشکلات میں مزید اضافہ ہوگیا۔
کوارٹر فائنل میں کڑا امتحان آسٹریلیا سےہے جو تیز وکٹوں پر فاسٹ بولرز کے چھکے چھڑانا جانتی ہے۔ اب کون سا بولر عرفان کی غیر موجودگی میں ذمہ داری اٹھائے گا۔
وہاب ریاض جو ابھی تک چودہ وکٹیں حاصل کرچکے ہیں سہیل خان ناتجربہ کار تو ہیں لیکن گیارہ وکٹیں لے کر ان کی کارکردگی تسلی بخش ہے۔
راحت علی نے وکٹیں تو صرف چارلیں لیکن نپی تلی لائن اور لینتھ سے بیٹسمینوں کو پریشان ضرور کیا۔ احسان عادل وکٹوں کی دوڑ میں پیچھے ضرور ہیں مگر وہ بھی ذمہ داری اٹھانے کیلئے بے تاب ہونگے۔
ماہرین تو یاسر شاہ کو آسٹریلیا کے خلاف ٹرم کارڈ کہہ رہے ہیں جو بھی پلیئنگ الیون میں شامل ہو جیت کیلئے اپنا کردار نبھائے تاکہ ورلڈ کپ میں پاکستان کا سفر برقرار رہ سکے۔
