Tag: Muhammadu buhari

  • نائیجیریا کے سابق صدر محمد بوہاری چل بسے

    نائیجیریا کے سابق صدر محمد بوہاری چل بسے

    14 جولائی 2025: نائیجیریا کے سابق صدر محمد بوہاری 82 سال کی عمر میں انتقال کرگئے۔

    غیر ملکی ذرائع ابلاغ کے مطابق نائیجرین صدراتی دفتر کا اس حوالے سے کہنا ہے کہ سابق صدر بوہاری کا انتقال لندن میں ہوا، ان کے انتقال کی اہلِ خانہ نے تصدیق کر دی۔

    رپورٹس کے مطابق محمد بوہاری 2015ء سے 2023ء تک نائیجیریا کے صدر رہے۔

    اُنہوں نے 1983ء سے 1985ء تک نائیجیرین فوج کے سربراہ کی حیثیت سے بھی امور انجام دیے۔

    نائجیریا میں موسلادھار بارشوں سے تباہی:

    نائجیریا میں گزشتہ ماہ موسلادھار بارشوں کے بعد سیلاب نے تباہی مچادی تھی، مختلف حادثات میں دو سو سے زائد افراد ہلاک ہوئے تھے۔

    وسطی نائیجیریا کے مختلف علاقوں میں شدید بارشوں کے بعد سیلاب نے نظام زندگی درہم برہم کردیا تھا، کم از کم 200 سے زائد افراد ہلاک ہوئے۔

    نائیجیریا میں مسلح افراد کی فائرنگ سے 30 مسافر جان سے گئے

    رپورٹس کے مطابق اس تباہی میں پانچ سو سے زائد افراد لاپتا ہیں، سیلاب سے نائیجریا کا وسطی علاقہ موکوا زیادہ متاثر ہوا، اس علاقے میں یہ 60 سال کے دوران کا سب سے خطرناک سیلاب ہے، جس میں سیکڑوں مکانات اور دو پل بہہ گئے، ہزاروں افراد بے گھر ہوئے۔

    نائیجراسٹیٹ ایمرجنسی مینجمنٹ ایجنسی کا کہنا ہے سیلاب نے 3 ہزار سے زائد افراد کو بے گھر کردیا ہے، امدادی سرگرمیاں جاری ہیں۔

  • نائجیریا: ٹوئٹر نے صدر مملکت کا ٹوئٹ ڈیلیٹ کر دیا

    نائجیریا: ٹوئٹر نے صدر مملکت کا ٹوئٹ ڈیلیٹ کر دیا

    ابوجہ: سماجی رابطوں کی ویب سائٹ ٹوئٹر نے نائجیریا کے صدر کا ٹوئٹ پالیسی کے خلاف قرار دیتے ہوئے ڈیلیٹ کر دیا۔

    تفصیلات کے مطابق ٹوئٹر نے کمپنی کے قانون کی خلاف وزری کا حوالہ دے کر نائجیریا کے صدر محمدو بوحاری کا منگل کو کیا گیا ایک ٹوئٹ حذف کر دیا ہے، ٹوئٹ میں بوحاری نے ملک کے جنوب مشرقی علاقے کی صورت حال پر مخالفین کے لیے دھمکی آمیز زبان استعمال کی تھی۔

    محمد بوحاری کا یہ ٹوئٹ ایک ایسی صورت حال میں سامنے آیا تھا جب ملک میں علیحدگی پسندی کے جذبات اور تشدد کا رجحان تیزی سے بڑھ رہا ہے، صدر نے ٹوئٹ میں ریاست بیافرا کے حامیوں کو سیکیورٹی حکام اور حکومت پر بڑھتے حملوں پر سزا دینے کی دھمکی دی تھی۔

    بوحاری نے ٹوئٹ میں لکھا تھا کہ بیافرا خانہ جنگی کے دوران جو تباہی اور ہلاکتیں ہوئیں، انھیں سمجھنے کے لیے آج یہ برا سلوک کرنے والے ابھی بہت کم عمر ہیں، اور ہم میں سے وہ جنھوں نے 30 ماہ تک جنگ کا سامنا کیا، وہ ان لوگوں سے اسی زبان میں بات کریں گے جو یہ سمجھتے ہیں۔

    غیر ملکی میڈیا کا کہنا ہے کہ بوحاری کا یہ ٹوئٹ ملک کے جنوب مشرقی علاقوں میں آتش زدگی اور حملوں کا رد عمل ظاہر ہوتا ہے، تاہم ابھی تک کسی بھی گروپ نے ان حملوں کی ذمہ داری قبول نہیں کی ہے۔

    سوشل میڈیا کمپنی نے کہا کہ بوحاری کا ٹوئٹ ناروا سلوک والی پالیسی کی خلاف ورزی پر مبنی تھا، جس کی وجہ سے صدر کا اکاؤنٹ بھی 12 گھنٹوں کے لیے معطل کیا گیا۔

    بوحاری کے ڈیلیٹ کیے گئے ٹوئٹ میں 1967-1970 کے دوران کے نائجیریائی خانہ جنگی کا بھی ذکر کیا گیا تھا، واضح رہے کہ اس عرصے کے دوران ملک کے فوجیوں نے خود ساختہ جمہوریہ بیافرا کو ہرایا تھا، جس نے نائجیریا کے جنوب مشرقی حصے پر قبضہ کر رکھا تھا۔

  • بوکوحرام کوشکست دے کررہیں گے، نائجیرین صدر

    بوکوحرام کوشکست دے کررہیں گے، نائجیرین صدر

    ابوجا: نائجیریا کے نومنتخب صدرمحمدو بوہاری کا کہنا ہے کہ شدت پسند تنظیم بوکوحرام کوشکست دے کررہیں گے۔

    نائجیریا کے نو منتخب صدر بوہاری نے کہا ہے کہ وہ بوکوحرام کا پیچھا کریں گےاوراسے ختم کرکے دم لیں گے۔

    انہوں نے کہا کہ ملک کے شمال مشرقی حصوں میں بوکوحرام پانچ برس سے حملے کررہی ہے اور نائجیریا کی فوج کو شکست دی ہے۔

    ان کا کہنا تھا کہ نائجیریا کی فوج جلد بوکوحرام کے خلاف بڑا آپریشن شروع کرے گی اور ملک کے شمال مشرقی حصوں میں موجود نائجراورچاڈ کی فوج کو واپس بھیج دیں گے۔