اسلام آباد : وفاقی وزیر اسد عمر نے محرم ضابطہ اخلاق اور گائیڈلائنز پر عمل نہ کرنے پر کورونا کیسز بڑھنے کا خدشہ ظاہر کردیا ہے اور کہا گائیڈ لائنز انتہائی اہمیت کے حامل ہیں۔
تفصیلات کے مطابق وفاقی وزیراسد عمر کی زیرصدارت نیشنل کمانڈاینڈآپریشن سینٹرکااجلاس ہوا، جس میں وفاقی وزرانورالحق قادری،اعجازشاہ نے شرکت کی جبکہ آزادکشمیر،جی بی سمیت صوبائی حکام ویڈیولنک کے ذریعے اجلاس میں شریک ہوئے۔
اجلاس میں محرم الحرام میں کوروناسےبچاؤکےحفاظتی اقدامات پرغور کیا گیا، وفاقی وزیر اسد عمر نے کہا ہے کہ محرم کے ضابطہ اخلاق، گائیڈ لائنز انتہائی اہمیت کے حامل ہیں، محرم ضابطہ اخلاق اور گائیڈلائنز پر عمل نہ کرنے پر کورونا کیسز بڑھنے کا خدشہ ہے۔
اسد عمر کا کہنا تھا کہ مختلف شعبہ جات سےمنسلک افرادکی ٹیسٹنگ وٹریکنگ کی ضرورت ہے۔
گذشتہ روز اے آر وائی نیوز کے پروگرام ‘سوال یہ ہے’ میں گفتگو کرتے ہوئے اسد عمر نے کہاتھا کہ پاکستانی لوگ یہ نہ سمجھیں کوروناختم ہوگیا ہے، احتیاط لازمی کریں، کورونا کے پھیلاؤ میں دوبارہ اضافہ ہوسکتا ہے ابھی خطرہ ٹلا نہیں ہے۔
اسد عمر کا کہنا تھا کہ مسجدوں میں نماز اور تراویح کی اجازت دی تھی جواچھاتجربہ رہا، بازاروں کےمقابلےمیں مساجدمیں زیادہ ایس اوپیزکاخیال رکھا گیا، اب محرم الحرام میں بھی ایس اوپیز بنائیں گے، عاشورہ کے بعد کورونا کے نمبرز دیکھے جائیں گے پھر کوئی فیصلہ ہوگا۔
ترکیب
