کراچی : محرم الحرام کی سیکیورٹی کے حوالے سے کراچی سمیت سندھ اور پشاور میں پلان ترتیب دے دیا گیا، پشاور میں پہلی بار پہلی بارجلوس کی سیکیورٹی کیلئے آن لائن نقشے تیار کیے گئے ہیں.
محکمہ داخلہ سندھ نے محرم الحرام کی آمد کے سلسلے میں سیکیورٹی اور فوج کی تعیناتی کے حوالے سے وفاق کو خط لکھ دیا، خط میں درخواست کی گئی ہے کہ کراچی سمیت سندھ کے چھ اضلاع میں آٹھ ، نو اور دس محرم کیلئے فوج کو اسٹینڈبائی رکھا جائے۔
پشاور میں پہلی بارجلوس کی سیکیورٹی کیلئے آن لائن نقشےتیارکیے گئے ہیں ،محرم جلوسوں کے روٹس کی تصاویر اے آروائی نیوز نے حاصل کرلی ہے، روٹس پر قائم امام بارگاہوں کے قریب ہنگامی ڈیسک بھی قائم کئے گئے ہیں۔
ڈیجیٹل نقشےمیں بتیس جلوس کو انتہائی حساس قرار دیا گیا ہے، روٹس کے گرافکس سیکیورٹی اداروں کو ارسال کردیئے گئے ہیں، ایک سو اکیس ماتمی جلوس کیلئے سات ہزار سے زائد اہلکار تعینات ہونگے.
ایس ایس پی آپریشن کا کہنا ہے کہ جلوسوں کے راستوں پر جیمرز نصب کیے جانے کے ساتھ فضائی نگرانی بھی کی جائے گی.
